delhi

  • ଆଉ ଜଣେ ମଙ୍କିପକ୍ସ ଚିହ୍ନଟ

    ନୂଆଦିଲ୍ଲୀ: ଦିଲ୍ଲୀରେ ଆଉ ଜଣଙ୍କଠାରେ ମଙ୍କିପକ୍ସ ଲକ୍ଷଣ ପ୍ରକାଶ ପାଇଛି । ତାଙ୍କୁ ଚିତ୍କିସା ପାଇଁ ଦିଲ୍ଲୀ ଏଲଏନଜିପି ହସପିଟାଲରେ ଚିତ୍କିସା କରାଯାଇଛି । ବ୍ୟକ୍ତିଙ୍କ ଶରୀରରେ ଚକଡା ଚକଡା ପରି ଚିହ୍ନ ହେବା ସହ ଜ୍ବର ରହିଛି । ବ୍ୟକ୍ତିଙ୍କର ରକ୍ତ ନମୁନା ପରୀକ୍ଷା ପାଇଁ ପୁଣେର ନ୍ୟାସନଲ ଇନିଷ୍ଟିଚ୍ୟୁଟ ଅଫ ଭାଇରୋଲୋଜିକୁ ପଠାଯାଇଛି । ତେବେ ଏହାକୁ ମିଶାଇ ଦେଶରେ ୪ ଜଣଙ୍କ ଠାରେ ମଙ୍କିପକ୍ସର ଲକ୍ଷମ ସାମନାକୁ ଆସିଛି । ଏହି ଘଟଣା ପରେ ଅନ୍ୟସବୁ ରାଜ୍ୟକୁ ହାଇଆଲର୍ଟ ଜାରି କରାଯାଇଛି ।

    ସମସ୍ତେ ସତର୍କ ରହିବା ନିର୍ଦ୍ଦେଶ ଦିଆଯାଇଛି । ସନ୍ଧିଗ୍ଧ ରୋଗୀ ନିକଟରେ ବିଦେଶ ଯାତ୍ରାରୁ ଫେରିଥିବା କୁହାଯାଉଛି। ଦିଲ୍ଲୀରେ ମଙ୍କିପକ୍ସ ଆକ୍ରାନ୍ତ ହୋଇଥିବା ପ୍ରଥମ ବ୍ୟକ୍ତିଙ୍କ ସଂସ୍ପର୍ଶରେ ଆସିବା ପରେ ଏହି ବ୍ୟକ୍ତି ଜଣଙ୍କ ଶରୀରରେ ଯନ୍ତ୍ରଣା ହୋଇଥିବା ଅଭିଯୋଗ କରିଥିଲେ। ତେବେ ତାଙ୍କ ହସପଟିଲାରେ ଅବଜରଭେସନରେ ରଖାଯାଇଛି ।

    • ସ୍ମରଜିତ ଆର୍ଯ୍ୟଙ୍କ ରିପୋର୍ଟ
  • ଫ୍ରିଜରୁ ୫୦ ବର୍ଷ ବୟସ୍କ ବ୍ୟକ୍ତିଙ୍କ ମୃତଦେହ ଉଦ୍ଧାର

    ଦିଲ୍ଲୀ ଗୌତମପୁରୀ ଅଞ୍ଚଳରେ ଚାଞ୍ଚଲ୍ୟ। ଫ୍ରିଜରୁ ୫୦ ବର୍ଷ ବୟସ୍କ ବ୍ୟକ୍ତିଙ୍କ ମୃତଦେହ ଉଦ୍ଧାର କରିଛି ପୋଲିସ। ତାଙ୍କ ସମ୍ପର୍କୀୟ ଫୋନ ଉଠାଉନାହାନ୍ତି ବୋଲି ଦିଲ୍ଲୀ ସେଲାମପୁର ପୋଲିସକୁ ଖବର ଦେଇଥିଲେ ଜଣେ ବ୍ୟକ୍ତି। ପୋଲିସ ସେହି ବ୍ୟକ୍ତିଙ୍କ ଘରେ ପହଞ୍ଚି ଫ୍ରିଜ ଭିତରେ ମୃତଦେହ ଥିବା ଦେଖିବାକୁ ପାଇଥିଲା। ଏହାସହ ତାଙ୍କ ମୁଣ୍ଡରେ ଗଭୀର ଆଘାତ ଚିହ୍ନ ଥିବା ମଧ୍ୟ ପୋଲିସ ଦେଖିଥିଲା। ଏନେଇ ପୋଲିସ ଘଟଣାର ଖୋଳତାଡ ଆରମ୍ଭ କରିଛି । ଶୁକ୍ରବାର ସନ୍ଧ୍ୟା ସମୟରେ ଜଣେ ଯୁବକ ପୋଲିସକୁ କହିଥିଲେ ଯେ, ତାଙ୍କ ସମ୍ପର୍କୀୟ ଫୋନ ଉଠାଉନାହାନ୍ତି।

