SUPREMECOURT

  • ସେନା କଣ ସିଭିଲିଆନଙ୍କ ଉପରେ

     ଆମକୁ ଛୋଟ ପିଲା ଭାବନି। ସେନାକୁ ଏଭଳି ଶବ୍ଦରେ କାହିଁକି ଭର୍ତ୍ସନା କଲେ ସୁପ୍ରିମକୋର୍ଟ। ଜଣେ ଆର୍ମି ଅଫିସରଙ୍କ ଏମିତି କି ଆଚରଣ ଦେଖିଲେ କି କୋର୍ଟ, ତାଙ୍କୁ କେବଳ ତାଗିଦ୍ କଲେନି। ବରଂ କଡ଼ା ଭାଷାରେ କୋର୍ଟରେ ଯାହା ତାହା ଦଲିଲ୍ ଦେଖାଇ ନିଜକୁ ଭଲେଇ ହେବାକୁ କରୁଥିବା ଅପପ୍ରୟାସରେ ଅଙ୍କୁଶ ଲଗାଇଲେ। ପାଲଟା ଆର ଥରକୁ ସିଧା ଜେଲ୍ ପଠାଇଦେବେ ବୋଲି ଚେତାବନୀ ଦେଇଛନ୍ତି ଅଦାଲତ। ଟ୍ରାଏଲ କୋର୍ଟ ଓ ହାଇକୋର୍ଟର ନିର୍ଦେଶକୁ ଅନୁପାଳନ  କରିନଥିବାରୁ ଜଣେ ସେନା ଅଧିକାରୀଙ୍କୁ ଏଭଳି ଅଦାଲତରୁ ଭର୍ତ୍ସନା ଶୁଣିବାକୁ ମିଳିଛି। ମାମଲାଟି ସିକନ୍ଦରାବାଦ୍ ରେ ଥିବା ତେଲେଙ୍ଗାନା-ଆନ୍ଧ୍ର ସବ୍‌ ଏରିଆ ପାଖରେ ଥିବା ଜମି ସମ୍ପର୍କିତ ବିବାଦ। ଟ୍ରାଏଲ କୋର୍ଟ ଓ ହାଇକୋର୍ଟ ଜଣେ ସାଧାରଣ ନାଗିରକଙ୍କୁ ଜମି ହସ୍ତାନ୍ତର ଲାଗି ନିର୍ଦେଶ ଦେବା ସତ୍ତ୍ୱେ ସେନା ଅଧିକାରୀ ଶୁଣିଲେନି। ଯାହାକୁ ନେଇ ସୁପ୍ରିମକୋର୍ଟ ବର୍ଷିଛନ୍ତି।

