uttar pradesh

  • ଉତ୍ତର ପ୍ରଦେଶର ଶିକ୍ଷାନୁଷ୍ଠାନରେ ୭୫ କୋଟିର ଛାତ୍ରବୃତ୍ତି ଘୋଟାଲା

    ଲକ୍ଷ୍ନୌ: ଉତ୍ତର ପ୍ରଦେଶର ବିଭିନ୍ନ ଶିକ୍ଷାନୁଷ୍ଠାନ ଦ୍ବାରା ୭୫କୋଟି ଟଙ୍କାର ଛାତ୍ରବୃତ୍ତି ଘୋଟାଲା ହୋଇଥିବା ପ୍ରବର୍ତ୍ତନ ନିର୍ଦ୍ଦେଶାଳୟ ରେଡରୁ ସାମ୍ନାକୁ ଆସିଛି। ରାଜ୍ୟର ୬ ଜିଲ୍ଲାର ୨୨ଟି ସ୍ଥାନରେ ଛାତ୍ରବୃତ୍ତି ଘୋଟାଲାକୁ ନେଇ ଇଡି କରିଥିଲା ଚଢାଉ। ମେଟ୍ରିକ ପରେ ଏସସି, ଏସଟି, ଭିନ୍ନକ୍ଷମ ଓ ଅନଗ୍ରସର ବର୍ଗ ପାଇଁ ଉଦ୍ଦିଷ୍ଟ ଛାତ୍ରବୃତ୍ତିକୁ କିଛି ଶିକ୍ଷାନୁଷ୍ଠାନ ବହୁ ଅଯୋଗ୍ୟ ଛାତ୍ରଙ୍କୁ ପ୍ରଦାନ କରୁଛି।

    ଇଡି ପକ୍ଷରୁ ହୋଇଥିବା ରେଡରେ ଯେଉଁ ସବୁ ସଂସ୍ଥାରେ ଛାତ୍ରବୃତ୍ତି ଘୋଟାଲା ହୋଇଥିବା ମିଳିଛି ସେସବୁ ଭିତରେ ରହିଛି ମାମପୁର ଏସଏସ ଇନଷ୍ଟିଚ୍ୟୁଟ ଅଫ ମ୍ୟାନେଜମେଣ୍ଟ, ଲକ୍ଷ୍ନୌର ହାଇଜିୟା କଲେଜ ଅଫ ଫାର୍ମାସୀ,  ସେଣ୍ଟ୍ରାଲ ଇନଷ୍ଟିଚ୍ୟଉଟ ଅଫ ଫାର୍ମାସୀ, ଇନଷ୍ଟିଚ୍ୟୁଟ ଅଫ ମ୍ୟାନେଜମେଣ୍ଟ ଆଣ୍ଡ ଏଜୁକେଶନ, ଫରିଦା ବାଦର ଡା ଓମ ପ୍ରକାଶ ଗୁପ୍ତା ଇନଷ୍ଟିଚ୍ୟୁଟ ଅଫ ମ୍ୟାନେଜମେଣ୍ଟ ଆଣ୍ଡ ଟେକ୍ନୋଲୋଜି।

    ସେହିପରି ଡା ଭୀମ ରାଓ ଆମ୍ବେଦକର ଫାଉଣ୍ଡେଶନ ଓ ଜୀବିକା କଲେଜ ଅଫ ଫାର୍ମାସୀ, ଆରପି ଇଣ୍ଟର କଲେଜ, ଜ୍ଞାନବତୀ ଇଣ୍ଟର କଲେଜ ଓ ଜଗଦୀଶ ପ୍ରସାଦ ବର୍ମା ଉଚ୍ଚ ମାଧ୍ୟମିକ ବିଦ୍ୟାଳୟ ପରି ମୋଟ ୨୨ଟି ଶିକ୍ଷାନୁଷ୍ଠାନରେ ହୋଇଛି ହେରଫେର। ଏହା ଦ୍ବାରା ସଂଖ୍ୟାଲଘୁ, ଆର୍ଥିକ ଅନଗ୍ରସର ଛାତ୍ରଛାତ୍ରୀ ବହୁ ସମସ୍ୟାର ସମ୍ମୁଖୀନ ହେଉଛନ୍ତି ବୋଲି ଇଡି କହିଛନ୍ତି।

  • କାନ୍ଥ ପଡି ୯ ମୃତ

    ଲକ୍ଷ୍ମୀ: ଉତ୍ତର ପ୍ରଦେଶରେ ଗତ ୨୪ ଘଣ୍ଟାରେ ହୋଇଥିବା ପ୍ରବଳ ବର୍ଷାରେ କାନ୍ଥ ଭୁଶୁଡି ପଡିବାରୁ ୯ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି। ସେମାନଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଥିବା ସୂଚନା ରହିଛି।

