CONGRESS

  • ଇଡିରେ ହାଜର ହେଲେ ସୋନିଆ

    ନୂଆଦିଲ୍ଲୀ: କଂଗ୍ରେସର ଅନ୍ତରୀଣ ସଭାପତି ସୋନିଆ ଗାନ୍ଧୀ ଆଜି ନାସନାଲ ହେରାଲ ମାମଲାରେ ଇଡିରେ ହାଜର ହୋଇଛନ୍ତି। ମଧ୍ୟାହ୍ନ ପ୍ରାୟ ୧୨ଟାରେ ଇଡି ଅଫିସରେ ସୋନିଆ  ଝିଅ ପ୍ରିୟଙ୍କା ସହ ସହ ପହଞ୍ଚିଛନ୍ତି। ସେପଟେ ଇଡି ଦ୍ବାରା ସୋନିଆଙ୍କୁ ଜେରା କରିବାକୁ ଜୋରଦାର ବିରୋଧ କରିଛି କଂଗ୍ରେସ। ଏହାକୁ ନେଇ ସଂସଦରେ କଂଗ୍ରେସ ଗାନ୍ଧୀ ମୂର୍ତ୍ତି ନିକଟରେ ଧାରଣା ଦେଇଛି।  ସେପଟେ କଂଗ୍ରେସ ନେତାମାନେ ଶାନ୍ତିପୂର୍ଣ୍ଣ ଭାବେ ଇଡିର ଜେରାକୁ ବିରୋଧ କରାଯାଇଥିବା କହିଛନ୍ତି କଂଗ୍ରେସ ସାଂସଦ ଦୀପେନ୍ଦ୍ର ଏସ ହୁଡା। ରାଜସ୍ଥାନ ସିଏମ ଅଶୋକ ଗେହଲଟ କହିଛନ୍ତି, ସୋନିଆଙ୍କ ପରି  ଜଣେ ବ୍ୟକ୍ତିତ୍ବ, ଯାହାଙ୍କୁ ବର୍ତ୍ତମାନ ୭୦ ବର୍ଷ ହେଲାଣି ତାଙ୍କୁ ତାଙ୍କ ଘରେ ଜେରା ପରିବର୍ତ୍ତେ ଇଡି ଅଫିସକୁ ଡକାଯାଇଛି। ଏହାକୁ ନେଇ ମୁଁ ଇଡି ଓ ସିବିଆଇ ମୁଖ୍ୟଙ୍କୁ ଦେଖା କରିବି ଓ କହିବି ଲୋକେ ଜାତୀୟ ଯାଞ୍ଚ ଏଜେନ୍ସିକୁ ନେଇ କଣ ଚିନ୍ତା କରୁଛନ୍ତି।

  • ସାଂସଦ ମାନେ ପ୍ଲାକାର୍ଡ, ପାମ୍ଫଲେଟ ଓ ପୋଷ୍ଟର ଧରି ଯାଇପାରିବେ ନାହିଁ

    ଜୁଲାଇ ୧୮ ତାରିଖରୁ ଆରମ୍ଭ ହେଉଚି ସଂସଦର ମୌସୁମି ଅଧିବେଶନ । ଏହା ପୁର୍ବରୁ ଉଭୟ ଗୃହର ସଂସଦମାନଙ୍କ ପାଇଁ କଡା କଟକଣା ଜାରି କରାଯାଇଛି । ପ୍ରଥମେ କିଛି ଶଦ୍ଦକୁ ନେଇ କଟକଣା ଜାରି କରାଯାଇଥିଲା । ଏହା ପରେ ସଂସଦ ଭବନରେ ଅନଶନ ଧର୍ମଘଟ କୌଣସି ପ୍ରକାର ଆନ୍ଦୋଳନ ଉପରେ ରୋକ ଲଗାଯାଇଛି । ଲୋକସଭା ପରିସରକୁ ସାଂସଦ ମାନେ ପ୍ଲାକାର୍ଡ, ପାମ୍ଫଲେଟ କିମ୍ଭା ପୋଷ୍ଟର ଧରି ଯାଇପାରିବେ ନାହିଁ ବୋଲି କଟକଣା ଲଗାଯାଇଛି । ଲୋକସଭା ସଚିବାଳୟ ପକ୍ଷରୂ ଜାରି କରାଯାଇଥିବା ନିର୍ଦ୍ଦେଶନାମା ମୁତାବକ ମୌସୁମୀ ଅଧିବେଶନବେଳେ ପୋଷ୍ଚର ପ୍ଲାକାର୍ଡ ବାଣ୍ଠିବା ଉପରେ ରୋକ ଲଗାଯାଇଛି । ଅନୁମାନ କରାଯାଉଛି କି ସଂସଦ ପିରସରରେ ଅନଶନ ଉୁପରେ କଟକଣା ଲାଗିବା ପରେ ବିରୋଧୀ ମାନେ ହଙ୍ଗାମା କରିପାରନ୍ତି । ଏହାକୁ ନଜରରେ ରଖି ଲୋକସଭା ସତଚିବାଳୟ ପକ୍ଷରୁ ଏହି ନିଷ୍ପତ୍ତି ନିଆଯାଇଛି ।ଏଭଳି ନିଷ୍ପତ୍ତିକୁ ନେଇ ବିରୋଧୀଦଳ ମାନେ ସରକାରଙ୍କୁ ଘେରିଛନ୍ତି । ସିପିଆଇଏମ ମହାସଚିବ ସୀତାରମ ୟେଚୁରୀ ଏହା ଉପରେ କଡା ପ୍ରତିକ୍ରୀୟା ରଖିଛନ୍ତି । ସେ ଟୁଇଟ କରି କହିଛନ୍ତି କି ଦେଶରେ କି ତମାଶା ଚାଲିଛି । ସେ କହିଛନ୍ତି କି ଭାରତର ଆତ୍ମା ଓ ଲୋକତନ୍ତ୍ରର ଗଳା ଚାପିବାକୁ ଚାହୁଁଥିବା ଲୋକମାନେ ସଫଳ ହେବେ ନାହିଁ ।