    ସଙ୍ଗେ ସଙ୍ଗେ ସେଲାମପୁର ପୋଲିସ ଗୌତମପୁରୀ ଅଞ୍ଚଳରେ ପହଞ୍ଚିଥିଲା। ଘରର କବାଟ ଖୋଲି ଭିତରକୁ ପଶି ତଲାସି କରିଥିଲା। ଶେଷରେ ଫ୍ରିଜରୁ ୫୦ ବୟସ୍କ ବୃଦ୍ଧଙ୍କ ମୃତଦେହ ଜବତ କରିଥିଲା। ତେବେ ମୃତକ ହେଉଛନ୍ତି ଜାକିର। ତେବେ ଏହି ଘରେ ଜାକିର ଏକୁଟିଆ ରହୁଥିବା ବେଳେ ତାଙ୍କ ପତ୍ନୀ ଏବଂ ପିଲାମାନେ କିଛି ଦୂରରେ ଅଲଗା ରହୁଥିବା ପୋଲିସ ପକ୍ଷରୁ ଜଣାପଡିଛି। ସମ୍ପତ୍ତି ବିବାଦକୁ ନେଇ ଜାକିରଙ୍କୁ ହତ୍ୟା କରାଯାଇଥିବା ପୋଲିସ ଅନୁମାନ କରୁଛି। କ୍ରାଇମବ୍ରାଞ୍ଚ ଏବଂ ଏଫଏସଏଲ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି। ତେବେ ଘଟଣାର ତଦନ୍ତ ପରେ ସତ୍ୟାସତ ଜଣାପଡିବ।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
  • ଦିଲ୍ଲୀରେ ଭୟାବହ ଅଗ୍ନିକାଣ୍ଡ

    ଦିଲ୍ଲୀ: ଦିଲ୍ଲୀର ଲରେନ୍ସ ରୋଡରେ ଭୟାବହ ଅଗ୍ନିକାଣ୍ଡ। ଏକ ଜୋତା କାରଖାନାରେ ଅଗ୍ନିକାଣ୍ଡ ଘଟିଛି। ସୂଚନା ପାଇ ଘଟଣା ସ୍ଥଳରେ ୨୬ଟି ଦମକଳ ବାହିନୀ ପହଞ୍ଚିଥିଲେ। ତେବେ ନିଆଁକୁ ଆୟତ୍ତ କରିବା ପାଇଁ ଅଗ୍ନିଶମ ବାହିନୀ ଜୋରସୋର ପ୍ରଚେଷ୍ଟା ଜାରି ରଖିଛି। ଏହି ଘଟଣାରେ ବର୍ତ୍ତମାନ କୌଣସି କ୍ଷୟକ୍ଷତି ହୋଇଥିବା ସୂଚନା ମିଳିନାହିଁ। ସୂଚନା ଅନୁଯାୟା, କାରଖାନାରେ ନିଆଁ ପ୍ରାୟ ସାଢେ ୯ଟାରେ ଲାଗିଛି। ଏହାର ତିନି ଦିନ ପୂର୍ବରୁ ଦିଲ୍ଲୀର ମାୟାପୁରୀ ଅଞ୍ଚଳରେ ଥିବା ଏକ ଜୋତା କାରଖାନାରେ ଏକ ବଡ ଧରଣର ଅଗ୍ନିକାଣ୍ଡ ଘଟିଥିଲା।

