monkey pox

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପଞ୍ଚମ ମଙ୍କିପକ୍ସ ରୋଗୀ ଚିହ୍ନଟ ହୋଇଛନ୍ତି। ସେ ମାସେ ତଳେ ନାଇଜେରିଆ ଯାଇଥିଲେ ଓ ଆଫ୍ରିକୀୟ ମହିଳା । ନାଇଜେରିଆରୁ ଫେରିବା ପରେ ଦେହ ଖରାପ ହେବାରୁ ସେ ଦୁଇ ଦିନ ତଳେ ଲୋକନାୟକ ଜୟ ପ୍ରକାଶ ନାରାୟଣ (ଏଲଏନଜେପି) ହସପିଟାଲରେ ଭର୍ତ୍ତି ହୋଇଥିଲେ। କିନ୍ତୁ ଶୁକ୍ରବାର ରାତିରେ ସେ ମଙ୍କିପକ୍ସରେ ସଂକ୍ରମିତ ଥିବା ରିପୋର୍ଟ ଆସିଥିଲା ।
ଦିଲ୍ଲୀରେ ବର୍ତ୍ତମାନ ପର୍ଯ୍ୟନ୍ତ ୫ ଜଣ ମଙ୍କିପକ୍ସରେ ସଂକ୍ରମିତ ହୋଇସାରିଲେଣି । ସେମାନଙ୍କ ମଧ୍ୟରୁ ଏହି ମହିଳାଙ୍କୁ ମିଶାଇ ୨ ଜଣ ମହିଳା ଅଛନ୍ତି । ୫ ସଂକ୍ରମିତଙ୍କ ମଧ୍ୟରୁ ଜଣେ ଚିକିତ୍ସା ପରେ ସୁସ୍ଥ ହୋଇ ଘରକୁ ଯାଇଥିବା ବେଳେ ୪ ଜଣଙ୍କ ଚିକିତ୍ସା ଜାରି ରହିଛି । ଦେଶରେ ମୋଟ ମଙ୍କିପକ୍ସ ଆକ୍ରାନ୍ତଙ୍କ ସଂଖ୍ୟା ୧୦କୁ ବୃଦ୍ଧି ପାଇଛି।
ଦେଶରେ ମଙ୍କିପକ୍ସ ମାମଲା ବଢ଼ୁଥିବାରୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଗାଇଡଲାଇନ୍ ଜାରି ହୋଇଛି । ଗାଇଡଲାଇନ୍‌ରେ ଆକ୍ରାନ୍ତ ବ୍ୟକ୍ତିଙ୍କୁ ଆଇସୋଲେସନରେ ରହିବା ପାଇଁ କୁହାଯିବା ସହ ଏହା ଏକ ସଂକ୍ରମିତ ରୋଗ ହୋଇଥିବାରୁ ସମସ୍ତଙ୍କୁ ସାବଧାନତାର ପରାମର୍ଶ ଦିଆଯାଇଛି। ଏଥିରେ ମଧ୍ୟ ବାରମ୍ବାର ସାବୁନରେ ହାତ ଧୋଇବା, ମାସ୍କ ପିନ୍ଧିବାକୁ ତଥା ହାତରେ ଗ୍ଲୋବ୍ସ ପିନ୍ଧିବା ପାଇଁ କୁହାଯାଇଛି ।
ମଙ୍କିପକ୍ସ ମାମଲାର ଯାଞ୍ଚ ପାଇଁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପୂର୍ବରୁ ଏକ ସ୍ୱତନ୍ତ୍ର ଟାସ୍କ ଫୋର୍ସ ଗଠନ କରିଛି। ନିତି ଆୟୋଗ ସଦସ୍ୟ (ସ୍ୱାସ୍ଥ୍ୟ) ଭିକେ ପଲ୍ ଏହି ଟାସ୍କ ଫୋର୍ସର ମୁଖ୍ୟ ଏବଂ ଏହାର ସଦସ୍ୟମାନଙ୍କ ମଧ୍ୟରେ ମନ୍ତ୍ରାଳୟର ଅଧିକାରୀ ଅଛନ୍ତି।

