balijatra field

  • ବାଲିଯାତ୍ରା ପଡିଆ ପାଲଟିଛି ଅସାମାଜିକ ତତ୍ତ୍ବଙ୍କ ପେଣ୍ଠ

    କଟକ: ବାହାଘର ପରେ ବେଦୀ ମୁଁହ ପୋଡା ଭଳି ବାଲିଯାତ୍ରା ପରେ ବାଲିଯାତ୍ରା ପଡିଆ ହୋଇଛି ଅଣଦେଖା । କୁଢ଼ କୁଢ଼ ଅଳିଆର ବିକଳ ଚିତ୍ର । ବିଶେଷ କରି ବାଲିଯାତ୍ରା ମୁଖ୍ୟ ଆକର୍ଷଣ ପାଲଟି ଥିବା କଟକ ଇନ କଟକ ହୋଇଛି ଶ୍ରୀହୀନ । କଟକ ଇନ କଟକରେ ବଢ଼ିଲାଣି ଅରାଜକତା ।  ବିରୋଧୀ ଦଳ ତୁରନ୍ତ ଏହାକୁ ପର୍ଯ୍ୟଟନ ସ୍ଥଳର ମାନ୍ୟତା ଦେଇ ରକ୍ଷଣାବେକ୍ଷଣ କରିବାକୁ ଦାବି କରିଥିବା ବେଳେ ଖୁବଶୀଘ୍ର ରକ୍ଷଣାବେକ୍ଷଣ ହେବ ବୋଲି କହିଛନ୍ତି ମେୟର।

    ବାଲିଯାତ୍ରାରେ ଆକର୍ଷଣର କେନ୍ଦ୍ର ବିନ୍ଦୁ ଥିଲା କଟକ ଇନ କଟକ । ସିଏମସି ତରଫରୁ ଏହି ଗଛଭରା ସ୍ଥାନଟିକୁ ଏକ ନବବଧୂ ପରି ସଜେଇ ଲୋକଙ୍କ ଠାରୁ ସାଉଁଟିଥିଲେ ଅଜସ୍ର ବାଃ ବାଃ । ମାତ୍ର ଏବେ ସେ ନବବଧୂ କଟକ ଇନ କଟକ ଏବେ ଅଳିଆ ଗଦାର ଘର ପାଲଟିଛି । ସଞ୍ଜ ନଇଁଲେ ଜମୁଛି ମଦ୍ୟପ ଆଉ ଅସମାଜିକଙ୍କ ଆଡ୍ଡା  । କୋଟି କୋଟି ଟଙ୍କା ବ୍ୟୟରେ ହୋଇଥିବା ବିଭିନ୍ନ କାରୁକାର୍ଯ୍ୟ ଏବେ ନଷ୍ଟ ହେଉଛି । ଆଲୋକମାଳାରେ ସୁସଜ୍ଜିତ ହୋଇଥିବା ଏ ସୁନ୍ଦର ସ୍ଥାନ ଏବେ ଘମାଘୋଟ ଅନ୍ଧାର ଭିତରେ ନିଜ ପୂର୍ବ ସ୍ଥିତି ଖୋଜୁଛି । ଏହି ସ୍ଥାନ ଟିକୁ ରକ୍ଷଣାବେକ୍ଷଣ କରି ବନଭୋଜିସ୍ଥଳ କଲେ ସାଧାରଣ ଜନତା ଆକର୍ଷିତ ହୋଇପାରନ୍ତେ ବୋଲି କହିଛନ୍ତି ସ୍ଥାନୀୟ ଅଧିବାସୀ ।ମହାନଗର ନିଗମ ତରଫରୁ ବହୁ ଅର୍ଥ ବ୍ୟୟରେ  ନିର୍ମାଣ ହୋଇଥିବା ଏହି ଆମୋଦ ସ୍ଥଳିଟିର ରକ୍ଷଣାବେକ୍ଷଣ ପାଇଁ ଦାବି କରିଛି ବିରୋଧୀ ଦଳ ।  ଏନେଇ ସିଏମସି ସାଧାରଣ ଅଧିବେଶନ ରେ ପ୍ରଶ୍ନ ଉଠାଇବା ସହିତ ଏଥିନେଇ ଜନଆନ୍ଦୋଳନ କରାଯିବ  ବୋଲି କହିଛନ୍ତି ସିଏମସି କର୍ପୋରେଟର ।

    କଟକ ସହରକୁ ନୂଆ ରୂପରେଖ ଦେବାକୁ ଯୋଜନା କରୁଥିବା ପ୍ରଶାସନ କଟକ ଇନ କଟକ ପାଇଁ ଦେଖାଇଛି ବିମୁଖତା ।କଟକ ଇନ କଟକ କୁ ଏକ ପର୍ଯ୍ୟଟନସ୍ଥଳି କରିବା ସହିତ ଅଧିକ ଆକର୍ଷଣୀୟ କରିବା ପାଇଁ ତିଆରି ହୋଇଛି ମାଷ୍ଟର ପ୍ଲାନ ।  ବିଭାଗୀୟ ଅନୁମୋଦନ ପରେ ଏହାର ଏକ ସ୍ଥାୟୀ ପ୍ରାଚୀର ନିର୍ମାଣ ସହିତ ଏହାର ରକ୍ଷଣାବେକ୍ଷଣ ର ବ୍ୟବସ୍ଥା କରାଯିବ ବୋଲି କହିଛନ୍ତି ମେୟର । ମହାନଦୀ ରେ ୱାଟର ବୋଟିଂ ର ମଜା ସହିତ  ବଣଭୋଜିର ଆନନ୍ଦ ଦେବା ପାଇଁ ସିଏମସି ତରଫରୁ ବ୍ୟବସ୍ଥା ଖୁବଶୀଘ୍ର କରାଯିବ ବୋଲି କହିଛନ୍ତି ମେୟର ସୁବାସ ସିଂ।

