police

  • ପୁଲିସ ନେତା ମୁହାଁମୁହିଁ

    YSRTP CHIEF SHARMILA SLAPS

    ()ପୁଲିସ ନେତା ମୁହାଁମୁହିଁ… ପେପର ଲିକ୍ ମାମଲାରେ ଏସଆଇଟିରେ ହାଜର ବେଳେ ତୁମୁଳକାଣ୍ଡ… ରାସ୍ତା ମଝିରେ ପୋଲିସକୁ ପିଟିଲେ ଓ୍ୱାଇଏସଆର ତେଲେଙ୍ଗାନା ମୁଖ୍ୟ ଶର୍ମିଲା… ଥାନାରେ ବି ଶର୍ମିଲାଙ୍କ ମାଙ୍କ ହଙ୍ଗାମା…

    ସେପଟେ ପୁଲିସକୁ ମାଡ଼ ମାରିଲେ ଓ୍ୱାଇଏସଆର ତେଲେଙ୍ଗାନା ମୁଖ୍ୟ ଶର୍ମିଲା। ତେଲେଙ୍ଗାନା ପେପର ଲିକ୍ ମାମଲାରେ ଆଜି ଏସଆଇଟିରେ ହାଜର ହେବାକୁ ଗଲାବେଳେ ଏଭଳି ତୁମୁଳକାଣ୍ଡ ଘଟିଛି। ଆନ୍ଧ୍ର ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କ ଭଉଣୀ ଶର୍ମିଲାଙ୍କୁ ପୁଲିସ ଅଟକ ରଖିଥିଲା। ଖବର ପାଇ ଶର୍ମିଲାଙ୍କ ମାଆ ବି ଥାନାରେ ପହଞ୍ଚି ହଙ୍ଗାମା କରିଛନ୍ତି।

    ଗାଡ଼ି ଅଟକାଇବାକୁ ଚେଷ୍ଟା କରୁଥିଲା ପୁଲିସ୍। ହେଲେ ଗାଡ଼ି ଆଗକୁ ମାଡ଼ିଚାଲିଲା। ଗାଡ଼ିରେ ବସିଥିଲେ ଓ୍ୱାଇଏସଆର ତେଲେଙ୍ଗାନା ମୁଖ୍ୟ ଓ୍ୱାଇଏସ. ଶର୍ମିଲା। ପେପର ଲିକ୍ ମାମଲାରେ ନିଜ ଘରୁ ଏସଆଇଟି ଅଫିସକୁ ଗଲା ବେଳେ ଏଭଳି ଘଟଣା ଦେଖିବାକୁ ମିଳିଥିଲା। ଆଉ ଗାଡ଼ି ଅଟକିବା ମାତ୍ରେ ଗାଡ଼ିରୁ ଓହ୍ଲାଇ ଶର୍ମିଲା ଜଣେ ପୁଲିସ କର୍ମୀଙ୍କୁ ଚାପୁଡ଼ା ମାରିବା ସହ ଠେଲି ଦେଇଥିଲେ ରାଗରେ କୁଆଡ଼େ ପୁଲିସ ଅଧିକାରୀ ତାଙ୍କ ହାତକୁ ଧରି ଟାଣିଦେଇଥିଲେ ଓ ଗାଡ଼ିରୁ ଓହ୍ଲାଇବାକୁ ବାଧ୍ୟ କରିଥିଲେ। ପ୍ରବଳ ଯୁକ୍ତିତର୍କ ହୋଇଥିଲା ସେଠି। ପୁଲିସ କର୍ମଚାରୀ ଶର୍ମିଲାଙ୍କୁ ଅଟକ ରଖିଥିଲା। ହାଇଦ୍ରାବାଦର ଜୁବିଲି ହିଲ୍ସ ଥାନାରେ ଅଟକ ଥିବା ଶର୍ମିଲାଙ୍କୁ ଭେଟିବାକୁ ଯାଇଥିଲେ ତାଙ୍କ ମାଆ ଓ୍ୱାଇଏସ ବିଜୟମା। ଶର୍ମିଲାଙ୍କ ମାଆ ବିଜୟମା ବି ପୁଲିସକୁ ନାଲି ଆଖି ଦେଖାଇଥିବା ଭିଡ଼ିଓ ଭାଇରାଲ ହୋଇଛି ଝିଅକୁ କେଉଁ ଅଧାରରେ ଓ ଅଧିକାରରେ ଅଟକ ରଖିଛ କହି ପୁଲିସ ଉପରେ ବର୍ଷିଥିଲେ। ପୁଲିସ ସତ ତାଙ୍କର ବି ଜୋରଦାର ଯୁକ୍ତିତର୍କ ସାଙ୍ଗକୁ ଠେଲାପେଲା ଭଳି ସ୍ଥିତି ଦେଖିବାକୁ ମିଳିଥିଲା। ତେଲେଙ୍ଗାନା ଷ୍ଟେଟ୍ ପବ୍ଲିକ ସର୍ଭିସ କମିଶନ ଦ୍ୱାରା ଆୟୋଜିତ ନିଯୁକ୍ତି ପରୀକ୍ଷାରେ ପେପର ଲିକ୍ ଲାଗି ସାରା ରାଜ୍ୟରେ ଆନ୍ଦୋଳନ ଜାରି ରହିଛି। ପରୀକ୍ଷା ଅନିୟମିତତା ମାମଲାରେ ୧୧ ଜଣଙ୍କୁ ଗିରଫ କରାଗଲାଣି ତିନି ଥର ପରୀକ୍ଷା ବି ବାତିଲ୍ ହେଲାଣି ବିରୋଧୀ ଦଳ କେସିଆର ସରକାରଙ୍କୁ ପେପର ଲିକ୍ ଲାଗି ଦାୟୀ କରିଛନ୍ତି। ଶର୍ମିଲା ନିରନ୍ତର ଭାବେ ପେପର ଲିକ୍ ମାମଲାର ନିରପେକ୍ଷ ତଦନ୍ତ ଲାଗି ଦାବି କରିଆସୁଛନ୍ତି। ଗଲା ମାସରେ ବି ଏହି ପ୍ରସଙ୍ଗରେ ହାଇଦ୍ରାବାଦରେ ପ୍ରତିବାଦ ଆନ୍ଦୋଳନ ବେଳେ ଶର୍ମିଲାଙ୍କୁ ପୁଲିସ ଅଟକ ରଖିଥିଲା। ଶର୍ମିଲା ଆନ୍ଧ୍ରର ପୂର୍ବତନ ମୁଖ୍ୟମନ୍ତ୍ରୀ ଓ୍ୱାଇଏସ ରାଜଶେଖର ରେଡ୍ଡୀଙ୍କ ଝିଅ ଆନ୍ଧ୍ର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀଙ୍କ ସାନ ଭଉଣୀ ଅଟନ୍ତି। ନିଜ ଦଳ ସପକ୍ଷରେ ଶର୍ମିଲା ତେଲେଙ୍ଗାନାରେ ରାଲି କରିଥିଲେ। ତାଙ୍କ ଭାଇଙ୍କ ଓ୍ୱାଇଏସଆର କଂଗ୍ରେସ ଦଳ ଆନ୍ଧ୍ରରେ କ୍ଷମତାରେ ଥିଲେ ବି କୌଣସି ସାହାଯ୍ୟ କରୁନାହାନ୍ତି ବୋଲି ଅଭିଯୋଗ କରିଆସୁଛନ୍ତି ଶର୍ମିଲା। ବେକାରୀ ନିଯୁକ୍ତି କେଳେଙ୍କାରୀରେ ବିଆରଏସ ସରକାର ବିରୁଦ୍ଧରେ ଶର୍ମିଲା ଆନ୍ଦୋଳନ ଜାରି ରଖିଛନ୍ତି