    • ସ୍ମରିଜିତ୍ ଆର୍ଯ୍ୟଙ୍କ ରିପୋର୍ଟ
  • ଗୋଆ କଂଗ୍ରେସରେ ହଲଚଲ: ମୁକୁଲ ବାସାନିକ ଗଲେ ଗୋଆ

    ପାନାଜୀ: ଗୋଆ କଂଗ୍ରେସରେ ବିଦ୍ରୋହ। ଗୋଆ କଂଗ୍ରେସର ୧୧ ବିଧାୟକଙ୍କ ମଧ୍ୟରୁ ୬ ବିଜେପିରେ ସାମିଲ ହେବା ଚର୍ଚ୍ଚା ଭିତରେ କଂଗ୍ରେସ ଆକ୍ସନ ମୋଡକୁ ଆସିଛି। କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ତାଜା ସ୍ଥିତି ଉପରେ ନଜର ରଖିବା ପାଇଁ ପାର୍ଟିର ବରିଷ୍ଠ ନେତା ମୁକୁଲ ବାସାନିକଙ୍କୁ ଗୋଆ ପଠାଇଛନ୍ତି। ପାର୍ଟିର ଦୁଇ ଜଣ ବିଧାୟକ ମାଇକେଲ ଲୋବୋ ଏବଂ ପୂର୍ବତନ ମୁଖ୍ୟମନ୍ତ୍ରୀ ଦିଗମ୍ବର କାମାତ କ୍ଷମତାସୀନ ବିଜେପି ସହ ମିଶି ଦଳ ବିରୋଧରେ ଷଡଯନ୍ତ୍ର ରଚୁଥିବା  କଂଗ୍ରେସ ଅଭିଯୋଗ ଆଣିଛି। ତେଣୁ ବିରୋଧୀ ଦଳ ନେତା ତଥା କଂଗ୍ରେସ ବିଧାୟକ ମାଇଲେକ ଲୋବୋଙ୍କୁ ପାର୍ଟିରୁ ବହିଷ୍କାର କରାଯାଇଛି। ଆଜିଠାରୁ ଗୋଆରେ ବିଧାନସଭା ଅଧିବେଶନ ଆରମ୍ଭ ହେଉଛି ।

    ଏହା ପୂର୍ବରୁ କଂଗ୍ରେସର ୬ ବିଧାୟକଙ୍କ ସହ ଯୋଗାଯୋଗ ହୋଇ ନ ପାରିବାରୁ ବିଧାନସଭା ବିରୋଧୀ ଦଳ ନେତା ପଦରୁ  ପାର୍ଟି ଲୋବୋଙ୍କୁ ହଟାଇ ଦେଇଛି। ଗୋଆରେ ମୋଟ ୪୦ବିଧାନସଭା ଆସନ ରହିଛି। ସେଥିମଧ୍ୟରୁ କଂଗ୍ରେସର ରହିଛନ୍ତି ୧୧ ବିଧାୟକ। ବିରୋଧୀ ଦଳ ନେତା ମାଇକେଲ ଲୋବୋଙ୍କ ସମେତ ୬ଜଣ ବିଜେପିରେ ସାମିଲ୍‌ ହେବା ନେଇ ଚର୍ଚ୍ଚା ହେଉଛି। ଗୋଆରେ ବିଜେପିର ୨୦ଜଣ ବିଧାୟକ ଥିବା ବେଳେ ଏଠାରେ ସରକାରଙ୍କୁ ଏମଜିପିର ୨ଜଣ ବିଧାୟକ ଓ ୩ଜଣ ସ୍ବାଧୀନ ବିଧାୟକ ସମର୍ଥନ ଦେଉଛନ୍ତି

