ନୟାଗଡ: ପୁଣି ସାମ୍ନାକୁ ଆସିଲା ଯୌତୁକ ପାଇଁ ନିର୍ଯାତନାର ଦୃଶ୍ୟ। ଏଭଳି ଦୃଶ୍ୟ ଦେଖିବାକୁ ମିଳିଛି ନୟାଗଡ ଜ଼ିଲ୍ଲା ଵାଣିଗୋଚ୍ଛା ଥାନା ଗୁରାହ ଗାଁରେ। ୨ ବର୍ଷ ତଳେ ପ୍ରକାଶ ନାୟକ ଫୁଲୁବାଣୀ ଜ଼ିଲ୍ଲା ବଦଙ୍ଗୀ ଗାଁର ସନ୍ତୋଷୀ ବେହେରାଙ୍କୁ ପ୍ରେମ ବିବାହ କରିଥିଲା ବେଳେ ପ୍ରକାଶ ଯୌତୁକ ପାଇଁ ସନ୍ତୋଷୀଙ୍କୁ ବାରମ୍ୱାର ନିର୍ଯାତନା ଦେଇ ଆସୁଥିଲେ। ୧୫ ଦିନ ତଳେ ମଧ୍ୟ ଏଥିପାଇଁ ସନ୍ତୋଷୀଙ୍କୁ ମାଡ ମାରିବା ସହ ତାଙ୍କୁ ବନ୍ଦ କୋଠରୀରେ ରଖି ତାଙ୍କ ଚୁଟି କାଟି ଦେଇଥିଲେ ଏବଂ ତାଙ୍କୁ ଧାରୁଆ ଅସ୍ତ୍ରରେ ଦେହର ବିଭିନ୍ନ ସ୍ଥାନକୁ କାଟି ଦେଇଥିଲା। ଗତ ୩ତାରିଖ ଦିନ ସ୍ତ୍ରୀ ଏବଂ ୧୧ମାସ ଶିଶୁକୁ ମାରିଦେବା ପାଇଁ ଉଦ୍ୟମ ମଧ୍ୟ କରିଥିଲା ସ୍ୱାମୀ ପ୍ରକାଶ। ତେବେ କୌଣସି ସୂତ୍ରରୁ ଝିଅର ବାପଘର ଲୋକ ଖବର ପାଇ ଵାଣିଗୋଚ୍ଛା ପୋଲିସକୁ ଜଣାଇଥିଲା ବେଳେ ପୋଲିସ ମା ଓ ଶିଶୁକୁ ଉଦ୍ଧାର କରିଥିଲା। ଏବଂ ଅଭିଯୁକ୍ତ ସ୍ୱାମୀକୁ ଗିରଫ କରି କୋର୍ଟ ଚାଲାଣ କରିଛି l
Naxatra News is now on Whatsapp
Join and get latest news update delivered to you via whatsapp
Join Now
