ଆଇପିଏଲ୍: ବର୍ଷା ସାଜିଲା ବାଧକ, ଆଜି ‘ରିଜର୍ଭ ଡେ’ରେ ଖେଳାଯିବ ଫାଇନାଲ୍

ଅହମ୍ମଦାବାଦ : ଗତ କାଲି ଖେଳା ଯିବାକୁଥିବା ଆଇପିଏଲ 2023 ର ଅନ୍ତିମ ମ୍ୟାଚ୍ ବର୍ଷା ଯୋଗୁଁ ସ୍ଥଗିତ ରଖାଯାଇଥିଲା । ବର୍ତ୍ତମାନ ଏହି ଟାଇଟଲ୍ ମ୍ୟାଚ୍ ସୋମବାର ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ। ।

ଚେନ୍ନାଇ ସୁପର କିଙ୍ଗ୍ସ ଏବଂ ଗୁଜୁରାଟ ଟାଇଟାନ୍ସ ମଧ୍ୟରେ ଅନ୍ତିମ ମ୍ୟାଚ୍ ଆରମ୍ଭ ହାଲୁକା ବର୍ଷା ହେତୁ ବିଳମ୍ବ ହୋଇଥିଲା । ରାତି ପ୍ରାୟ 9 ଟା ସମୟରେ ବର୍ଷା ବନ୍ଦ ହୋଇଗଲା, ସେତେବେଳେ ମ୍ୟାଚ୍ ହେବ ବୋଲି ଆଶା ଥିଲା । ଏହା ହୋଇପାରେ ଯେ ବିଳମ୍ବ ହେତୁ ନିର୍ଦ୍ଧାରିତ ଓଭର କଟାଯାଇପାରେ, କିନ୍ତୁ ପିଚରୁ କଭର କାଢି ଭୂମି ଶୁଖାଇବା ପ୍ରୟାସ ଶେଷ ହେବା ବେଳକୁ ବର୍ଷା ପୁଣି ବାଧାକ ସାଜିଥିଲା । ଏଥର ବର୍ଷା ରାତି 11 ଟା ପର୍ଯ୍ୟନ୍ତ ମଧ୍ୟ ଅଟକି ନଥିଲା, ମ୍ୟାଚ୍ ରେଫରି ଏବଂ ଅମ୍ପାୟାରମାନେ ଶେଷରେ ରିଜର୍ଭ ଡେ ପାଇଁ ମ୍ୟାଚ୍ କୁ ସ୍ଥଗିତ ରଖିଥିଲେ ।

ବର୍ଷାର ଏହି ପ୍ରତିବନ୍ଧକ ପରେ ଆଇପିଏଲର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ କରି ରିଜର୍ଭ ଡେ ରେ ଏହି ମ୍ୟାଚ୍ ଅନୁଷ୍ଠିତ ହେବ ବୋଲି କୁହାଯାଇଥିଲା । ଗତକାଲିର ଟିକେଟ୍ ଆଜି ପାଇଁ ମଧ୍ୟ ବୈଧ ହେବ । ଏହାକୁ ସୁରକ୍ଷିତ ରଖିବା ପାଇଁ ଆମେ ଆପଣଙ୍କୁ ଅନୁରୋଧ କରୁଛୁ ।

ଆଇପିଏଲ୍ ଇତିହାସରେ ଏହା ପ୍ରଥମ ଥର ହେବ ଯେ ରିଜର୍ଭ ଡେ’ରେ ଟୁର୍ନାମେଣ୍ଟର ଟାଇଟଲ୍ ମ୍ୟାଚ୍ ଖେଳାଯିବ ।

ଅନ୍ୟପକ୍ଷରେ, ଯଦି ଖରାପ ପାଗ ହେତୁ ସୋମବାରର ରିଜର୍ଭ ଦିନରେ ମଧ୍ୟ ଖେଳ ଖେଳାଯାଇପାରିବ ନାହିଁ, ତେବେ ଲିଗ୍ ପର୍ଯ୍ୟାୟର ପଏଣ୍ଟ ଟେବୁଲ୍ ଆଧାରରେ ଦଳ ବିଜେତା ଘୋଷିତ ହେବ । ଏଭଳି ପରିସ୍ଥିତିରେ ଗୁଜୁରାଟ ଟାଇଟାନ୍ସ ଏହି ପରିସ୍ଥିତିରେ ଲାଭ ପାଇବ ଏବଂ ସେମାନେ ଆଇପିଏଲ୍ 2023 ର ଚାମ୍ପିଅନ୍ ହେବେ ।