  • କଂଗ୍ରେସକୁ ଶକ୍ତ ଧକ୍କା

    ପାନାଜି: କଂଗ୍ରେସ ମୁକ୍ତ ଭାରତ ଗଠନ କରିବା ପାଇଁ ବିଜେପି ଏକ ପ୍ରକାର ଶପଥ ନେଇଛି । ଏହି ପରିପ୍ରେକ୍ଷୀରେ ଆରମ୍ଭ ହୋଇଛି ଅପରେସନ କ୍ଲିନ । ମହାରାଷ୍ଟ୍ର ପରେ ଏବେ ଗୋଆରେ ଦେଖା ଦେଇପାରେ ଦଳବଦଳ ନାଟକ । ଗୋଆରେ ରାଜ୍ୟ କଂଗ୍ରେସକୁ ଲାଗି ପାରେ ଶକ୍ତ ଧକ୍କା । ଦଳର ୧୧ ବିଧାୟକଙ୍କ ମଧ୍ୟରୁ ୯ ବିଧାୟକ ବିଜେପିରେ ଯୋଗ ଦେଇପାରନ୍ତି । ଏ ନେଇ ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇସାରିଛି ।

    ଏହି ଘଟଣା ସମ୍ପର୍କରେ ସୁରାକ ମିଳିବା ପରେ ଗୋଆ ବ୍ୟାପରରେ ଥିବା କଂଗ୍ରେସ ନେତା ଦିନେଶ ଗୁଣ୍ଡାରାଓ ପାନାଜୀ ଯାଇଛନ୍ତି । ଦଳରେ କୌଣସି ପ୍ରକାର ଫାଟ ନାହିଁ ବୋଲି କହିଛନ୍ତି ଗୁଣ୍ଡାରାଓ । ତେବେ ଆସନ୍ତାକାଲି ଗୋଆରେ ବିଧାନସଭା ଆରମ୍ଭ ହେବାକୁ ଯାଉଥିବା ବେଳେ କଂଗ୍ରେସର ଏହି ହଟଚମଟ ସୃଷ୍ଟି କଲା ଭଳି ଖବରକୁ ନେଇ ଗୋଆ ରାଜନୀତି ଚଳଚଞ୍ଚଳ ହୋଇଉଠିଛି । ୪୦ ଆସନ ବିଶିଷ୍ଠ ଗୋଆ ବିଧାନସଭାରେ ବିଜେପିର ୨୦ ସହଯୋଗୀ ଏମଜିପିର ୨, କଂଗ୍ରେସର ୧୧, ଜିଏଫପିର ଜଣେ, ଆପ୍‌ର ୨ ଓ ଆରଜିପିର ଜଣେ ବିଧାୟକ ଅଛନ୍ତି । ବର୍ତ୍ତମାନ ସମସ୍ତଙ୍କ ନଜର ରହିଛି ଗୋଆ ଉପରେ । ମହାରାଷ୍ଟ୍ରରେ ସଫଳ ହେବା ପରେ ଗୋଆ ଉପରେ ପୁନର୍ବାର ପରୀକ୍ଷା କରୁଛି ବିଜେପି । ଯଦି ଗୋଆରେ ଅପରେସନ ସଫଳ ହୁଏ ତେବେ ଆଗାମୀ ଦିନରେ ପୂର୍ବ ଭାରତକୁ ଗୁରୁତ୍ବ ଦେଉଥିବା ବିଜେପି ଅନ୍ୟ କେଉଁ ରାଜ୍ୟକୁ ଟାର୍ଗେଟ କରିବ ତାହା ଉପରେ ସମସ୍ତଙ୍କ ନଜର । ୨୦୧୪ ରେ କେନ୍ଦ୍ରରେ ବିଜେପି ଶାସନ କରିବା ପରଠାରୁ ଓଡିଶାକୁ ଅନେକ ଗୁରୁତ୍ବ ଦିଆଯାଇଛି ।

    ସ୍ମରଜିତ୍ ଆର୍ଯ୍ୟଙ୍କ ରିପୋର୍ଟ

  • ମୁଖ୍ୟମନ୍ତ୍ରୀ ପଦ ପାଇଁ କର୍ଣ୍ଣାଟକ କଂଗ୍ରେସରେ ଟଣାଓଟରା

    ବେଙ୍ଗାଲୁର: କର୍ଣ୍ଣାଟକ କଂଗ୍ରେସରେ ବିବାଦ। ଆସନ୍ତା ବର୍ଷ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଥିବା ବେଳେ କଂଗ୍ରେସ ପୁଣି କ୍ଷମତାକୁ ଆସିବାକୁ ଆଶାବାଦୀ। ହେଲେ  ମୁଖ୍ୟମନ୍ତ୍ରୀ ପଦ ପାଇଁ ବରିଷ୍ଠଙ୍କ ମଧ୍ୟରେ ଚାଲିଛି ଟଣା ଓଟରା। ଅନେକ ନିଜକୁ ମୁଖ୍ୟମନ୍ତ୍ରୀ ପଦର ଦାବିଦାର ଭାବେ ଉପସ୍ଥାପନ କରୁଥିବା ବେଳେ ଦଳୀୟ କର୍ମକର୍ତ୍ତାଙ୍କ ମଧ୍ୟରେ ଦେଖାଦେଉଛି ଦ୍ୱନ୍ଦ୍ୱ। 

