ମାଛ ବ୍ୟବସାୟୀଙ୍କୁ ଚାପିଦେଲା ହାଇୱା

ଜଗତସିଂହପୁର  ସଦର ଥାନା ଅଞ୍ଚଳ ର ପଲ୍ଲୀ ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ମାଛ ବ୍ୟବସାୟୀଙ୍କୁ ଚାପିଦେଲା ହାଇୱା । ମୃତ ମାଛ ବ୍ୟବସାୟୀ ସ୍ଥାନୀୟ କାଂଶ ଗାଁର ରତ୍ନାକର ବେହେରା । ସୂଚନା ଅନୁଯାୟୀ ସେ ଆଜି ସକାଳୁ ଏକ ଲୁନାରେ ମାଛ ନେଇ ବ୍ୟବସାୟ କରିବାକୁ ଯାଉଥିବା ବେଳେ ପଲ୍ଲୀ ଛକ ନିକଟରେ ଏକ ବାଲି ବୋଝେଇ ହାଇୱା ତାଙ୍କ ଉପରେ ମାଡି ଚାଲି ଯିବା ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇ ଯାଇଥିଲା । ମୃତ ଦେହ ପ୍ରାୟ ଦୁଇ ଘଣ୍ଟା କାଳ ସେହି ରାସ୍ତା ଉପରେ ପଡ଼ିଥିଲେ ମଧ୍ୟ ଘଟଣା ସ୍ଥଳରେ ପୋଲିସ ପହଞ୍ଚି ନଥିବାରୁ ଘଟଣା ସ୍ଥଳରେ ଉତେଜନା ପ୍ରକାଶ ପାଇଥିଲା । ଦୁଇ ଘଣ୍ଟା ପରେ ପୋଲିସ ଦୁର୍ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି । ଦୁର୍ଘଟଣା ଘଟାଇବା ପରେ ହାଇୱା ଟି ଫେରାର ହୋଇ ଯାଇଛି ।

Naxatra News is now on Whatsapp

Join and get latest news update delivered to you via whatsapp

Join Now