IAS RINKU REINSTATEMENT:କୁକୁର ପାଇଁ ଷ୍ଟାଡିଅମ ଖାଲି କରିଥିଲେ ଆଇଏଏସ- ବାଧ୍ୟତାମୂଳକ ଅବସରକୁ ନେଇ ଚାଲିଛି ଲଢ଼େଇ

କୁକୁର ବୁଲାଇବାକୁ ପୁରା ଷ୍ଟାଡିଅମ ଖାଲି କରିଥିଲେ ଆଇଏଏସ ଅଫିସର। ସଂପୃକ୍ତ ଅଫିସରଙ୍କୁ ପୁନଃନିଯୁକ୍ତି ଉପରେ ରୋକ୍ ଲଗାଇଛନ୍ତି ସୁପ୍ରିମକୋର୍ଟ। ଆଇଏଏସ ଅଫିସର ରିଙ୍କୁ ଢୁଗାଙ୍କ ପୁନଃ ନିଯୁକ୍ତି ଆଦେଶ ଉପରେ ରୋକ୍ ଲଗାଇଛନ୍ତି ସର୍ବୋଚ୍ଚ ଅଦାଲତ। ସରକାର ତାଙ୍କୁ ଅନିର୍ବାର୍ଯ୍ୟ ରିଟାୟାରମେଣ୍ଟ ବା ବାଧ୍ୟତାମୂଳକ ଅବସର ଦେଇଥିଲେ। କାରଣ ସେ ଓ ତାଙ୍କ ସ୍ୱାମୀ ଯିଏ ଜଣେ ଆଇଏଏସ ଅଧିକାରୀ। ଏହି ଦମ୍ପତ୍ତିଙ୍କ ଉପରେ ଅଭିଯୋଗ ଥିଲା ଯେ, ଦିଲ୍ଲୀର ତ୍ୟାଗରାଜ ଷ୍ଟାଡିଅମକୁ ଖାଲି କରି ଏମାନେ ନିଜ କୁକୁରକୁ ବୁଲେଇଥିଲେ। ପ୍ରଧାନବିଚାରପତି ଜଷ୍ଟିସ ସୂର୍ଯ୍ୟକାନ୍ତ, ଜଷ୍ଟିସ ଜୟମାଲା ବାଗଚି ଓ ଜଷ୍ଟିସ ବି.ମୋହନାଙ୍କ ଖଣ୍ଡପୀଠ ସମ୍ୱନ୍ଧିତ ଅଧିକାରୀଙ୍କୁ ନୋଟିସ ଜାରି କରିଛନ୍ତି। ଏ ନୋଟିସ କେନ୍ଦ୍ର ସରକାରଙକ ସେ ପିଟିସନ ଉପରେ ମଗାଯାଇଛି, ଯେଉଁଠି ଦିଲ୍ଲୀ ହାଇକୋର୍ଟର ସେ ଫୈସଲାକୁ ଚ୍ୟାଲେଞ୍ଜ କରାଯାଇଛି। ଯେଉଁଠି ଅଧିକାରୀଙ୍କ ଅନିର୍ବାର୍ଯ୍ୟ ଅବସରକୁ ଦିଲ୍ଲୀ ହାଇକୋର୍ଟ ରଦ୍ଦ କରିଦେଇଛନ୍ତି। ଆଇଏଏସ ଢୁଗା ଏହି ବାଧ୍ୟତାମୂଳକ ଅବସର ନିଷ୍ପତ୍ତିକ ସେଣ୍ଟ୍ରାଲ ଆଡମିନିଷ୍ଟ୍ରେଟିଭ ଟ୍ରିବ୍ୟୁନାଲ ବା CAT ରେ ଚ୍ୟାଲେଞ୍ଜ୍ କରିଥିଲେ। ଯିଏ ତାଙ୍କୁ ପୁଣି ଥରେ ଚାକିରୀରେ ଅବସ୍ଥାପିତ କରିବାକୁ ନିର୍ଦେଶ ଦେଇଥିଲେ। ଦିଲ୍ଲୀ ହାଇକୋର୍ଟ ବି ଏପ୍ରିଲ ୧୫ରେ ଏହି ଆଦେଶକୁ କାଏମ ରଖିଲେ। ହାଇକୋର୍ଟ ହୃଦବୋଧ କରିଥିଲେ କି, କୁକୁର ଓ ଷ୍ଟାଡିଅମ ସହ ଜଡ଼ିତ ବିବାଦ ଲାଗି ଅନୁଶାସନମୂଳକ କାର୍ଯ୍ୟାନୁଷ୍ଠାନରେ ମାମୁଲି ସଜା ଦିଆଯାଇଛି। ଏହା ବ୍ୟତୀତ ବିନା ଅନୁମତିରେ ଅନୁପସ୍ଥିତିର ଆରୋପ ବି ରହିଛି। ଏହି