    ସେନାର ଜଣେ ଉଚ୍ଚପଦସ୍ଥ ଅଧିକାରୀଙ୍କୁ ଜେଲ୍‌ ପଠାଇନାହାନ୍ତି ଅବଶ୍ୟ ସର୍ବୋଚ୍ଚ ଅଦାଲତ। କିନ୍ତୁ ସଫା ସଫା ଶୁଣେଇ ଦେଇଛନ୍ତି କି, ଯଦି ଭବିଷ୍ୟତରେ ତାଙ୍କ ବିରୁଦ୍ଧରେ ପୁଣି କୌଣସି ଅଭିଯୋଗ ମିଳେ, ତେବେ ଜେଲ୍ ଯିବା ନିଶ୍ଚିତ। ଏତିକିବେଳେ ସଲିସିଟର ଜେନେରାଲ ସେନା ସପକ୍ଷରେ କିଛି ଦସ୍ତାବିଜ୍ ଅଦାଲତ ଆଗରେ ରଖିବାକୁ ପ୍ରୟାସ କରୁଥିଲେ। ତ କୋର୍ଟ ସଲିସିଟର ଜେନେରାଲଙ୍କୁ ବି ଛାଡ଼ିଲେନି। ଆମେ ଛୋଟ ପିଲା ନୋହୁଁ। ଯିଏକି ଏ ସବୁ ଦଲିଲ୍ ଉପରେ ବିଶ୍ୱାସ କରିବେ। କାରଣ ସଲିସିଟର ଜେନେରାଲ ଦର୍ଶାଇବାକୁ ଚାହୁଁଥିଲେ କି, ସେନାକୁ ଲାଗିଥିଲା ସିଭିଲିଆନଙ୍କ ଜମିର ମାପଚୁପ ହୋଇନି ଓ ସଶସ୍ତ୍ର ବଳ ଅଫିସର ଜମିକୁ ମାଡ଼ି ବସିଛନ୍ତି। ମାମଲାଟି ସେନା ଓ ସିଭିଲିଆନ ବିବାଦକୁ ନେଇ ଥିଲା। ସିକନ୍ଦରାବାଦରେ ତେଲେଙ୍ଗାନା-ଆନ୍ଧ୍ର ସବ୍ ଏରିଆ ବା ଟାସା ଜଣେ ସାଧାରଣ ନାଗରିକଙ୍କ ଜମି ଉପରେ ଥିବା ପାଚେରୀକୁ ଭାଙ୍ଗି ଦେଇଥିଲେ। ୯ ଏକର ପରିମିତ ଜାଗାରେ ଏହି ବିବାଦୀୟ ଜମି ଅଛି। ସିକନ୍ଦରାବାଦ ଟ୍ରାଏଲ କୋର୍ଟ ସିଭିଲିଆନଙ୍କ ସପକ୍ଷରେ ରାୟ ଦେଇଥିଲେ। ଜମିକୁ ସଂପୃକ୍ତ ବ୍ୟକ୍ତିଙ୍କୁ ହସ୍ତାନ୍ତର ସହ ତାଙ୍କ ପାଚେରୀକୁ ସେନା ନିଜ ଖର୍ଚ୍ଚରେ ନିର୍ମାଣ କରିବ। ସେନା ଟ୍ରାଏଲ କୋର୍ଟର ରାୟ ବିରୁଦ୍ଧରେ ହାଇକୋର୍ଟ ଯାଇଥିଲେ। ହାଇକୋର୍ଟରୁ ବି ଝଟକା ଖାଇଥିଲା ସେନା। ଏହା ପରେ ସେନା ସୁପ୍ରିମକୋର୍ଟ ଯାଇଥିଲା। ସେନା ସହ କେନ୍ଦ୍ର ସରକାର ମିଳିତ ଭାବେ ସର୍ବୋଚ୍ଚ ଅଦାଲତରେ ରାୟ ବିରୁଦ୍ଧରେ ଅପିଲ୍ କରିଥିଲେ। ଆଉ ସବୁ ପକ୍ଷର ଶୁଣି ଟ୍ରାଏଲ କୋର୍ଟ ଓ ହାଇକୋର୍ଟର ରାୟକୁ କାଏମ ରଖିଛନ୍ତି ସୁପ୍ରିମକୋର୍ଟ। ଟାସାର ଜେନେରାଲ କମାଣ୍ଡିଂ ଅଫିସର ବା ଜିଓସିଙ୍କୁ କଡ଼ା ଚେତାବନୀ ଦେଇଛନ୍ତି। ଯଦି ଏଭଳି ଅଭିଯୋଗର ପୁନରାବୃତ୍ତି ହୁଏ, ତେବେ ସିଧା ଜେଲ୍ ପଠାଇଦେବେ ବୋଲି ତାଗିଦ୍ କରିଛନ୍ତି ଅଦାଲତ। ତଳୁ ନେଇ ଉପରକୋର୍ଟ ଯାଏ, ସବୁଠି ହାରିଲା ସେନା। ସେନା ବୋଲି ସିଭିଲିଆନଙ୍କୁ କଅଣ ବେଆଇନ ଭାବରେ ବେଦଖଲ କରିବ କି ବୋଲି କଡ଼ା ଭାଷାରେ ପଚାରିଥିଲେ ଅଦାଲତ। ଏଭଳି ବେଆଇନ କାମ କରିଥିବା ଅଫିସରଙ୍କ ନାଁ କୁହ। ଅଦାଲତ ସେମାନଙ୍କୁ ଜେଲ୍ ପଠାଇବ। ପ୍ରଧାନ ବିଚାରପତି ଜଷ୍ଟିସ ଏନ.ଭି.ରମଣା, ଜଷ୍ଟିସ କୃଷ୍ଣା ମୁରାରୀ ଓ ଜଷ୍ଟିସ ହିମା କୋହଲିଙ୍କୁ ନେଇ ଗଠିତ ଖଣ୍ଡପୀଠ ଏ କଥା ବି କହିଛନ୍ତି କି, ସଶସ୍ତ୍ର ବଳ ଦେଶର ରକ୍ଷା ପାଇଁ ଥାଏ। ନା କୌଣସି ବ୍ୟକ୍ତିର ଅହଂକାର ପାଇଁ ନିଜର ଶକ୍ତି ଓ ତାକତର ଦୁରୁପଯୋଗ କରେ।

