କଙ୍କର: ଛତିଶଗଡରେ ପୁଣି ମାଓ ତାଣ୍ଡବ। କଙ୍କର ଜିଲ୍ଲାରେ ରାସ୍ତା କାମରେ ନିୟୋଜିତ ୧୨ରୁ ଅଧିକ ଗାଡିକୁ ଜଳାଇଦେଇଛନ୍ତି ମାଓବାଦୀ। ନଷ୍ଟହୋଇଥିବା ଗାଡିରେ ଦୁଇଟି ମାଟି ଖୋଳା ମେସିନ, ଦୁଇ ବୁଲଡୋଜର ଓ ଆଠଟି ଟ୍ରାକ୍ସର ରହିଛି। ଗତ ବିଳମ୍ବିତ ରାତିରେ ମାଓବାଦୀ ଏହି କାଣ୍ଡ ଭିଆଇଥିବା ସୂଚନା ଦେଇଛି ପୁଲିସ।
ସୂଚନା ଅନୁଯାୟୀ ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ କୋୟେଲିବେଡା ଥାନା ଅଧୀନ କଙ୍କର ଅଧୀନ ଅଲପରସ ଓ ଗୁଣ୍ଡୁଲ ନିକଟରେ ଗତକାଲି ବିଳମ୍ବିତ ରାତିରେ ରାସ୍ତା କାମରେ ନିୟୋଜିତ ୧୨ ଗାଡିରେ ନିଆଁ ଲଗାଇଥିଲେ ମାଓବାଦୀ। ଏନେଇ ବସ୍ତର ରେଞ୍ଜ ଆଇଜି ପି ସୁନ୍ଦରରାଜ ସୂଚନା ଦେଇଛନ୍ତି।
ଆହୁରି ପୁଲିସ ପକ୍ଷରୁ କୁହାଯାଇଛି କି, ମାଓବାଦୀଙ୍କ ଏକ ଦଳ ହଠାତ୍ ନିର୍ମାଣାଧୀନ ସ୍ଥାନରେ ଆସି ପହଞ୍ଚିବା ସହ ଗାଡିରେ ନିଆଁ ଲଗାଇବା ସହ ସେଠାରେ କାର୍ଯ୍ୟରତ ଶ୍ରମିକମାନଙ୍କୁ ଅପହରଣ କରି ନେଇଥିଲେ। ପରେ ଅବଶ୍ୟ ସେମାନଙ୍କୁ ଛାଡିଦେଇଥିଲେ।
ପୁଲିସ ପକ୍ଷରୁ କୁହାଯାଇଛି କି, ଏହି ସମ୍ବେଦନଶୀଳ ଅଞ୍ଚଳରେ ରାସ୍ତା ନିର୍ମାଣ ଆରମ୍ଭ କରିବା ପୂର୍ବରୁ ଠିକାଦାରଙ୍କ ପକ୍ଷରୁ ସୂଚନା ଦିଆଯାଇନଥିଲା। ଘଟଣା ସମ୍ପର୍କରେ ସୂଚନା ପାଇ ପୁଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରି ଦେଇଛି।
Naxatra News is now on Whatsapp
Join and get latest news update delivered to you via whatsapp
Join Now