    ତେବେ ଅନେକଙ୍କ ମଧ୍ୟରେ ମୁଖ୍ୟମନ୍ତ୍ରୀ ପଦ ପାଇଁ ଆଶା ଥିବାକୁ ନେଇ ସେତେବେଳେ ଚର୍ଚ୍ଚା ହୋଇଛି, ଯେତେବେଳେ ଜଣେ ବରିଷ୍ଠ କଂଗ୍ରେସ ନେତା ମଙ୍ଗଳବାର କହିଲେ, ଦଳ ଆଗାମୀ ବିଧାନସଭା ନିର୍ବାଚନରେ ସଫଳତା ହାସଲ କରିବାକୁ ଜଣେ ଡ୍ୟାମେଜ କଣ୍ଟ୍ରୋଲ ଆଡୋଲୋଜିଙ୍କ ଆବଶ୍ୟକତା ରହିଛି। ସେ ଆହୁରି କହିଥିଲେ, କର୍ଣ୍ଣାଟକ କଂଗ୍ରେସରେ ବହୁ ମୁହଁ ରହିଛି, ଯେଉଁମାନେ ମୁଖ୍ୟମନ୍ତ୍ରୀ ପଦ ପାଇଁ ଦାବିଦାର ରହିଛନ୍ତି। ମୁଖ୍ୟତଃ ଦୁଇଟି ପ୍ରସଙ୍ଗକୁ ନେଇ ରାଜ୍ୟ କଂଗ୍ରେସର କର୍ମକର୍ତ୍ତାଙ୍କ ମଧ୍ୟରେ ଦେଖାଦେଇଛି ଦ୍ୱନ୍ଦ୍ୱ।

    ସେହି ବରିଷ୍ଠ ନେତା ଏହା ପରେ କହିଛନ୍ତି, ପୂରା ଗୋଟିଏ ଟର୍ମ ପୂରା କରିବାକୁ କ୍ଷମତା ରଖିଥିବା  ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୟା କେବଳ ନୁହଁନ୍ତି, ଏହି ଦୌଡରେ ତିହାର ଜେଲରୁ ଫେରିବା ପରେ ଡିକେ ଶିବକୁମାର ଯିଏ କଂଗ୍ରେସ ରାଜ୍ୟ ସଭାପତି ଭାବେ କାର୍ଯ୍ୟ କରୁଛନ୍ତି ରହିଛନ୍ତି। ଏହା ବ୍ୟତୀତ ଅନେକ ନେତାଙ୍କ ନାମକୁ ନେଇ ଚର୍ଚ୍ଚା ହେଉଛି।

    ତେବେ ବହୁବାର ଉଭୟ ସିଦ୍ଧରମେୟା ଓ ଶିବକୁମାର ସ୍ପଷ୍ଟି କରର ଦେଇଛନ୍ତି କି ସେମାନଙ୍କ ମଧ୍ୟରେ କୌଣସି ସନ୍ଦେହ ନାହିଁ। ତେବେ ବିଧାୟକ ଜମିର ଅହମଦ ଖାନ ଓ କେ ରାଘବେନ୍ଦ୍ର ହିଟନାଲ ଓ ଅନ୍ୟମାନଙ୍କର ସିଦ୍ଧରମେୟାଙ୍କୁ ମୁଖ୍ୟମନ୍ତ୍ରୀ କରିବାକୁ ସମର୍ଥନ ରହିଛି। ଶିବକୁମାର ପୂର୍ବରୁ କହିଛନ୍ତି, ଜଣେ ବ୍ୟକ୍ତିଙ୍କ ତୁଳନାରେ ପାର୍ଟିର ଗୁରୁତ୍ବ ତାଙ୍କ ପାଇଁ ଅଧିକ।

    ବରିଷ୍ଠ ନେତାଙ୍କ ଅନୁଯାୟୀ, ବରିଷ୍ଠ ଦଳିତ ନେତା ଡ ଜି ପରମେଶ୍ବର ଯିଏ ୮ ବର୍ଷଧରି କର୍ଣ୍ଣାଟକକୁ ସଫଳତାକୁ ଆଗେଇ ନେଇଛନ୍ତି, ଏଚ କେ ପାଟି, ବର୍ତ୍ତମାନର ଜାତୀୟ ସାଧାରଣ ସମ୍ପାଦକ ଓ ମହାରାଷ୍ଟ୍ର ଇନଚାର୍ଯ୍ୟ ମଧ୍ୟ ମୁଖ୍ୟମନ୍ତ୍ରୀ ପଦ ପାଇଁ ହକଦାର ରହିଛନ୍ତି। ତେବେ ଆଗାମୀ ନିର୍ବାଚନରେ ରାଜ୍ୟରେ କଂଗ୍ରେସ ୧୩୦ରୁ ଅଧିକ ସିଟ ହାସଲ କରିବାର ଲକ୍ଷ୍ୟ ରଖିଛି। ହେଲେ ହରିଆଣା କଂଗ୍ରେସରେ ଅଶୋକ ଗେହଲଟ ଓ ସଚିନ ପାଇଲଟଙ୍କ ମଧ୍ୟରେ ଦେଖାଦେଇଥିବା ବିବାଦରୁ ରାଜ୍ୟ କଂଗ୍ରେସକୁ ଶିକ୍ଷା ନେବାର ଅଛି, ଯେମିତି କର୍ଣ୍ଣାଟକରେ ସେପରି କୌଣସି ହାଇଡ୍ରାମା ହେବ ନାହିଁ।

  • ଓଡିଶା କଂଗ୍ରେସ ପାଇଁ କାହିଁକି ଦାଉ ସାଧୁଛି ସେକେଣ୍ଡ ଇନିଂସ?

