ଦୁର୍ଘଟଣା
ଜଳିଗଲା ଗୋଦାମ ଘର
ମୟୂରଭଞ୍ଜ: ମୟୂରଭଞ୍ଜ ଯଶୀପୁର ଥାନା ଜାମୁକେଶ୍ୱରଠାରେ ଜଳିଗଲା ଗୋଦାମ ଘର। ଗତକାଲି ବିଳମ୍ବିତ ରାତିରେ ରତିକାନ୍ତ ବାରିକ ତାଙ୍କ ଦୋକାନକୁ ବନ୍ଦ କରି ଘରକୁ ଯାଇଥିବା ବେଳେ ସଟ୍ ସର୍କିଟ ଯୋଗୁଁ ଦୋକାନର ଗୋଦାମ ଘରେ ନିଆଁ ଲାଗି ଯାଇଥିଲା। ଗୋଟିଏ ମାରୁତି ଭ୍ୟାନ ସହ ଲକ୍ଷାଧିକ ଟଙ୍କାର ଦୋକାନ ସାମଗ୍ରୀ ଜଳି ପୋଡି ପାଉଁଶ ହୋଇଯାଇଛି। ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ବି ଘର ଭିତରେ ଥିବା ଦୋକାନ ସାମଗ୍ରୀ ଓ ଏକ ମାରୁତି ଭ୍ୟାନ ସମ୍ପୂର୍ଣ୍ଣ ଜଳିଯାଇଥିଲା ।