ପୁନ୍ନାୟୁର: କେରଳର ଥ୍ରିସୁରରେ ୨୦ ଜଣଙ୍କୁ କ୍ବାରେଣ୍ଟାଇନ କରାଯାଇଛି। ଜଣେ ବ୍ୟକ୍ତିଙ୍କଠାରେ ମଙ୍କି ପକ୍ସ ପରି ଲକ୍ଷଣ ଦେଖା ଦେବା ପରେ ତାଙ୍କ ମୃତ୍ୟୁ ହୋଇଥିଲା। ଏହା ପରେ ସେ ଯେଉଁମାନଙ୍କ ସଂସ୍ପର୍ଶରେ ଆସିଥିଲେ ସେମାନଙ୍କୁ କ୍ବାରେଣ୍ଟାନରେ ରଖାଯାଇଛି ବୋଲି ସୋମବାର ଦିନ ସୂଚନା ଦେଇଛନ୍ତି କେରଳର ସ୍ବାସ୍ଥ୍ୟ ଅଧିକାରୀ।

ତେବେ ବର୍ତ୍ତମାନ ରାଜ୍ୟରେ ମଙ୍କିପକ୍ସ ନିୟନ୍ତ୍ରଣରେ ରହିଛି। ଭୟଭୀତ ହେବାର କିଛି ନାହିଁ। ତେବେ ମୃତ ବ୍ୟକ୍ତିଙ୍କ ସଂସ୍ପର୍ଶରେ ମୋଟ ୧୦ ଜଣ ପରିବାର ଜନ ଓ ବନ୍ଧୁ ଆସିଥିଲେ। ଏହାକୁ ମିଶାଇ ବର୍ତ୍ତମାନ ପର୍ଯ୍ୟନ୍ତ ୨୦ ଜଣଙ୍କୁ କ୍ବାରେଣ୍ଟାଇନ ରଖାଯାଇଛି ବୋଲି ରାଜ୍ୟର ଶିକ୍ଷା ଓ ସ୍ବାସ୍ଥ୍ୟ ବିଭାଗର ଷ୍ଟାଣ୍ଡିଂ କମିଟି ସଦସ୍ୟ ସୂଚନା ଦେଇଛନ୍ତି।

ଏହାକୁ ନେଇ ଥ୍ରିସୁରର ପୁନ୍ନାୟୁର ଗାଁରେ ପଞ୍ଚାୟତ ସଦସ୍ୟଙ୍କ ବୈଠକରେ ପରବର୍ତ୍ତୀ ପଦକ୍ଷେପକୁ ନେଇ ରଣନୀତି ପ୍ରସ୍ତୁତ କରାଯାଇଛି।

ନୂଆଦିଲ୍ଲୀ: ଦିଲ୍ଲୀରେ ଆଉ ଜଣଙ୍କଠାରେ ମଙ୍କିପକ୍ସ ଲକ୍ଷଣ ପ୍ରକାଶ ପାଇଛି । ତାଙ୍କୁ ଚିତ୍କିସା ପାଇଁ ଦିଲ୍ଲୀ ଏଲଏନଜିପି ହସପିଟାଲରେ ଚିତ୍କିସା କରାଯାଇଛି । ବ୍ୟକ୍ତିଙ୍କ ଶରୀରରେ ଚକଡା ଚକଡା ପରି ଚିହ୍ନ ହେବା ସହ ଜ୍ବର ରହିଛି । ବ୍ୟକ୍ତିଙ୍କର ରକ୍ତ ନମୁନା ପରୀକ୍ଷା ପାଇଁ ପୁଣେର ନ୍ୟାସନଲ ଇନିଷ୍ଟିଚ୍ୟୁଟ ଅଫ ଭାଇରୋଲୋଜିକୁ ପଠାଯାଇଛି । ତେବେ ଏହାକୁ ମିଶାଇ ଦେଶରେ ୪ ଜଣଙ୍କ ଠାରେ ମଙ୍କିପକ୍ସର ଲକ୍ଷମ ସାମନାକୁ ଆସିଛି । ଏହି ଘଟଣା ପରେ ଅନ୍ୟସବୁ ରାଜ୍ୟକୁ ହାଇଆଲର୍ଟ ଜାରି କରାଯାଇଛି ।

