NUAPADA

  • ନୂଆପଡାରେ ବାଘ ଆତଙ୍କ

    NUA_TIGER TERROR_PKG

    ()ନୂଆପଡାରେ ବାଘ ଆତଙ୍କ । ସୁନାବେଡା ଅଭୟାରଣ୍ୟ ମଧ୍ୟରେ ଥିବା ଜଳମଡେଇ ଗାଁ ସମେତ ଅଭୟାରଣ୍ୟ କୁ ଲାଗି ରହିଥିବା ତରିଆ , ମହୁଆଭଟ୍ଟା, ପାଓ୍ଵରତାଳା, ଆମାନାରା, ଟାନଓ୍ଵାଟ ଏବଂ କେରମେଲି ଗାଁ ରେ ବାଘ ବୁଲୁଥିବା ଦେଖିବାକୁ ମିଳିଛି ।  ଯାହାକୁ ନେଇ ଗାଁ ଲୋକଙ୍କ ମଧ୍ୟରେ ଭୟର ବାତାବରଣ ଦେଖିବାକୁ ମିଳିଛି ।

    ଗତ କିଛି ଦିନ ହେଲା ନୂଆପଡା ଜିଲ୍ଲାରେ ବାଘ ଆତଙ୍କ ଦେଖାଦେଇଛି।   ସପ୍ତାହେ ପୂର୍ବରୁ ନୂଆପଡା ସଦର ବ୍ଲକ ତରିଆ ମହୁଆଭଟ୍ଟା ଏବଂ ପାଓ୍ଵାରତାଳା ଗାଁ ରେ ପଶି ଗାଈଙ୍କୁ ମାରି ଖାଇଥିବା ଅଭିଯୋଗ ହୋଇଥିବା ବେଳେ ଗତ ରବିବାର ରାତିରେ ସୁନାବେଡା ଅଭୟାରଣ୍ୟ ର ଜଳମଡେଇ ଗାଁ ର ସାନମତି ବାରିକ ନାମକ ଜଣେ ବୃଦ୍ଧା ବର୍ଷ ବୟସ୍କା ମହିଳା ଘର ପଛପଟକୁ ଜାଳେଣୀ କାଠ ଆଣିବାକୁ ଯାଇଥିବା ବେଳେ ବାଘ ଟେକି ନେଇ ଖାଇ ଦେଇଥିଲା । ସେହି ଦିନ ଠାରୁ ସଂପୃକ୍ତ ଅଚଂଳ ଗୁଡିକରେ ବାଘ ର ଆତକଂ ଦେଖାଦେଇଛି ।ଆଜି ଭୋରସକାଳେ ମଧ୍ୟ ତରିଆ ମହୁଆଭଟ୍ଟା ଗାଁ ର ହୁମାନ ନାଏକ କଂ ଗାଇ ମହୁଲ ଗଛତଳେ ମହୁଲ ଗୋଟେଇ ଖାଉଥିାବା ସମୟରେ ଗାଈ କୁ ବାଘ ମାରିଖାଇଦେଇଛି । ଅପର ପକ୍ଷେ ଟାନଓ୍ଵାଟ ଏବଂ କେରମେଲି ଗାଁ ର ମୁଖ୍ୟରାସ୍ତା କଡରେ ବାଘ ବୁଲୁଥିବା  ଗାଁଲୋକେ ଅଭିଯୋଗ କରିଛନ୍ତି ।  

    ସେପଟେ ବନ ବିଭାଗ ପକ୍ଷରୁ  ବାଘର ଗତିବିଧି କୁ ଲକ୍ଷ୍ୟ କରିବା ପାଇଁ ବିଭିନ୍ନ ଲୋକେସନ ରେ ଟ୍ରାକ୍ କ୍ୟାମେରା ଖଞ୍ଜା ଯାଇଥିବା ବେଳେ ଘର ଘର ବୁଲି ଗାଁ ଲୋକ ଙ୍କୁ ଘରୁ ନବାହାରିବା ପାଇଁ ସଚେତନ କରାଯାଉଛି । ….

    ତେବେ ଗାଁରୁ ବାଘ ଘଉଡାଇବା ଲାଗି ବନ ବିଭାଗ କି ପଦକ୍ଷେପ ଗ୍ରହଣ କରୁଛି , ତାହା ଦେଖିବାକୁ ବାକି ରହିଲା…

    ବିମଳ ସିଂ ଦଳପତିଙ୍କ ରିପୋର୍ଟ, ନକ୍ଷତ୍ର ନ୍ୟୁଜ୍

  • ନୂଆପଡାରେ ଜଙ୍ଗଲ ଅଧିକାର ଆଇନ ନାହିଁ

    ନୂଆପଡା: ନୂଆପଡା ଜିଲ୍ଲାରେ ଠିକ୍ ଭାବରେ କାର୍ଯ୍ୟକାରୀ ହେଉନାହିଁ ଜଙ୍ଗଲ ଅଧିକାର ଆଇନ। ଗ୍ରାମ ସଭାକୁ ଗୁରୁତ୍ଵ ଦେଇ ଆଇନକୁ କାର୍ଯ୍ୟକାରୀ ଆଦିବାସୀ ଏବଂ ଅଣଆଦିବାସୀଙ୍କୁ ଜମିପଟ୍ଟା ସହ ଗୋଷ୍ଠୀଗତ ଅଧିକାର ଦେବାର ନିୟମ ତ ଅଛି ହେଲେ ବିଭିନ୍ନ ଆଳ ଦେଖାଇ ଉଭୟ ଜଙ୍ଗଲ ଏବଂ ଜିଲ୍ଲା ପ୍ରଶାସନ କାର୍ଯ୍ୟକାରୀ କରୁ ନଥିବା ଅଭିଯୋଗ ହୋଇଛି ।

