srilanka

ଚେନ୍ନାଇ: ତାମିଲନାଡୁର ୬ ମତ୍ସ୍ୟଜୀବୀଙ୍କ ଉପରେ ଶ୍ରୀଲଙ୍କା ନାଗରିକଙ୍କ ଦ୍ବାରା ଆକ୍ରମଣ ଘଟଣାରେ ମୁଖ୍ୟମନ୍ତ୍ରୀ  ଷ୍ଟାଲିନ କେନ୍ଦ୍ରର ସହଯୋଗ ଲୋଡିଛନ୍ତି। ନାଗାପଟନମ ଜିଲ୍ଲାର ୮ ଜଣ ମତ୍ସ୍ୟଜୀବୀ ସମୁଦ୍ରକୁ ମାଛ ମାରିବାକୁ ଯାଇଥିବା ବେଳେ ଶ୍ରୀଲଙ୍କର ଏକ ଗୋଷ୍ଠୀ ସେମାନଙ୍କୁ ମରଣାନ୍ତକ ଆକ୍ରମଣ କରିବା ସହ ସେମାନଙ୍କ ସାଜସରଞ୍ଜାମ ଛଡାଇ ନେଇଥିବା ଅଭିଯୋଗ ହୋଇଥିଲା। ନିକଟ ଅତୀତରେ ଏପରି ଆକ୍ରମଣ ଘଟଣା ବାରମ୍ବାର ଘଟୁଥିବାରୁ କେନ୍ଦ୍ର ବିଦେଶ ବ୍ୟାପାର ମନ୍ତ୍ରଣାଳୟ ଶ୍ରୀଲଙ୍କା ସରକାର ସହ ଆଲୋଚନା କରି ପଦକ୍ଷେପ ନେବାକୁ ଅନୁରୋଧ କରିଛନ୍ତି ଷ୍ଟାଲିନ।

ଗତ ୧୫ ତାରିଖରେ ନାଗାପଟନମର ନାମିବିୟାର ନଗରରୁ ୬ ଜଣ ମତ୍ସଜୀବୀ ସେମାନଙ୍କ ବୋଟରେ ଯାଇ ଥୋପୁଥୁରାଇ ନିକଟରେ ମାଛ ଧରୁଥିଲେ। ଏହି ସମୟରେ ୧୦ ଜଣ ଶ୍ରୀଲଙ୍କା ନାଗରିକ ୪ଟି ମାଛ ଧରା ବୋଟରେ ଆସି ଭାରତୀୟ ମତ୍ସ୍ୟଜୀବୀଙ୍କୁ ଚାରିଆଡୁ ଘେରି ଯିବା ସହ ସେମାନଙ୍କୁ ବିଭିନ୍ନ ମାରଣାସ୍ତ୍ରରେ ଆକ୍ରମଣ କରିଥିଲେ। ଏହି ଆକ୍ରମଣରେ ମୁରୁଗାନ ନାମକ ଜଣେ ମତ୍ସ୍ୟଜୀବୀଙ୍କ ହାତ କଟି ଯାଇଛି। ଏଥିସହ ଆକ୍ରମଣକାରୀ ସେମାନଙ୍କ ବୋଟରେ ଥିବା ଜିପିଏଓ ଉପକରଣ, ବ୍ୟାଟେରୀ ଓ ଅନ୍ୟାନ୍ୟ ସାମଗ୍ରୀ ସହ ମାଛ ଛଡାଇ ନେଇଥିଲେ। ଏଥିସହ ସେମାନଙ୍କ ବୋଟକୁ ଭାଙ୍ଗି ଦେଇଥିବା ଆକ୍ରମଣର ଶିକାର ହୋଇଥିବା ମତ୍ସ୍ୟଜୀବୀ ଚିନ୍ନାଥାମ୍ବି କହଛନ୍ତି।

