MURDER

  • ଚୋରି କରିବାକୁ ଆସି ଘର ମାଲିକଙ୍କୁ ଆକ୍ରମଣ

    ଯାଜପୁର: ଯାଜପୁର ଜିଲ୍ଲା ବରି ରାମଚନ୍ଦ୍ରପୁର ଥାନା ଚଟୁମାରି ଗ୍ରାମରେ ଅଭାବନୀୟ ଘଟଣା। ଚୋରୀ କରିବାକୁ ଆସିଥିବା ଦୁର୍ବୃତ୍ତଙ୍କ ଆକ୍ରମଣରେ ଘର ମାଲିକ ମୃତ୍ୟୁ। ଗତକାଲି ବିଳମ୍ୱିତ ରାତିରେ ବିଶ୍ୱ ରଞ୍ଜନ ବିଶ୍ବାଳଙ୍କ ଘରେ କିଛି ଚୋର ପଶିଥିଲେ। ଘର ବାରଣ୍ଡାରେ ଶୋଇଥିବା ବିଶ୍ୱ ରଞ୍ଜନ ନିଦରୁ ଉଠି ଚୋରମାନଙ୍କୁ ଘରେ ପଶିଥିବା ଦେଖି ପାଟି କରିଥିଲେ। ଧାରାପଡିଯିବା ଭୟରେ ଦୁର୍ବୁତ୍ତମାନେ ବିଶ୍ୱଙ୍କ ଉପରେ ଆକ୍ରମଣ କରି ସେଠାରୁ ଫେରାର ହୋଇଯାଇଥିଲେ। ପରେ ତାଙ୍କୁ ଗୁରୁତର ଅବସ୍ଥାରେ ବରି ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସା ଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିବା ସୂଚନା ମିଳିଛି। ଖବର ପାଇ ବରି-ରାମଚନ୍ଦ୍ରପୁର ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି।

  • ଗୁଣିଗାରେଡ଼ିକୁ ନେଇ ହତ୍ୟା

    ରାଞ୍ଚି: ଗୁଣିଗାରେଡ଼ି ସନ୍ଦେହରେ ତିନି ଜଣ ମହିଳାଙ୍କୁ ହତ୍ୟା କରିଛନ୍ତି ଗ୍ରାମବାସୀ। ଏଭଳି ଏକ ଅଭାବନୀୟ ଘଟଣା ଘଟିଛି ଝାଡ଼ଖଣ୍ଡର ରାଞ୍ଚିରେ। ରାଞ୍ଚିର ସୋନାହାଟୁ ଗାଁରେ ହତ୍ୟାର ଶୀକାର ହୋଇଥିବା ତିନି ମହିଳାଙ୍କ ବୟସ ୬୦ରୁ ବେଶୀ। ପୁଲିସ ପ୍ରାଥମିକ ତଦନ୍ତ କରି ୪ ଜଣଙ୍କୁ ଅଟକ ରଖିଛି।

    ଅନ୍ଧବିଶ୍ୱାସର କରୁଣ ପରିଣତି। ୩ ଜଣ ମହିଳାଙ୍କୁ ମାରିଦେଲେ ଗ୍ରାମବାସୀ। ଗାଁରେ ରହି ଗୁଣିଗାରେଡ଼ି କରୁଥିବା ସନ୍ଦେହରେ ମର୍ଡର କଲେ। ହତ୍ୟାର ଶୀକାର ହୋଇଥିବା ତିନି ମହିଳାଙ୍କ ବୟସ ୬୦ରୁ ଅଧିକ। ଝାଡ଼ଖଣ୍ଡ ରାଞ୍ଚିର ସୋନାହାଟୁରେ ଘଟିଛି ଏଭଳି ଅଭାବନୀୟ ଘଟଣା। ପୁଲିସ ଖବର ପାଇ ୪ ଜଣଙ୍କୁ ଅଟକ ରଖିଛି। ଡାହାଣୀ ସନ୍ଦେହରେ ହତ୍ୟା କରି ୩ ମହିଳାଙ୍କ ଶବକୁ ଜଙ୍ଗଲରେ ଫିଙ୍ଗି ଦେଇଥିଲେ ଗ୍ରାମବାସୀ। ଆଗ ଏମାନଙ୍କୁ ନିସ୍ତୁକ ପିଟିଥିଲେ ଲୋକେ।

    ଡିଏସପିଙ୍କ ନେତୃତ୍ୱରେ ଚାରୋଟି ଥାନାର ପୁଲିସ ଅଧିକାରୀ ଏଠାରେ କ୍ୟାମ୍ପ୍ କରିଛନ୍ତି। ରାଣାଡ଼ିହ ଗାଁରେ ହତ୍ୟାର ଶୀକାର ହୋଇଥିବା ୩ ମହିଳାଙ୍କ ଶବକୁ ଜଙ୍ଗଲରୁ ଜବତ କରିଛି ପୁଲିସ। ମୃତକ ହେଲେ ରାଇଲୁ ଦେବୀ, ଢୋଲି ଦେବୀ ଓ ଆଲୋମନି ଦେବୀ। ତେବେ ପ୍ରଥମ ଦୁଇ ମହିଳାଙ୍କ ଶବ ଜବତ ହୋଇଥିଲା ବେଳେ ତୃତୀୟ ମହିଳାଙ୍କ ଶବ ଜବତ ହୋଇପାରିନି। ଶବକୁ ଠାବ କରିବାକୁ ପୁଲିସ କ୍ରମାଗତ ଛାନଭିନ୍ ଜାରି ରଖିଛି। ଡିଏସପିଙ୍କ ନେତୃତ୍ୱରେ ତମାଡ଼, ଇଚାଗଡ଼ ଓ ରାହେ ଥାନାର ପୁଲିସ ଗାଁରେ କ୍ୟାମ୍ପ୍ କରିଛି।