    ଦୀପ୍ତିରଞ୍ଜନ ଶତପଥୀଙ୍କ ରିପୋର୍ଟ

  • ୨୦ ମିନିଟ ଧରି ଆକାଶରେ କଳା କୌଶଳ

    ଭୁବନେଶ୍ବର: ଭୁବନେଶ୍ୱରରେ ସୂର୍ଯ୍ୟକିରଣ ଏୟାର ସୋର  ସରିଲା ଅଭ୍ୟାସ। ଆସନ୍ତାକାଲି ରାଜଧାନୀବାସୀ ବାୟୁସେନାର ଏୟାର ସୋ ଦେଖିବା ଆଗରୁ ଆଜି ଦେଖିଛନ୍ତି ଅଭ୍ୟାସ। ପ୍ରାୟ ୨୦ ମିନିଟ୍ ଧରି ଆକାଶମାର୍ଗରେ ଫୁଲ୍ ଡ୍ରେସ୍ ରିହଲସଲ କରିଛି ବାୟୁସେନା। ଆଉ ଏହାକୁ ଦେଖିବାକୁ କୁଆଖାଇ ନଦୀପଠା ବେଶ୍ ଲୋକାରଣ୍ୟ ହୋଇପଡ଼ିଥିଲା।

    ଆଜାଦିର ଅମୃତ ମହୋତ୍ସବ ଅବସରରେ ଭୁବନେଶ୍ୱରରେ ହେବାକୁ ଯାଉଛି ବାୟୁସେନାର ସୂର୍ଯ୍ୟକିରଣ ଏୟାର ସୋ। କୁଆଖାଇ ନଦୀପଠା ବାଲିଯାତ୍ରା ପଡ଼ିଆରେ ଶୁକ୍ରବାର ଏହାକୁ ଉପଭୋଗ କରିବେ ରାଜଧାନୀ ବାସିନ୍ଦା। କିନ୍ତୁ ତା ଆଗରୁ ଆଜି ଫୁଲ୍ ଡ୍ରେସ ରିହଲସଲ ଦେଖି ବେଶ୍ ଆନନ୍ଦ ଉଠାଇଛନ୍ତି ଲୋକେ। ବାୟୁସେନାର ୯ଟି ହକ୍ ବିମାନ ଆକାଶମାର୍ଗରେ ନିଜର ସାହସିକତା ଦେଖାଇଛି। ୨୦ ମିନିଟ୍ ଧରି କଳାକୌଶଳ ଦେଖାଯାଇଛି। ଏହାକୁ ଦେଖିବାକୁ ନାହିଁ ନଥିବା ଭିଡ଼ ପରିଲକ୍ଷିତ ହୋଇଥିଲା ନଦୀପଠାରେ। ସେଥିଲାଗି କମିଶନରେଟ ପୁଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଥିଲା। ସୁରକ୍ଷା ଦୃଷ୍ଟିରୁ ୨୦ ପ୍ଲାଟୁନ୍ ଫୋର୍ସ ମୁତୟନ ସହ ଶହେ ଜଣ ବରିଷ୍ଠ ଅଧିକାରୀଙ୍କୁ ଦାୟିତ୍ୱ ବଣ୍ଟନ କରାଯାଇଛି।

    ସେପଟେ ଶୁକ୍ରବାର ବାୟୁସେନାର ସୂର୍ଯ୍ୟକିରଣ ସୋ ସକାଳ ୧୦ଟା ୧୬ରୁ ଦେଖିବାକୁ ପାଇବେ ରାଜଧାନୀ ବାସିନ୍ଦା। କେବଳ ରାଜଧାନୀ କାହିଁକି, ଆଖପାଖ ଜିଲ୍ଲାରୁ ବି ଲୋକେ ଛୁଟି ଆସିବେ ଏହାକୁ ଉପଭୋଗ କରିବାକୁ। ଟ୍ରାଫିକ ସମସ୍ୟା ନ ଉପୁଜିବା ଲାଗି ବିଭିନ୍ନ ସ୍ଥାନରେ ବ୍ୟାପକ ପୁଲିସ ମୁତୟନ କରାଯାଇଛି। ଲୋକେ ଆଜିର ଫୁଲ୍ ଡ୍ରେସ୍ ରିହଲସଲ ଦେଖି ବେଶ୍ ଉପଭୋଗ କରିଛନ୍ତି। ନିକଟରୁ ଏଭଳି ସୋ ଦେଖିବାକୁ ମଉକା ମିଳିଥିବାରୁ ଏହାକୁ ହାତଛଡ଼ା କରିବାକୁ ଚାହିଁନାହାନ୍ତି।

    ପ୍ରଥମ ପର୍ଯ୍ୟାୟରେ ୯ଟି ବିମାନ ଏକା ସାଙ୍ଗରେ ଉଡ଼ିଥିଲା। ଦ୍ୱିତୀୟ ପର୍ଯ୍ୟାୟରେ ଦୁଇଟି ଲେଖାଏଁ ବିମାନ ୧୬ଶହ କିଲୋମିଟର ପ୍ରତି ଘଣ୍ଟା ବେଗରେ ୨ଶହରୁ ୩ଶହ ଫୁଟ୍ ଉଚ୍ଚରେ ସୋ ଦେଖାଇଛନ୍ତି।

    ନବକିଶୋର ସାହୁଙ୍କ ରିପୋର୍ଟ

Back to top button