ସମସ୍ତେ ସତର୍କ ରହିବା ନିର୍ଦ୍ଦେଶ ଦିଆଯାଇଛି । ସନ୍ଧିଗ୍ଧ ରୋଗୀ ନିକଟରେ ବିଦେଶ ଯାତ୍ରାରୁ ଫେରିଥିବା କୁହାଯାଉଛି। ଦିଲ୍ଲୀରେ ମଙ୍କିପକ୍ସ ଆକ୍ରାନ୍ତ ହୋଇଥିବା ପ୍ରଥମ ବ୍ୟକ୍ତିଙ୍କ ସଂସ୍ପର୍ଶରେ ଆସିବା ପରେ ଏହି ବ୍ୟକ୍ତି ଜଣଙ୍କ ଶରୀରରେ ଯନ୍ତ୍ରଣା ହୋଇଥିବା ଅଭିଯୋଗ କରିଥିଲେ। ତେବେ ତାଙ୍କ ହସପଟିଲାରେ ଅବଜରଭେସନରେ ରଖାଯାଇଛି ।

• ସ୍ମରଜିତ ଆର୍ଯ୍ୟଙ୍କ ରିପୋର୍ଟ

ନୂଆଦିଲ୍ଲୀ: ବିଶ୍ବରେ ଆତଙ୍କ ସୃଷ୍ଟି କରିଥିବା ମଙ୍କିପକ୍ସର ପ୍ରଥମ ମାମଲା ଗୁରୁବାର କେରଳରୁ ବାହାରିଛି। ଏହାକୁ ନେଇ କେନ୍ଦ୍ର ସରକାର ସଚେତନ ରହିଥିବା ବେଳେ ଏହି ରୋଗ ସମ୍ପର୍କରେ ଅଧିକ ତଥ୍ୟ ଜାଣିବା ସମସ୍ତଙ୍କ ପାଇଁ ଆବଶ୍ୟକ ହୋଇପଡିଛି। ବିଶ୍ବ ସ୍ବାସ୍ଥ୍ୟ  ସଂଗଠନ ବା ଡବ୍ଲୁଏଚଓ ଅନୁଯାୟୀ ଏହା ଏକ ଭାଇରାଲ ଜୁନୋଟିକ ଇନଫେକ୍ସନ। ଏହା ପଶୁଙ୍କଠାରୁ ମଣିଷକୁ ବ୍ୟାପିଥାଏ ଓ ପରେ ମଣିଷରୁ ମଣିଷକୁ ସଂକ୍ରମଣ କରିଥାଏ। 

ମଙ୍କିପକ୍ସର କଣ ଲକ୍ଷଣ?

ମଙ୍କିପକ୍ସର ଲକ୍ଷଣ ମଧ୍ୟରେ ରହିଛି ଜ୍ବର, ମୁଣ୍ଡବ୍ୟଥା, ମାଂଶପେଶୀ ବିନ୍ଧା, ଅଣ୍ଟା ବିନ୍ଧା, ହାଲିଆ ପଣ ଓ ଲସିକା ଗ୍ରନ୍ଥି ଫୁଲା। ଏହା  ପରେ ଦେହରେ ଦାଗ ହୋଇଥାଏ, ଯାହା ୨-୩ ସପ୍ତାହ ପର୍ଯ୍ୟନ୍ତ ଲାଗିରହିଥାଏ। ଏହି ଦାଗ ସବୁ ମୁହଁ, ହାତ ପାପୁଲି, ପାଦ, ଆଖି, ପାଟି, ବେକ ଆଦିରେ ଦେଖାଦେଇଥାଏ। ତେବେ ଜଣେ ସଂକ୍ରମିତଙ୍କ ସସ୍ପର୍ଶରେ ଓ ଯୌନ ସମ୍ପର୍କ  ଦ୍ବାରା ଏହା ସୁସ୍ଥ ମଣିଷକୁ ସଂକ୍ରମିତ କରିଥାଏ।

କେଉଁମାନେ ମଙ୍କିପକ୍ସ ବାହକ  ହୋଇଥାନ୍ତି?

ଯେଉଁମାନେ ସଂକ୍ରମିତଙ୍କ ସହ ବସବାସ କରିଥାନ୍ତି, ବା ଯିଏ ନିୟମିତ ଭାବେ ସଂକ୍ରମିତ ପଶୁଙ୍କ ସଂସ୍ପର୍ଶରେ ଆସିଥାନ୍ତି ସେମାନେ ସଂକ୍ରମିତ ହେବାର ସମ୍ଭାବନା ରହିଛି।

କିପରି ରୋକାଯାଇ ପାରିବ ସଂକ୍ରମଣ?