    ସେପ୍ଟେମ୍ୱର୨ ରାତିରେ ଏକଲବ୍ୟ ବିଦ୍ୟାଳୟର ଜଣେ ଛାତ୍ର ରାଣାଡିହ ଗାଁର ରାମସକଲ ସିଂଙ୍କ ପୁଅ ୧୮ ବର୍ଷୀୟ ରାଜକିଶୋର ସିଂ ମୁଣ୍ଡାଙ୍କ ସର୍ପାଘାତରେ ମୃତ୍ୟୁ ହୋଇଥିଲା। ଝଡ଼ାଫୁଙ୍କା କରିବାକୁ ଗାଁ ଲୋକେ ସାପୁଆକୁ ଡାକିଥିଲେ। କିନ୍ତୁ ମୃତକଙ୍କ ପରିବାରକୁ ଏହା ଡାହାଣୀର କାମ ବୋଲି କହିଥିଲା ସଂପୃକ୍ତ ସାପୁଆ। ସାପୁଆ ଏହା ବି କହିଥିଲା କି, ସେ ମନ୍ତ୍ର ପଢିଛନ୍ତି। ଡାହାଣୀ ଘରେ କେହି ନା କେହି ମରିବେ। ସଂଯୋଗବଶତଃ ଘଟଣାର ପର ଦିନ ଗାଁର ଅଭିମନ୍ୟୁ ସିଂ ମୁଣ୍ଡାଙ୍କ ପୁଅ ୧୯ ବର୍ଷୀୟ ଲଳିତ ସିଂଙ୍କୁ ବି ସାପ କାମୁଡି ଦେଇଥିଲା। ତତ୍କାଳ ତାଙ୍କୁ ହସ୍ପିଟାଲ ନିଆଯାଇଥିଲା। ଆଉ ସୌଭାଗ୍ୟବଶତଃ ସେ ବଞ୍ଚିଗଲେ। ଆଉ ଏହି ଘଟଣା ପରେ ପୁରା ଗାଁ ସଂପୃକ୍ତ ସାପୁଆ କଥାକୁ ବିଶ୍ୱାସ କରିଥିଲେ। ଗାଁରେ ବୈଠକ ଡାକି ଆଗ ଅଭିମନ୍ୟୁ ସିଂଙ୍କ ପତ୍ନୀ ରାଇଲୁ ଦେବୀଙ୍କୁ ଡାହାଣୀ କହି ତାଙ୍କୁ ମାଡ଼ପିଟ୍ କରିଥିଲେ। ଆଉ ମାଡ଼ ଭୟରେ ନିଜେ ଡାହାଣୀ କହିବା ସହ ଆଉ ଦୁଇ ଜଣଙ୍କ ନାଁ ବି ନେଇଥିଲେ ରାଇଲୁ। ଆଉ ସର୍ବସମ୍ମୁଖରେ ତିନି ଜଣଙ୍କୁ ପିଟି ହତ୍ୟା କରିଦେଲେ ଲୋକେ।

    • ପ୍ରଦୀପ ନାୟକଙ୍କ ରିପୋର୍ଟ
  • ଅଙ୍କିତାଙ୍କ ମୃତ୍ୟୁକୁ ନେଇ ତେଜିଲା ରାଜନୀତି

    ଝାଡ଼ଖଣ୍ଡ ଡୁମକାର ଝିଅ ଅଙ୍କିତାଙ୍କର ପ୍ରକୃତ ବୟସ କେତେ। ସେ ନାବାଳିକା ନା ସାବାଳିକା। ଏକ ତରଫା ପ୍ରେମ ନିବେଦନ କରି ବିଫଳ ପରେ ଶାହାରୁଖ ହୁସେନ ପେଟ୍ରୋଲ ଢାଳି ଅଙ୍କିତାଙ୍କୁ ଜାଳି ଦେଇଥିଲା। ଅଭିଯୁକ୍ତ ଶାହାରୁଖକୁ ଫାଶୀ ଖୁଣ୍ଟରେ ଝୁଲାଇବାକୁ ବିଭିନ୍ନ ହିନ୍ଦୁ ସଂଗଠନ ଦାବିକୁ ଶାଣିତ କରୁଥିଲା ବେଳେ ଡୁମକା ଡିଏସପି ନୁର ମୁସ୍ତଫାଙ୍କ ଭୂମିକାକୁ ସନ୍ଦେହର ସ୍କାନରରେ ଦେଖାଯାଇଛି। ଆଉ ଏହାକୁ ନେଇ ଝାଡ଼ଖଣ୍ଡ ରାଜନୀତି ବି ତେଜିବାରେ ଲାଗିଛି।

    ଏକ ତରଫା ପ୍ରେମର କରୁଣ ପରିଣତି। ଡୁମକାର ଯୁକ୍ତ ଦୁଇ ଛାତ୍ରୀ ଅଙ୍କିତା ସିଂ ଶୋଇଥିଲା ବେଳେ ଝରକା ପଟେ ପେଟ୍ରୋଲ ଢାଳି ନିଆଁ ଲଗାଇଦେଇଥିଲା ଅଭିଯୁକ୍ତ ଶାହାରୁଖ ହୁସେନ୍। ମରଣ ସହ ୫ ଦିନ ଯୁଝିବା ପରେ ସବୁଦିନ ଲାଗି ଆଖି ବୁଜିଦେଇଛନ୍ତି ଅଙ୍କିତା। କାରଣ ନିଆଁରେ ୯୫ ପ୍ରତିଶତ ପୋଡ଼ି ଯାଇଥିଲା। ଶାହାରୁଖକୁ ପୁଲିସ ଗିରଫ କରିଛି। ତେବେ ଏହି ଘଟଣାକୁ ନେଇ ତଦନ୍ତ ଦିଗହରା ହେଉଥିବା କଥା ଜଳଜଳ କରି ଦିଶୁଛି ବୋଲି ମୃତକଙ୍କ ପରିବାର, ବିଭିନ୍ନ ହିନ୍ଦୁ ସଂଗଠନ ସମେତ ବିଜେପି ଦଳ ଆରୋପ ଲଦିଛି। ଅଙ୍କିତାଙ୍କ ବାପାଙ୍କ କହିବା କଥା, ତାଙ୍କ ଝିଅର ବୟସ ୧୬ ବର୍ଷ। ହସ୍ପିଟାଲ ଶଯ୍ୟାରେ ସଙ୍କଟାପନ୍ନ ଅବସ୍ଥାରେ ପୁଲିସକୁ ଦେଇଥିବା ବୟାନ ଓ ବୟସ ବାବଦରେ ହୁଏତ ପୁଲିସ ଠିକରେ ଶୁଣିପାରିନି। ଅଙ୍କିତାକୁ ସାବାଳିକା ଦର୍ଶାଇବାକୁ ଅପପ୍ରୟାସ ହେଉଛି। ପୁଲିସ ଅଙ୍କିତାଙ୍କର ଆଧାର କାର୍ଡ ଓ ଦଶମ ଶ୍ରେଣୀ ସାର୍ଟିଫିକେଟ ନେଇଛି। ବୟସକୁ ନେଇ ଥିବା ତୃଟି ସୁଧାରିବ ପୁଲିସ୍।

