ବିବାହ ପାଇଁ ଜିଦ୍ ଧରିବାରୁ ଦୁଷ୍କର୍ମ କରିବା ପରେ ତାଙ୍କୁ ମାରି ପ୍ରାୟ ୫୦ ଖଣ୍ଡ କରିଦେଲେ। ମାତ୍ର ବୁଲା କୁକୁରଙ୍କ ଯୋଗୁ ଧରା ପଡ଼ିଗଲେ ଅଭିଯୁକ୍ତ ଓ ଏବେ ପୁଲିସ୍ ତାଙ୍କୁ ବାନ୍ଧିଛି। ଏପରି ଏକ ବୀଭତ୍ସ ଘଟଣା ଝାଡ଼ଖଣ୍ଡର ଖୁଣ୍ଟି ଅଞ୍ଚଳରେ ଘଟିଛି ।
୨୫ ବର୍ଷୀୟ ଅଭିଯୁକ୍ତ ଯୁବକକୁ ଗିରଫ କରାଯାଇଛି। ପ୍ରାୟ ଦୁଇ ସପ୍ତାହ ପୂର୍ବରୁ ଘଟିଥିବା ଏହି ଘଟଣା ଘଟିଥିଲା। ମାତ୍ର ନଭେମ୍ବର ୨୪ ତାରିଖରେ ଜଙ୍ଗଲ ଅଞ୍ଚଳରୁ ମଣିଷ ର ମୃତଶରୀର ମିଳିବା ପରେ ଏହା ଲୋକଲୋଚନକୁ ଆସିଛି।
ଅଭିଯୁକ୍ତ ଜଣକ ନରେଶ ଭେଙ୍ଗ୍ରା ଏବଂ ୨୪ ବର୍ଷୀୟା ପୀଡିତା ଗାଙ୍ଗୀ କୁମାରୀ ଯୋର୍ଦ୍ଦାଗ ଗାଁର ବାସିନ୍ଦା ହୋଇଥିବା ବେଳେ ତାମିଲନାଡୁରେ ରହୁଥିଲେ।
ପୁଲିସର ସୂଚନାନୁସାରେ, ଦୁହେଁ ଗତ କିଛି ବର୍ଷ ହେବ ଲିଭ-ଇନ୍ ସମ୍ପର୍କରେ ଥିଲେ। ମାତ୍ର ନରେଶ ପୀଡିତାଙ୍କ ଅଜାଣତରେ ଖୁଣ୍ଟିର ଅନ୍ୟ ଜଣେ ମହିଳାଙ୍କୁ ବିବାହ କରିଥିଲେ। ଏପରିକି ସେ ବିବାହ ପରେ ବି ତାମିଲନାଡୁ ଫେରି ଗାଙ୍ଗୀଙ୍କ ସହ ରହୁଥିଲେ।
ତେବେ ଗାଙ୍ଗୀ ଯେବେ ସେହି କଥା ଜାଣିବାକୁ ପାଇଲେ ତ ଦୁହିଁଙ୍କ ମଧ୍ୟରେ ଝଗଡ଼ା ଆରମ୍ଭ ହୋଇଥିଲା। ଗାଙ୍ଗୀ କୁମାରୀ ଯେତେବେଳେ ତାଙ୍କ ପ୍ରେମିକଙ୍କୁ ଗାଁକୁ ନେବାକୁ କହି ବାଧ୍ୟ କରିଥିଲେ ତ ସେ ବିବାହ କରିଛନ୍ତି ବୋଲି ମାନିଥିଲେ। ଏହା ମଧ୍ୟରେ ଯୁବତୀଜଣକ ବିବାହ ପାଇଁ ଜିଦ୍ ଧରିବାରୁ ନରେଶ ଉକ୍ତ ଯୁବତୀଙ୍କୁ ଧରି ନିଜ ଗାଁ ଅଭିମୁଖେ ବାହାରିଥିଲେ।
