ମହାରାଷ୍ଟ୍ର ଭୂଷ୍ଖଳନ : ତୃତୀୟ ଦିନରେ ରିଲିଫ ଓ ଉଦ୍ଧାର କାର୍ଯ୍ୟ ଜରି, ଏପର୍ଯ୍ୟନ୍ତ ହେଲାଣି ୨୨ ଜଣଙ୍କର ମୃତ୍ୟୁ

ମୁମ୍ବାଇ : ଶନିବାର ସକାଳ ପର୍ଯ୍ୟନ୍ତ ରାୟଗଡ ଜିଲ୍ଲାର ଇରଶାଲୱାଡି ଗ୍ରାମରେ ଭୂସ୍ଖଳନ ହେତୁ ୨୨ ଜଣଙ୍କର ମୃତ୍ୟୁ ଘଟିଛି । ଏହି ଘଟଣାରେ ଏପର୍ଯ୍ୟନ୍ତ ୧୧୯ ଜଣଙ୍କୁ ଉଦ୍ଧାର କରାଯାଇଛି ଏବଂ ତଥାପି ୮୬ ଜଣ ନିଖୋଜ ଥିବା କୁହାଯାଉଛି । ଆଜି ତୃତୀୟ ଦିନରେ ଚାଲିଥିବା ଉଦ୍ଧାର କାର୍ଯ୍ୟରେ ଏକ ମୃତଦେହ ଉଦ୍ଧାର କରାଯାଇଛି । ଘଟଣାସ୍ଥଳରେ କାଦୁଅ ଏବଂ ରାସ୍ତା ନ ଥିବାରୁ ପ୍ରବଳ ବର୍ଷା ହେତୁ ଘଟଣାସ୍ଥଳରେ ରିଲିଫ ଓ ଉଦ୍ଧାର କାର୍ଯ୍ୟ ପ୍ରଭାବିତ ହେଉଛି ।

ବିଧାନ ପରିଷଦର ଡେପୁଟି ଚେୟାରମ୍ୟାନ୍ ନୀଲମ ଗୋରହେ ଶନିବାର ଇରଶାଲୱାଡି ପରିଦର୍ଶନ କରି ଘଟଣାର ପୀଡିତମାନଙ୍କୁ ଭେଟିଥିଲେ । ନୀଲମ ଗୋରହେ ସେଠାରେ ଥିବା ଗ୍ରାମବାସୀଙ୍କୁ କହିଛନ୍ତି ଯେ, ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏହି ଗାଁର ପିଲାମାନଙ୍କର ଶିକ୍ଷା ତଥା ପାଳନର ଦାୟିତ୍ୱ ଗ୍ରହଣ କରିବାକୁ ପ୍ରସ୍ତୁତ ଅଛନ୍ତି । ଏହି ଗାଁରେ ଦୁର୍ଘଟଣା ହେତୁ ସେମାନଙ୍କ ପିତାମାତାଙ୍କ ଛାଇ ଅନେକ ପିଲାଙ୍କ ମୁଣ୍ଡରୁ ଅଦୃଶ୍ୟ ହୋଇଯାଇଛି । ସେଥିପାଇଁ ଶ୍ରୀକାନ୍ତ ସିନ୍ଦେ ଫାଉଣ୍ଡେସନ୍ ଏହି ସମସ୍ତ ପିଲାମାନଙ୍କର ସମସ୍ତ ଖର୍ଚ୍ଚ ବହନ କରିବ । ଫାଉଣ୍ଡେସନ ପିଲାମାନଙ୍କୁ ଶିକ୍ଷା ସମାପ୍ତ ହେବା ପର୍ଯ୍ୟନ୍ତ ପ୍ରତ୍ୟେକ କ୍ଷେତ୍ରରେ ସାହାଯ୍ୟ କରିବ ।

ଶୁକ୍ରବାର ଦିନ ମୁଖ୍ୟମନ୍ତ୍ରୀ ଏକନାଥ ସିନ୍ଦେ କହିଛନ୍ତି ଯେ, କ୍ୟାବିନେଟ ବୈଠକରେ ଏଠାରେ ସିଡକୋ ମାଧ୍ୟମରେ ନାଗରିକଙ୍କ ପାଇଁ ଗୃହ ନିର୍ମାଣ ନିଷ୍ପତ୍ତି ନିଆଯାଇଛି । ଏହା ସହିତ ଗାଁର ଲୋକମାନେ ସରକାରୀ ସ୍ତରରେ ରହିବା, ଖାଇବା ପିଇବା ପାଇଁ ବ୍ୟବସ୍ଥା ମଧ୍ୟ କରାଯାଇଛି ।