ଜୟପୁର: ଜୟପୁର ସଦର ପୋଲିସକୁ ବଡ଼ ସଫଳତା । ବିପୁଳ ପରିମାଣର ଗଂଜେଇ ଜବତ କରିଛି ପୋଲିସ। ଜବତ ଗଂଜେଇର ପରିମାଣ ୬୧୫ କିଲୋ ହୋଇଥିବା ବେଳେ ଗଞ୍ଜେଇର ବଜାର ମୂଲ୍ୟ ୬୧ ଲକ୍ଷ ୫୦ ହଜାର ଟଙ୍କା ହୋଇଥିବା କହିଛନ୍ତି ଅରୁପ ଅଭିଶେକ ବେହେରା, ଏସଡିପିଓ, ଜୟପୁର ।
ଏହି ଘଟଣାରେ ୩ ଜଣଙ୍କୁ ପୋଲିସ ଗିରଫ କରିଥିବା ବେଳେ ୨ ଜଣ ବ୍ୟକ୍ତି ପୋଲିସକୁ ଚକମା ଦେଇ ଚମ୍ପଟ ମାରିବାରେ ସଫଳ ହୋଇଛନ୍ତି। ଗିରଫ ବ୍ୟକ୍ତି ମାନଙ୍କ ଘର ବିହାରରେ ହୋଇଥିବା ସୂଚନା । ଅଭିଯୁକ୍ତଙ୍କ ଠାରୁ ଗୋଟିଏ ପିକ୍ ଅପ୍ ଭ୍ୟାନ ଓ ଇନୋଭା କାର ମଧ୍ୟ ଜବତ ହୋଇଛି। ସେହିପରି OPTC ଗୋଦାମରୁ ବିଭିନ୍ନ ସାମଗ୍ରୀ ଚୋରି କରିବା ଅଭିଯୋଗରେ ୬ ଜଣଙ୍କୁ ଗିରଫ କରିବା ସହ ଚୋରି ସାମଗ୍ରୀ ଉଦ୍ଧାର କରିଛି ପୋଲିସ।