    ଲକ୍ଷ୍ନୌ ସିଭିଲ ହସ୍ପିଟାଲର ନିର୍ଦ୍ଦେଶକଙ୍କ ସୂଚନା ଅନୁଯାୟୀ, ଲକ୍ଷ୍ନୌର ଏକ ଘରର କାନ୍ଥ ଭୁଶୁଡି ପଡିବାରୁ ସେଠାକୁ ବହୁ ଆମ୍ବୁଲାନ୍ସ ଧାଇଁଥିଲା। ମୋଟ ୯ଟି ମୃତଦେହ ଉଦ୍ଧାର ସହ ୨ ଆହତଙ୍କୁ ହସ୍ପିଟାଲକୁ ଅଣାଯାଇଥିଲା। ମୃତକମାନଙ୍କ ଚିକିତ୍ସା ପରେ ସେମାନଙ୍କ ସ୍ଥିତି ସ୍ଥିର ରହିଥିବା ସୂଚନା ରହିଛି।

    ଏହି ଦୁର୍ଘଟଣାକୁ ନେଇ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁଃଖ ବ୍ୟକ୍ତ କରିବା ସହ ମୃତକଙ୍କ ପରିବାର ପ୍ରତି ଗଭୀର ସମବେଦନା ଜଣାଇଛନ୍ତି।  ଘଟଣା ଉପରେ ନଜର ରଖିଛନ୍ତି ମୁଖ୍ୟମନ୍ତ୍ରୀ ତଥା ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ଲେଖା ଆର୍ଥିକ ଅନୁକମ୍ପା ଦେବାକୁ ନିର୍ଦ୍ଦେଶ ଦେଇଛନ୍ତି। ଆହତଙ୍କୁ ଉପଯୁକ୍ତ ଚିକିତ୍ସା ପ୍ରଦାନ କରିବାକୁ ଯୋଗୀ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।

    ଗତ ୨୪ ଘଣ୍ଟାରେ ରାଜଧାନୀରେ ପ୍ରବଳ ବର୍ଷା କାରଣରୁ ବିଭିନ୍ନ ସ୍ଥାନରେ ପାଣି ଜମି ରଖିଥିବା ଦେଖିବାକୁ ମିଳିଛି। କମିଶନର ରୋଶନ ଜାକୋବ ସହରରେ ୱାଟର ଲଗିଙ୍ଗର ନିରୀକ୍ଷଣ କରିଛନ୍ତି।

    ଅନ୍ୟପଟେ ସେପ୍ଟେମ୍ବର ୧୭ ପର୍ଯ୍ୟନ୍ତ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ଥିବାରୁ ଜିଲ୍ଲା ପ୍ରଶାସନ ପକ୍ଷରୁ ଆଲର୍ଟ ଜାରି କରାଯାଇଛି।  ଲୋକମାନଙ୍କୁ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି। ପୁରୁଣା ଓ ବିପଦଶଙ୍କୁଳ କୋଠା ପ୍ରତି ବିପଦ ଥିବାରୁ ଏଥିପ୍ରତି ସତର୍କତା ଜାରି କରାଯାଇଛି। ଆବଶ୍ୟକ ନ ଥିଲେ ଲୋକଙ୍କୁ ଘରେ ରହିବାକୁ କୁହାଯାଇଛି। ଏଥିସହ ଲୋକଙ୍କୁ ଖୋଲା ସ୍ବେରେଜ, ବିଦ୍ୟୁତ୍ ଖୁଣ୍ଟ ଓ ତାର ପ୍ରତି ସତର୍କ ରହିବାକୁ କୁହାଯାଇଛି।

  • ଘର ନିର୍ମାଣକାର୍ଯ୍ୟ ପାଇଁ ସୃଷ୍ଟି ହେବାକୁ ଯାଉଛି ବଡ ସଙ୍କଟ

    ଉତ୍ତର ପ୍ରଦେଶରେ ଘର ନିର୍ମାଣକାରୀଙ୍କ ପାଇଁ ସୃଷ୍ଟି ହେବାକୁ ଯାଉଛି ବଡ ସଙ୍କଟ । କୋଇଲା ମୂଲ୍ୟରେ ୨୦୦ରୁ ୩୦୦ ପ୍ରତିଶତ ବୃଦ୍ଧି ଏବଂ ଜିଏସଟି ବୃଦ୍ଧି ପରେ ଉତ୍ତର ପ୍ରଦେଶ ବ୍ରିକ୍ସ ଆସୋସିଏସନ ଇଟାଭାଟି ବନ୍ଦ କରିବାକୁ ନିଷ୍ପତ୍ତି ନେଇଛି। ୨୦୨୨ ଅକ୍ଟୋବରରୁ ସେପ୍ଟେମ୍ବର ୨୦୨୩ ଯାଏ ଉତ୍ତରପ୍ରଦେଶରେ ବନ୍ଦ ରହିବ ଏହି ଉତ୍ପାଦନ। ପ୍ରତିବର୍ଷ ୧୨ ଲକ୍ଷ ଟନ କୋଇଲା ଏହି ଶିଳ୍ପ ପାଇଁ ମିଳିବାର ଥିଲା, କିନ୍ତୁ ଗତ ୪ ବର୍ଷ ମଧ୍ୟରେ ୭୬ ହଜାର ଟନ୍ କୋଇଲା ମିଳିଛି। ଅନ୍ୟପଟେ ବିଦେଶରୁ ଆସୁଥିବା କୋଇଲା ବହୁତ ମହଙ୍ଗା ହୋଇଥିବା ବେଳେ ୟୁପି ବ୍ରିକ୍ସ ଆସୋସିଏସନର ସରକାରୀ ଏବଂ ଅର୍ଦ୍ଧ ସରକାରୀ ନିର୍ମାଣରେ ଲାଲ ଇଟା ଉପରେ ଆଶିଂକ ନିଷେଦ୍ଧାଦେଶକୁ ନେଇ ଅସନ୍ତୋଷ ଦେଖାଦେଇଛି। ସେପଟେ ୟୁପି ବ୍ରିକ୍ସ ଆସୋସିଏସନ କହିଛି ଯେ କୋଇଲାର ମୂଲ୍ୟ ୩୫୦ ପ୍ରତିଶତ ବୃଦ୍ଧି କରାଯାଇଛି।