ସେହିପରି ଆକ୍ରମଣର ଶିକାର ହୋଇଥିବା ବିରାପାନ୍ନ ନାମକ ମତ୍ସ୍ୟଜୀବୀ କହିଛନ୍ତି କି, ସମୁଦ୍ରକୁ ମାଛ ମାରିବାକୁ ଯିବା ବେଳେ କିଛି ମାସ ହେବ ଏହିପରି ସେମାନଙ୍କୁ ଶ୍ରୀଲଙ୍କା ନାଗରିକଙ୍କ ଆକ୍ରମଣର ସମ୍ମୁଖୀନ ହେବାକୁ ହେଉଛି। ତେଣୁ ସରକାର ଏହି ମାମଲାରେ ହସ୍ତକ୍ଷେପ କରି ସେମାନଙ୍କୁ ସୁରକ୍ଷା ଦେବାକୁ ଦାବି କରିଛନ୍ତି।

ମତ୍ସ୍ୟଜୀବୀଙ୍କ ଉପରେ ହେଉଥିବା ଆକ୍ରମଣ ସମ୍ପର୍କରେ ଅବଗତ ହେବା ପରେ ମୁଖ୍ୟମନ୍ତ୍ର ଏମ କେ ଷ୍ଟାଲିନ  କେନ୍ଦ୍ର ବିଦେଶ ବ୍ୟାପାର ମନ୍ତ୍ରୀ ଏସ ଜୟ ଶଙ୍କରଙ୍କୁ ଚିଠି ଲେଖି  ପଦକ୍ଷେପ ନେବାକୁ ଅନୁରୋଧ କରିଛନ୍ତି। ଷ୍ଟାଲିନ କହିଛନ୍ତି, ଶ୍ରୀଲଙ୍କୀୟ ନାଗରିକଙ୍କ ଦ୍ବାରା ହେଉଥିବା ଆକ୍ରମଣ ସମ୍ପର୍କରେ ଜାଣି ଦୁଃଖିତ।  ଏପରି ଘଟଣା ବାରମ୍ବାର ଘଟୁଥିବାରୁ କେନ୍ଦ୍ର ସରକାର ଶ୍ରୀଲଙ୍କା ସରକାର ସହ ଆଲୋଚନା କରି ଆବଶ୍ୟକୀୟ ପଦକ୍ଷେପ ନେବା ଜରୁରୀ, ଯେମିତି ଏପରି ଘଟଣାର ପୁନରାବୃତ୍ତି ନ ଘଟେ।   

ଶ୍ରୀଲଙ୍କାର ଘଟଣାର ପୁନରାବୃତ୍ତି ହେବାକୁ ଯାଉଛି । ଇରାକରେ ଶ୍ରୀଲଙ୍କା ଭଳି ବିରୋଧ ପ୍ରଦର୍ଶନ ଦେକିବାକୁ ମିଳିଛି । ବାଗଦାଦରେ ହଜାର ହଜାର ସଂଖ୍ୟାରେ ପ୍ରଦର୍ଶନକାରୀ ସଂସଦ ଭବନକୁ କବଜା କରିନେଇଛନ୍ତି । ଅଧିକାଶଂ ବିକ୍ଷୋଭକାରୀ ଇରାକର ଶିୟା ନେତା ମୁକତଦା ଅଲ ସଦରଙ୍କ ସମର୍ଥକ । ଏମାନେ ଇରାନ ସମର୍ଥିତ ପାର୍ଟୀ ଦ୍ୱାରା ପ୍ରଧାନମନ୍ତ୍ରୀ ତଥା ପୁର୍ବତନ ମନ୍ତ୍ରୀ ଓ ଗଭର୍ଣର ମହମ୍ମଦ ଶିୟା ଅଲ୍ ସୁଦାନୀଙ୍କ ପ୍ରାଥୀତ୍ୱକୁ ବିରୋଧ କରିଛନ୍ତି । ପ୍ରଦର୍ଶନକାରୀ ବାଗଦାଦରେ ଗ୍ରୀନ ଜୋନ ସରକାରୀ ଭବନକୁ ଅକ୍ତିଆର କରିଛନ୍ତି । ଯାହା ପରେ ସେମାନେ ସଂସଦ ଭବନ ଭିତରକୁ ଧସେଇ ପସିଯାଇଥିଲେ । ସେହି ସମୟରେ ସଂସଦ ଭବନରେ କେହି ଉପସ୍ଥିତ ନଥିଲେ ।