    ସେପଟେ ଡୁମକା ପବ୍ଲିକ ରିଲେସନ ଅଫିସର ବି ସ୍ପଷ୍ଟ କରିଛନ୍ତି କି, ଅଙ୍କିତାଙ୍କର ବୟସ ୧୯ ନୁହେଁ। ତାଙ୍କର ବୟସ ୧୬ ବର୍ଷ। ପୁଲିସ ରେକର୍ଡରେ ୧୯ ବର୍ଷ ଯାହା ଦର୍ଶାଯାଇଥଲା, ତାହା ଭୁଲ୍‌ ବୋଲି ଝାଡ଼ଖଣ୍ଡ ଶିଶୁ ବିକାଶ କମିଟି ସ୍ପଷ୍ଟ କରିଛି। ଏପରିକି ଚାଇଲଡ ଓ୍ୱେଲଫେୟାର କମିଟି ଏସପିଙ୍କୁ ସୁପାରିଶ କରିଛି କି, ଏହି ମାମଲାରେ ପୋକ୍ସୋ ଆକ୍ଟର ଧାରା ବି ଲାଗୁ। ସିଡବ୍ଲୁସି ଅଧ୍ୟକ୍ଷ ଅମରେନ୍ଦ୍ର କୁମାର କହିଛନ୍ତି କି, ସାର୍ଟିଫିକେଟରୁ ଜଣାପଡ଼ିଛି କି, ଅଙ୍କିତାଙ୍କ ବୟସ ୧୫ ବର୍ଷ ୯ ମାସ। ଗଣମାଧ୍ୟମରୁ ଜାଣିବାକୁ ପାଇଲୁ କି, ଅଙ୍କିତା ନିଜର ବୟସ ୧୯ ବର୍ଷ ବୋଲି ପୁଲିସକୁ ବୟାନ ଦେଇଥିଲା। ତେବେ କେଉଁଠି ଦ୍ୱନ୍ଦ୍ୱ ରହିଲା କହିବା ମୁସ୍କିଲ। କାରଣ ଅଙ୍କିତାଙ୍କର ଜମାନବନ୍ଦୀ ମାଜିଷ୍ଟ୍ରେଟଙ୍କ ଆଗରେ ନିଆଯାଇଥିଲା। ସଂପୃକ୍ତ ମାଜିଷ୍ଟ୍ରେଟ୍ ହିଁ କହିପାରିବେ, ସେତେବେଳେ ପୀଡ଼ିତା କଅଣ କହିଥିଲା।

    ସେପଟେ ସୋରେନ ସରକାରଙ୍କୁ ଏହି ମାମଲାରେ ନିରନ୍ତର ଘେରିବାରେ ଲାଗିଛି ବିଜେପି। ପୂର୍ବତନ ମୁଖ୍ୟମନ୍ତ୍ରୀ ରଘୁବର ଦାସ କହିଛନ୍ତି କି, ଏହି ଘଟଣା ପରେ ମାନବତା, ସମାଜ ଓ ଝାଡ଼ଖଣ୍ଡ ଲଜ୍ଜିତ ହୋଇଛି। ଲଭ୍‌ ଜିହାଦ୍ ଜରିଆରେ ଡେମୋଗ୍ରାଫି ବଦଳାଇବାକୁ ଚାହୁଁଛନ୍ତି। ସେପଟେ ମୁଖ୍ୟମନ୍ତ୍ରୀ ହେମନ୍ତ ସୋରେନ କହିଛନ୍ତି କି, ଅଙ୍କିତାଙ୍କୁ ଜାଳିଥିବା ଦୁର୍ବୃତ୍ତ କୌଣସିମତେ କ୍ଷମା ପାଇବାର ହକଦାର ନୁହେଁ। ସମାଜରେ ଅନେକ କ୍ରୁରତା ଓ ହିଂସା ଭିତରୁ ଏହା ଅତି ଜଘନ୍ୟ ଥିଲା। ଆଇନ ଅନୁସାରେ ଉଚିତ୍ ପଦକ୍ଷେପ ନିଆଯିବ। ଯେତେ ଜଲଦି ଅଭିଯୁକ୍ତକୁ ସଜା ମିଳିବ, ତା ଉପରେ ସରକାର କାମ କରୁଛନ୍ତି। ଅଙ୍କିତାଙ୍କ ପରିବାରକୁ ୧୦ ଲକ୍ଷ ଟଙ୍କାର ଅନୁକମ୍ପାମୂଳକ ସହାୟତା ବି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ଏହି ମାମଲାର ଶୁଣାଣୀ ଫାଷ୍ଟଟ୍ରାକ୍ କୋର୍ଟରେ ହେବ। ଏଡିଜି ରାଙ୍କର ଅଧିକାରୀଙ୍କୁ ତୁରନ୍ତ ତଦନ୍ତ ରିପୋର୍ଟ ଦେବାକୁ ଡିଜିଙ୍କୁ ସିଏମଓ ନିର୍ଦେଶ ଦେଇଛି।