    ପ୍ରଦୀପ ନାୟକଙ୍କ ରିପୋର୍ଟ

  • ପୋଲିସ ବିଭାଗରେ କେଳେଙ୍କାରୀ

    ଭୁବେନେଶ୍ୱର: ପୋଲିସ ବିଭାଗରେ ବଡ଼ କେଳେଙ୍କାରୀ। ସରକାରୀ ରାଜସ୍ୱକୁ ଖାଇ ଚାଲିଛନ୍ତି ବଡ଼ ପୋଲିସ ବାବୁ। ଅଭିଯୋଗ କଲେ କି ପ୍ରଶ୍ନ କଲେ ଚାକିରୀ ରୁ ବିନା କାରଣରେ ବିଦା କରୁଛନ୍ତି। ଏଭଳି ଘଟଣା ଘଟିଛି ଗଜପତି ଜିଲ୍ଲାରେ। ଗଜପତିର କାମଣ୍ଡେଣ୍ଡ ଜୁରିଆ ବେହେରା ଓ ଅନ୍ୟ ବରିଷ୍ଠ ଅଧିକାରୀ ମାନେ ପୋଲିସ ବିଭାଗର ଟଙ୍କାକୁ ଆତ୍ମସାତ କରୁଥିବା ନେଇ ଗଜପତି OSAP 3RD SSBN ର ଯବାନ ବିଜୟ ଚୌଧୁରୀ DG ଙ୍କୁ ଅଭିଯୋଗ କରିଥିଲେ। ପରେ ସମସ୍ତ ତଥ୍ୟ ପ୍ରମାଣ ଥିବା ସତ୍ତ୍ବେ ତାଙ୍କୁ ଚକ୍ରାନ୍ତ କରି ତାଙ୍କୁ ଚାକିରୀରୁ ବହିଷ୍କାର କରିଥିବା ନେଇ ବିଜୟ ଅଭିଯୋଗ କରିଛନ୍ତି। ତେବେ DIG ଓ ADG ତାଙ୍କ ଦାବି ନଶୁଣିଲେ ସେ ଆତ୍ମହତ୍ୟା କରିବେ ବୋଲି କହିଛନ୍ତି।