    ଘଟଣାସ୍ଥଳରେ ୨୩ଟି ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାରେ ସଫଳ ହୋଇଥିଲେ। ଗତ କିଛି ଦିନ ହେବ ଦିଲ୍ଲୀରେ ଅନେକ ଅଗ୍ନିକାଣ୍ଡ ଘଟଣା ସାମ୍ନାକୁ ଆସିଛି। ଯେଉଁଥିରେ କିଛି ଲୋକ ପ୍ରାଣ ହରାଇଥିବା ବେଳେ ବହୁ କ୍ଷୟକ୍ଷତି ହୋଇଛି। ଅନେକ ଲୋକ ଅଗ୍ନିଶମ କର୍ମଚାରୀଙ୍କ ଦ୍ୱାରା ଜୀବନ୍ତ ଉଦ୍ଧାର ହୋଇଛନ୍ତି।

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
  • ଦିଲ୍ଲୀରେ ଗୋଦାମ କାନ୍ଥ ପଡ଼ି ୬ ମୃତ, ୯ ଆହତ

    ଦିଲ୍ଲୀର ଆଲିପୋର ଅଞ୍ଚଳରେ ଗୋଦାମ କାନ୍ଥ ଭୁଶୁଡ଼ିବା ଘଟଣାରେ ୬ ଜଣକର ମୃତ୍ୟୁ ହୋଇଥିବାବେଳେ ୯ ଜଣ ଆହତ ହୋଇଛନ୍ତି l ମୃତ୍ୟୁ ସଂଖ୍ୟାକୁ ଦିଲ୍ଲୀ ପୋଲିସ ନିଶ୍ଚିତ କରିଛି। ସୂଚନାନୁସାରେ, ପୋଲିସ ଏବଂ ଅଗ୍ନିଶମ ବିଭାଗର ଟିମ୍ ଘଟଣାସ୍ଥଳରେ ଉପସ୍ଥିତ ଅଛନ୍ତି। ଦିଲ୍ଲୀ ପୋଲିସ କହିଛି ଯେ କାନ୍ଥ ଭୁଶୁଡ଼ିବା ପରେ 14 ଜଣଙ୍କୁ ଉଦ୍ଧାର କରାଯାଇଥିଲା , ସେଥିମଧ୍ୟରୁ ପାଞ୍ଚ ଜଣଙ୍କର ମୃତ୍ୟୁ ହୋଇଛି। ଆହତ ଲୋକଙ୍କୁ ଚିକିତ୍ସା ପାଇଁ ଡାକ୍ତରଖାନା ପଠାଯାଇଛି।

    ସୂଚନା ଅନୁସାରେ ଘଟଣାସ୍ଥଳରେ ୨୫ରୁ ଅଧିକ ଶ୍ରମିକ କାମ କରୁଥିଲେ। ଘଟଣା ଉପରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଟ୍ୱିଟ କରି ଶୋକ ବ୍ୟକ୍ତ କରିଛନ୍ତି । କେଜ୍ରିୱାଲ ଟ୍ୱିଟ କରି ଲେଖିଛନ୍ତି, ଅଲୀପୁରରେ ଦୁଃଖଦ ଦୁର୍ଘଟଣା ଘଟିଛି। ଜିଲ୍ଲା ପ୍ରଶାସନ ଉଦ୍ଧାର କାର୍ଯ୍ୟରେ ନିୟୋଜିତ ଅଛି । ମୁଁ ନିଜେ ଉଦ୍ଧାର କାର୍ଯ୍ୟ ଉପରେ ନଜର ରଖିଛି । ଦିବଙ୍ଗତ ଆତ୍ମାର ଶାନ୍ତି ପାଇଁ ଇଶ୍ୱରଙ୍କ ନିକଟରେ ପ୍ରାର୍ଥନା କରୁଛି।