    ଅଙ୍କିତା ହତ୍ୟା ମାମଲାରେ ଅଭିଯୁକ୍ତ ଶାହାରୁଖକୁ ପେଟ୍ରୋଲ ଦେଇଥିବା ଅନ୍ୟତମ ଅଭିଯୁକ୍ତ ନଇମ୍ ଅନସାରୀକୁ ବି ପୁଲିସ ବାନ୍ଧିଛି। ଡିଏସପି ନୁର୍ ମୁସ୍ତଫାଙ୍କୁ ତଦନ୍ତରୁ ହଟାଇ ଦିଆଯାଇଛି।

  • ସାଙ୍ଗକୁ ହାଣିଲା ସାଙ୍ଗ

    ଭୁବନେଶ୍ୱର: ଡିସିପି ଅଫିସ ସମ୍ମୁଖରେ ଚାଞ୍ଚଲ୍ୟକର ହତ୍ୟା। ସାଙ୍ଗକୁ ହାଣିଲା ସାଙ୍ଗ। ବାଣୀବିହାର ଛକ ନିକଟରେ ଘଟିଛି ଘଟଣା। ରାତିରେ ମିଶି ନିଶା ଖାଇଲେ ତାପରେ କୌଣସି କାରଣକୁ ନେଇ ସାଙ୍ଗଙ୍କ ମଧ୍ୟରେ ବଚସା ହୋଇଥିଲା। ପରେ  ଏହା ଏକ ଭୟଙ୍କର ରୂପ ନେଇଥିଲା। ନିଶାଶକ୍ତ ଅବସ୍ଥାରେ ସୌମ୍ୟ କୁଣ୍ଡରଙ୍କୁ ହାଣିଲେ ଦୁଇ ସାଙ୍ଗ। ଘଟଣା ସ୍ଥଳରେ ସୌମ୍ୟ କୁଣ୍ଡରଙ୍କ ମୃତ୍ୟୁ ହୋଇଥିଲା। ତେବେ ଘଟଣା ସ୍ଥଳରେ ପୋଲିସ ପହଞ୍ଚି ଦୁଇ ଅଭିଯୁକ୍ତଙ୍କୁ ଗିରଫ କରିବା ସହ ମୃତଦେହକୁ ଶବ ବେବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଯାଇଛି। ସୂଚନାନୁଯାୟୀ ମେଟ୍ରୋ ଟାୱାର ନିକଟରେ ଥିବା ଏକ ଚା ଦୋକାନୀ  ବୋଲି ପ୍ରାଥମିକ  ତଦନ୍ତରୁ  ଜଣାପଡିଛି।

  • ପୁଅ ଆଗରେ ତଣ୍ଟି ଚିପି ମାଆକୁ ହତ୍ୟା

    ଭୁବନେଶ୍ୱର: 3 ବର୍ଷର ପୁଅ ଆଗରେ ତଣ୍ଟି ଚିପି ମାକୁ ହତ୍ୟା କଲେ ଦୁର୍ବୁତ୍ତ l ଖାରବେଳ ନଗର ଥାନା ଅଧିନସ୍ଥ  ଶାସ୍ତ୍ରୀନଗର ଅଞ୍ଚଳରେ ଘଟିଛି  ଘଟଣା l ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି l ମୃତଦେହକୁ  ବ୍ୟବଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଯାଇଛି l ମୃତ ମହିଳା  ଜଣକ  ହେଲେ ଶୁଭଶ୍ରୀ ମହାପାତ୍ର। ମହିଳାଙ୍କୁ  କିଏ ଓ କାହିଁକି ହତ୍ୟା କଲା ସେ ନେଇ କିଛି ଜଣା ପଡି ନଥିବା  ବେଳେ ଘର ନିକଟରେ ଥିବା ସିସିଟିଭିକୁ ଯାଞ୍ଚ କରି ତଦନ୍ତ ଚଳାଇଛି ପୋଲିସ। ତେବେ ଘର ଲୋକଙ୍କ କହିବା ମୁତାବିକ 2018 ମସିହାରେ  ଅନନ୍ତ ନାରାୟଣ  ନାଥଙ୍କୁ ପ୍ରେମ ବିବାହ କରିଥିଲେ ଶୁଭଶ୍ରୀ। ଉଭୟଙ୍କର ଏକ 3 ବର୍ଷର ପୁଅ ରହିଛି। ସମସ୍ତଙ୍କ ସହ ଭଲ ସମ୍ପର୍କ ରଖୁଥିବା ଶୁଭଶ୍ରୀଙ୍କ କେହି ଶତ୍ରୁ ନଥିବା ବେଳେ କିଏ ହୁଏତ ଲୁଟ୍ ଉଦ୍ଦେଶ୍ୟ ରଖି ଏପରି ହତ୍ୟାକାଣ୍ଡ ଘଟାଇଥିବା ନେଇ ସଦେହ କରାଯାଉଛି l