ଯିଏ ମଙ୍କିପକ୍ସରେ ସଂକ୍ରମିତ ବା ସନ୍ଦିଗ୍ଧ ସଂକ୍ରମିତ  ସେମାନଙ୍କଠାରୁ ଦୂରତା ରକ୍ଷାକରିବା ବା ସଂକ୍ରମିତ ପଶୁଙ୍କ ନିକଟତର ନ ହେବା। ସଂକ୍ରମିତ ସ୍ଥାନକୁ ସଫା ସୁତରା ରଖିବା ସହ ବିଶୋଧନ କରିବା। ଯଦି ଅନୁଭବ କରୁଥାନ୍ତି, ଆପଣ ସଂକ୍ରମିତ ହୋଇଛନ୍ତି, ତେବେ ନିଜକୁ ସଂଗରୋଧରେ ରଖିବା ସହ ଡାକ୍ତରଙ୍କ ପରାମର୍ଶ ନେବା ଆବଶ୍ୟକ।

ନୂଆଦିଲ୍ଲୀ: ଦେଶରେ ଗୋଟିଏ ମଙ୍କିପକ୍ସ ଚିହ୍ନଟ ହେବା ପରେ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଶୁକ୍ରବାର ଦିନ ଗାଇଡଲାଇନ ଜାରି କରାଯାଇଛି। ମଙ୍କିପକ୍ସ ସଂକ୍ରମଣ ନିୟନ୍ତ୍ରଣ ଉପରେ ସ୍ବାସ୍ଥ୍ୟ ବିଭାଗ ସଚେତନ ଥିବା ଓ ଆଗୁଆ ପଦକ୍ଷେପ ଗ୍ରହଣ କରିବା ଉପରେ ପ୍ରାଧାନ୍ୟ ଦେଇଛି।

କେନ୍ଦ୍ର ମନ୍ତ୍ରଣାଳୟ ସାଧାରଣ ଜନତାଙ୍କ ପାଇଁ ଜାରି କରିଥିବା ନିର୍ଦ୍ଦେଶନାମା ଅନୁଯାୟୀ, ସଂକ୍ରମିତ ବ୍ୟକ୍ତି ଓ ମୃତ ବା ଜୀବିତ ବଣୁଆ ଜୀବଜନ୍ତୁ ବା ମାଙ୍କଡଙ୍କଠାରୁ ଦୂରେଇ ରହିବା ଆବଶ୍ୟକ। ସଂକ୍ରମିତ ବ୍ୟକ୍ତି ବା ପଶୁଙ୍କ ସଂସ୍ପର୍ଶରେ ଆସିଲେ କିମ୍ବା ସଂକ୍ରମିତ ଅଞ୍ଚଳକୁ ଯାଇଥିଲେ ସ୍ଥାନୀୟ ସ୍ବାସ୍ଥ୍ୟ କେନ୍ଦ୍ରକୁ ଯାଇ ସ୍ବାସ୍ଥ୍ୟ ପରାମର୍ଶ ନେବାକୁ କୁହାଯାଇଛି।

ଦେଶ ବ୍ୟାପୀ ୧୫ଟି ଭୂତାଣୁ ଗବେଷଣା ଓ ଚିହ୍ନଟ ଲାବେରୋଟୋରୀ ଖୋଲା ଯାଇଥିବା ନେଇ ଶୁକ୍ରବାର ସୂଚନା ଦେଇଛନ୍ତି ଭାରତୀୟ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) । ସମସ୍ତ ରାଜ୍ୟର ଭୌଗୋଳିକ ସ୍ଥିତିକୁ ଦୃଷ୍ଟିରେ ରଖି ଏହି  କେନ୍ଦ୍ର ଦେଶବ୍ୟାପୀ ଏପରି ପ୍ରତିଷ୍ଠା କରାଯାଇଛି।

