ବଲିଉଡ ଅଭିନେତା ଭିକି କୌଶଲ ତାଙ୍କର ଆଗାମୀ ଚଳଚ୍ଚିତ୍ର ‘ବ୍ୟାଡ୍ ନ୍ୟୁଜ୍’ ପାଇଁ ଆଜିକାଲି ଖବରରେ ଅଛନ୍ତି। ଅଭିନେତା ତାଙ୍କ ଚଳଚ୍ଚିତ୍ରର ପ୍ରମୋସନରେ ବ୍ୟସ୍ତ ଅଛନ୍ତି। ଏହାର ଗୀତଗୁଡ଼ିକ ହିଟ୍ ହୋଇସାରିଛି। ବର୍ତ୍ତମାନ ପ୍ରଶଂସକମାନେ ଫିଲ୍ମକୁ ଅପେକ୍ଷା କରିଛନ୍ତି କିନ୍ତୁ ରିଲିଜ୍ ହେବା ପୂର୍ବରୁ ଫିଲ୍ମଟି ଅସୁବିଧାର ସମ୍ମୁଖୀନ ହୋଇଛି।
ଭିକି କୌଶଲ ଏବଂ ତୃପ୍ତି ଡିମରିଙ୍କ ଫିଲ୍ମ ‘ବ୍ୟାଡ୍ ନ୍ୟୁଜ୍’ ରିଲିଜ ପାଇଁ ପ୍ରସ୍ତୁତ। ତାଙ୍କର ପ୍ରଶଂସକମାନେ ମଧ୍ୟ ଏହି ଚଳଚ୍ଚିତ୍ରକୁ ଉତ୍ସାହର ସହିତ ଅପେକ୍ଷା କରିଛନ୍ତି। ଚଳଚ୍ଚିତ୍ରର ଗୀତ ଏବଂ ଏହାର ଟ୍ରେଲର ପୂର୍ବରୁ ଏକ ଆଲୋଡ଼ନ ସୃଷ୍ଟି କରିଛି। କିନ୍ତୁ ରିଲିଜ୍ ପୂର୍ବରୁ ସେନ୍ସର ବୋର୍ଡ ଫିଲ୍ମରେ କଇଁଚି ଚଳାଇଛନ୍ତି। ଫିଲ୍ମର ସ୍ୱତନ୍ତ୍ର ଦୃଶ୍ୟକୁ କାଟି ଦିଆଯାଇଛି। ତେବେ ଯେଉଁ ଏହି ବିଶେଷ ଦୃଶ୍ୟ କାହା ଉପରେ ସୁଟିଂ କରାଯାଇଥିଲା ତାହା ପ୍ରକାଶ କରାଯାଇ ନାହିଁ।
ବଲିଉଡ ହଙ୍ଗାମାରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଭିକି ଏବଂ ତୃପ୍ତିଙ୍କ ‘ବ୍ୟାଡ୍ ନ୍ୟୁଜ୍’ ନିକଟରେ ସିବିଏଫସି (ସେଣ୍ଟ୍ରାଲ ବୋର୍ଡ ଅଫ ଫିଲ୍ମ ସାର୍ଟିଫିକେସନ୍) କମିଟି ଦ୍ୱାରା ସମୀକ୍ଷା କରାଯାଇଥିଲା। କୁହାଯାଉଛି ଯେ ଫିଲ୍ମର ଗୋଟିଏ କିମ୍ବା ଦୁଇଟି ନୁହେଁ ବରଂ ତିନୋଟି ଦୃଶ୍ୟରେ ସୁଧାର କରାଯାଇଛି ହୋଇଛି।
Naxatra News is now on Whatsapp
Join and get latest news update delivered to you via whatsapp
Join Now