  • ସୋନାଲି ଫୋଗଟ ହତ୍ୟା, ୫ ଗିରଫ

    ବିଜେପି ନେତ୍ରୀ ସୋନାଲି ଫୋଗଟ ହତ୍ୟା ମାମଲା। ଏହି ମାମଲାରେ ମୋଟ ୫ ଜଣଙ୍କୁ ଗିରଫ କରିଛି ଗୋଆ ପୁଲିସ। ଶନିବାର ଦିନ ପୁଲିସ ସୋନାଲିଙ୍କ ପିଏ ସୁଧୀର ସାଙ୍ଗୱାନ ଓ ସାଙ୍ଗ ସୁଖବିନ୍ଦର ସିଂହଙ୍କୁ ଗିରଫ କରିଥିଲା। ଅଗଷ୍ଟ ୨୨ ତାରିଖରେ ଉଭୟ ସୋନାଲିଙ୍କ ସହ ଗୋଆ ଆସିଥିବା କଥା ସ୍ୱୀକାର କରିଛନ୍ତି। ସେଠାରେ ସେମାନେ ଯୋଜନାବଦ୍ଧ ଭାବେ ସୋନାଲିଙ୍କ ମଦରେ ନିଶା ମିଶାଇ ଜବରଦସ୍ତି ତାଙ୍କୁ ପିଆଇଥିଲେ। ତଦନ୍ତନୁଯାୟୀ ଡ୍ରଗ୍ସ ପେଡଲର ଗାଁଓକର ଏବଂ ରେଷ୍ଟୁରାଣ୍ଟ ମାଲିକକୁ ମଧ୍ୟ ଗିରଫ କରାଯାଇଛି। ମାମଲାରେ ଏଯାବତ ପୁଲିସ ୨୦ରୁ ୨୫ ଜଣଙ୍କ ବୟାନ ରେକର୍ଡ କରିଛି ପୋଲିସ।

  • ପତ୍ନୀ ଓ ପୁଅକୁ କାର ସହ ନିଆଁ ଲଗାଇବା ପରେ ଆତ୍ମହତ୍ୟା କଲେ ବ୍ୟବସାୟୀ

    ନାଗପୁରରେ ଘଟିଛି ହୃଦୟ ବିଦାରକ ଘଟଣା । କାରରେ ବସିଥିବା ପତ୍ନୀ ଓ ପୁଅକୁ କାର ସହ ନିଆଁ ଲଗାଇ ଦେବା ପରେ ନିଜ ଦେହରେ ପେଟ୍ରୋଲ ଢାଳି ଆତ୍ମହତ୍ୟା କରିଛନ୍ତି ବ୍ୟବସାୟୀ । ପୋଲିସର ପ୍ରଥାମିକ ସୁଚନା ଆଧାରରେ ନାଗପୁର ଜୟତାଲାରେ ରହୁଥିବା ବ୍ୟବସାୟୀ ରାମରାଜ ଭଟ୍ଟ ମଙ୍ଗଳବାର ଅପରାହ୍ମରେ ବୁଲିବାକୁ ଯିବା କଥା କହି ପୁଅ ଓ ସ୍ତ୍ରୀ କୁ ଧରି ଘରୁ ବାହାରିଥିଲେ । ହେଲେ ବାଟରେ କାର ରଖି ଆଣ୍ଟାସିଡ ନାଁ କହି ବିଷ ପିଇବାକୁ କହିଥିଲେ । ହେଲେ ବିନା କାରଣରେ ଆଣ୍ଟାସିଡ ପିଇବାକୁ ମନା କରିଦେଇଥିଲେ ପତ୍ନୀ ଓ ପୁଅ ।

    ଫଳରେ ଡିକିରେ ରଖିଥିବା ପେଟ୍ରୋଲ ଆଣି କାର ଉପରେ ଢାଲି ଦେଇଥିଲେ ଓ ନିଆଁ ଲଗେଇ ଦେଇଥିଲେ । ପରେ ପରେ ନିଜ ଦେହରେ ମଧ୍ୟ୍ୟ ପେଟ୍ରୋଲ ଚିଞ୍ଚି ଆତ୍ମହତ୍ୟା କରିଥିଲେ । ଫଳରେ ଘଟଣା ସ୍ଥଳରେ ବ୍ୟବସାୟୀ ରାମରାଜଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ପୁଅ ଓ ପତ୍ନୀ ଗୁରୁତର ଅଛନ୍ତି । ଦୁହେଁ ଜୀବନ ମରଣ ସହ ସଂଗ୍ରାମ କରୁଛନ୍ତି । ବ୍ୟବସାୟରେ କ୍ଷତି ଯୋଗୁଁ ରାମରାଜ ଏପରି କରିଥିବା କୁହାଯାଉଛି । ପୋଲିସ ସୁଚନା ଅନୁସାରେ ରାମରାଜଙ୍କର ଏକ ନଟବୋଲ୍ଟ ଫ୍ୟାକ୍ଟ୍ରି ଥିଲା ।

    ସେ ବିଭିନ୍ନ କମ୍ପାନୀକୁ ସପ୍ଲାୟ କରୁଥିଲେ । କରୋନା ପର ଠାରୁ ବ୍ୟବସାୟ ମାନ୍ଦା ପଡିଥିଲା । ପୁଅ ନନ୍ଦନ ଭଟ୍ଟ ଜଣେ ଇଂଜିନିୟର ଥିଲେ କରୋନା ସମୟରେ ସେ ଚାକିରୀ ହରାଇଥିଲେ । ଫଳରେ ପରିବାରରେ ଆର୍ତିକ ଅନାଟନ କାରଣରୁ ଅସାନ୍ତି ଲାଗି ରହିଥିଲା । ଯାହା ଫଳରେ ଏପରି ହେଲା । ବ୍ୟବସାୟୀଙ୍କ ଘରୁ ପୋଲିସ ଏକ ସୁଇସାଇଡ ନୋଟ ମଧ୍ୟ୍ୟ ଜବତ ହୋଇଛି ବ୍ୟବସାୟୀଙ୍କ ମାନସିକ ଅବସାଦ ର ପ୍ରମାଣ ମିଳିଛି । ଆତ୍ମହତ୍ୟା କରିବାକୁ ଚାହୁଁଥିବାରୁ ସୁଇସାଇଡ ନୋଟରେ ଉଲ୍ଲେଖ କରାଯାଇଛି l

    • ସ୍ମରଜିତ ଆର୍ଯ୍ୟଙ୍କ ରିପୋର୍ଟ
  • ମୁସେୱାଲା ଜଣେ ସହୀଦ ନୁହଁନ୍ତି…ଆମର ଦୁଇ ଭାଇଙ୍କୁ ହତ୍ୟା କରିବାରେ ତାଙ୍କ ହାତ ଥିଲା