    ଟପ୍‌ରେ ପ୍ରଥମ ପାଳି । କିନ୍ତୁ ଦ୍ୱିତୀୟ ପାଳିରେ ଶୂନ୍‌ । ଏହା କ୍ରିକେଟ ସ୍କୋର ନୁହେଁ ଏହା ହେଉଛି ପିସିସି ସଭାପତିଙ୍କ ସ୍କୋର । ଦ୍ୱିତୀୟ ଥର ପିସିସି ମଙ୍ଗୁଆଳ ପଦ ଭାର ନେଉଥିବା ନେତାଙ୍କ ପାଇଁ ଏହା ଆଶୀର୍ବାଦ ନାଁ ଅଭିଶାପ। ଏହା ପଛରେ କଅଣ ରହିଛି କାରଣ। ଦେଖନ୍ତୁ ସେକେଣ୍ଡ ଇନିଂସରେ ସ୍କୋରକୁ ନେଇ କାହିଁକି ସ୍କାନରରେ ପିସିସି ମଙ୍ଗୁଆଳ ଏହି ରିପୋର୍ଟରେ।


    ପ୍ରଥମ ପାଳିରେ ହିରୋ। କିନ୍ତୁ କଅଣ ହେଉଛି କେଜାଣି, ଦ୍ୱିତୀୟ ପାଳି ବେଳକୁ ନା ରହୁଛି ସେ ଜୋସ୍ ନା ରହୁଛି ସେ ନମ୍ୱରର କରିସ୍ମା। କାହିଁକି ଦାଉ ସାଧୁଛି ସେକେଣ୍ଡ ଇନିଂସ। ରାଜ୍ୟ କଂଗ୍ରେସର ମଙ୍ଗୁଆଳ ଆସନର ଇତିହାସକୁ ଦେଖିଲେ ଦ୍ୱିତୀୟ ଥର ସଭାପତି ହେବାରେ ଶରତ ପଟ୍ଟନାୟକ ହେଉଛନ୍ତି ଚତୁର୍ଥ ବ୍ୟକ୍ତି। ଜାନକୀ ବଲ୍ଲଭ ପଟ୍ଟନାୟକ, ନିରଞ୍ଜନ ପଟ୍ଟନାୟକ, ଜୟଦେବ ଜେନାଙ୍କ ପରେ ଶରତ ଆରମ୍ଭ କରିଛନ୍ତି ନିଜର ସେକେଣ୍ଡ ଇନିଂସ। ତେବେ ଏ ସବୁ ସଭାପତିଙ୍କ ପ୍ରଥମ ପାଳି ଯେମିତି ଚମକଦାର ଥିଲା। କିନ୍ତୁ ଦ୍ୱିତୀୟ ପାଳି ବେଳକୁ ସେ ଚମକ ରହିଲାନି।

    ପୂର୍ବରୁ ଜାନକୀ ବଲ୍ଲଭ ପଟ୍ଟନାୟକ ୧୯୯୫ରେ ପିସିସି ସଭାପତି ଦାୟିତ୍ୱ ନେବା ସମୟରେ କଂଗ୍ରେସ କ୍ଷମତାକୁ ଆସିଥିଲା। ବ୍ୟାକଡୋର୍ ଏଣ୍ଟ୍ରି କରି ମୁଖ୍ୟମନ୍ତ୍ରୀ ବି ହୋଇଥିଲେ ଜାନକୀ। ୨୦୦୧ ରେ ଶରତ ପଟ୍ଟନାୟକ ସଭାପତି ହେଲେ । ପରିସ୍ଥିତି ଏପରି ହେଲା ଶରତଙ୍କ ପାଇଁ ଘରୁ ବାହାରିବା ମୁସ୍କିଲ ହୋଇଗଲା । ଖାଲି ବିରୋଧ ନୁହେଁ ଉପକୂଳ ଅଞ୍ଚଳରେ ଟମାଟ ଅଣ୍ଡା ମାଡ଼ ମଧ୍ୟ୍ୟ ହେଲା । ଏହି ଅଣ୍ଡା ମାଡ ଥିଓରି ର ମାଷ୍ଟର ମାଇଣ୍ଡ ଥିଲେ କୁଆଡ଼େ ଲୁଲୁ ମହାପାତ୍ର ।