    ଏପରିକି ଶ୍ରମ ଚୁକ୍ତିନାମା ଉପରେ ଜିଏସଟିକୁ ୧୨ ପ୍ରତିଶତକୁ ବୃଦ୍ଧି କରାଯାଇଛି। ଅନ୍ୟପଟେ ୨୦ ହଜାର ବର୍ଗଫୁଟରୁ ଅଧିକ ନିର୍ମାଣ ଏବଂ ସରକାରୀ ନିର୍ମାଣ କାର୍ଯ୍ୟରେ ପାଉଁଶରେ ନିର୍ମିତ ଇଟା ବ୍ୟବହାର ବାଧ୍ୟତାମୂଳକ ହେବ ବୋଲି ଜଣାପଡିଛି। ତେବେ ଏହି କାରଣରୁ ବ୍ରିକ୍ସ ଆସୋସିଏସନ ଏକ ବର୍ଷ ପାଇଁ ଇଟାଭାଟି ବନ୍ଦ କରି ଧର୍ମଘଟ କରିବାକୁ ନିଷ୍ପତ୍ତି ନିଆଯାଇଛି। ଯାହା ଘର ନିର୍ମାଣକାରୀଙ୍କ ଉପରେ ପ୍ରଭାବ ପକେଇବ ବୋଲି ଜଣାପଡିଛି।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
  • ଚେକିଙ୍ଗଂ ସମୟରେ ଆରଟିଓ ଏବଂ କନଷ୍ଟେବଲଙ୍କୁ ଟ୍ରକ ଚଢାଇ ହତ୍ୟା

    ଉତ୍ତରପ୍ରଦେଶ ସୁଲତାନପୁରରେ ଘଟିଛି ହରିୟାଣା ପରି ଆଉ ଏକ ଘଟଣା । ଚେକିଙ୍ଗଂ ପାଇଁ ଯାଇଥିବା ଏଆରଟିଓ ଓ କନଷ୍ଟେବଲ ଓ ଡ୍ରାଇଭର ଭାବେ କାର୍ଯ୍ୟ କରୁଥିବା ଅନ୍ୟ ଜଣେ କନଷ୍ଟେବଲଙ୍କୁ ଟ୍ରକ ମଡାଇ ହତ୍ୟା କରାଯାଇଛି । ଘଟଣା ସ୍ଥଳରେ ହିଁ ସେମାନଙ୍କ ମୃତ୍ୟୁ ହୋଇଛି । ଅନ୍ୟ ପଟେ ଅଭିଯୁକ୍ତ ଟ୍ରକ ଚଢାଇ ଘଟଣା ସ୍ଥଳରୁ ଫେରାର ହୋଇଯାଇଛି । ସୁଚନା ଅନୁସାରେ ଆଜି ସକାଳୁ ସକାଳୁ ଏଆରଟିଓ ଟିମ୍ ଚେକିଙ୍ଗଂ ଏହି ସମୟରେ ଆଗରୁ ଆସୁଥିବା ଏକ ଟ୍ରକକୁ ଠାରି ଗାଡି ସାଇଡ୍ କରି ରଖିବାକୁ କୁହାଯାଇଥିଲା ।

