ପୂର୍ବ ଶତ୍ରୁତାକୁ କେନ୍ଦ୍ର କରି ଗୁଳିମାଡ

ବାଗଡ଼ିଆ ଥାନା ପାତ୍ରପଡା ଗାଁ ଚାକୁଣ୍ଡାମୁଣ୍ଡା ସାହିରେ ପୂର୍ବ ଶତ୍ରୁତାକୁ ନେଇ ଗୁଳି ମାଡ଼ l ଗୁଳିମାଡ଼ରେ ଆହତ ହୋଇଥିବା ଯୁବକ ଛେଣ୍ଡିପଦା ମେଡ଼ିକାଲରେ ଭର୍ତ୍ତି ହୋଇଛନ୍ତି l ଆହତ ଯୁବକ ଜଣଙ୍କ ହେଲେ ପାତ୍ରପଡା ଚାକୁଣ୍ଡାମୁଣ୍ଡା ସାହିର ମିଲୁ ବେହେରା ବୋଲି ଜଣାପଡିଛି l ମିଲୁ ବେହେରା ଗତକାଲି ସନ୍ଧ୍ୟାରେ ଶୌଚ ହେଵା ପାଇଁ ଗାଁ ନିକଟରେ ଥିବା ପୋଖରୀକୁ ଯାଉଥିବା ବେଳେ ସେଠାରେ ତାଙ୍କ ଭିଣେଇଙ୍କ ବଡ ଭାଇ ପ୍ରଶାନ୍ତ ବେହେରାଙ୍କ ସହିତ ଦେଖା ହୋଇଥିଲା l ତେବେ ସେଠାରେ ପ୍ରଶାନ୍ତ ବେହେରାଙ୍କ ସହିତ ପୂର୍ବ ଶତ୍ରୁତାକୁ  ନେଇ ବଚସା ହୋଇଥିଲା l ଏହି ବଚସା ପରେ ପ୍ରଶାନ୍ତ ବେହେରା ଓ ଖିରୋଦ ବେହେରା ଟାଙ୍ଗିଆ  ବନ୍ଧୁକ ନେଇ ଜଗିଥିବା ବେଳେ ବନ୍ଧୁକରୁ ମିଳୁଙ୍କୁ ଗୁଳିମାଡ଼ କରିଥିଲେ l ଫଳରେ ମିଲୁ ଧାନ  ବିଲରେ ପଡିଯିବାରୁ ପ୍ରଶାନ୍ତ ଓ ଖିରୋଦ ସେଠାରୁ ଫେରାର ହୋଯାଇଥିଲେ l ତେବେ ମିଲୁ ରାତିସାରା  ବିଲରେ ପଡିରହିଥିବା ବେଳେ ଆଜି ସକାଳେ ଛେଣ୍ଡିପଦା ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି ହୋଇଥିବା ବେଳେ l ବାଗଡ଼ିଆ ଥାନାରେ ଲିଖିତ ଅଭିଯୋଗ କରିଛନ୍ତି l ତେବେ ଉକ୍ତ ଅଭିଯୋଗକୁ ଭିତ୍ତି କରି ବାଗଡ଼ିଆ ଥାନା ପୋଲିସ ଘଟଣା ସ୍ଥଳରର ପହଞ୍ଚି ଜଣକୁ ଅଟକ ରଖି ଛନଭିନ କରିଛି l

Naxatra News is now on Whatsapp

Join and get latest news update delivered to you via whatsapp

Join Now