କେବଳ ସୁରକ୍ଷା କର୍ମୀ ସେହି ସମୟରେ ଉପସ୍ଥିତ ଥିଲେ ଏବଂ ସେମାନେ ପ୍ରଦର୍ଶନକାରୀଙ୍କୁ ସହଜରେ ଭିତରକୁ ଯିବାକୁ ଦେଇଥିଲେ । ପ୍ରଦର୍ଶନକାରୀଙ୍କ ହାତରେ ଶିୟା ନେତା ଅଲ୍ ସଦରଙ୍କ ଫୋଟୋ ଧରିଥିବା ଦେଖିବାକୁ ମିଳିଥିଲା । ଏହା ଭିତରେ ବିକ୍ଷୋଭକାରୀ “ଅଲ୍ ସୁଦାନୀ ଆଉଟ” ର ନାରାବାଜୀ ମଧ୍ୟ୍ୟ ଲଗାଇଥିଲେ । ବିରୋଧ ପ୍ରଦର୍ଶନକୁ ଦେଖି ଦେଶର କାମଚଳା ପ୍ରଧାନମନ୍ତ୍ରୀ ମୁସ୍ତଫା ଅଲ୍ କଦିମୀ ପ୍ରଦର୍ଶନକାରୀ ଙ୍କୁ ଗ୍ରୀନ ଜୋନ କରିବାକୁ ନିର୍ଦ୍ଦେଶ ଦେଇଥିଲେ । ସୂଚନା ଆଧାରରେ ଗତ ବର୍ଷ ଅକ୍ଟୋବର ମାସରେ ହୋଇଥିବା ସାଧାରଣ ନିର୍ବାଚନରେ ଅଲ୍ ସଦରଙ୍କ ପାର୍ଟି ମୋଟ ୩୨୯ ଆସନରୁ ୭୩ ଆସନ ଜିତିଥିଲେ । କିନ୍ତୁ ଇରାକର ରାଷ୍ଟ୍ରପତି ହେବା ପାଇଁ ସେ ବହୁମତ ସାବ୍ୟସ୍ତ କରିପାରିନଥିଲେ ।

ଯେଉଁ କାରଣରୁ ମୁକତଦା ଅଲ୍ ସଦର ସରକାର ଗଠନ ପାଇଁ ଆଲୋଚାନ କରିବାରୁ ନିଜକୁ ଦୁରେଇ ରଖିଥିଲେ । ଏହା ପୁର୍ବରୁ ଶ୍ରୀଲଙ୍କାରେ ବିକ୍ଷୋକ୍ଷକାରୀ ରାଷ୍ଟ୍ରପତି ଭବନକୁ କବଜା କରିନେଇଥିଲେ । ଯାହା ପରେ ରାଷ୍ଟ୍ରପତି ଗୋୟାବାୟା ରାଜପକ୍ଷେ ପଳାୟନ କରିଥିଲେ ଏବଂ ପରେ ଇସ୍ତଫା ଦେଇଥିଲେ l

• ସ୍ମରଜିତ ଆର୍ୟ୍ୟଙ୍କ ରିପୋର୍ଟ

ଶ୍ରୀଲଙ୍କା ଭୟଙ୍କର ଆର୍ଥିକ ସଂହ୍କଟ ଦେଇ ଗତି କରୁଚି । ଏହାର ପ୍ରଭାବରେ ଦେଶରେ ରାଜନୈତିକ ଅସ୍ଥିରତା ସୃଷ୍ଟି କରିଛି । ଶ୍ରୀଲଙ୍କାର ଏହି ଭୟଙ୍କର ସଂକଟ ଭିତରେ ପ୍ରଧାନମନ୍ତ୍ରୀ ରନିଲ ବିକ୍ରଂସିଂହେ ନିଜ ପଦ ଛାଡିଛନ୍ତି । ସେହିପରି ରାଷ୍ଟ୍ରପତି ଗୋଟାବାୟା ରାଜପାକ୍ଷେ ରାଷ୍ଟ୍ରପତି ଭବନ ଛାଡି କୌଣସି ଗୁପ୍ତ ସ୍ଥାନରେ ଲୁଚିଛନ୍ତି । ଖୁବ ଶ୍ରୀଘ୍ର ସେ ମଧ୍ୟ୍ୟ ନିଜ ପଦରୁ ଇସ୍ତପା ଦେବେ। ଏ ସବୁ ଭିତରେ ସାଧାରଣ ଜନତା ରାଷ୍ଟ୍ରପତି ଭବନକୁ ନିଜ କବଜାକୁ ନେଇଛନ୍ତି । ଏ ସବୁ ଭିତରେ ଜନତା ଙ୍କ ଦୁଖଃକୁ ଅଧିକ ବଡାଇ ଦେଇଛି ଜରୁରୀକାଳିନ ସାମଗ୍ରୀ ଦର ଆକାଶଛୁଁଆ ହୋଇଛି । ଶ୍ରୀଲଙ୍କାରେ ଟମାଟୋ କିଲୋ ୧୫୦, ମୁଳା ଦର ୪୯୦ ଟଙ୍କା, ପିଆଜ ୨୦୦, ଆଳୁ ୨୨୦ ଟଙ୍କାରେ ବିକ୍ରି ହେଉଛି . ଏହି ସବୁ ଦର ବୃଦ୍ଧି ଶ୍ରୀଲଙ୍କାରେ ଖାଦ୍ୟ ସଂଙ୍କଟ ସୃଷ୍ଟି କରିଛି ।