    • ଅଭିଷେକ ପୁରୋହିତଙ୍କ ରିପୋର୍ଟ
  • ପରିବାରର ୪ ଜଣଙ୍କ ମୃତଦେହ ଉଦ୍ଧାର

    ନୂଆଦିଲ୍ଲୀ: ଦିଲ୍ଲୀର ଏକ ପରିବାରର ସ୍ବାମୀ, ସ୍ତ୍ରୀ ଇ ସେମାନଙ୍କ ଦୁଇ ଶିଶୁ କନ୍ୟାଙ୍କ ମୃତଦେହ ମିଳିଛି। ଉତ୍ତର ପୂର୍ବ ଦିଲ୍ଲୀର ଜାଫ୍ରାବାଦରେ ରହୁଥିବା ଏକ ପରିବାରର ୪ ଜଣଙ୍କୁ ମୃତ ଅବସ୍ଥାରେ ଉଦ୍ଧାର କରାଯାଇଛି। ପ୍ରାରମ୍ଭିକ ସ୍ଥିତିରୁ ଜଣାପଡୁଛି, ବ୍ୟକ୍ତି ଜଣଙ୍କ ପ୍ରଥମେ ନିଜ ସ୍ତ୍ରୀ ଓ ଦୁଇ ଝିଅଙ୍କୁ ହତ୍ୟା କରିବା ପରେ ନିଜକୁ ଗୁଳିକରି ଦେଇଥିଲେ।

    ଘଟଣା ଜଣାପଡିବା ପରେ ପୁଲିସକୁ ସୂଚନା ଦିଆଯାଇଥିଲା ଓ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ପଞ୍ଚନାମା ପାଇଁ ପଠାଇ ଦେଇଛି ତଥା କିପରି  ଓ କେଉଁ କାରଣରୁ ଏପରି ଘଟଣା ଘଟିଛି ତାହାର ତଦନ୍ତ ଜାରି ରଖିଛି ପୁଲିସ।

  • ଗର୍ଭପାତ ବଦଳରେ ଶିଶୁକୁ ଜନ୍ମଦେଇ ପୋଷ୍ୟ ଦେବାକୁ ଦିଲ୍ଲୀ ହାଇକୋର୍ଟଙ୍କ ପରାମର୍ଶ

    ନୂଆଦିଲ୍ଲୀ: ଗର୍ଭପାତ ବଦଳରେ ଶିଶୁକୁ ଜନ୍ମଦେଇ ପୋଷ୍ୟ ଦେବାକୁ ଦିଲ୍ଲୀ ହାଇକୋର୍ଟଙ୍କ ପରାମର୍ଶ। ଦିଲ୍ଲୀ ହାଇକୋର୍ଟଙ୍କ ମୁଖ୍ୟବିଚାରପତିଙ୍କ ନେତୃତ୍ବରେ ଗଠିତ ଖଣ୍ଡପୀଠ ଏକ ଗର୍ଭପାତ ଯାଚିକାର ଶୁଣାଣି ବେଳେ ଏପରି କହିଛନ୍ତି। ୨୫ ବର୍ଷୀୟା ଜଣେ ଅବିବାହିତା ଯୁବତୀ ତାଙ୍କ ୨୪ ସପ୍ତାହର ଗର୍ଭକୁ ନଷ୍ଟ କରିବାକୁ କୋର୍ଟଙ୍କ ନିକଟରେ ଗୁହାର କରିଥିଲେ।

    ଖଣ୍ଡପୀଠଙ୍କ ନିକଟରେ ଆବେଦନକାରୀଙ୍କ ଓକିଲ ଜଣାଇଥିଲେ କି, ଯୁବତୀଙ୍କ ମାମଲାଟି ଏମଟିପି ଆକ୍ଟର ଧାରା ୩ (୨)(ବି) ଅନ୍ତଭୁକ୍ତ। ଯୁବତୀ ଜଣକ ଶାରୀରିକ, ମାନସିକ ଓ ଆର୍ଥିକସ୍ତରରେ ଦୁର୍ବଳ। ସେ ଅବିବାହିତ ଓ ଏକକ ଅଭିଭାବକ ହୋଇଥିବାରୁ ତାଙ୍କ ସମ୍ମୁଖରେ ମାନସିକ ଚାପ ଓ ସାମାଜିକ କଟକଣା ରହିଛି।