    ପ୍ରଦୀପ ନାୟକଙ୍କ ରିପୋର୍ଟ

  • ଜୁବେରଙ୍କୁ ସୁପ୍ରିମକୋର୍ଟରୁ ଅନ୍ତରୀଣ ବେଲ

    ନୂଆଦିଲ୍ଲୀ: ଶୁକ୍ରବାର ସୁପ୍ରିମକୋର୍ଟ ଫ୍ୟାକ୍ଟ ଚେକିଂ ୱେବ ସାଇଟ ଆଲ୍ଟ ନ୍ୟୁଜର ସହପ୍ରତିଷ୍ଠାତା ମହମ୍ମଦ ଜୁବେରଙ୍କୁ ଅନ୍ତରୀଣ ବେଲ ପ୍ରଦାନ କରିଛନ୍ତି। ୟୁପି ସୀତାପୁର ମାମଲାରେ ତାଙ୍କ ନାମରେ ମାମଲା ରୁଜୁ କରାଯାଇ ଗିରଫ କରାଯାଇଥିଲା। ପୂର୍ବରୁ ଆଲାହାବାଦ କୋର୍ଟଙ୍କ ନିର୍ଦ୍ଦେଶ ବିରୋଧରେ ଜୁବିର ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିବା ବେଳେ ସର୍ବୋଚ୍ଚ କୋର୍ଟ ଏହି ମାମଲାରେ ରାଜ୍ୟ ପୁଲିସକୁ ନୋଟିସ ଜାରି କରିଛନ୍ତି।

    ବିଚାରପତି ଜଷ୍ଟିସ ଇନ୍ଦିରା ବାନାର୍ଜୀ ଓ ଜେ କେ ମାହେଶ୍ବରୀଙ୍କ ଖଣ୍ଡପୀଠ ଜୁବେରଙ୍କୁ ଅନ୍ତରୀୟ ଜାମିନ ପ୍ରଦାନ କରିଛନ୍ତି ଆଲାହାବାଦ ହାଇକୋର୍ଟଙ୍କ ନିର୍ଦ୍ଦେଶ ବିରୋଧରେ ସୁପ୍ରିମକୋର୍ଟରେ ଦାଖଲ କରିଥିବା ଯାଚିକା ଉପରେ। ଏକ ଟ୍ୱିଟରେ ଜୁବେର ତିନି ହିନ୍ଦୁ ଦାଶନିକଙ୍କୁ ଘୃଣା ଉଦ୍ରେକ କାରୀ ଭାବେ ଉଲ୍ଲେଖ କରିବାକୁ ନେଇ ତାଙ୍କ ବିରୋଧରେ ଏକ ମାମଲା ଦାୟର ହୋଇଥିଲା, ଯେଉଁଥିରେ କୋର୍ଟ ତାଙ୍କୁ ଜାମିନ ଦେବାକୁ ମନାକରି ଦେଇଥିଲେ।

    ସର୍ବୋଚ୍ଚ କୋର୍ଟଙ୍କ ଦ୍ବାରା ଦିଆଯାଇଥିବା ଅନ୍ତରୀଣ ଜାମିମ ୫ ଦିନ ପାଇଁ ହୋଇଥିବା ବେଳେ କୋର୍ଟ ଜୁବେରଙ୍କ ପାଇଁ କେତେକ ସର୍ତ୍ତ ଲାଗୁ କରିଛନ୍ତି। ଏଥିରେ ଜୁବେରଙ୍କୁ ମାମଲା ସମ୍ବନ୍ଧିତ କୌଣସି ଟ୍ବିଟ କରିପାରିବେ ନାହିଁ କି ସୀତାପୁର ମାଜିଷ୍ଟ୍ରେଟ କୋର୍ଟଙ୍କ କ୍ଷେତ୍ର ବାହାରକୁ ନ ଯିବାକୁ ନିର୍ଦ୍ଦେଶ ଦେଇଛନ୍ତି। ଏଥିସହ ଜୁବେର ବେଙ୍ଗାରୁ ବା ଅନ୍ୟ କୌଣସି ସ୍ଥାନରୁ ବୈଦ୍ୟୁତିକ ସାକ୍ଷ୍ୟ ପ୍ରମାଣ ପ୍ରଭାବିତ ନ କରିବାକୁ ଆଦେଶ ଦେଇଛନ୍ତି।

Back to top button