    ୨୦୦୪ ନିର୍ବାଚନର ମାତ୍ର କେଇ ମାସ ଆଗରୁ ଶରତ ପଟ୍ଟନାୟକଙ୍କୁ ପିସିସି ରୁ ହଟାଇ ଦାୟିତ୍ୱ ନେଇଥିଲେ ସତ ଜାନକୀ। କିନ୍ତୁ ସଫଳ ହେଲେନି। ଦଳ ତ ହାରିଲା ନିଜେ ମଧ୍ୟ୍ୟ ଆଠଗଡ ଆସନରୁ ଶୋଚନୀୟ ଭାବରେ ପରାଜିତ ହେଲେ। ନିର୍ବାଚନ ର ବିଫଳଥା ପାଇଁ ଜାନାକୀ ବଲ୍ଲଭ ପଟ୍ଟନାୟକଙ୍କୁ ଗାଦିଚ୍ୟୁତ କରି ଜୟଦେବ ଜେନା ପିସିସି ମଙ୍ଗ ଧରିଲେ । ତାଙ୍କ ସମୟରେ କଳିଙ୍ଗନଗର ଗୁଳିକାଣ୍ଡ ହେଲା । ଘଟଣା ସ୍ଥଳ ପରିଦର୍ଶନ କରିବା ସହ ବିରୋଧୀ ଦଳର ଭୁମିକା ଠିକ ଭାବରେ ନିର୍ବାହ କରି ଉଭୟ ରାଜନୈତିକ ଓ ବ୍ୟବସାୟିକ ସଫଳତା ମଧ୍ୟ୍ୟ ହାସଲ କଲେ ।

    ଖାଲି ସେତିକି ନୁହେଁ ତଳସରା ଓ ଲକ୍ଷ୍ମୀପୁର ଉପ ନିର୍ବାଚନରେ ସଫଳତା କଂଗ୍ରେସ ମନରେ ନୁଆ ଆଶା ସଞ୍ଚାର କରିଥିଲା। କିନ୍ତୁ ଠିକ୍‌ ୨୦୦୯ ନିର୍ବାଚନ ପୁର୍ବରୁ ହଟିଲେ ଜୟଦେବ। ଆଉ ଆସନରେ ବସିଲେ କାମାକ୍ଷା ପ୍ରସାଦ ସିଂହଦେଓ। ଓଡିଶା କଂଗ୍ରେସ ରୁ ଶେଷ ହେଲା ଜାନକୀ ରାଜ ବୋଲି କୁହାଗଲା । କଂଗ୍ରେସ ଦଳରେ ଯିବା ଆସିବା କିଛି ନୁଆ ନୁହେଁ ।

    କାମାକ୍ଷାଙ୍କୁ ଦାୟିତ୍ୱରୁ ହଟାଇ ନିରଞ୍ଜନ ପଟ୍ଟନାୟକ ହେଲେ କଂଗ୍ରେସ ମୁଖିଆ । ସରକାର ବିରୋଧରେ ୨୦୧୨ ସେପ୍ଟେମ୍ବର ୬ ପରିବର୍ତ୍ତନ ସମାବେଶ ଓ ସେପ୍ଟେମ୍ୱର ୧୦ ଓଡିଶା ବନ୍ଦ ଡାକରା ଦେଇ ଚର୍ଚ୍ଚା କୁ ଆସିଲେ । ନବଗଠିତ ନୂଆପଡା , ଅତାବିରା, ହିନ୍ଦୋଳ ଏନଏସି ନିର୍ବାଚନରେ କଂଗ୍ରେସ ବିଜୟ ଲାଭ କରି ବିଜେଡି କୁ ଟକ୍କର ଦେଲା । କିନ୍ତୁ ୨୦୧୪ ନିର୍ବାଚନ ପୁର୍ବରୁ ନିଜେ ପରିବର୍ତ୍ତନ ହୋଇଗଲେ ନିରଞ୍ଜନ। ଦ୍ୱିତୀୟ ଥର ଆସିଲେ ଜୟଦେବ ଜେନା। ବାଣ୍ଟିଲେ ଟିକେଟ। ନାମାଙ୍କନ ଦାଖଲର ଶେଷ ଦିନ କାହାକୁ ରାସ୍ତା କଡ଼ରେ ତ ଆଉ କାହାକୁ ହୋଟେଲକୁ ଡାକି ରାତି ଅଧିଆ ଟିକେଟ ଦେଇଥିବାର ଅପବାଦ ବି ଲାଗିଲା।

    ଟିକେଟ ବିକ୍ରି ଅଭିଯୋଗର କଳଙ୍କ ଲାଗିଥିଲା ଜୟଦେବଙ୍କ ନାଁ ରେ। ।ନୁଆ ଚେହେରା ଭାବରେ ପ୍ରସାଦ ହରିଚନ୍ଦନ ୨୦୧୫ ଡିସେମ୍ୱରରେ ସଭାପତି ହେଲେ। ପାନ୍ଥନିବାସରେ ନବଚିନ୍ତନ ଶିବିର କରି ସମସ୍ତଙ୍କୁ ଯୋଡ଼ିବାର ପ୍ରୟାସ, ୨୦ ବର୍ଷ ବ୍ୟବଧାନରେ ପ୍ରଥମ କରି ବ୍ଲକ୍ କଂଗ୍ରେସ ସଭାପତି ଗଠନ ଆଦି ଅନେକ ପ୍ରୟାସ କରିଥିଲେ। କିନ୍ତୁ ପରବର୍ତ୍ତୀ ପର୍ଯ୍ୟାୟରେ ପ୍ରସାଦଙ୍କ ବିରୋଧରେ ମେଳିର ପରିଣାମସ୍ୱରୂପ ପୁଣି ଥରେ ଗାଦିକୁ ଫେରିଲେ ନିରଞ୍ଜନ ପଟ୍ଟନାୟକ। ୨୦୧୯ ନିର୍ବାଚନ ପରିଚାଳନାର ଭାର କାନ୍ଧରେ ପଡ଼ିଥିଲା।