    ଏହାକୁ ନେଇ ଖଣ୍ଡପୀଠ ଯାଚିକାକର୍ତ୍ତାଙ୍କ ଓକିଲଙ୍କୁ ପଚାରିଥିଲେ, ପୋଷ୍ୟ ସନ୍ତାନ ନେବାକୁ ଲୋକଙ୍କ ଧାଡି ଲାଗିଛି। ଆପଣଙ୍କ ଯାଚିକାକର୍ତ୍ତାଙ୍କୁ ପଚାରନ୍ତୁ, ଯଦି ସେ ରାଜି ହୁଅନ୍ତି ତେବେ ତାଙ୍କ ପରିଚୟ ଗୋପନ ରଖି ତାଙ୍କୁ ହସ୍ପିଟାଲରେ ଭର୍ତ୍ତି କରାଯିବ। ସେ ସନ୍ତାନ ଜନ୍ମ ପରେ ସେଠାରୁ ଚାଲିଯିବେ। ଜଣେ ବିଧାବାଙ୍କୁ ଦେଖି ସନ୍ତାନ ହସ୍ତାନ୍ତର କରାଯିବ ଓ ହସ୍ପିଟାଲର ସମସ୍ତ ଖର୍ଚ୍ଚ ସରକାର ବହନ କରିବେ। ଯଦି ସରକାର ବହନ ନ କରନ୍ତି, ତେବେ ମୁହଁ ଅଛି ବୋଲି ମୁଖ୍ୟ ବିଚାରପତି କହିଛନ୍ତି।

    ଯାଚିକାକର୍ତ୍ତାଙ୍କୁ ଖଣ୍ଡପୀଠଙ୍କ ପ୍ରସ୍ତାବ ଶୁଣାଇ ତାଙ୍କ ମତ ଲୋଡିଛନ୍ତି କୋର୍ଟ। ମାମଲାର ପରବର୍ତ୍ତୀ ଶୁଣାଣି ଅପରାହ୍ନ ୨ଟାରେ ହେବ।

  • ଦମ୍ପତ୍ତି କରୁଥିଲେ ଚୋରାଚାଲାଣ,,,ଧରାପଡିଲା ୪୫ ଟି ବନ୍ଧୁକ

    ଭିଏତନାମରୁ ଦିଲ୍ଲୀ ବନ୍ଧୁକ ଚୋରାଚାଲାଣ ହେଉଥିବା ବେଳେ ବିମାନବନ୍ଦରରେ ଧରାପଡିଲେ ଦମ୍ପତ୍ତି । ଭିଏତନାମର ଦମ୍ପତ୍ତି ୪୫ ଟି ବନ୍ଧୁକ ଦୁଇଟି ବ୍ୟାଗରେ ନେଇ ଆସୁଥିବା ବେଳେ ବିମାନ ବନ୍ଦରର ଇମିଗ୍ରେସନରେ ଧରାପଡିଲେ । ଏହି ବନ୍ଧୁକ ଅସଲି ଓ କାର୍ଯ୍ୟକ୍ଷମ ବୋଲି ଏନଏସଜି ପକ୍ଷରୁ କୁହାଯାଇଛି । ୪୫ ଟି ବନ୍ଧୁକ ଦାମ ୨୨ ଲକ୍ଷ ଟଙ୍କା ବୋଲି ଜଣାପଡିଛି । ଏହି ଦମ୍ପତ୍ତି ମଧ୍ୟ୍ୟ ପୁର୍ବରୁ ୨୫ ଟି ବନ୍ଧୁକ ଚୋରାଚାଲାଣ କରିତିବା ସ୍ୱୀକାର କରିଛନ୍ତି । ଯାହାର ମୁଲ୍ୟ ୧୨ ଲକ୍ଷ ଟଙ୍କା ଥିଲା । ଦମ୍ପତ୍ତିଙ୍କୁ ପଚରାଉଚୁରା ଜାରି ରହିଥିବା ବେଳେ ଏହା ପଛରେ ବଡ ରାକେଟ କାମ କରୁଛି ବୋଲି ସନ୍ଦେହ କରାଯାଉଛି । ଏହି ବନ୍ଧୁକ କଣ ପାଇଁ ନେଉଥିଲେ କାହା ପାଖକୁ ନେଉଥିଲେ ଓ ନେବା ପଛରେ କଣ ଉଦ୍ଦେଶ୍ୟ ରହିଛି ତାହା ତଦନ୍ତ ହେଲେ ସଠିକ ଜଣାପଡିବ । ବର୍ତ୍ତମାନ ସୁଦ୍ଧା ନିର୍ଦ୍ଦିଷ୍ଠ କାରଣ ଜଣାପଡିନାହିଁ । ତଦନ୍ତ ଜାରି ରହିଛି ।