    ଟ୍ରକ ଡ୍ରାଇଭର ଜାଣିଶୁଣି ଟ୍ରକ ର ଷ୍ପିଡ ବଢାଇ ସେଠାରେ ଠିଆ ହୋଇଥିବା ଏଆରଟିଓ ଜଣେ କନେଷ୍ଟବଲ ଓ ଡ୍ରାଇଭର ଉପରେ ଗାଡି ଚଢାଇ ଚାଲିଯାଇଥିଲେ । କିଛି ବାଟ ଯିବା ପରେ ଟ୍ରକ ଡ୍ରାଇଭର ଟ୍ରକ ଥାଡି କେଉଁଆଡେ ଫେରାର ହୋଇଯାଇଥିଲେ । ହରିୟାଣା ହେଉ କିମ୍ଭା ଉତ୍ତରପ୍ରଦେଶ ଚେକିଙ୍ଗଂ ସମୟରେ ଚେକିଙ୍ଗଂ କରୁଥିବା କର୍ମଚାରୀ ବା ଅଧିକାରୀ ମାନଙ୍କ ଉପରେ ଏଭଳି ଆକ୍ରମଣ ହେବା ଓ ଘଟଣା ସ୍ଥଳରେ ମୃତ୍ୟୁବରଣ କରିବା ଦୁଖଦଃ ଘଟଣା ।

    ଏଥିପ୍ରତି କେନ୍ଦ୍ର ସରକାର ହୁଅନ୍ତୁ କିମ୍ଭା ରାଜ୍ୟ ସରକାର ଉଭୟ କଠୋର ପଦକ୍ଷେପ ନେବା ସହତ ଘଟଣାରେ ଅଭିଯୁକ୍ତ ମାନଙ୍କ ପ୍ରତି ଦୃଷ୍ଟାନ୍ତମୁଲକ ପଦକ୍ଷେପ ଗ୍ରହଣ କଲେ ଏପରି କାର୍ଯ୍ୟ କରିବା ପାଇଁ ଭୟ ରହିବ । ନଚେତ ଏଭଳି ଘଟଣା ଗୋଟିଏ ପରେ ଗୋଟିଏ ଘଟିବ ଆଇନ କାନୁନ୍ ପ୍ରତି କାହାର ଭୟ ରହିବ ନାହିଁ ।

    • ସ୍ମରଜିତ ଆର୍ଯ୍ୟଙ୍କ ରିପୋର୍ଟ
  • ଧରାଛୁଆଁ ଦେଉନାହାନ୍ତି ସାଂସଦ

    ଧରାଛୁଆଁ ଦେଉନାହାନ୍ତି ସାଂସଦ। ଗୃହପ୍ରବେଶ କାର୍ଯ୍ୟକ୍ରମକୁ ସଫଳ କରିବାକୁ ଶ୍ରମିକଙ୍କୁ କାମରେ ଲଗାଇଲେ। ହେଲେ କାମ ସରିଗଲେ ତୁ କିଏ ନା ମୁଁ କିଏ। ବାରମ୍ୱାର ସାଂସଦଙ୍କ ପାଖକୁ ଧାଇଁ ପ୍ରାପ୍ୟ ନ ମିଳିବାରୁ ବାଧ୍ୟ ହୋଇ ଶ୍ରମିକ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଗୁହାରି କରିଛନ୍ତି। ସାଂସଦ ରବି କିଶନଙ୍କ ବିରୁଦ୍ଧରେ ଏଭଳି ଆରୋପ ଆସିଛି। ଶ୍ରମିକ ନିଜର ପ୍ରାପ୍ୟ ମାଗିବାରୁ ପ୍ରାପ୍ୟ ତ ଦେଲେନି। ପାଲଟା ଧରାଛୁଆଁ ଦେଉନାହାନ୍ତି ସାଂସଦ। ବହୁବାର ଦୌଡ଼ି ନିରାଶ ହେବା ପରେ ଶେଷରେ ନ୍ୟାୟ ପାଇଁ ମୁଖ୍ୟମନ୍ତ୍ରୀଙ୍କୁ ଗୁହାରି କରିବା ସହ ନ୍ୟାୟ ନ ମିଳିଲେ ଆତ୍ମାହୁତି ଦେବାକୁ ଧମକ ଦେଇଛନ୍ତି ଶ୍ରମିକ। ଗୋରଖପୁରରେ ଥିବା ଘରେ ଗୃହପ୍ରବେଶ ବେଳେ ଶ୍ରମିକଙ୍କୁ କାମରେ ନିୟୋଜିତ କରିଥିଲେ ସାଂସଦ। ଆଉ ମଜୁରୀ ପଇସା ମାଗିବାରୁ ଏହା ମିଳିଲାନି।