    କଂଗ୍ରେସ ବିଧାୟକ ସଂଖ୍ୟା ନବ ଗ୍ରହ ରେ ପରିଣତ ହେଲା। ବିଧାନସଭାରେ ଦଳ ବିରୋଧୀ ଦଳ ମାନ୍ୟତା ହରାଇଦେଲା। ପଞ୍ଚାୟତ ଓ ପୌର ନିର୍ବାଚନରେ ଶୋଚନୀୟ ପରାଜୟ ନିରଞ୍ଜନଙ୍କ ଦକ୍ଷତାକୁ ଅଙ୍ଗୁଳି ଉଠାଇଥିଲା। ବ୍ରଜରାଜନଗର ଉପ-ନିର୍ବାଚନର ମାତ୍ର କେଇଟା ଦିନ ଆଗରୁ ଦାୟିତ୍ୱରୁ ଅବ୍ୟାହତି ଦେଇ ଶରତ ପଟ୍ଟନାୟକଙ୍କୁ ପୁଣି ୨୪କୁ ଲକ୍ଷ୍ୟ ରଖି ହାଇକମାଣ୍ଡ ଦାୟିତ୍ୱ ଦେଇଛନ୍ତି। ବ୍ରଜରାଜନଗରରେ ଅବଶ୍ୟ ଦଳ ହାରିଲା। କିନ୍ତୁ ବିଜେପିକୁ ତୃତୀୟ ସ୍ଥାନକୁ ଠେଲି ଦେଇଥିବାରୁ ଶରତଙ୍କ ଆଗମନ ହୁଏତ ଦଳ ଲାଗି ଶୁଭଙ୍କର ବୋଲି ଅନେକ ବିବେଚନା କରୁଛନ୍ତି। ଆଗକୁ ୨୪ ଲଢେଇ।

    ଏହାରି ଭିତରେ ନବସଂକଳ୍ପ ଶିବିର କରି ବିରୋଧୀ ଓ ବିଦ୍ରୋହୀଙ୍କୁ ଚେତାବନୀ ଦେଇସାରିଛନ୍ତି। ଜୁନ୍ ୧୦ରେ ବିଧିବଦ୍ଧ ଦାୟିତ୍ୱ ଗ୍ରହଣ ସହ ମୁଖିଆ ଭାବେ ଗୃହପ୍ରବେଶ ହେବ କଂଗ୍ରେସ ଭବନରେ। କିନ୍ତୁ ଶରତଙ୍କ ସେକେଣ୍ଡ ଇନିଂସ ସତରେ ସୁରୁଖୁରୁରେ ସମ୍ପନ୍ନ ହେବ ତ। କାରଣ ଗୋଡ଼ଟଣା ନୀତି କଂଗ୍ରେସର ପୁରୁଣା ରୋଗ। ଦେଖିବାକୁ ଗଲେ ୨୪ରେ କର ବା ମର ସ୍ଥିତି ଏବେ କଂଗ୍ରେସ ଆଗରେ। ଅନ୍ୟ ମଙ୍ଗୁଆଳଙ୍କ ଭଳି ଶରତଙ୍କ ଦ୍ୱିତୀୟ ଇନିଂସ ସମଦଶା ଭୋଗିବନି ତ। ନା ଶରତ ଏହି ଟ୍ରେଣ୍ଡକୁ ଭାଙ୍ଗି ଦଳକୁ ଆଶାତୀତ ସଫଳତା ଦେବେ, ତା ଉପରେ ସମସ୍ତଙ୍କ ନଜର।

    ଅନେକ ବାର ଅପବାଦରେ ସନ୍ତୁଳିତ ହେଉଥିଲେ ସେକେଣ୍ଡ ଇନିଂସ ଖେଳିଥିବା ପିସିସି ମଙ୍ଗୁଆଳମାନେ। କେତେବେଳେ ମ୍ୟାଚ୍ ଫିକ୍ସିଂର ଆରୋପ ତ କେତେବେଳେ ସରକାରୀ ଦଳ ସହ ସଲାସୁତୁରାର ଇମେଜ୍। ହେଲେ ଶରତଙ୍କ ସେକେଣ୍ଡ ଇନିଂସ ସ୍କାନରରେ। ଯାହାର ରେଜଲ୍ଟ ଦେଖିବ ଦଳ ୨୪ରେ। ପିସିସି ସଭାପତି ଙ୍କ କାର୍ଯ୍ୟକାଳ କୁ ଦେଖିଲେ ଦ୍ୱିତୀୟ ପାଳିରେ କୌଣସି ପିସିସି ମୁଖିଆ ସଫଳତା ପାଇନାହାଁନ୍ତି । ପରାଜୟ, ବିରୋଧ, ଅପମାନ ଓ ପ୍ରତିବାଦର ସମ୍ମୁଖୀନ ହେବା ସହ ବିବାଦୀୟ ହୋଇଛନ୍ତି । ଏବେ ଶରତ ଙ୍କ ପାଳି ।