  • ୭ ଲକ୍ଷ ସହ ଦୁଇ ଲୁଟେରା ଗିରଫ

    ପୁରୀ: ବଳଙ୍ଗା ପୋଲିସକୁ ସଫଳତା। ଦଶହରା ପୂର୍ବରୁ ସାଢ଼େ ସାତ ଲକ୍ଷ ଟଙ୍କା ସହ ଦୁଇ ଜଣ ଲୁଟେରାଙ୍କୁ ଧରିବାରେ ସଫଳ ହୋଇଛି ବଳଙ୍ଗା ପୋଲିସ। ବଳଙ୍ଗା ସାତଶଙ୍ଖ ରାସ୍ତାର ରୂପଦେଇପୁର ଠାରେ ଥିବା ଓଁ ଶକ୍ତି ପେଟ୍ରୋଲ ପମ୍ପରୁ ଗତ 27 ତାରିଖରେ ଲୁଟ କରିଥିଲେ ଦୁଇଜଣ ଲୁଟେରା। ପେଟ୍ରୋଲ ପମ୍ପ ପରିଚାଳକ ପ୍ରସନ୍ନ ମିଶ୍ରଙ୍କ ଅଭିଯୋଗ କ୍ରମେ ବଳଙ୍ଗା ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ଅଭିଯୁକ୍ତ ଦୁଇଜଣଙ୍କୁ ପୁରୀ ପେଣ୍ଟକଟା ଅଂଚଳରୁ ପୁଲିସ ଗିରଫ କରିଥିବା ବେଳେ ସେମାନଙ୍କ ପାଖରୁ ସାତ ଲକ୍ଷ ପଚାଶ ହଜାର ଟଙ୍କା ଜବତ କରାଯାଇଛି। ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି ପିପିଲି SDPO।

  • ପିଲା ଚୋରିର ପର୍ଦ୍ଦାଫାସ

    କଟକ: ପିଲା ଅଦଳବଦଳ ଘଟଣାରେ ନୂଆ ମୋଡ଼। ପିଲା ଚୋରି ଘଟଣାର ସତ ମାନିଲେ ଦମ୍ପତ୍ତି। ଗଣମାଧ୍ୟମରେ ଖବର ପ୍ରସାରଣ ପରେ ଅଦଳବଦଳ ବାହାନା କରିଥିଲେ ଛୁଆ ନେଇଯାଇଥିବା ଦମ୍ପତି। କଟକ ଏସସିବି ଆସି କହିଥିଲେ କି ଆମର ପୁଅ ସନ୍ତାନ ନେବା ବଦଳରେ ଆମେ ଆଉ ଜଣଙ୍କ ଝିଅ ସନ୍ତାନ ନେଇଯାଇଛୁ। ଅଦଳବଦଳ ନାଟକ ରଚିଥିବା ମହିଳା ଓ ତାଙ୍କ ସ୍ଵାମୀ ସତ କଥା ସ୍ବୀକାର କରିଛନ୍ତି। ସେ ଗତ ଆଠ ଦିନ ଧରି ମେଡିକାଲ ସ୍ତ୍ରୀ ପ୍ରସୂତି ବିଭାଗକୁ ଆସୁଥିଲା। ହେଲେ ସେ କେବେ ହେଲେ ଏଠାରେ ଆଡ଼ମିଶନ ହୋଇନାହିଁ। କି ଏଠାରେ ପୁତ୍ର ସନ୍ତାନ ଜନ୍ମ କରିନାହିଁ। ଏସସିବି ପକ୍ଷରୁ ଘଟଣା ବିଷୟରେ ତଦନ୍ତ ଜାରି ରହିଛି। ଏହି ଘଟଣାରେ ଆଉ କିଛି ଲୋକଙ୍କ ସଂପୃକ୍ତି ଥାଇପାରେ ପୋଲି ଅନୁମାନ କରାଯାଉଥିବାବେଳେ କଟକ ପ୍ରତାପନଗରୀ ଅଞ୍ଚଳର ଏହି ଦମ୍ପତିଙ୍କୁ ଏବେ ପୋଲିସ ଅଟକ ରଖିଛି। ଏସସିବି ପ୍ରଶାସନିକ ଅଧିକାରୀ କହିଛନ୍ତି ଏହି ଘଟଣାରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