    ଫଳରେ ବୁଧବାର ମୁଖ୍ୟମନ୍ତ୍ରୀଙ୍କ ଜନତା ଦରବାରରେ ଉପସ୍ଥିତ ମୁଖ୍ୟମନ୍ତ୍ରୀଙ୍କ ଆଗରେ ସାଂସଦଙ୍କ ଏଭଳି ଆଚରଣକୁ ନେଇ ଫେରାଦ୍ ହୋଇଛନ୍ତି ଶ୍ରମିକ। ଆଉ ଶ୍ରମିକଙ୍କ ଏହି ଅଭିଯୋଗକୁ ଗ୍ରହଣ କରି ଏହାର ତଦନ୍ତ ସହ କାର୍ଯ୍ୟାନୁଷ୍ଠାନ ଲାଗି ନିର୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ଯୋଗୀ। ମଜୁରୀ ବାବଦ ବାକି ପଇସା ମାଗିବାରୁ ଏହାକୁ ନିଜର ସହଯୋଗୀଙ୍କଠୁ ନେଇଯାଅ ବୋଲି ସାଂସଦ ରବି କିଶନ କହିଥିଲେ। ଆଉ ସାଂସଦଙ୍କ କଥା ଅନୁସାରେ ଯେତେବେଳେ ସହଯୋଗୀଙ୍କୁ ପ୍ରାପ୍ୟ ମାଗିବାକୁ ଯାଇଥିଲେ, ସେଠାରୁ ଧମକ ମିଳିଥିଲା। ବାକି ପାଉଣା ମାଗିଲେ ମାରିଦେବାକୁ ଧମକ ଦେଉଛନ୍ତି ସାଂସଦଙ୍କ ସହଯୋଗୀ। ତେବେ ଏହାକୁ ନେଇ ବବାଲ୍ ହେବା ପରେ ସାଂସଦ ରବି କିଶାନ କହିଛନ୍ତି, ଯାହାର ଯାହା କିଛି ବାକି ଅଛି, ସେ ତାଙ୍କ ପାଖକୁ ଆସି କଥାବାର୍ତ୍ତା କରନ୍ତୁ ଓ ନିଜର ପଇସା ନେଇଯାଆନ୍ତୁ।

    ଗୋରଖପୁରର ନୌକାୟାନ ପାଖରେ ନୂଆ ଘର ତିଆରି କରିଛନ୍ତି। ଏହି ଘରେ ଜୁନ୍ ୧୧ରେ ଗୃହ ପ୍ରବେଶ କାର୍ଯ୍ୟକ୍ରମ ଥିଲା। ଯେଉଁଠି ୧୫ରୁ ୨୦ ଶ୍ରମିକ କାମରେ ନିୟୋଜିତ ଥିଲେ। କିନ୍ତୁ ସେମାନଙ୍କ ପାଉଣା ଦେଇନଥିଲେ ସାଂସଦ। ଭୋଜପୁରୀ ଫିଲ୍ମ ଇଣ୍ଡଷ୍ଟ୍ରିର ସୁପରଷ୍ଟାର କୁହାଯାଉଥିବା ରବି କିଶନ ନିଜର ବୟାନକୁ ନେଇ ସବୁବେଳେ ଚର୍ଚ୍ଚାରେ ରହିଆସିଛନ୍ତି। ଗୋରଖପୁର ଲୋକସଭା ଆସନରୁ ୨୦୧୯ରେ ବିଜେପି ଟିକଟରେ ନିର୍ବାଚନ ଲଢି ସାଂସଦ ହୋଇଛନ୍ତି। କିନ୍ତୁ ଶ୍ରମିକଙ୍କୁ ଏଭଳି ଶୋଷଣକୁ ନେଇ ଏବେ ସାଂସଦ ରବି କିଶନ ଅଡ଼ୁଆରେ ପଡ଼ିଛନ୍ତି।

    • ପ୍ରଦୀପ ନାୟକଙ୍କ ରିପୋର୍ଟ
  • ଶିଶୁ ଜନ୍ମ ପରେ ଭଗବାନ କହିଲେ ଲୋକେ

    ଲକ୍ଷ୍ନୌ: ଉତ୍ତର ପ୍ରଦେଶରେ ଏମିତି ଏକ ଶିଶୁର ଜନ୍ମ ହୋଇଛି ଯାହାକୁ ଦେଖିବାକୁ ଲାଗିଛି ଲୋକଙ୍କ ଭିଡ। କେହି ଶିଶୁକୁ ପ୍ରକୃତିର ଚମତ୍କାର କହୁଛନ୍ତି ତ ପୁଣି କେହି କହୁଛନ୍ତି ଭଗବାନଙ୍କ ପୁନର୍ଜନ୍ମ। ଜନ୍ମିତ ଶିଶୁର ରହିଛି ୪ ଗୋଡ ଓ ୪ ହାତ। ଏସମ୍ପର୍କରେ ଡାକ୍ତର କୁହନ୍ତି, ଗର୍ଭରେ ଦୁଇଟି ଗର୍ଭଧାରଣ କରିଥିଲେ ମା। କିନ୍ତୁ ଜଣଙ୍କର ବିକାଶ ସଠିକ ରୂପେ ହୋଇ ପାରି ନାହିଁ, ଯେଉଁଥିପାଇଁ ଅନ୍ୟଠାରେ ଅପରିପକ୍ବ ଶିଶୁର ଗୋଡ ହାତ ହୋଇଛି।