    ଜଙ୍ଗଲର ଅଧିକାର ଆଇନ୍ କାର୍ଯ୍ୟରେ ବ୍ୟତିକ୍ରମ । ଜଙ୍ଗଲର ସୁରକ୍ଷା ସହ   ଆଦିବାସୀ ଏବଂ ଅଣଆଦିବାସୀ ମାନଙ୍କୁ ଜଙ୍ଗଲ ଜମି ପଟ୍ଟା ଯୋଗାଇବା ଉଦ୍ଦେଶ୍ୟରେ   ୨୦୦୬ ମସିହାରେ ଜଙ୍ଗଲ ଜମି ଅଧିକାର ଆଇନ୍ କାର୍ଯ୍ୟକାରୀ ହୋଇଥିଲା । ଆଇନ ଅନୁସାରେ ବଣପାହାଡ ଘେରା ଅଚଂଳରେ ରହୁଥିବା ଲୋକଙ୍କୁ ଗ୍ରାମସଭା ମାଧ୍ୟମରେ   ଚିହ୍ନଟ କରି ଜଙ୍ଗଲ ଜମି ଯୋଗାଇବା କଥା । ହେଲେ ଏହି କାର୍ଯ୍ୟରେ ବ୍ୟତିକ୍ରମ ଦେଖିବାକୁ ମିଳିଛି ନୂଆପଡା ଜିଲ୍ଲାରେ । ୨୦୦୬ ସମିହାରେ ଜଙ୍ଗଲ ଅଧିକାର ଆଇନ ଠିକ୍ ଭାବରେ କାର୍ଯ୍ୟକାରୀ ହେଉନଥିବା ବେଳେ ଜଙ୍ଗଲ ଜମି ମୁକ୍ତି ଆନ୍ଦୋଳନ ପକ୍ଷରୁ ଡିଏଫଓ ଅଫିସ ଘେରାଓ କରାଯାଇଛି।

    ଦୀର୍ଘ ୧ ଘଣ୍ଟାରୁ ଉର୍ଦ୍ଦ ସମୟ ଧରି ଡିଏଫଓ ଅଫିସ ଘେରାଓ କରି ବିକ୍ଷୋଭ ପ୍ରଦର୍ଶନ କରିବା ସହ ଜଙ୍ଗଲ ଅଧିକାର ଆଇନକୁ ଠିକ୍ ଭାବରେ କାର୍ଯ୍ୟକାରୀ କରିବାକୁ ଦାବୀ କରାଯାଇଥିଲା ବେଳେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ୧୫ ଦଫା ସମ୍ମଳିତ ଦାବୀ ପତ୍ର ପ୍ରଦାନ କରିଛନ୍ତି ଜଙ୍ଗଲ ଜମି ମୁକ୍ତି ଆନ୍ଦୋଳନ । ଅନ୍ୟପଟେ ଡିଏଫଓ ନୂଆପଡା ଜିଲ୍ଲାରେ ଠିକ୍ ଭାବେ ଜଙ୍ଗଲ ଅଧିକାର ଆଇନ କାର୍ଯ୍ୟକାରୀ ହେଉଥିବା କହିଛନ୍ତି ।

    ତେବେ ଦାବୀ ପୂରଣ ନହେଲେ ଆଗାମୀ ଦିନରେ ଆନ୍ଦୋଳନକୁ ଜୋରଦାର୍ କରାଯିବ ବୋଲି ଜଙ୍ଗଲ ଜମି ମୁକ୍ତି ଆନ୍ଦୋଳନ ଚେତାବନୀ ଦେଇଛି।

    ବିମଳ ସିଂ ଦଳପତିଙ୍କ ରିପୋର୍ଟ

  • ନୂଆପଡାରେ ପୁଣି ମାତିଲେ ଲାଲବାହିନୀ

    ନୂଆପଡା ଜିଲ୍ଲା ସୁନାବେଡା ଅଭୟାରଣ୍ୟରେ ଅଘଟଣ। ଜଣେ ଯୁବକଙ୍କୁ ଘରୁ ଡାକି ନେଇ ଗାଁ ମୁଣ୍ଡରେ ଗୁଳିକରି ହତ୍ୟା କଲେ ମାଓବାଦୀ। ମୃତ ଯୁବକ ଅନନ୍ତ ରାମ ରାଉତ । ଅନନ୍ତ ଗତକାଲି ରାତିରେ ଶୋଇଥିବା ବେଳେ ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ଗାଁ ମୁଣ୍ଡରେ ଗୁଳି କରି ହତ୍ୟା କରିଛନ୍ତି ମାଓବାଦୀ । ଗାଁ ମୁଣ୍ଡରେ ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ପଡିଥିବା ବେଳେ ଘଟଣାସ୍ଥଳରେ ମାଓ ପୋଷ୍ଟର ମଧ୍ୟ ପଡିରହିଛି । ଏହାକୁ ନେଇ ଗାଁରେ ଭୟର ବାତାବରଣ ଖେଳିଯାଇଛି । ସେହିପରି ମୃତ ଯୁବକ ଜଣଙ୍କ ଛତିଶଗଡ ରାଜ୍ୟର ନାଗରା ଅଚଂଳର ବୋଲି ଜଣାପଡିଥିବା ବେଳେ କିଛି ବର୍ଷ ହେଲା ଡେକୁନପାଣି ଗାଁରେ ରହି ଆସୁ୍ଥିଲେ।

Back to top button