ନୂଆଦିଲ୍ଲୀ :ଚାକିରି କରି ସ୍ୱାମୀକୁ ସାହାଯ୍ୟ କରିବାକୁ ଚାହୁଁଥିବା ବୋହୂକୁ ଇଟାରେ ମାରି କ୍ଷତାକ୍ତ କଲା ଶଶୁର । ରାଜଧାନୀ ଦିଲ୍ଲୀରେ ଘଟିଛି ଏଭଳି ଅଭାବନୀୟ ଘଟଣା ଯାହା ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଝିଅପିଲା ବାହାରକୁ ଚାକିରି କରିବାକୁ ଯିବା ଅପରାଧ ମଣୁଥିବା ଶଶୁର ନିଜ ବୋହୂର ଚାକିରି କରିବା କଥାକୁ ବିରୋଧ କରି ଇଣ୍ଟରେଭିୟୁକୁ ଯିବା ବାଟରେ ଇଟାରେ ଆକ୍ରମଣ କରିଛି ।
ଦିଲ୍ଲୀର ପ୍ରେମ ନଗର ଅଞ୍ଚଳରେ 26 ବର୍ଷିୟା ବୋହୂ କାଜଲ ନିଜ ସ୍ୱାମୀକୁ ଆର୍ଥିକ କ୍ଷେତ୍ରରେ ସାହଯ୍ୟ କରିବାପାଇଁ ଚାକିରି କରିବା କଥା ତାଙ୍କ ଘରେ କହିଥିଲେ । ଯେଉଁଥିରେ ତାଙ୍କର ଶଶୁର ରାଜିନଥିଲେ । କିନ୍ତୁ ସେ ଶିକ୍ଷିତ ଥିବାରୁ ତାଙ୍କ ଶଶୁରଙ୍କ କଥା ନଶୁଣି ଚାକିରି ପାଇଁ ଇଣ୍ଟରଭିୟୁ ଦେବାକୁ ବାହାରିଥିଲେ । ଯିବା ବାଟରେ ଶଶୁର ରାଗିଯାଇ ବୋହୂକୁ ଇଟାରେ ଆକ୍ରମଣ କରିଥିଲେ ।
ଆକ୍ରମଣରେ ବୋହୂ କ୍ଷତାକ୍ତ ହୋଇଥିବାର ଜଣାପଡିଥିଲା । କାଜଲଙ୍କ ସ୍ୱାମୀ ତାଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ ଯେଉଁଠାରେ ତାଙ୍କ ମୁଣ୍ଡରେ 15ଟି ଷ୍ଟିଜ ପଡିଥିବା କଥା ଜଣା ପଡିଛି । ତେବେ ଏନେଇ କାଜଲଙ୍କ ବାପା ଫରିଦାବାଦ ଥାନାରେ ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜୁକରି ତଦନ୍ତ ଆରମ୍ଭ କରିଛି ।
![](https://naxatranews.com/wp-content/uploads/2024/08/Whatsapp-Logo.png)
Naxatra News is now on Whatsapp
Join and get latest news update delivered to you via whatsapp
Join Now