    ଶିଶୁଟର ଜନ୍ମ ପରେ ସୋସିଆଲ ମିଡିଆରେ ଶିଶୁର ଫଟୋ ଭାଇରାଲ ହୋଇଥିଲା।  ଶିଶୁର ଜନ୍ମ ଉତ୍ତର ପ୍ରଦେଶର ହରଦୋଇରେ ଜୁଲାଇ ୨ରେ ହୋଇଛି। ଶିଶୁର ଜନ୍ମ ସମୟରେ ତାର ଓଜନ ୩ କୋଜି ରହିଥିଲା। ଶିଶୁର ଅତିରିକ୍ତ ହାତ ଗୋଡ ସମ୍ପର୍କରେ ଜଣା ପଡିବା ପରେ ଶିଶୁଟିକୁ ଦେଖିବାକୁ ଲୋକଙ୍କ ଭିଡ ଜମିଛି ନବଜାତକଙ୍କ ଘରେ ଜମୁଛି। ଶିଶୁଟିର ପେଟ ଉପରେ ଦ୍ବିତୀୟ ଶିଶୁର ବେକ ଲାଗି ରହିଥିଲେ ମଧ୍ୟ ତାର ବିକାଶ ସମ୍ପୂର୍ଣ୍ଣ ହୋଇ ପାରି ନାହିଁ।

    ଏହା ପୂର୍ବରୁ ଚଳିତ ବର୍ଷ ଜାନୁଆରୀ ୧୭ରରେ ବିହାରର କଟିହାରରେ  ଏହିପରି ୪ ହାତ ଗୋଡ ଥିବା ଶିଶୁ ଜନ୍ମ ହୋଇଥିଲା। ସେହିପରି ବିହାରରେ ୨୦୨୧ ଡିସେମ୍ବରରେ ମଧ୍ୟ ତିନି ହାତ ଓ ତିନି ଗୋଡ ଥିବା ଶିଶୁ ଜନ୍ମ ହୋଇଥିଲା।

  • ଉତ୍ତରପ୍ରଦେଶ ସରକାରଙ୍କ ନିୟମକୁ ନିଜେ ସରକାରୀ ଅଧିକାରୀ ମାନୁନାହାଁନ୍ତି

    ରାଜନେତା ଓ ସରକାରୀ ଅଧିକାରୀ ମାନେ ରାଜ୍ୟ ସରକାରଙ୍କ ପାଖରେ ସମ୍ପତ୍ତି ତାଲିକା ଦାଖଲ କରିବା ପାଇଁ ଉତ୍ତରପ୍ରଦେଶ ସରକାର ଘୋଷମା କରିଥିଲେ । ଉତ୍ତରପ୍ରଦେଶ ସରକାରଙ୍କ ନିୟମ କୁ ଖୋଦ ସରକାରୀ ଅଧିକାରୀ ମାନେ ମାନୁନାହାଁନ୍ତି । ସରକାରଙ୍କ ନିୟମ କୁ ସରକାରୀ ଅଧିକାରୀ ଙ୍କ ଅବମାନନା କରିବା ଘଟଣା ଉତ୍ତରପ୍ରଦେଶ ରାଜୀନିତୀରେ ଚର୍ଚ୍ଚା ର ବିଷୟ ହୋଇଛି । କେନ୍ଦ୍ର ଓ ରାଜ୍ୟ ସରକାର ଙ୍କ କ୍ୟାଡରର ସମସ୍ତ ଅଧିକାରୀ ସମ୍ପତ୍ତି ତାଲିକା ଦାଖଲ କରିବା ପାଇଁ ଉତ୍ତରପ୍ରଦେଶ ସରକାର ଙ୍କ ନିଷ୍ପତ୍ତି କୁ କିଛି ଅଧିକାରୀ ପାଳନ କରିନାହାଁନ୍ତି । ଉତ୍ତରପ୍ରଦେଶ ସରକାର ଙ୍କ ତାଲିମ ବିଭାଗ ସଚିବ ଦୀପ୍ତ ଶଙ୍କର ଚଳିତ ବର୍ଷ ଜାନୁଆରୀ ୧୧ ତାରିଖରେ ମୁଖ୍ୟଶାସନ ସଚିବ ଙ୍କୁ ଏ ନେଇ ପତ୍ର ଲେଖିଛନ୍ତି ।

    ସମ୍ପତ୍ତି ତାଲିକା ଦାଖଲ କରିବାର ଅବଧି ସରିଯାଇଥିଲେ ମଧ୍ୟ୍ୟ ୨୭ ଜଣ ଆଇଏଏସ ଅଧିକାରୀ ସମ୍ପତ୍ତି ତାଲିକା ଦେଇନହାଁନ୍ତି । ସେମାନଙ୍କ ମଧ୍ୟ୍ୟରେ ଜିଲ୍ଲା ଅଧିକାରୀ , ବିଶେଷ ସଚିବ ଓ କେନ୍ଦ୍ରୀୟ ଡେପୁଟେସନରେ ଯାଇଥିବା ଅଧିକାରୀ ମଧ୍ୟ୍ୟ ସାମଲି ଅଛନ୍ତି ଏମିତି କିଛି ଅଧିକାରୀ ଅଛନ୍ତି ସମ୍ପତ୍ତି ତାଲିକା ଦେବା ଜରୁରୀ ବୋଲି ଭାବିନହାଁନ୍ତି ଯେଉଁମାନେ ଜାନୁଆରୀ ମାସ ସୁଦ୍ଧା କିମ୍ଭା ପରେ ଅବସର ଗ୍ରହଣ କରିଛନ୍ତି । କିନ୍ତୁ ପଦ୍ଦୋନ୍ନତି ସମୟରେ ଏହି ସମ୍ପତ୍ତି ତାଲିକା ଦାଖଳ ନହୋଇଥିଲେ ପଦୋନ୍ନତି ହୋଇପାରିବ ନାହିଁ । ଚାକିରୀ କରିଥିବା ଅଧିକାରୀ ସମ୍ପତ୍ତି ତାଲିକା ଦାଖଲ କରିନଥିଲେ ଆବଶ୍ୟକ ସ୍ଥଳେ ସେମାନଙ୍କ ବିରୋଧରେ କାର୍ଯ୍ୟନୁଷ୍ଟାନ ନେବାର ନିୟମ ମଧ୍ୟ୍ୟ ରହିଛି ।