    ଗୋଲଡି ବ୍ରାର ଯିଏକି ସିଦ୍ଧୁ ମୁସେୱାଲା ହତ୍ୟା ମାମଲାର ମାଷ୍ଟରମାଇଣ୍ଡ ବର୍ତ୍ତମାନ ଏକ ଭିଡିଓ ସେୟାର କହିଛି । ଏଥିରେ ସେ ଦାବି କହିଛି ଯେ ଭିକି ମିଡ୍‌ଦୁଖେଡା ମାମଲା ପରେ ସିଦ୍ଧୁ ମୁସେୱାଲା ତାଙ୍କ ଜୀବନ ବଞ୍ଚାଇବା ପାଇଁ ତାଙ୍କୁ ୨ କୋଟି ଟଙ୍କା ଅଫର କରିଥିଲେ। l ନିର୍ବାଚନ ସମୟରେ ମୁସେୱାଲାଙ୍କ ଲୋକ ତାଙ୍କୁ କହିଥିଲେ ଯେ ତୁମେ ତାଙ୍କ ଜୀବନ ରକ୍ଷା କର, ଆମେ ତୁମକୁ ଦୁଇ କୋଟି ଟଙ୍କା ଦେବୁ। ଏହା ପରେ ଆପଣଙ୍କୁ ଗୁରୁଦ୍ୱାର ସାହିବକୁ ଯାଇ ଶପଥ କରିବାକୁ ପଡିବ । ବରାର୍‌ କୌଣସି ପରିସ୍ଥିତିରେ ଆପୋଷ ବୁଝାମଣା କରିବାକୁ ଚାହୁଁ ନ ଥିବାରୁ ଏହି ଅଫରକୁ ପ୍ରତ୍ୟାଖ୍ୟାନ କରିଦେଇଥିଲେ।

    ଭାଇରାଲ୍‌ ହୋଇଥିବା ଭିଡିଓଟି କମ୍ ଆଲୋକରେ ସୁଟ୍ ହୋଇଛି। ଗୋଲଡି ମୁହଁ ଘୋଡାଇ କଥା କହିଛି ଯେ ମୁସେୱାଲାଙ୍କୁ ଶିଖ ‘ସହୀଦ’ ରୂପେ ଦେଖାଇବା ଚେଷ୍ଟା କରାଯାଉଛି। ତେଣୁ ସେ ଭିଡିଓ ସୁଟିଂ କରିବାକୁ ବାଧ୍ୟ ହୋଇଥିଲେ। ବ୍ରାର କହିଛି, “ସେ (ମୁସୱାଲା) ଜଣେ ସହୀଦ ନୁହଁନ୍ତି। ଆମର ଦୁଇ ଭାଇଙ୍କୁ ହତ୍ୟା କରିବାରେ ମୁସେୱାଲାଙ୍କର ହାତ ଥିଲା। ତେଣୁ ତାଙ୍କୁ ହତ୍ୟା କରିଥିବାରୁ ଆମର କୌଣସି ଅନୁତାପ ନାହିଁ।

    ଏହା ବ୍ୟତୀତ ଆହୁରି କହିଛନ୍ତି ଯେ ‘ଲୋକମାନେ ଆମକୁ ଖରାପ ବୋଲି କହୁଛନ୍ତି, ହେଲେ ଭଲ ଆମେ ଖରାପ କିନ୍ତୁ କେତେକ ଲୋକମାନେ ଭଲ ଲୋକଙ୍କ ଘର ନଷ୍ଟ କରନ୍ତି। ଆଜି ସିଦ୍ଧୁ ମୁସେୱାଲାଙ୍କ ମୃତ୍ୟୁ ପରେ ତାଙ୍କୁ ସହୀଦ ତଥା ଯୋଦ୍ଧା କୁହାଯାଉଛି, କିନ୍ତୁ ସେ ଜୀବିତ ଥିବାବେଳେ ୯୫ ପ୍ରତିଶତ ଲୋକ ତାଙ୍କୁ ସମାଲୋଚନା କରୁଥିଲେ। ଏହି ଭିଡିଓ ଦେଖି ପୋଲିସ୍‌ ନିଶ୍ଚିତ କରିଛି କି ଗୋଲଡି ବରାର କାନାଡାର କୌଣସି ଏକ ସ୍ଥାନରେ ଲୁଚି ରହିଥିବା ଜଣାପଡିଛି।

  • ଆବେଙ୍କ ହତ୍ୟା ପଛର କାରଣ

    ଟୋକିଓ: ଜାପାନର ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କୁ ଗୁଳି କରିଥିବା ଅଭିଯୁକ୍ତଙ୍କୁ ତୁରନ୍ତ ଗିରଫ କରାଯାଇଛି । ଗିରଫ ଅଭିଯୁକ୍ତ ଜଣେ ପୂର୍ବତନ ସେନା ଅଧିକାରୀ । ସେ ନୌସେନାରେ ୩ ବର୍ଷ କାର୍ଯ୍ୟ କରି ଅବସର ନେଇଛନ୍ତି । ୟେୟେସୋୟା ୟାମାଗାମୀ ନାମକ ଏହି ଅଭିଯୁକ୍ତ ଶିଞ୍ଜୋ ଆବେଙ୍କୁ ଗୁଳି କରିବାକୁ ପୂର୍ବରୁ ଯୋଜନା କରିଥିଲେ । ଏହି ଅଭିଯୁକ୍ତ ଜମଙ୍କୁ ଏକ ହାତ ତିଆରି ବନ୍ଧୁକ ବ୍ୟବହାର କରିଥିବା କଥା ପ୍ରାଥମିକ ତଦନ୍ତରୁ ପୋଲିସ ସୂଚନା ଦେଇଛି ।