  • ପୋଲିସ ଥାନା ଆଗରେ ମାରପିଟ୍

    ବାଲେଶ୍ୱର: ଜମି ବିବାଦକୁ ନେଇ ଫାଣ୍ଡି ଆଗରେ ମାରପିଟ। ଘଟଣାରେ ୩ଜଣ ଗୁରୁତର ଆହତ ହୋଇଥିବା ବେଳେ ୩ ଜଣକୁ ଅଟକ ରଖିଛି ପୋଲିସ। ବାଲେଶ୍ୱର ଜିଲ୍ଲା ବାହାନଗା ବ୍ଲକ ଆରୁହା ଅଞ୍ଚଳର ଇଶ୍ୱର ସାହୁଙ୍କ ଦାଦା ପୁଅ ଭାଇ ମାନଙ୍କ ସହ ଜମି ବିବାଦ ଲାଗିରହିଥିଲା। ଏନେଇ ଇଶ୍ୱର  ଫାଣ୍ଡିରେ ଏକ ଲିଖିତ ଅଭିଯୋଗ କରିଥିଲେ। ଫାଣ୍ଡି ଅଧିକାରୀ ଉକ୍ତ ଘଟଣାକୁ ନେଇ ଉଭୟ ପକ୍ଷଙ୍କୁ ନିଜର ପକ୍ଷ ରଖି ଘଟଣାର ସମାଧାନ ପାଇଁ ଫାଣ୍ଡିକୁ ଡାକିଥିବା ବେଳେ ଘଟଣାର ସମାଧାନ ହୋଇ ପାରିନଥିଲା। ପରେ ବିଳମ୍ବିତ ରାତିରେ ଫାଣ୍ଡି ଆଗରେ ଇଶ୍ୱର ସାହୁ ଏବଂ ତାଙ୍କର ଅନ୍ୟ ଭାଇମାନଙ୍କୁ ଅତର୍କିତ ଭାବେ ଅପର ପକ୍ଷ ବିଭିନ୍ନ ଖଣ୍ଡା ଓ ଭୁଜାଲିରେ ମାରଣାସ୍ତ୍ର ଆକ୍ରମଣ କରିଥିଲେ। ଏଥିରେ ୩ ଜଣ ଆହତ ହୋଇଥିବା ବେଳେ ସ୍ଥାନୀୟ ଲୋକ ଉଦ୍ଧାର କରି ଆମ୍ବୁଲାନ୍ସ ଯୋଗେ ପ୍ରଥମେ ସୋର ଡାକ୍ତର ଖାନାକୁ ଆଣିଥିଲେ। ପରେ ଜଣକ ଅବସ୍ଥା ସଙ୍କଟାପନ୍ନ ହେବାରୁ ବାଲେଶ୍ବର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଘଟଣାରେ ୩ ଜଣ ଆକ୍ରମଣକାରୀଙ୍କୁ ଫାଣ୍ଡି ପୋଲିସ ଅଟକ ରଖିଥିବା ଜଣାପଡିଛି।

  • ପୁଲିସର ନ୍ୟାୟ: ପୀଡିତାର ମାଙ୍କୁ ଦୁଷ୍କର୍ମ

    () ଖାକିରେ କଳଙ୍କର ଦାଗ। ନ୍ୟାୟ ଦେବା ବଦଳରେ ଦୁଷ୍କର୍ମ କଲେ ପୁଲିସ ଅଧିକାରୀ। ଦୁଷ୍କର୍ମର ଶୀକାର ହୋଇଥିବା ଜଣେ ପୀଡ଼ିତାଙ୍କ ମାଆକୁ ଦୁଷ୍କର୍ମ କରିଛି ୟୁପିର କନୌଜ ଜିଲ୍ଲା ଅନ୍ତର୍ଗତ ହାଜି ସରିଫ୍ ଫାଣ୍ଡି ଅଧିକାରୀ ଅନୁପ କୁମାର ମୌର୍ଯ୍ୟ। ମହିଳାଙ୍କ ଅଭିଯୋଗ କ୍ରମେ ଥାନାରେ ମାମଲା ରୁଜୁ ହୋଇଛି। ଅନୁପକୁ ଗିରଫ କରିବା ସହ ତାକୁ ଚାକିରୀରୁ ନିଲମ୍ୱିତ କରାଯାଇଛି।

    ବଳାତ୍କାର ପୀଡ଼ିତାଙ୍କ ମାଆକୁ ବଳାତ୍କାର କଲେ ପୁଲିସ ଅଧିକାରୀ। ଖାକିରେ ଏଭଳି କଳଙ୍ଗର ଦାଗ ଲାଗିଛି। ଝିଅକୁ ବଳାତ୍କାର କରିଥିବା ଅଭିଯୁକ୍ତଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଲାଗି ମା ଥାନାକୁ ବାରମ୍ୱାର ଦୌଡୁଥିଲେ। ହେଲେ କିଏ ଜାଣିଥିଲା, ଯେଉଁ ଅଧିକାରୀଙ୍କ ପାଖକୁ ନ୍ୟାୟ ଲାଗି ମା ଆଶା ବାନ୍ଧି ଯାଉଥିଲା, ତା ଭିତରେ ଆଉ ଏକ ନରପିଶାଚ ଥିଲା। ଥାନାର ଇନଚାର୍ଜ ଅନୁପ କୁମାର ମୌର୍ଯ୍ୟ ପୀଡିତାଙ୍କ ମାଆ ପ୍ରତି ପାଶବିକ ଅତ୍ୟାଚାର କଲା। ୟୁପି କନୌଜର ହାଜି ସରିଫ ଫାଣ୍ଡିର ଇନ-ଚାର୍ଜ ଫାଇନାଲ ରିପୋର୍ଟ ହେବ କହି ପୀଡ଼ିତାଙ୍କ ମାଆକୁ ନିଜ ସରକାରୀ ବାସଭବନକୁ ଡାକିଥିଲେ। ହେଲେ ସେଠି ତାଙ୍କୁ ଦୁଷ୍କର୍ମ କଲା। ନିଜର ୧୭ ବର୍ଷୀୟା ନାବାଳିକା ଝିଅକୁ ନ୍ୟାୟ ଦେବାକୁ ଥାନାକୁ ଯାଇଥିବା ମହିଳା ବି ଶେଷରେ ଦୁଷ୍କର୍ମର ଶୀକାର ହେଲେ। ତାଙ୍କ ଝିଅକୁ କେହି ଅଜଣା ଅଭିଯୁକ୍ତ ଦୁଷ୍କର୍ମ କରିଥିବାର ଆରୋପ ଆଣି ନ୍ୟାୟ ଭିକ୍ଷା କରୁଥିଲେ ମା ଜଣକ। ମେଡିକାଲ ରିପୋର୍ଟରେ ବି ସ୍ପଷ୍ଟ ହୋଇସାରିଛି, ଅଭିଯୁକ୍ତ ପୁଲିସ ଅଧିକାରୀ ଅନୁପ ମହିଳାଙ୍କୁ ଦୁଷ୍କର୍ମ କରିଛି। ସେତେବେଳେ ସେ ନିଶାରେ ବି ଥିଲା। ଏହା ପରେ ଏସଆଇ ଅନୁପ ବିରୁଦ୍ଧରେ ମାମଲା ରୁଜୁ ହୋଇଛି। ଆଉ ଅନୁପକୁ ଗିରଫ କରାଯାଇଛି। କୋର୍ଟରେ ଜାମିନ ନାମଞ୍ଜୁର ପରେ ଅଭିଯୁକ୍ତ ପୁଲିସ ଅଧିକାରୀକୁ ଜେଲ ପଠାଇ ଦିଆଯାଇଛି। ଅନୁପକୁ ତତ୍କାଳ ନିଲମ୍ୱନ ବି କରାଯାଇଛି।