ଦେଶରେ ଚିହ୍ନଟ ହୋଇଥିବା ପ୍ରଥମ ମଙ୍କିପକ୍ସ ମାମଲା କେରଳରୁ ବାହାରି ଥିବା ବେଳେ ସଂକ୍ରମିତ ବ୍ୟକ୍ତି ତିନି ଦିନ ତଳେ ୟୁଏଇରୁ ଫେରିଥିଲେ। ସେ କେରଳରେ ପହଞ୍ଚବା ପରେ ନିଜର ଟେଷ୍ଟ କରାଇବା ପରେ ମଙ୍କିପକ୍ସରେ ସଂକ୍ରମିତ ଥିବା ଜଣାପଡିଛି।

ଏହା ପରେ କେନ୍ଦ୍ରୀୟ ଟିମ କେରଳ ସ୍ବାସ୍ଥ୍ୟ ବିଶେଷଜ୍ଞଙ୍କ ସହ ସମ୍ପର୍କରେ ରହିବା ସହ ମଙ୍କିପକ୍ସକୁ ନେଇ ପରୀକ୍ଷା ନିରୀକ୍ଷାକୁ ଜୋରଦାର କରିଛନ୍ତି।

ରୂପ ବଦଳାଉଛି ମଙ୍କିପକ୍ସ । ଜଙ୍ଗଲି ନିଆଁ ଭଳି ଦେଶ କୁ ଦେଶ ବ୍ୟାପିବା ସହିତ ନିଜ ରୂପକୁ ମଧ୍ୟ ବଦଳାଉଥିବା ସୂଚନା ଦେଇଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ମଙ୍ଗଳବାର ହୁ ପକ୍ଷରୁ ଜାରି କରାଯାଇଥିବା ସୂଚନା ଅନୁଯାୟୀ ପ୍ରାୟ ୩୦ ଟି ଦେଶକୁ ସଂକ୍ରମଣ ବ୍ୟାପିବା ସହିତ ନିଜର ରୂପ ମଧ୍ୟ ବଦଳାଇଛି । ଏହାକୁ ଦୃଷ୍ଟିରେ ରଖି ମଙ୍କିପକ୍ସ ଭାଇରସର ନାମ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଗତ ସପ୍ତାହରେ ଏକ ଆନ୍ତର୍ଜାତୀୟ ବୈଜ୍ଞାନିକ ଟିମ ମିଶି ଭାଇରସ ଷ୍ଟେନ ନାମର ବିଭିନ୍ନ ଲକ୍ଷଣରେ ପରିଣତ ହେଉଥିବାର ଚେତାବନୀ ଦେଇଥିଲେ। ମଙ୍କିପକ୍ସର ମ୍ୟୁଟେସନ । ରୂପ ବଦଳାଇବା ସହିତ ଲକ୍ଷଣରେ ପରିବର୍ତ୍ତନ କରୁଛି ମଙ୍କିପକ୍ସ । ଗତ ସପ୍ତାହରେ ସଂକ୍ରମିତ ବ୍ୟକ୍ତିଙ୍କ ମଧ୍ୟରେ ଷ୍ଟେନ ନାମର ବିଭିନ୍ନ ଲକ୍ଷଣରେ ପରିଣତ ହୋଇଛି ମଙ୍କିପକ୍ସ । ପ୍ରତ୍ୟେକ ଦିନ ନିଜ ରୂପ ବଦଳାଉଥିବା ବେଳେ ମଙ୍କିପକ୍ସର ନାମ ପରିବର୍ତ୍ତନ କରିବାକୁ ଘୋଷଣା କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ ।
ରିପୋର୍ଟ କହୁଛି , ବିଶ୍ୱରେ ୧୬୦୦ ରୁ ଅଧିକ ମାମଲା ଏବଂ ୧୫୦୦ ରୁ ଅଧିକ ମଙ୍କିପକ୍ସରେ ଆକ୍ରାନ୍ତ ହୋଇଥିବା ସନ୍ଦିଗ୍ଧ ଚିହ୍ନଟ କରାଯାଇଛି। WHO ନିର୍ଦ୍ଦେଶକ ଟେଡ୍ରୋସ୍ ଆଧାନୋମ ଘେବ୍ରେୟେସସ୍ କହଛନ୍ତି ଯେ, ଏହି ସଂଗଠନ “ମଙ୍କିପକ୍ସ ଭାଇରସ ଏହାର କ୍ଲେଡ ଏବଂ ଏହା ସୃଷ୍ଟି କରୁଥିବା ରୋଗ ଉପରେ ସାରା ବିଶ୍ୱରେ ଅଂଶୀଦାର ଥିବା ବିଶେଷଜ୍ଞଙ୍କ ସହ କାର୍ଯ୍ୟ କରୁଛି” ଏହି ଭାଇରସର ନାମ ପରିବର୍ତ୍ତନ ହୋଇ ଯଥାଶୀଘ୍ର ଏହାର ନୂତନ ନାମ ଦିଆଯିବ। ଆଫ୍ରିକା ସମେତ ଆଉ ୩୦ ଦେଶର ବୈଜ୍ଞାନିକ ମିଶି ଏକ ପୋଜିସନ ପେପରରେ ଏହି ଭାଇରସ ର ନାମ ପରିବର୍ତ୍ତନ କରିବାକୁ ଅନୁରୋଧ ଉପସ୍ଥାପନା କରିଥିଲେ। ଭାଇରସର ବର୍ତ୍ତମାନର ନାମ ଏବଂ WHO ନିର୍ଦ୍ଦେଶାବଳୀ ମଧ୍ୟରେ ଅନେକ ପାର୍ଥକ୍ୟ ଦେଖାଦେଇଛି । ଏହାକୁ ଦୃଷ୍ଟିରେ ରଖି ଭୌଗଳିକ ଅଞ୍ଚଳରୁ ଓ ପଶୁପକ୍ଷୀଙ୍କ ନାମରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି।

