ଶାହରୁଖ ଖାନ ଓ ସଲମାନ ଖାନଙ୍କ ଫିଲ୍ମ ‘କରଣ ଅର୍ଜୁନ’ର ଅଭିନେତ୍ରୀ ମମତା କୁଲକର୍ଣ୍ଣି ନିଜ ଦେଶକୁ ଫେରିଆସିଛନ୍ତି। ପ୍ରାୟ ୨୫ ବର୍ଷ ପରେ ସେ ପୁଣି ଭାରତ ଫେରିଥିବା ବେଳେ ତାଙ୍କର ଅନୁଭବକୁ ସେ ଇଂଷ୍ଟାଗ୍ରାମରେ ଏକ ପୋଷ୍ଟ ରେ ସେୟାର କରିଛନ୍ତି । ଭାରତ ପ୍ରତ୍ୟାବର୍ତ୍ତନରେ ସେ ଭାବୁକ ଓ ଅଭିଭୂତ ବୋଲି ଉଲ୍ଲେଖ କରିଛନ୍ତି। ମମତା ପୋଷ୍ଟିଂ କରିଥିବା ଭିଡିଓରେ ସେ ୨୫ ବର୍ଷ ପରେ ଭାରତ ଫେରିଥିବା କହିଛନ୍ତି। ମୁମ୍ବାଇ ପହଞ୍ଚିବା ପରେ ତାଙ୍କର ପୁରୁଣା ସ୍ମୃତି ପୁଣି ତାଜା ହୋଇଯାଇଛି।
ଅଭିନେତ୍ରୀ ଭିଡିଓରେ କହିଛନ୍ତି ଯେ ‘ହେଲୋ ଫ୍ରେଣ୍ଡସ୍ ୨୦୦୦ ମସିହାରେ ଭାରତ ବାହାରକୁ କରିଥିବା ଯାତ୍ରାକୁ ନେଇ ମୁଁ ବହୁତ ଭାବୁକ ଅନୁଭବ କରୁଛି। ଏବେ ଠିକ୍ ୨୦୨୪ରେ ମୁଁ ପୁଣି ଏଠାକୁ ଆସିଛି, ଏଥି ପାଇଁ ମୁଁ ବହୁତ ଖୁସି। ମୋ ଖୁସିକୁ କେମିତି ଜଣେଇବି ଭାବି ପାରୁନି’। ମମତା କୁଲକର୍ଣ୍ଣି ୨୦୧୨ କୁମ୍ଭ ମେଳାରେ ଯୋଗ ଦେବାକୁ ଭାରତ ଆସିଥିଲେ। ଏହାର ଠିକ୍ ୧୨ ବର୍ଷ ପରେ ୨୦୨୫ ମହାକୁମ୍ଭରେ ଯୋଗ ଦେବାକୁ ସେ ଭାରତ ଆସିଛନ୍ତି।
Naxatra News is now on Whatsapp
Join and get latest news update delivered to you via whatsapp
Join Now