ଦୁଇଟି କାରଣରୁ ତାଙ୍କୁ ବାଧ୍ୟତାମୂଳକ ରିଟାୟାରମେଣ୍ଟ ଦିଆଗଲା। କିନ୍ତୁ ଏ ନିଷ୍ପତ୍ତିକୁ ଉଚିତ ଓ ସଠିକ୍ କୁହାଯାଇପାରିବନି। କାରଣ ରିଟାୟାରମେଣ୍ଟର ସୁପାରିଶ କରିଥିବା ରିଭ୍ୟୁ କମିଟି ସବୁ ଦିଗକୁ ବିଚାର କରିନି। ଯେମିତିକି ଢୁଗାଙ୍କ APAR ବା ବାର୍ଷିକ ପ୍ରଦର୍ଶନ ରିପୋର୍ଟରେ କୌଣସି ପ୍ରତିକୂଳ ଟିପ୍ପଣୀ ମିଳିନି। ଗଲା ବର୍ଷ ତାଙ୍କର ଗ୍ରେଡିଂ ବି ଉତ୍କୃଷ୍ଟ ଥିଲା। ସର୍ଭିସ ରେକର୍ଡରେ କୌଣସି ଖରାପ ମନ୍ତବ୍ୟ ନଥିଲା। ତାଙ୍କୁ ପଦୋନ୍ନତି ଦେବାକୁ ବି ସରକାରଙ୍କ ବିଚାରଧୀନ ଥିଲା। ଏହା ସହ କୋର୍ଟ କହିଥିଲେ, ଅନିର୍ବାର୍ଯ୍ୟ ରିଟାୟାରମେଣ୍ଟର ନିଷ୍ପତ୍ତି ଡେଡବୁଡ୍ ବା ବେକାର, ଅଯୋଗ୍ୟ ବା ଅକ୍ଷମ କର୍ମଚାରୀଙ୍କୁ ହଟାଇବାକୁ ହୋଇଥାଏ। ଯାହା ଆଇଏଏସ ଢୁଗାଙ୍କ ମାମଲାରେ ଲାଗୁ ହେବନି। ସେଥିଲାଗି ସେପ୍ଟେମ୍ୱର ୭ରେ କେନ୍ଦ୍ର ସରକାରଙ୍କୁ ରିଙ୍କୁ ଢୁଗାଙ୍କୁ ପୁଣି ଥରେ ଚାକିରୀରେ ଅବସ୍ଥାପିତ ଲାଗି ନିର୍ଦେଶ ଦେଇଥିଲେ ଦିଲ୍ଲୀ ହାଇକୋର୍ଟ। ଏହି ରାୟ ବିରୁଦ୍ଧରେ ସୁପ୍ରିମକୋର୍ଟ ଯାଇଥିଲେ କେନ୍ଦ୍ର ସରକାର। ଏବେ ଏହି ମାମଲାର ପରବର୍ତ୍ତୀ ଶୁଣାଣୀ ଅକ୍ଟୋବର ୧୩ରେ ହେବ। ଏ ବିବାଦ ୨୦୨୨ର। AGMUT କ୍ୟାଡରର ୧୯୯୪ ବ୍ୟାଚ୍ ଆଇଏଏସ ରିଙ୍କୁ ଢୁଗା ଓ ତାଙ୍କ ସ୍ୱାମୀ ସଞ୍ଜୀବ ଖିରଓ୍ୱାରଙ୍କ ଉପରେ ଆରୋପ ଥିଲା କି, ପୋଷା କୁକୁରକୁ ବୁଲେଇବାକୁ ସେ ତ୍ୟାଗରାଜନ ଷ୍ଟାଡିଅମକୁ ଖାଲି କରିଥିଲେ। ଏହାକୁ ନେଇ ଜନଆକ୍ରୋଶ ବଢ଼ିବାରୁ ଦୁହିଁଙ୍କୁ ଦୂରକୁ ଅଲଗା ଅଲଗା ରାଜ୍ୟକୁ ବଦଳି କରିଦିଆଗଲା। ଜଣକୁ ଅରୁଣାଚଳପ୍ରଦେଶ ଓ ଅନ୍ୟ ଜଣକୁ ଲଦାଖ। ବିଭାଗୀୟ ତଦନ୍ତରେ ମାମୁଲି ଜରିମାନା ଲଗାଯାଇଥିଲା। ଷ୍ଟାଡିୟମ ବିବାଦ ଓ ଅନଧିକୃତ ଅନୁପସ୍ଥିତି ଆଧାରରେ ସେପ୍ଟେମ୍ୱର ୨୦୨୩ରେ କେନ୍ଦ୍ର ସରକାର ତାଙ୍କୁ ବାଧ୍ୟତାମୂଳକ ଅବସର ଦେଇଦେଲେ।