Durga Puja Fashion : ଦୁର୍ଗାପୂଜାରେ ଦେଶୀ ଲୁକ୍ରେ ମଡର୍ନ୍ ଟଚ୍, ଯୁବପିଢ଼ିଙ୍କ ପସନ୍ଦ ହ୍ୟାଣ୍ଡଲୁମ୍ ଓ ଗ୍ରାମୀଣ ଗହଣା
ପାର୍ବଣ ଋତୁ ଆରମ୍ଭ ହେବା ସହ ଫ୍ୟାଶନ୍କୁ ନେଇ ବଢ଼ିଛି କ୍ରେଜ୍ । ଦୁର୍ଗାପୂଜାରେ ପାରମ୍ପରିକ ଲୁକ୍ ସହ ମଡର୍ନ୍ ଟଚ୍ ଦେବାକୁ ଯୁବପିଢ଼ିଙ୍କ ପସନ୍ଦ ପାଲଟିଛି ହ୍ୟାଣ୍ଡଲୁମ୍ ଶାଢ଼ି, କଟନ୍ କୁର୍ତ୍ତା, ଧୋତି ଓ ଗ୍ରାମୀଣ ଗହଣା । କମ୍ଫର୍ଟ ସହ ଷ୍ଟାଇଲିଶ୍ ଲୁକ୍ ପାଇଁ ଏହି ଫ୍ୟାଶନ୍ ଟ୍ରେଣ୍ଡ ହୋଇପାରେ ପୂଜାର ହଟ୍ ଚଏସ୍ ।
ପାର୍ବଣ ଋତୁ ଆରମ୍ଭ ହେବା ସହ ଫ୍ୟାଶନ୍କୁ ନେଇ ବଢ଼ିଛି କ୍ରେଜ୍ । ଦୁର୍ଗାପୂଜାରେ କେମିତି ଲୁକ୍ ରହିବ, ତାକୁ ନେଇ ଏବେଠୁ ଯୁବପିଢ଼ିଙ୍କ ମଧ୍ୟରେ ଆରମ୍ଭ ହୋଇଗଲାଣି ପ୍ରସ୍ତୁତି । ପୂଜାରେ ପାରମ୍ପରିକ ଲୁକ୍ ସହ ମଡର୍ନ୍ ଟଚ୍ ଦେବା ପାଇଁ ହ୍ୟାଣ୍ଡଲୁମ୍ ଶାଢ଼ି ଓ କଟନ୍ ଆଉଟଫିଟ୍କୁ ଅଧିକ ପସନ୍ଦ କରୁଛନ୍ତି ଯୁବତୀ । ବିଶେଷକରି ଓଡ଼ିଆ ହ୍ୟାଣ୍ଡଲୁମ୍ ଶାଢ଼ି ସହ ଟ୍ରେଣ୍ଡି ଜ୍ୱେଲେରୀର କମ୍ବିନେସନ୍ ଦେଉଛି ଏକ ଏଲିଗାଣ୍ଟ୍ ଲୁକ୍ । ସେହିପରି ଯୁବକଙ୍କ ପାଇଁ କଟନ୍ କୁର୍ତ୍ତା, ଧୋତି ଓ ଇଣ୍ଡୋ-ଫ୍ୟୁଜନ୍ ଆଉଟଫିଟ୍ ଏଥର ପୂଜା ଫ୍ୟାଶନ୍ରେ ରହିପାରେ ଆଗରେ ।
ଓଡ଼ିଆ ଗହଣା, ସିଲଭର୍ ଆକ୍ସେସରିଜ୍ ଓ ହାଣ୍ଡମେଡ୍ ଜ୍ୱେଲେରୀ ମଧ୍ୟ ଯୁବପିଢ଼ିଙ୍କ ଫ୍ୟାଶନ୍ ଚଏସ୍ରେ ସାମିଲ ହେଉଛି । କେବଳ ଷ୍ଟାଇଲ୍ ନୁହେଁ, ଦୀର୍ଘ ସମୟ ଧରି ପୂଜା ବୁଲିବା ପାଇଁ କମ୍ଫର୍ଟକୁ ମଧ୍ୟ ଗୁରୁତ୍ୱ ଦେଉଛନ୍ତି ଫ୍ୟାଶନ୍ ଲଭର୍ସ । ତେଣୁ ହାଲୁକା କପଡ଼ା, ଆରାମଦାୟକ ଫିଟ୍ ଓ ମିନିମାଲ୍ ଆକ୍ସେସରିଜ୍ ଏଥର ପୂଜା ଫ୍ୟାଶନ୍ର ହଟ୍ ଚଏସ୍ ହୋଇପାରେ । ପାରମ୍ପରିକତାକୁ ନୂଆ ଷ୍ଟାଇଲ୍ ସହ ଯୋଡ଼ିବାର ଏହି ଟ୍ରେଣ୍ଡ ଦୁର୍ଗାପୂଜାରେ ଯୁବପିଢ଼ିଙ୍କ ଲୁକ୍କୁ ଦେଇପାରେ ଏକ ନିଆରା ଓ ଆକର୍ଷଣୀୟ ଟଚ୍ ।