    ଖାଲି ସିତେକି ନୁହେଁ ମୃତ୍ୟୁବରଣ କରିଥିବା ଅଧିକାରୀ ଓ ଅବସର ନେଇଥିବା ଅଧିକାରୀ ମାନଙ୍କୁ ମଧ୍ୟ୍ୟ ତାଲିକା ମଗାଯାଉଛି । ଜନୁଆରୀ ୨୦୨୨ ମସିହା ଶେଷ ସୁଦ୍ଧା ଯେଉଁ ମାନେ ସମ୍ପତ୍ତି ତାଲିକା ଦେଇନହାଁନ୍ତି ସେଇ ତାଲିକା ରେ ସମସ୍ତ ନାଁ ସାମିଲ କରାଯାଉ । ୧୯୯୩ ବ୍ୟାଚ ର ଆଇଏଏସ ଅଧିକାରୀ ୨୦୧୯ ରେ ସ୍ବେଛାକୃତ ଅବସରନେଇସାରିଛନ୍ତି ତାଙ୍କ ନାଁ ମଧ୍ୟ୍ୟ ଏହି ତାଲିକାରେ ରହିଛି । ୧୧ ଜାନୁଆରୀ ରେ ମୁଖ୍ୟଶାସନ ସଚିବ ଲେଖିବା ପତ୍ର ରେ ୩୧ ଡିସେମ୍ବର ସୁଦ୍ଧା ସମ୍ପତ୍ତି ତାଲିକା ୨୦୨୨ ଜାନୁଆରୀ ମଧ୍ୟ୍ୟରେ ଦାଖଳ କରିବ । ଦୁଇ ଜଣ ଅଧିକାରୀ ଙ୍କ ଦେଢ ବର୍ଷ ପୂର୍ବରୁ ମୃତ୍ୟୁ ହୋଇଛି ।୨୦୧୦ ୟୁପି କ୍ୟାଡର ଆଇଏସ ଶୁଶୀଲ କୁମାର ମୌର୍ୟ୍ୟା ସେପ୍ଟେମ୍ବର ୨୦ ରେ କୋଭିଡ୍ ସଂଙ୍କ୍ରମଣରେ ମୃତୟୁ ହୋଇଗଲା ।

    ସେହିପରି ୧୯୯୮ ବ୍ୟାଚ ଆଇଏଏସ ଅଫିସର ଅଜୟ କୁମାର ସଂ ଡିସେମ୍ବର ୨୦୨୦ ବିଧାନ ପରିଷଦ ନିର୍ବାଚନରେ ବାରଣାଷୀ ପର୍ଯ୍ୟବେକ୍ଷକ ଥିବା ସମୟରେ କାର୍ଯ୍ୟରତ ଅବସ୍ଥାରେ ମୃତ୍ୟୁ ହୋଇଛି ତାଙ୍କ ନାଁ ମଧ୍ୟ୍ୟ ତାଲିକାରେ ରହିଛି । ସରକାର ଙ୍କ ନିୟମକୁ ଯେଉଁ ଅଧିକାରୀ ମାନେ ପାଳନ କରୁନହାଁନ୍ଚି ସେମାନଙ୍କ ପ୍ରତି କଠୋର କାର୍ଯ୍ୟନୁଷ୍ଟାନ ନେଲେ ଅନ୍ୟ ମାନଙ୍କ ପ୍ରତି ଏହା ଉଦହାରଣ ହେବ । ସରକାର ଙ୍କ ନିୟମ ଏଭଲି ହୋଇଛି ଯେ ୨୭ ଜଣ ଆଇଏଏସ ଅଧିକାରୀ ଙ୍କ ମଧ୍ୟ୍ୟରେ ଦୁଇଜଣ ମୃତ୍ୟୁବରଣ କରିଥିବା ଅଧିକାରୀ ଙ୍କ ନାଁ ମଧ୍ୟ୍ୟ ସାମିଲ ଅଛି । ଏହା କେତେଦୁରୁ ଠିକ ।