    ପୀଡିତାକୁ ନ୍ୟାୟ ଦେବ କଅଣ ପୁଲିସ। ପାଲଟା ପୀଡ଼ିତାଙ୍କ ମାଆକୁ ଦୁଷ୍କର୍ମ କଲା।  ଯାହାକୁ ନେଇ ସବୁଠି ହଇଚଇ। ଅଗଷ୍ଟ ୨୮ରେ ସକାଳ ୧୧ଟା ବେଳକୁ ଆଉଟପୋଷ୍ଟ ଇନ-ଚାର୍ଜ ଅନୁପ ଦୁଷ୍କର୍ମ ପୀଡିତାଙ୍କ ମାଆଙ୍କୁ ପୁଲିସ ଲାଇନରେ ଥିବା ପେଟ୍ରୋଲ ପମ୍ପ ପାଖକୁ ଡାକିଥିଲେ। ଆଉ ମହିଳା ଜଣକ ସେଠାରେ ପହଞ୍ଚିବା ପରେ ନିଜ ବାଇକରେ ଅଭିଯୁକ୍ତ ପୁଲିସ ଅଧିକାରୀ ଅନୁପ ତାଙ୍କ ରୁମ୍‌କୁ ନେଇଯାଇଥିଲେ। ଘରେ ପହଞ୍ଚିଲା ପରେ ପୁଲିସ ଅଧିକାରୀ ରୁମ୍ ବନ୍ଦ କରିଦେଇଥିଲେ ଆଉ ମହିଳାଙ୍କୁ ଦୁଷ୍କର୍ମ କରିଥିଲେ। ଘଟଣା ପଦାକୁ ଆସିବା ପରେ ଏହାର ତଦନ୍ତ ଲାଗି ଏସପି ଅନୁପମ ସିଂ ନିର୍ଦେଶ ଦେଇଥିଲେ। ଆଉ ଘଟଣାର ସତ୍ୟାସତ୍ୟ ଜଣାପଡ଼ିବା ପରେ ଅନୁପକୁ ଗିରଫ କରାଯାଇଛି।