    • ସ୍ମରଜିତ୍ ଆର୍ଯ୍ୟଙ୍କ ରିପୋର୍ଟ
  • ପୁଣି ହୋଇପାରେ ବଡ ଧରଣର କୃଷକ ଆନ୍ଦୋଳନ

    ପୁଣି ହୋଇପାରେ ବଡ ଧରଣର କୃଷକ ଆନ୍ଦୋଳନ। ସରକାର ପୂର୍ବ ପ୍ରତିଶ୍ରୁତି ପୁରଣ କରିବାରେ ଅବହେଳା କରିଥିବାରୁ ପୁଣି ସରକାର ବିରୋଧୀ ସ୍ୱର ଶାଣିତ କରି ଏକାଠି ହେବାକୁ ଯାଉଛନ୍ତି ଚାଷୀ ସଂଗଠନ । ଦିଲ୍ଲୀ ଜନ୍ତରମନ୍ତରରେ ଏମଏସପି, ଲକ୍ଷ୍ମୀମପୁର ଖେରୀ ହିଂସା ପ୍ରସଙ୍ଗ ଏବଂ ଅଗ୍ନିପଥ ଯୋଜନାକୁ ନେଇ ଆନ୍ଦୋଳନ ହେବ ବୋଲି ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ଜଣାପଡିଛି। ବିଭିନ୍ନ ପର୍ଯ୍ୟାୟରେ ଏହି ଆନ୍ଦୋଳନ କରାଯିବ ବୋଲି ନିଷ୍ପତ୍ତି ହୋଇଛି । ତେବେ ସଂଯୁକ୍ତ କିଷାନ ମୋର୍ଚ୍ଚାର ବୈଠକରେ ନିଷ୍ପତି ନିଆଯାଇଛି ଯେ କୌଣସି ରାଜନୈତିକ ଦଳକୁ ଏହାସହ ସାମିଲ କରାଯିବ ନାହିଁ। ସମ୍ପୂର୍ଣ୍ଣ ଭାବେ ଅଣରାଜନୈତିକ ଆନ୍ଦୋଳନ ଆରମ୍ଭ ହେବ ।

    ପୁଣି ଦେଶରେ ଆରମ୍ଭ ହେବ ଆଉ ଏକ ଚାଷୀ ଆନ୍ଦୋଳନ । ତିନି କୃଷି ଆଇନ ପ୍ରତ୍ୟାହାର ପାଇଁ ଚାଷୀ ସଂଗଠନ ଯେଉଁ ଲଢେଇ କରିଥିଲେ ସେ ଲଢେଇର ଦ୍ବିତୀୟ ପର୍ଯ୍ୟାୟ ଆଗାମୀ ୧୮ ତାରିଖରୁ ପୁଣି ଆରମ୍ଭ ହେବାକୁ ଯାଉଛି । ହୁଏତ ଆନ୍ଦୋଳନର ପୂର୍ବ ରୂପ ପରିବର୍ତ୍ତନ ହୋଇପାରେ। କିନ୍ତୁ ଆନ୍ଦୋଳନର ଉଦେଶ୍ୟ ପୂର୍ବବତ ରହିବ ବୋଲି ଚାଷୀ ନେତା କହିଛନ୍ତି । ସଂଯୁକ୍ତ କିଷାନ ମୋର୍ଚ୍ଚା ଓ ଅନ୍ୟାନ୍ୟ ଚାଷୀ ସଂଗଠନ ପକ୍ଷରୁ ଯେଉଁ ବିରୋଧ ଚାଲିଥିଲା, ତାହା ଦେଶର ଦୀର୍ଘତମ ଅନ୍ଦୋଳନ କୁହାଯାଇପାରେ। ଚାଷୀଙ୍କ ବିରୋଧ ଏତେ ତୀବ୍ର ଥିଲା ଯେ ବାଧ୍ୟ ହୋଇ କେନ୍ଦ୍ର ସରକାର କୃଷି ଆଇନ ପ୍ରତ୍ୟାହାର କରିଥିଲେ ।