WHOର ପ୍ରବକ୍ତାଙ୍କ ଅନୁସାରେ, ଅର୍ଥୋପକ୍ସଭାଇରସରେ ବୈଜ୍ଞାନିକମାନେ ଯେଉଁ ପରିବାରରେ ଅଧିକ ମଙ୍କିପକ୍ସ ହୋଇଥାଏ ଏହି ଉପଯୁକ୍ତ ନାମ ଉପରେ ପରାମର୍ଶ କରୁଛନ୍ତି। WHO, ବିଶ୍ୱ ପଶୁ ସ୍ୱାସ୍ଥ୍ୟ ସଂଗଠନ ଓ ଖାଦ୍ୟ ଏବଂ ମିଳିତ ଜାତିସଙ୍ଘର କୃଷି ସଂଗଠନ ମିଶି ଅନ୍ୟାନ୍ୟ ରୋଗର ନାଁ ବିପକ୍ଷରେ ଯାଇଥାଏ। ଏହା ସହିତ ସ୍ୱାଇଁ ଫ୍ଳୁ ସାମିଲ ରହିଛି।
WHO ଏହାର ୱେବସାଇଟ୍ ରେ ମଙ୍କିପକ୍ସର ଦୁଇଟି ଅଲଗା ଷ୍ଟ୍ରେନ ତାଲିକାଭୁକ୍ତ କରିଛି : କେନ୍ଦ୍ରୀୟ ଆଫ୍ରିକୀୟ କ୍ଲେଡ (କଙ୍ଗୋ ବାସିନ) ଏବଂ ପଶ୍ଚିମ ଆଫ୍ରିକୀୟ କ୍ଲେଡ। ସେପଟେ ଆଫ୍ରିକାନ୍ ରୂପରେ ଅନ୍ତର୍ଭୁକ୍ତ କରିବା କେବଳ ଭୁଲ ହୋଇଥାଏ ତାହାନୁହେଁ ଏହା ଭେଦଭବପୂର୍ଣ୍ଣ ମଧ୍ୟ ହୋଇଥାଏ ବୋଲି ଯୁକ୍ତି ବାଢିଛନ୍ତି ବୈଜ୍ଞାନିକ। WHO ର ପ୍ରତିନିଧି କହିଛନ୍ତି ଯେ, ଏହି ଭାଇରସକୁ କୌଣସି ସାଂସ୍କୃତିକ, ସାମାଜିକ, ଜାତୀୟ, ଆଞ୍ଚଳିକ ବୃତ୍ତିଗତ କିମ୍ୱା ଅନୁସୂଚିତ ଜାତିଙ୍କୁ ଅପମାନ ନକରି ରୋଗର ନାମକରଣ କରାଯିବା ଉଚିତ. ….

• ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