    ପ୍ରଦୀପ ନାୟକଙ୍କ ରିପୋର୍ଟ

  • ପୋଲିସ ବାବୁଙ୍କ ନାଗିନ ଡ୍ୟାନ୍ସ

    ଆଜି ୭୬ତମ ସ୍ୱାଧୀନତା ଦିବସ। ସମଗ୍ର ଦେଶ ସ୍ୱାଧୀନତା ଦିବସ ପାଳନ କରୁଥିବା ବେଳେ ପୋଲିସ ଥାନା ଭିତରେ ଦେଖିବାକୁ ମିଳିଛି ନାଗିନ ଡ୍ୟାନ୍ସ। ସ୍ୱାଧୀନତା ଦିବସର ୭୫ ବର୍ଷ ପୂର୍ତ୍ତି ଅବସରରେ ପୋଲିସ ବାବୁଙ୍କ ନାଗିନ ଡ୍ୟାନ୍ସ। ପ୍ରଥମେ ଦେଶାତ୍ମବୋଧକ ଗୀତ ଗାଇ ସ୍ୱାଧୀନତା ଦିବସ ପାଳନ କରିବା ପରେ ନାଗିନ ଡ୍ୟାନ୍ସରେ ଝୁମୁଥିବା ଭିଡିଓରେ ଦେଖିବାକୁ ମିଳିଛି। ଏହି ନାଗିନ ଡ୍ୟାନ୍ସର ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହୋଇଥିବା ଦେଖିବାକୁ ମିଳିଛି। ହଁ ଆମେ କହୁଛୁ ଉତ୍ତରପ୍ରଦେଶ ପିଲିଭିତ ଜିଲ୍ଲା ପୁରାଣପୁର ଥାନା କଥା। ଏଠାରେ ସ୍ୱାଧୀନତା ଦିବସରେ ପତାକା ଉତ୍ତୋଳନ କରାଗଲା। ଦେଶାତ୍ମବୋଧକ ଗୀତ ବି ବୋଲା ହେଲା। ଏହାପରେ ଆରମ୍ଭ ହୋଇଗଲା ନାଗିନ ଡ୍ୟାନ୍ସ। ଇନସ୍ପେକ୍ଟରଙ୍କଠାରୁ ଆରମ୍ଭ କରି ଥାନା ଭିତରେ ଥିବା ସମସ୍ତ ପୋଲିସ କର୍ମଚାରୀ ଖୁସିରେ ନାଚିବାକୁ ଲାଗିଲେ। ଏମିତିରେ ପୋଲିସ କର୍ମଚାରୀଙ୍କୁ ବର୍ଷକ ମଧ୍ୟରେ ଖୁବ କମ ଛୁଟି ମିଳିଥାଏ। ତେଣୁ ଆଜାଦୀ କି ଅମୃତ ମହୋତ୍ସବ ଅବସରରେ ପୀଲଭିତ ଥାନାରେ ପୋଲିସ କର୍ମଚାରୀମାନେ ଖୁଲମଖୁଲ୍ଲା ନାଚିଥିବା ଭିଡିଓରେ ଦେଖିବାକୁ ମିଳିଛି।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
  • ସ୍ୱାଧୀନତା ଦିବସ ପୂର୍ବରୁ ଦିଲ୍ଲୀରେ ୨୦୦୦ ଜୀବନ୍ତ ଗୁଳି ଜବତ, ୬ ଗିରଫ

    ରାଜଧାନୀ ଦିଲ୍ଲୀରେ ଅଗଷ୍ଟ 15 ପୂର୍ବରୁ 2 ହଜାର ଜୀବନ୍ତ ଗୁଳି ଜବତ କରାଯାଇଛି। ୭୫ତମ ସ୍ୱାଧୀନତା ଦିବସକୁ ଧୂମଧାମରେ ପାଳନ ପାଇଁ ଦିଲ୍ଲୀ ପ୍ରସ୍ତୁତ ହେଉଥିବା ବେଳେ ଏହି ଘଟଣା ଆତଙ୍କର କାରଣ ପାଲଟିଛି। ସ୍ୱାଧୀନତା ଦିବସ ପାଳନର ୩ ଦିନ ପୂର୍ବରୁ ଏଭଳି ଗୁଳି ଜବତ ବାସ୍ତବିକ ଚିନ୍ତାଜନକ। ମାମଲରେ ପୋଲିସ ୬ ଜଣଙ୍କୁ ଅଟକ ରଖି ପଚରା ଉଚରା ଚଳାଇଛି। ଏଥର ସମଗ୍ର ଦେଶ ସ୍ୱାଧୀନତାର 75 ତମ ବାର୍ଷିକୀ ପାଳନ କରିବାକୁ ଯାଉଛି। ସୁରକ୍ଷା ବ୍ୟବସ୍ଥା ମଧ୍ୟ କରାଯାଉଛି ଯାହା ଦ୍ୱାରା ଏହି ଖୁସି ପରିବେଶରେ କୌଣସି ପ୍ରତିବନ୍ଧକ ନହୁଏ |

    ଚଳିତ ସପ୍ତାହ ପୂର୍ବରୁ ରାଜଧାନୀ ଦିଲ୍ଲୀରେ ଜଣେ ସକ୍ରିୟ ଆଇଏସଆଇଏସ ସଦସ୍ୟକୁ ପୋଲିସ ଗିରଫ କରିଥିଲା। ଗିରଫ ଯୁବକ ଜାମିଆ ମିଲିଆ ଇସ୍ଲାମିଆ ୟୁନିଭର୍ସିଟିର ଦ୍ୱିତୀୟ ବର୍ଷର ଛାତ୍ର ବୋଲି ଜଣାପଡିଛି। ଗିରଫ ଯୁବକ ମହସିନ ଅହମ୍ମଦ ଆଇଏସଆଇଏସର ଜଣେ ସକ୍ରିୟ ସଦସ୍ୟ ଓ ଭାରତରେ ପାଣ୍ଠି ସଂଗ୍ରହ କାର୍ଯ୍ୟରେ ନିୟୋଜିତ ଥିଲା। ସେ ସଂଗ୍ରହ କରୁଥିବା ଅର୍ଥକୁ କ୍ରିଫ୍ଟୋ କରେନ୍ସୀରେ ପରିବର୍ତ୍ତିତ କରି ସିରିଆ ଓ ଅନ୍ୟ ସ୍ଥାନମାନଙ୍କୁ ପଠାଉଥିଲା। ଭାରତ ସୋମବାର ୭୫ତମ ସ୍ୱାଧୀନତା ଦିବସ ପାଳନ କରିବ। ସ୍ୱାଧୀନତାର ୭୫ତମ ବାର୍ଷିକ ପାଳନ ନିମନ୍ତେ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହେବାକୁ ଥିବା ବେଳେ ଆତଙ୍କବାଦ ତତ୍ୱ ଦେଶର ଖୁସିକୁ ଫିକା କରିବା ଯୋଜନାରେ ଅଛନ୍ତି।