    ତେବେ ଚାଷୀ ସଂଗଠନର ସେ ଶକ୍ତି ଅଛି କି ନାହିଁ ସେ ଆଶଙ୍କା ପ୍ରକାଶ ପାଇଛି । ଯେହେତୁ ଚାଷୀ ଆନ୍ଦୋଳନର ପାୱାର ହାଉସ କୁହାଯାଉଥିବା ପଞ୍ଜାବର ରାଜନୈତିକ ଦୃଶ୍ୟପଟ୍ଟ ବଦଳିଛି ତେଣୁ ଏହା ଆଗାମୀ ଆନ୍ଦୋଳନକୁ ପ୍ରଭାବିତ କରିପାରେ ବୋଲି ଆଶଙ୍କା ପ୍ରକାଶ ପାଇଛି । ଅନ୍ୟପଟେ ଆନ୍ଦୋଳନର ନେତୃତ୍ୱ ନେଉଥିବା ସଂଯୁକ୍ତ କିଷାନ ମୋର୍ଚ୍ଚା ମଧ୍ୟ ବିଭାଜିତ ସଂଗଠନରେ ପରିଣତ ହୋଇଯାଇଛି । ଗୋଟିଏ ପଟେ କୃଷକ ରାସ୍ତାରେ ଆନ୍ଦୋଳନ କରୁଥିବା ବେଳେ ସରକାରଙ୍କ ସହ ଆଲୋଚନା ପାଇଁ ପ୍ରୟାସ ହେଉଥିଲା ଅନ୍ୟପଟେ କୃଷକ ଆନ୍ଦୋଳନରେ ଜଡିତ କିଛି ନେତା ଚିଠି ଲେଖି ପୃଥକ ଭାବରେ ଆଲୋଚନା କରୁଥିଲେ।

    ସଂଗଠନକୁ ସରକାର ଭାଗ ଭାଗ କରି ଦୁର୍ବଳ କରିବାକୁ ଚାହୁଁଥିଲେ, ଆଉ ସଂଗଠନର କିଛି ସଦସ୍ୟ ସେଥିରେ ସହଯୋଗ କରିବା ଭଳି ଘଟଣା ସାମ୍ନାକୁ ଆସିଥିଲା । ଏପରିକି ପରେ ଅନେକ ଚାଷୀ ନେତା ରାଜନୈତିକ ମୈଦାନକୁ ଓହ୍ଲାଇ ତାଙ୍କ ରାଜନୈତିକ ମହତ୍ବାକାଂକ୍ଷା ପୂରଣ କରିଥିଲେ। ଫଳରେ ଚାଷୀ ସଂଗଠନ ବଦନାମ ହୋଇଥିଲା, ଚାଷୀ ଆନ୍ଦୋଳନକୁ ରାଜନୈତିକ ରୂପରଙ୍ଗ ଦିଆଯାଇଥିଲା । ଯାହା ଏଥର କିଭଳି ନ ହେବ ସେଥିପ୍ରତି ଗୁରୁତ୍ବ ଦେବାକୁ ବୈଠକରେ ନିଷ୍ପତ୍ତି ହୋଇଛି । ସେଥିପାଇଁ ଭିନ୍ନ ଗୋଷ୍ଠୀ ଭିନ୍ନ ପ୍ରକାରେ ଆନ୍ଦେଳନକୁ ଓହ୍ଲାଇବାର ସମ୍ଭାବନା ରହୁଛି ।

    ତିନି କୃଷି ଆଇନ ପ୍ରତ୍ୟାହାର ହେବା ମୂଳ ଦାବି ଥିଲା । କିନ୍ତୁ ବଡ କଥା ଥିଲା ଏମଏସପିକୁ ଆଇନସିଦ୍ଧ କରିବା । ଯେଉଁଥିପାଇଁ କମିଟି ଗଠନ କରି ତର୍ଜମା କରିବା କଥା କୁହାଯାଇଥିଲେ ମଧ୍ୟ ସେ କାମ ଟିକିଏ ମଧ୍ୟ ଆଗକୁ ବଢିନାହିଁ । ଅନ୍ୟପଟେ ଚାଷୀ ଆନ୍ଦୋଳନ ବେଳେ ଯେଉଁ ମାମଲା ଆନ୍ଦୋଳନକାରୀଙ୍କ ନାମରେ ହୋଇଥିଲା ତାକୁ ମଧ୍ୟ ସରକାର ଏଯାଏଁ ପ୍ରତ୍ୟାହାର କରିନାହାଁନ୍ତି । ତା ସହ ଲକ୍ଷ୍ମୀମପୁର ଖେରୀ ଭଳି ଅମାନବୀୟ ଘଟଣା ସତ୍ତ୍ବେ ଅଜୟ ମିଶ୍ରା ଟେନୀଙ୍କୁ କେନ୍ଦ୍ର ଗୃହରାଷ୍ଟ୍ର ମନ୍ତ୍ରୀ ପଦରୁ ବାଦ ଦିଆଗଲାନି ।