ପ୍ରଥମେ ଉଭୟ ଟ୍ରେନ୍ ଯୋଗେ ଆସି ରାଞ୍ଚିରେ ପହଞ୍ଚିଥିଲେ। ସେଠାରୁ ଉଭୟ ନରେଶଙ୍କ ଗାଁ ଅଭିମୁଖେ ବାହାରିଥିଲେ। କିନ୍ତୁ ନରେଶ ତାଙ୍କୁ ନିଜ ଘରକୁ ନେବାକୁ ଚାହୁଁ ନ ଥିଲେ।ଯୋଜନା ମୁତାବକ ନରେଶ ଯୁବତୀଙ୍କୁ ଅଟୋରେ ନେଇ ଖୁଣ୍ଟି ନିକଟରେ ଓହ୍ଲାଇ ଦେଇ ଅପେକ୍ଷା କରିବାକୁ କହିଥିଲେ। କିଛି ସମୟ ପରେ ସେ ମାରଣାସ୍ତ୍ର ଧରି ଫେରିଥିଲେ। ତାହାକୁ ଦେଖାଇ ସେ ଯୁବତୀଙ୍କୁ ଭୟଭୀତ କରିବା ସହ ତାଙ୍କ ସହ ଦୁଷ୍କର୍ମ କରିଥିଲେ। ଏହାପରେ ପ୍ରଥମେ ଓଢ଼ଣୀ ଦ୍ୱାରା ତଣ୍ଟି ଚିପି ତାଙ୍କ ହତ୍ୟା କରିଥିଲେ। ପରେ ସେ ନିଜ ପାର୍ଟନରଙ୍କ ଶରୀରକୁ ମାରଣାସ୍ତ୍ରରେ ପ୍ରାୟ ୫୦ ଖଣ୍ଡ କାଟି ପକାଇଥିଲେ।
କେହି ଯେପରି ଘଟଣା ସମ୍ପର୍କରେ ନ ଜାଣି ପାରିବେ ଏଥିନିମନ୍ତେ ସେ ମୃତଦେହର ଖଣ୍ଡଗୁଡ଼ିକୁ ଜଙ୍ଗଲରେ ଫୋପାଡ଼ି ଦେଇଥିଲେ। ମାତ୍ର ୨୪ ନଭେମ୍ବରରେ ଘଟଣା ସାମନାକୁ ଆସିଥିଲା।
ଏକ ବୁଲା କୁକୁ ମଣିଷ ଅଙ୍ଗ ଖାଉଥିବା ଦେଖି ସ୍ଥାନୀୟ ଲୋକେ ପୁଲିସ କୁ ଖବର ଦେଇଥିଲେ। ପୁଲିସ୍ ତୁରନ୍ତ ପହଞ୍ଚି ଖୋଜାଖୋଜି କରି ଜଙ୍ଗଲରୁ ପିସ୍ ପିସ୍ ହୋଇଥିବା ମୃତଦେହକୁ ଜବତ କରିଥିଲା। ପୁଲିସ୍ ଖୋଳତାଡ଼ ଆରମ୍ଭ କରି ପାଖରେ ପଡ଼ିଥିବା ଏକ ବ୍ୟାଗ୍ରୁ ଯୁବତୀଙ୍କ ଆଧାର କାର୍ଡ ପଡ଼ିଥିଲା। ସେଥିରୁ ଥିବା ଫୋନ୍ ନମ୍ବରରୁ ପୁଲିସ୍ ତାଙ୍କ ମା’ଙ୍କୁ କଲ୍ କରିଥିଲା।ଯୁବତୀଙ୍କ ମା’ ପହଞ୍ଚି ଝିଅର ମୃତଦେହ ଚିହ୍ନଟ କରିଥିଲେ। ଏହାପରେ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ପୁଲିସ୍ ଖୋଳତାଡ଼ ଆରମ୍ଭ କରି ନରେଶଙ୍କୁ ଗିରଫ କରିଛି।
Naxatra News is now on Whatsapp
Join and get latest news update delivered to you via whatsapp
Join Now