    ଏଣୁ ରାଜଧାନୀ ଦିଲ୍ଲୀ ସମେତ ସାରା ଦେଶରେ ସୁରକ୍ଷା କଡାକଡି କରାଯାଇଛି। ଏଥର ଅଗଷ୍ଟ 15 ରେ ଲାଲକିଲା ସୁରକ୍ଷା ପାଇଁ 10 ହଜାର ପୋଲିସ କର୍ମଚାରୀ ନିୟୋଜିତ ହେବେ। ଅଗଷ୍ଟ 15 ପୂର୍ବରୁ ମଧ୍ୟ ସମଗ୍ର ଦିଲ୍ଲୀକୁ ସତର୍କ କରାଯାଇଛି। ଦିଲ୍ଲୀ ପୋଲିସ କମିଶନର ନିଜେ ବିଭିନ୍ନ ଗୁପ୍ତଚର ଏଜେନ୍ସି ଏବଂ ସୁରକ୍ଷା ପ୍ରତିଷ୍ଠାନର ମୁଖ୍ୟଙ୍କ ସହିତ ସୁରକ୍ଷା ବ୍ୟବସ୍ଥା ଉପରେ ନଜର ରଖିଛନ୍ତି। ସେ ଯଥାସମ୍ଭବ ଚେଷ୍ଟା କରୁଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁରକ୍ଷା ବ୍ୟବସ୍ଥାରେ କୌଣସି ଅସୁବିଧା ନହେବା ଉଚିତ୍।

    • ଅଭିଷେକ ପୁରୋହିତଙ୍କ ରିପୋର୍ଟ

  • ୧୫୧ ପୁଲିସ ପାଇବେ ୟୁନିୟନ ହୋମ ମିନିଷ୍ଟର ମେଡାଲ

    ନୂଆଦିଲ୍ଲୀ: ୨୦୨୨ ବର୍ଷ ପାଇଁ ଯାଞ୍ଚ ପ୍ରକ୍ରିୟାରେ ଉତ୍କର୍ସତା ହାସଲ କରିଥିବା ୧୫୧ ପୋଲିସ କର୍ମଚାରୀଙ୍କୁ କେନ୍ଦ୍ର ଗୃହ ମନ୍ତ୍ରୀଙ୍କ ମେଡାଲ ଦିଆଯାଇଛି । ଯେଉଁମାନଙ୍କୁ ଏହି ସମ୍ମାନରେ ସମ୍ମାନିତ କରାଯାଇଛି, ସେମାନଙ୍କ ମଧ୍ୟରୁ ୧୫ ଜଣ ସବିଆଇରୁ ହୋଇଥିବା ବେଳେ୧୧ ଜଣ ମହାରାଷ୍ଟ୍ର ପୋଲିସ, ୧୦ ଜଣ ଲେଖା ମଧ୍ୟପ୍ରଦେଶ ଓ ଉତ୍ତରପ୍ରଦେଶ ପୁଲିସ, ୮ କେରଳ, ରାଜସ୍ଥାନ, ପଶ୍ଚିମ ବଙ୍ଗ ପୁଲିସରୁ ଥିବା ବେଳେ ବାକି ଅନ୍ୟ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ପୁଲିସ ରହିଛନ୍ତି । ଏହି ସମ୍ମାନ ହାସଲ କରିଥିବା ଅଧିକାରୀଙ୍କ ମଧ୍ୟରେ ରହିଛନ୍ତି ୨୮ ମହିଳା ପୁଲିସ ଅଧିକାରୀ ।
    ୨୦୧୮ ମସିହାରେ ଯାଞ୍ଚ କ୍ଷେତ୍ରରେ ପାରଦର୍ଶିତା ହାସଲ କରିଥିବା ପୁଲିସ ଅଧିକାରୀଙ୍କୁ ସମ୍ମାନିତ କରିବାକୁ କେନ୍ଦ୍ର ଗୃହମନ୍ତ୍ରୀ ମେଡାଲର ଆରମ୍ଭ କରାଯାଇଥିଲା । ଲକ୍ଷ୍ୟ ଥିଲା ଅଧିକାରୀଙ୍କ ଯାଞ୍ଚ କ୍ଷେତ୍ରରେ ପ୍ରଫେସନାଲ ଷ୍ଟାଣ୍ଡର୍ଡର ଉନ୍ନତି କରିବା ଓ ଯାଞ୍ଚରେ ପାରଦର୍ଶିତାକୁ ପରିଚୟ ପ୍ରଦାନ କରିଛି । ଏହି ସମ୍ମାନର ଘୋଷଣା ପ୍ରତିବର୍ଷ ଅଗଷ୍ଟ ୧୨ ତାରିଖରେ ଘୋଷଣା କରାଯାଇଥାଏ ।