    ତେଣୁ ଚାଷୀ ଆନ୍ଦୋଳନ ପାଇଁ ଏହା ହିଁ ପ୍ରକୃଷ୍ଟ ସମୟ କହିଛି ଚାଷୀ ସଂଗଠନ । ତା ସହ ଅଗ୍ନିବୀର ଭଳି ଯୋଜନା ଆଣି ଯୁବକମାନଙ୍କୁ ନିରାଶ କରିଥିବା ସରକାରଙ୍କ ଆଭିମୁଖ୍ୟ ବିରୋଧରେ ମଧ୍ୟ ଚାଷୀ ସଂଗଠନ ଲଢିବ ବୋଲି ସ୍ଥିର କରିଛି । ସେଥିପାଇଁ ଜୟ ଜୱାନ୍ ଜୟ କିଷାନ ନାରା ଦେଇ ଚାଷୀ ସଂଗଠନ ଆନ୍ଦୋଳନ କରିବାକୁ ଅଣ୍ଟା ଭିଡ଼ିଛି ।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
  • ଦିଲ୍ଲୀ ରେ ଭୀଷଣ ଅଗ୍ନିକାଣ୍ଡ…ଜଳିଗଲା 10ଟି କାର ଓ 80 ରିକ୍ସା

    ଦିଲ୍ଲୀ ଜାମିଆ ନଗର ଅଞ୍ଚଳରେ ରେ ଅଗ୍ନିକାଣ୍ଡ l ଦିଲ୍ଲୀର ଜାମିଆ ନଗର ମେଟ୍ରୋ ଷ୍ଟେସନ ପାର୍କିଂରେ ଅଗ୍ନିକାଣ୍ଡ ଘଟି ଅତି କମରେ 100 ଟି ଗାଡି ନଷ୍ଟ ହୋଇଯାଇଥିବା ସୂଚନା ମିଳିଛି । ଏହି ଯାନଗୁଡିକ ମଧ୍ୟରେ 10 ଟି କାର,  30 ଟି ନୂତନ ଇ-ରିକ୍ସା, 50 ଟି ପୁରୁଣା ଇ-ରିକ୍ସା ଏବଂ କିଛି ମୋଟରସାଇକେଲ ନଷ୍ଟ ହୋଇଥିବା ପ୍ରାଥମିକ ତଦନ୍ତ ରୁ ଜଣାପଡିଛି l ଏପର୍ଯ୍ୟନ୍ତ କେହିବି ମୃତାହତ ହୋଇନାହାନ୍ତି ଏବଂ ସାତୋଟି ଅଗ୍ନି ଟେଣ୍ଡର ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରାଯାଇଛି ବୋଲି ଦିଲ୍ଲୀ ଅଗ୍ନିଶମ ବିଭାଗ ପକ୍ଷରୁ ସୂଚନା ଦିଆଯାଇଛି l

    ଗତ କିଛି ସପ୍ତାହ ମଧ୍ୟରେ ହିଟ୍ ୱେଭ୍ ମଧ୍ୟରେ ଦିଲ୍ଲୀରେ ଅନେକଗୁଡ଼ିଏ ଅଗ୍ନିକାଣ୍ଡ ଘଟିଥିବାର ଦେଖାଯାଇଛି, ଯେଉଁଥିରେ ମୁଣ୍ଡକାରେ ଘଟିଥିବା ଅଗ୍ନିକାଣ୍ଡ ରେ 27 ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଲୋକ ଆହତ ହୋଇଥିଲେ l

Back to top button