କେବେଳ ପନିପରିବା ନୁହେଁ ପୁର୍ବରୁ ପେଟ୍ରୋଲ ଡିଜେଲ ଦର ବୃଦ୍ଧି ଖାଉଟିଙ୍କ ଚିନ୍ତା ବଢାଇଥିଲା । ବିଦ୍ୟୁତସେବା ମଧ୍ୟ୍ୟ ବାଧାପ୍ରପ୍ତ ହେଉଛି । ରୁଣ ଭାରରେ ବୁଡ ରହିତିବା ଶ୍ରୀଲଙ୍କାରେ ଏବେ ବିଦେଶୀ ମୁଦ୍ରାର ଘୋର ଅଭାବ । ସ୍ଥିତି ଏପରି ହୋଇଚି ଯେ ପେଟ୍ରୋଲ ପମ୍ପରେ ସେନା ମୁତୟନ କରାଯାଇଛି । ସ୍ବାଧିନତା ପରେ ଏହା ଶ୍ରୀଲଙ୍କା ପାଇଁ ସବୁଠାରୁ ବଡ ସଂଙ୍କଟ ଭାବେ ଉଭା ହୋଇଛି । ୨.୨ କୋଟି ଜନସଂଙ୍ଖ୍ୟା ବିଶିଷ୍ଟ ଶ୍ରୀଲଙ୍କାରେ ଏବେ ଔଷଧ ପାଇଁ ଲୋକ ବିକଳ ହେଉଛନ୍ତି । ଲୋକଙ୍କୁ ରୋଷୋଇ ପାଇଁ କିରୋସିନି ତେଲ କିମ୍ଭା ଏଲପିଜି ସିଲିଣ୍ଡର ମିଳୁନାହିଁ । ଶ୍ରୀଲଙ୍କାରେ ଏବେ ସ୍କୁଲ ଗୁଡିକ ବନ୍ଦ କରାଯାଇଛି । କେବଳ ଜରୁରୀ ସେବା ପାଇଁ ଇନ୍ଧନ ମହଜୁଦ ଅଛି । ପେଟ୍ରୋଲ ଡିଜେଲ ଭୟଙ୍କର ସଂଙ୍କଟ ଯୋଗୁଁ ରୋଗୀ ଡାକ୍ତରଖାନାରେ ପହଞ୍ଚି ପାରୁନାହାଁନ୍ତି । ଟ୍ରେନ ଚଳାଚଳ ସଂଖ୍ୟା କମ କରାଯାଇଛି ଫଳରେ ଲୋକ ମାନେ ବଗି ଉୁପରେ ବସି ଯାତ୍ରା କରୁଛନ୍ତି ।