    ସିଞ୍ଜୋ ଆବେ ନାରା ସହରରେ ଏକ ଜନସଭାକୁ ଉଦବୋଧନ ଦେଉଥିବା ବେଳେ ୟମଗାମୀ ହଠାତ୍ ତାଙ୍କ ଉପରକୁ ଗୁଳି ଚଳାଇଥିଲେ । ଏହା ପରେ ସିଞ୍ଜୋ ଆବେ ଟଳିପଡିଲେ । ତାଙ୍କ ଛାତିରୁ ରକ୍ତସ୍ରାବ ହେଉଥିବା ଦେଖିବାକୁ ମିଳିଥିଲା । ଜାପାନୀ ସମାଚାର ଏଜେନ୍ସି  ଏନଏଚକେ ସୂଚନା ମୁତାବକ ୟାମାଗାମୀ ୨୦୦୫ ପର୍ଯ୍ୟନ୍ତ ଜାପାନ ନୌସେନାରେ ଚାକିରି କରିଥିଲେ ।

    ହେଲେ ସେ ସିଞ୍ଜୋ ଆବେଙ୍କୁ କାହିଁକି ବିରୋଧ କରୁଥିଲେ ତାହାର କାରଣ ଜଣାପଡିନାହିଁ। ହେଲେ ଗୁଳି ମାରିବା ପରେ ସଠାରେ ଉପସ୍ଥିତ ଥିବା ସୁରକ୍ଷା କର୍ମୀମାନେ ତାଙ୍କୁ କାବୁ କରିନେଇଥିଲେ । ଏବେ ତାଙ୍କୁ ହାଜତକୁ ନେଇ ହତ୍ୟା ପଛର କାରଣ ଖୋଜୁଛି ଜାପାନ୍ ପୋଲିସ ।

    ଭାରତର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କୁ ମଧ୍ୟ ଜଣେ ସେନା କର୍ମଚାରୀ ହତ୍ୟା କରିବା ପାଇଁ ଚେଷ୍ଟା କରିଥିଲେ କିନ୍ତୁ ରାଜୀବ ଗାନ୍ଧୀ ଅଳ୍ପକେ ବର୍ତ୍ତି ଯାଇଥିଲେ ।  ଏହା  ପଛରେ କିଛି କାରଣ ଥିଲା । ନିଶ୍ଚିତ ଭାବରେ ସିଞ୍ଜୋ ଆବେଙ୍କ ହତ୍ୟା ପଛରେ କିଛି ନା କିଛି କାରଣ ରହିଛି । ତଦନ୍ତ ପରେ ତାହା ଷ୍ପଷ୍ଟ ହେବ  ଓ ଏହା  ଜାଣିବା ପାଇଁ ସମସ୍ତେ ଆଗ୍ରହୀ ଅଛନ୍ତି ।

     ସ୍ମରଜିତ ଆର୍ଯ୍ୟଙ୍କ ରିପୋର୍ଟ ନକ୍ଷତ୍ର ନ୍ୟୁଜ

  • ମହାରାଷ୍ଟ୍ରର ଅମରାବତୀ କେମିଷ୍ଟ ହତ୍ୟା ପାଇଁ ନୂପୁର ଦାୟୀ!

    ଭୁବନେଶ୍ୱର: ମହମ୍ମଦଙ୍କ ଉପରେ ନୂପୁର ଶର୍ମାଙ୍କ ବିବାଦିତ ବୟାନକୁ ନେଇ ସୁପ୍ରିମକୋର୍ଟଙ୍କ ଭର୍ତ୍ସନା ପରେ ମଧ୍ୟ ଯେମିତି ଥମୁନି ନୂପୁରଙ୍କ ସମସ୍ୟା। ଉଦୟପୁର ହତ୍ୟା ଘଟଣା ପାଇଁ କୋର୍ଟ ନୂପୁରଙ୍କୁ ସମ୍ପୂର୍ଣ୍ଣ  ଦାୟୀ କରିବା ପରେ ଏବେ ମହାରାଷ୍ଟ୍ରର ଅମରାବତୀ କେମିଷ୍ଟ ହତ୍ୟା ପାଇଁ ନୂପୁରଙ୍କୁ ଟଣାଯାଉଛି। ହତ୍ୟାର ଶିକାର ହୋଇଥିବା କେମିଷ୍ଟ ମଧ୍ୟ ନୂପୁରଙ୍କ ସମର୍ଥନରେ ବାହାରିଥିଲେ।

    ଜିହାଦିଙ୍କ ଟାର୍ଗେଟରେ ନୂପୁରଙ୍କ ସମର୍ଥକ। ନୂପୁରଙ୍କୁ ସମର୍ଥନ କଲେ ଚାଲିଯାଉଛି ଜୀବନ। ଖାଲି ଉଦୟପୁରର କହ୍ନେୟା ଲାଲଙ୍କୁ ନୂପୁରଙ୍କ ସମର୍ଥନରେ ହତ୍ୟା କରାଯାଇ ନାହିଁ। ଏହା ପୂର୍ବରୁ ମଧ୍ୟ ମହାରାଷ୍ଟ୍ରରେ ଏକ ହତ୍ୟାକାଣ୍ଡ ହୋଇଛି। ମହାରାଷ୍ଟ୍ରର ଅମରାବତୀରେ ଘଟିଛି ଚାଞ୍ଚଲ୍ୟକର ହତ୍ୟାକାଣ୍ଡ। ଘଟଣାଟି ଉଦୟପୁର ପୂର୍ବରୁ ଘଟିଥିଲେ ମଧ୍ୟ ସମାନ ପ୍ରକାର ଷଡଯନ୍ତ୍ର ଥିବା ଚର୍ଚ୍ଚା ହେଉଛି। ଏହି ଘଟଣାରେ ଆଜି କେନ୍ଦ୍ର ଗୃହମନ୍ତ୍ରଣାଳୟ ପକ୍ଷରୁ ଏନଆଇଏ ତଦନ୍ତ ନିର୍ଦ୍ଦେଶ ଦିଆଯାଇଛି। ବିଜେପିର ପୂର୍ବତନ ଜାତୀୟ ମୁଖପାତ୍ର ନୂପୁର ଶର୍ମାଙ୍କୁ ସମର୍ଥନ କରିବାରୁ ମହାରାଷ୍ଟ୍ରର ଜଣେ ଔେଷଧ ଦୋକାନୀକୁ ଅତି ନିର୍ମମ ଭାବେ ହତ୍ୟା କରାଯାଇଛି।ମହାରାଷ୍ଟ୍ରର ଅମରାବତୀରେ ଜୁନ ୨୧ରେ ହୋଇଥିବା ଏକ ହତ୍ୟାକାଣ୍ଡକୁ ନୂପୁର ବିବାଦୀୟ ବୟାନ ସହ ଯୋଡା ଯାଉଛି।