    ଶରତ ସଫଳ ହେବେ ନା ଅନ୍ୟ ମାନଙ୍କ ଭଳି ବିବାଦରେ ଛନ୍ଦି ହେବା ସହ ଇତିହାସର ପୁନରାବୃତ୍ତି ହେବ । କଂଗ୍ରେସ ର ଦୁର୍ଦ୍ଦିନରେ ଶରତ ଙ୍କୁ ବିଧାୟକ ମାନେ ସମର୍ଥନ କରିବେ ତ । ଘରେ ନ ପଶୁଣୁ ଚାଳ ବାଜିବା ଭଳି ଅବସ୍ଥା ହେବନିତ। ସନ୍ତୁଷ୍ଟ ଅସନ୍ଥୁଷ୍ଟ ଙ୍କୁ ସାଙ୍ଗରେ ଧରି କେମତି ଚାଲିବେ ତାଙ୍କ ପାଇଁ ଯେତିକି ବଡ଼ ଚ୍ୟାଲଞ୍ଜ । ତାଙ୍କରି ଦ୍ୱିତୀୟ ପାଳିର ଅବଗଣନା ଯେବେ ଇତିହାସ କରିବ, ଆଗାମୀ ଦୁଇ ବର୍ଷର ଅଧ୍ୟାୟକୁ ଅନୁଶୀଳନ କରିବ ହିଁ କରିବ।

    • ସ୍ମରଜିତ ଆର୍ଯ୍ୟଙ୍କ ରିପୋର୍ଟ
  • ବୋଧହୁଏ ମୋ ତପସ୍ୟା ରେ କେଉଁଠି କିଛି ଭୁଲ୍ ରହିଗଲା…

    ଜୁନ୍ ୧୦ରେ ରାଜ୍ୟସଭା ନିର୍ବାଚନ। ରବିବାର ୭ଟି ରାଜ୍ୟରୁ ୧୦ଜଣ ପ୍ରାର୍ଥୀଙ୍କ ନାଁ ଘୋଷଣା କଲା କଂଗ୍ରେସ। ହେଲେ ପ୍ରାର୍ଥୀଙ୍କୁ ନେଇ ତେଜିଲାଣି ବିବାଦ ଓ ବିଦ୍ରୋହ। ତାଲିକାରେ ଅନେକ ତୁଙ୍ଗ ନେତାଙ୍କ ନାଁ ନଥିବାରୁ ଅସନ୍ତୋଷ କେବଳ କୁହୁଳିନି। ବରଂ ସିଧାସଳଖ ହାଇକମାଣ୍ଡଙ୍କୁ ପ୍ରଶ୍ନବାଣରେ ଶାଣିତ ଆକ୍ରମଣ କରିବାକୁ ପଛାଇନାହାନ୍ତି ଅନେକ ଆଶାୟୀ।

    କଂଗ୍ରେସ ମୁଖପାତ୍ର ପଓ୍ୱନ ଖେଡ଼ା ରାଜ୍ୟସଭା ପାଇଁ ଦୃଢ ଦାବିଦାର ଥିଲେ ରାଜସ୍ଥାନରୁ। କିନ୍ତୁ ତାଙ୍କୁ ଟିକଟ ଦିଆନଯିବାରୁ ସେ ଗ୍ଳାନିଭରା ସ୍ୱରରେ ଟ୍ୱିଟ୍ କରି କହିଛନ୍ତି କି, ବୋଧହୁଏ ତାଙ୍କ ତପସ୍ୟାରେ କେଉଁଠି କିଛି ଭୁଲ୍ ରହିଗଲା।

    ଅଭିନେତ୍ରୀ ତଥା କଂଗ୍ରେସ ନେତ୍ରୀ ନଗମା ବି ତୀବ୍ର ଅସନ୍ତୋଷ ଜାହିର କରିଛନ୍ତି। ରାଜ୍ୟସଭା ଟିକଟ ନ ମିଳିବାରୁ ସିଧା ସୋନିଆଙ୍କ ଉଦେଶ୍ୟରେ ଟ୍ୱିଟ୍ କରି କହିଛନ୍ତି କି, ସୋନିଆଙ୍କ ଇଛାରେ ହିଁ ସେ କଂଗ୍ରେସରେ ସାମିଲ ହୋଇଥିଲେ। ୨୦୦୩-୦୪ରେ ରାଜ୍ୟସଭା ପଠାଇବାକୁ ସୋନିଆ କଥା ଦେଇଥିଲେ। କିନ୍ତୁ ୧୮ ବର୍ଷ ବିତିଗଲା। ଦଳ କଥା ରଖିଲାନି।

Back to top button