• ସ୍ମରଜିତ ଆର୍ଯ୍ୟଙ୍କ ରିପୋର୍ଟ

ଶ୍ରୀଲଙ୍କା ଏବେ ଆର୍ଥିକ ସଙ୍କଟ ଦେଇ ଗତି କରୁଛି । ଦିନକୁ ଦିନ ଶ୍ରୀଲଙ୍କାର ସ୍ଥିତି ବିଗିଡିବାରେ ଲାଗିଛି । ପେଟ୍ରୋଲ୍ ଓ ଡିଜେଲ ଦରଦାମ ବୃଦ୍ଧି ନେଇ ଚିନ୍ତାରେ ଜନସାଧାରଣ। ଖାଉଟିଙ୍କ ଉପରେ ଏବେ ମହଙ୍ଗା ମାଡ ହୋଇଛି। ଶ୍ରୀଲଙ୍କାର ଆର୍ଥିକ ସଙ୍କଟ ମଧ୍ୟରେ ସିଲୋନ ପେଟ୍ରୋଲିୟମ କର୍ପୋରେଶନ ଗ୍ୟାସର ଇନ୍ଧନ ଗ୍ୟାସ ଦର ବୃଦ୍ଧି କରିବା ନେଇ ନିଷ୍ପତ୍ତି ନେଇଛି ।ଦେଶରେ ଇନ୍ଧନ ଅଭାବ ମଧ୍ୟରେ ୪ ଦିନ ଧରି ପେଟ୍ରୋଲ ପମ୍ପ ଆଗରେ ଲମ୍ୱା ଧାଡିରେ ଠିଆ ହୋଇ ରହିଛନ୍ତି ଯାତ୍ରୀମାନେ । ଏନେଇ କଲୋମ୍ୱରେ ସ୍କୁଲ ବନ୍ଦ ଥିବା ବେଳେ ସରକାରୀ କର୍ମଚାରୀଙ୍କୁ ଘରେ ରହି କାମ କରିବାକୁ କୁହାଯାଇଛି।ବର୍ତ୍ତମାନ ଦେଶ ପ୍ରତିଦିନ ନୂଆ ନୂଆ ସମସ୍ୟାର ସାମ୍ନା କରୁଛି। ବୈଦେଶିକ ମୁଦ୍ରାର ତୀବ୍ର ଅଭାବ ହେତୁ ଶ୍ରୀଲଙ୍କା ନାଗରିକଙ୍କ ପାଇଁ ଜିନିଷ ଆମଦାନୀ କରିବାରେ ଅସର୍ମଥ ହେଉଛି । ଏହି କାରଣରୁ ଇନ୍ଧନ ସଙ୍କଟ ଆହୁରି ଗଭୀର ହୋଇଛି ଏବଂ ପେଟ୍ରୋଲ ଡିଜେଲ ମୂଲ୍ୟ ବୃଦ୍ଧି ହେବାରେ ଲାଗିଛି।

ଏକ ମିଡିଆ ରିପୋର୍ଟ ଅନୁଯାୟୀ, ପେଟ୍ରୋଲ ଲିଟର ପିଛା ୫୦ ଟଙ୍କାକୁ ବୃଦ୍ଧି ହୋଇଛି ଏବଂ ଡିଜେଲ ଲିଟର ପିଛା ୬୦ ଟଙ୍କାକୁ ବୃଦ୍ଧି ହୋଇଛି। ଗତ ୨ ମାସରେ ତୃତୀୟ ଥର ପାଇଁ ଶ୍ରୀଲଙ୍କାରେ ଇନ୍ଧନ ଦାମ୍ ବୃଦ୍ଧି ପାଇଛି । ଦେଶରେ ବର୍ତ୍ତମାନ ପେଟ୍ରୋଲ ଦାମ୍ ଲିଟର ପିଛା ୪୭୦ ଟଙ୍କା ଓ ଡିଜେଲ ଲିଟର ପିଛା ୪୬୦ ଟଙ୍କାରେ ପହଞ୍ଚିଛି । ଅନ୍ୟପଟେ ଶ୍ରୀଲଙ୍କା ଏବେ ଋଷରୁ ତେଲ କିଣିବାକୁ ଯୋଜନା କରୁଛି । ଶ୍ରୀଲଙ୍କାର ଜଣେ ବରିଷ୍ଠ ମନ୍ତ୍ରୀ ରବିବାରେ କହିଛନ୍ତିଯେ, ଦେଶ ଏବେ ଋଷରୁ ତେଲ କିଣିବା ନେଇ ବିକଳ୍ପ ଖୋଜୁଛି।

ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