    • ସ୍ମରଜିତ୍ ଆର୍ଯ୍ୟ ଙ୍କ ରିପୋର୍ଟ
  • ଶିକ୍ଷୟିତ୍ରୀଙ୍କୁ ଜୋତାରେ ମାରିଲେ ପ୍ରଧାନ ଶିକ୍ଷକ

    () ଉତ୍ତରପ୍ରେଦେଶର ଏକ ସରକାରୀ ସ୍କୁଲରୁ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏହିଘଟଣାକୁ ଯେତେ ନିନ୍ଦାକଲେ ମଧ୍ୟ ତାହା କମ ହେବ।ଏହି ନିନ୍ଦାଜନକ ଭିଡିଓ ଏବେ ସୋସିଆଲ ମିଡିଆରେ ଘୁରି ବୁଲୁଛି। ଜଣେ ପ୍ରଧାନଶିକ୍ଷକ କିପରି ଭୁଲିଯାଇଛନ୍ତି ନିଜର ହିତାହିତ ଜ୍ଞାନ ତାହା ଦେଖିବାକୁ ମିଳିଛି ଭିଡିଓରେ। ଲକ୍ଷ୍ମୀପୁର ଖେରି ଜିଲ୍ଲାର ଏକ ସରକାରୀ ସ୍କୁଲରେ ବିଳମ୍ୱରେ ଆସି ପହଞ୍ଚିଥିବା ଜଣେ ଶିକ୍ଷୟିତ୍ରୀଙ୍କୁ ସେହି ସ୍କୁଲର ପ୍ରଧାନଶିକ୍ଷକ ଜୋତାରେ ମାଡ ମାରିଥିଲେ। ପ୍ରଧାନଶିକ୍ଷକ ରାଗିଯାଇ ନିର୍ଦ୍ଦୟ ଭାବରେ ବିଦ୍ୟାଳୟରେ ଶିକ୍ଷୟିତ୍ରୀଙ୍କୁ ବହୁତ ଖରାପ ବ୍ୟବହାରକରି ନିର୍ଧୁମ ଜୋତାରେ ମାଡ ମାରିଛନ୍ତି। ସେଠାରେ ସ୍କୁଲପିଲାମାନେ ମଧ୍ୟ ଉପସ୍ଥିତ ଥିଲେ ଟିକେ ଭାବିଲେ ଦେଖି ପିଲାଙ୍କ ଆଗରେ ଜଣେ ପ୍ରଧାନଶିକ୍ଷକ ହୋଇ ଜୋତାରେ ମାଡମାରିବା କେତେ ନିନ୍ଦାର ବିଷୟ। ଶିକ୍ଷୟିତ୍ରୀଙ୍କ ପ୍ରତି ଏଭଳି ବ୍ୟବହାର କେତେ ଦୂର ଠିକ୍?

    ଏହି ଭିଡିଓରେ ଆପଣ ଦେଖିପାରୁଥିବେ କି, ପ୍ରଧାନଶିକ୍ଷକ ଜଣଙ୍କ ଖୁବ୍ ଜୋରରେ ରାଗିଯାଇ ଶିକ୍ଷୟିତ୍ରୀଙ୍କୁ ଜୋତାଉଠାଇ ମାରି ଚାଲିଛନ୍ତି।  ସେଠାରେ ଥିବା ଶିକ୍ଷକତାଙ୍କୁ ଅଟକାଉଥିବାର ନଜର ଆସୁଛନ୍ତି, କିନ୍ତୁ ତାଙ୍କୁ ପ୍ରଧାନଶିକ୍ଷକ ମଧ୍ୟ ଠେଲିଦେଇ ଯୁକ୍ତି ବାଢିଛନ୍ତି। ସେଠାରେ ଅନେକ ଲୋକମାନଙ୍କ ସହ ପିଲାମାନେ ମଧ୍ୟ ଉପସ୍ଥିତ ଅଛନ୍ତି। ଏହି ସମୟରେ ଉପସ୍ଥିତ ଥିବା ଅନ୍ୟମାନେ ବି ରୋଧ କରିଥିଲେ ମଧ୍ୟ ପ୍ରଧାନଶିକ୍ଷକ ଆଦୌକାହାରି କଥା ଶୁଣୁନାହାଁନ୍ତି।ଏବେ ଏହି ଘଟଣାର ଭିଡିଓ ସୋସିଆଲ ମିଡିରେ ଭାଇରାଲ ହେଉଛି।

    ଏନେଇ ପ୍ରଧାନଶିକ୍ଷକଙ୍କ ବିରୋଧରେ ଖେରୀ ପୋଲିସ ଷ୍ଟେସନରେ ମାମଲା ରୁଜୁ ହୋଇଛି। ତେବେ ଏହି ଘଟଣା ପରେ ସମ୍ପୃକ୍ତ ପ୍ରଧାନଶିକ୍ଷକଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯାଇ ତାଙ୍କୁ ନିଲମ୍ୱିତ କରାଯାଇଛି।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

Back to top button