  • ପାକିସ୍ତାନର ପ୍ରଥମ ହିନ୍ଦୁ ଝିଅ ହେଲେ ଡିଏସପି

    ନୂଆଦିଲ୍ଲୀ: ପାକିସ୍ତାନର ଏକ ପଛୁଆ ଓ ଛୋଟ ଜିଲ୍ଲାର ଜଣେ ହିନ୍ଦୁ ଝିଅ ଡିଏସପି ହେବାର ସୌଭାଗ୍ୟ ହାସଲ କରିଛନ୍ତି। ସିନ୍ଧ ଲୋକସେବା ଆୟୋଗ ପରୀକ୍ଷାରେ କୃତକାର୍ଯ୍ୟ ହେବା ପରେ ମନୀଷା ରୁପେତା ନାମକ ହିନ୍ଦୁ ଝିଅଟି ଡିଏସପି ହୋଇଛନ୍ତି। ତେବେ ଏହି ସଫଳତା ମନୀଷାଙ୍କ ପାଇଁ ନଥିଲା ସହଜ। ପଛୁଆ ଓ ଛୋଟିଆ ଅଞ୍ଚଳଟି ଜାକୁବାବାଦ। ଏଠାରେ ମନୀଷାଙ୍କ ଜନ୍ମ ହୋଇଥିଲା। ମନୀଷାଙ୍କୁ ଯେତେବେଳେ ୧୩ ବର୍ଷ ହୋଇଥିଲା, ତାଙ୍କ ପିତାଙ୍କ ମୃତ୍ୟୁ ହୋଇଥିଲା। କିନ୍ତୁ ମନୀଷାଙ୍କ ମା’ ଏତିକିରେ ହାରି ଯାଇ ନ ଥିଲେ।

    ସେ କଠିନ ପରିଶ୍ରମ କରି ନିଜ ୫ ପିଲାଙ୍କୁ ଉଚ୍ଚଶିକ୍ଷା ଦେଇଥିଲେ। ମନୀଷାଙ୍କ ଆଉ ୩ ଭଉଣୀ ତଥା ଜଣେ ଭାଇ ଅଛନ୍ତି। ଜାକୁବାବାଦରେ ଝିଅଙ୍କ ଶିକ୍ଷାକୁ ନେଇ ଲୋକଙ୍କର ରହୁଛି ସଙ୍କିର୍ଣ୍ଣ ମାନସିକତା। ସେମାନଙ୍କୁ ନିଜ ଅନୁଯାୟୀ ପଢିବାର ଅଧିକାର ନାହିଁ। ଯଦି କେହି ଉଚ୍ଚ ଶିକ୍ଷା ଚାହଁନ୍ତି ତେବେ ତାଙ୍କୁ ଡାକ୍ତରୀ ପାଠ ପଢିବାକୁ ରହିଛି ଅନୁମତି। ତେଣୁ ମନୀଷାଙ୍କ ୩ ଭଉଣୀ ଓ ଭାଇ ଏମବିବିଏସ ପଢିଛନ୍ତି। ମନୀଷାଙ୍କୁ ମଧ୍ୟ ଏମବିବିଏସ ପଢିବାକୁ ବନ୍ଧୁବାନ୍ଧବ ଚାପ ପକାଇଥିଲେ। କିନ୍ତୁ ମାତ୍ର କିଛି ନମ୍ବର ପାଇଁ ସେ ଡାକ୍ତରୀ ପଢିବାରୁ ବଞ୍ଚିତ ହୋଇଥିଲେ ଓ ଏହାପରେ ଫିଜିଓଥେରାପିରେ ଡିଗ୍ରୀ ହାସଲ କରିଥିଲେ। କିନ୍ତୁ ତାଙ୍କୁ ମିଳୁନଥିଲା ଖୁସି।

    ତାଙ୍କର ଏକମାତ୍ର ଲକ୍ଷ୍ୟ ଥିଲା ସେ ପୁଲିସ ଅଫିସର ହେବେ। ତେଣୁ କାହାରିକୁ କିଛି ନ ଜଣାଇ ସେ ଲୋକସେବା ଆୟୋଗ ପରୀକ୍ଷା ପାଇଁ ପଞ୍ଜିକରଣ କରିବା ସହ ପରୀକ୍ଷା ଦେଇଥିଲେ ଓ ଏଥିରେ ହାସଲ କରିଥିଲେ ୧୬ ତମ ରାଙ୍କ। ତେବେ ପାକିସ୍ତାନରେ ମହିଳାଙ୍କୁ ଥାନା, କୋର୍ଟ କଚେରୀକୁ ଯିବା ଉପରେ ରହିଛି ପ୍ରତିବନ୍ଧକ। ତେବେ ସବୁ ପ୍ରତିବନ୍ଧକ, ନୀତି ନିୟମକୁ ପଛରେ ପକାଇ ନିଜ ଲକ୍ଷ୍ୟ ହାସଲ କରିବା ଦିଗରେ ଆଗେଇ ଯାଇଥିଲେ ମନୀଷା।

    • ଶିଳା ରାୟଙ୍କ ରିପୋର୍ଟ
Back to top button