    କାରଣ ହତ୍ୟାର ଶୀକାର ହୋଇଥିବା ୫୪ ବର୍ଷୀୟ କେମିଷ୍ଟ ଉମେଶ ପ୍ରହଲାଦରାବ କୋହ୍ଲେ ହତ୍ୟା ପୂର୍ବରୁ ନୂପୁରଙ୍କ ସମର୍ଥନରେ ସୋସିଆଲ ମିଡିଆରେ ଏକ ପୋଷ୍ଟ କରିଥିଲେ। ତେଣୁ ଏହି ହତ୍ୟା ସହ  ଉଦୟପୁର ହତ୍ୟାକୁ ଲିଙ୍କ କରୁଛି ତଦନ୍ତକାରୀ ଦଳ। କୁହାଯାଉଛି, ଉମେଶଙ୍କ ମୃତ୍ୟୁ ପୂର୍ବରୁ ଉମେଶ ନୂପୁରଙ୍କ ସମର୍ଥନରେ ଏକ ଫୋଷ୍ଟ ହ୍ୱାଟ୍ସଅପ ଗ୍ରୁପଗୁଡିକରେ କରିଥିଲେ। ସେହିସବୁ ଗ୍ରୁପ ମଧ୍ୟରୁ ଗୋଟିଏ ଥିଲା ତାଙ୍କ ଗ୍ରହକ ଥିବା ଏକ ମୁସଲମାନ ଗ୍ରୁପ। ଏହି ପୋଷ୍ଟକୁ ନେଇ ଗ୍ରୁପର ଲୋକଙ୍କ ମଧ୍ୟରେ ଆକ୍ରୋଶ ଦେଖାଦେଇଥିଲା ଓ ତାଙ୍କୁ ଶିକ୍ଷା ଦେବାକୁ ଯୋଜନା ପ୍ରସ୍ତୁତ ହୋଇଥିଲା। ପ୍ରଥମେ ତାଙ୍କୁ ଧମକ ଚମକ ଦିଆଯାଇଥିଲା ମଧ୍ୟ। ହେଲେ ଜୁନ୨୧ ରାତିରେ ଔଷଧ ଦୋକାନ ବନ୍ଦ କରି ଘରକୁ ଫେରୁଥିବା ବେଳେ ତାଙ୍କୁ ଅଧା ରାସ୍ତାରେ ଅଟକାଇ ତାଙ୍କ ବେକକୁ ଛୁରାରେ ମାଡ କରାଯାଇଥିଲା।  ଉମେଶଙ୍କ ସହ ତାଙ୍କ ପୁଅ ବୋହୂ ଅନ୍ୟ ଏକ ମୋଟର ସାଇକେଲରେ ଯାଉଥିବାରୁ ସେମାନେ ଭୟରେ ଚିତ୍କାର କରିଥିଲେ । ଆକ୍ରମଣକାରୀ ସେଠାରୁ ଫେରାର ହୋଇଯାଇଥିଲେ। ଏନେଇ ଉମେଶଙ୍କ ପୁଅଙ୍କ ଅଭିଯୋଗରେ ପୁଲିସ ୫ ଜଣଙ୍କୁ ଗିରଫ କରି ପଚରା ଉଚରାରୁ ସୋସିଆଲ ମିଡିଆ ପୋଷ୍ଟରୁ ତାଙ୍କ ହତ୍ୟା ହୋଇଥିବା କହିଛି।

    କିନ୍ତୁ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଏହାକୁ ଖଣ୍ଡନ କରିଛନ୍ତି ଉମେଶଙ୍କ ପୁଅ ସଂକେତ। ସଂକେତ କହିଛନ୍ତି, ନୂପୁରଙ୍କ ସମର୍ଥନ ପୋଷ୍ଟ ସମ୍ପର୍କରେ ଜାଣିବା ପରେ ସେ ତାଙ୍କ ପିତାଙ୍କ ପୋଷ୍ଟ ସବୁ ଚେକ କରିଛନ୍ତି, କୌଣସିଠାରେ ଏପରି ପୋଷ୍ଟ ସେ ପାଇ ନାହାନ୍ତି। ବର୍ତ୍ତମାନ ପ୍ରଶ୍ନ ଉଠୁଛି, ବାସ୍ତବରେ ନୂପୁର ଶର୍ମାଙ୍କ ସମର୍ଥନରୁ ହତ୍ୟା ହୋଇଛି ନା ସୁପ୍ରିମ କୋର୍ଟଙ୍କ ଦ୍ୱାରା ନୂପୁରଙ୍କୁ କଡା ସମାଲୋଚନା କରାଯିବା ପରେ ଏହି ହତ୍ୟାକୁ ନୂଆ ମୋଡ ଦିଆଯାଉଛି? ତେବେ ଏପରି ଏକ ସମ୍ବେଦନଶୀଳ ଓ ସ୍ପର୍ଶକାତର ପ୍ରସଙ୍ଗକୁ  ନେଇ ରାଜନୀତିକରଣ ଦେଶର ସୁରକ୍ଷା ପାଇଁ ଘାତକ ହେବ କହିଲେ ଅତ୍ୟୁକ୍ତି ହେବ ନାହିଁ।

Back to top button