ବ୍ରହ୍ମପୁର ବଡ଼ ବଜାର ଥାନା ପୁଲିସ ଫାଷ୍ଟ ଗେଟ୍ ଶ୍ରୀକ୍ଷେତ୍ର ବିହାର ଛକରେ ଚେକିଂ କରୁଥିବା ବେଳେ ଏକ କାରରୁ ୪୦ଗ୍ରାମ ବ୍ରାଉନ ସୁଗାର ଜବତ କରି ୩ଜଣକୁ ଗିରଫ କରିଛି । ବ୍ରହ୍ମପୁର କୁ କିଛି ଯୁବକ ବ୍ରାଉନସୁଗାର ଚାଲାଣ କରୁଥିବା ନେଇ ବଡ଼ ବଜାର ଥାନା ପୋଲିସକୁ ଏକ ବିଶ୍ୱସ୍ତ ସୂତ୍ରରୁ ଖବର ମିଳିଥିଲା । ଏହା ଜାଣିବାପରେ ବଡ଼ ବଜାର ଥାନା ଅଧିକାରୀଙ୍କ ନେତୃତ୍ୱରେ ଏକ ଟିମ୍ କରାଯାଇଥିଲା । ଥାନାର ଏସାଇ ରଞ୍ଜିତ ଦାସଙ୍କ ନେତୃତ୍ୱରେ ଏକ ଟିମ୍ ବ୍ରହ୍ମପୁର ଫାଷ୍ଟ ଗେଟ୍ ମୁଖ୍ୟ ରାସ୍ତାରେ ଜଗିରହିଥିଲେ । ଠିକ୍ ସେହି ସମୟରେ ଆସୁଥିବା ଧଳା ରଙ୍ଗର କାରକୁ ଚେକିଂ କରୁଥିବା ସମୟରେ କାର ଭିତରୁ ବ୍ରାଉନ ସୁଗାର ମିଳିଥିଲା । ପୋଲିସ ତିନି ଜଣଙ୍କୁ ଥାନାକୁ ନେଇ ପଚରା ଉଚରା କରିବା ବେଳେ ସମସ୍ତ ଘଟଣା ପୋଲିସ ନିକଟରେ କହିଥିଲେ । ଗିରଫ ଯୁବକମାନେ ହେଲେ ହଳଦିଆପଦର ଚନ୍ଦନ ସେଠୀ , କିରଣ କୁମାର ଦଳବେହେରା ଓ ପୋଲସରାର କାଳୁ ଚରଣ ଭୂୟାଁ । ପୁଲିସ ଗିରଫ ଯୁବକଙ୍କ ନିକଟରୁ କିଛି ମୋବାଇଲ ଓ ଟଙ୍କା ଜବତ କରିଛି । ଉପରୋକ୍ତ ଅଭିଯୁକ୍ତମାନେ ପୋଲସରାରୁ ବ୍ରାଉନସୁଗାର ଆଣି ବ୍ରହ୍ମପୁର ଓ ଆଖପାଖ ଅଞ୍ଚଳର ଯୁବପିଢିଙ୍କୁ ବିକ୍ରି କରୁଥିଲେ ବୋଲି ପୋଲିସର ଜେରା ବେଳେ ଜଣାପଡିଥିଲା ।
Naxatra News is now on Whatsapp
Join and get latest news update delivered to you via whatsapp
Join Now
