ପରିବା ବଜାରରେ ହୋଇଛି ମହଙ୍ଗା ମାଡ଼ । ଯୋଉ ପନିପାରିବା ଛୁଇଁବେ ୭୦ରୁ ୮୦ ପାର । ସେଞ୍ଚୁରୀ ମାରି ସାରିଲାଣି କିଛି ପନିପରିବା ଦର । ଦର ବୃଦ୍ଧି ଯନ୍ତ୍ରାଣରେ ଖାଉଟି ଏବେ କଲବଲ । ହାଟ ବଜାରରେ ପ୍ରାୟ ସବୁ ପରିବା ଦର ଅସହ୍ୟ ଭାବେ ବଢିଚାଲିଛି । ଦର ବୃଦ୍ଧିକୁ ନେଇ ଅତିଷ୍ଠ ହୋଇଗଲେଣି ଖାଉଟି ।
ସ୍ଥିତି ଏଭଳି ହେଲାଣି କି ପରିବା ହାଟକୁ ପଶିଲେ ପକେଟକୁ ବାଧୁଛି । କେବଳ ବଞ୍ଚିବା ପାଇଁ କିଏ କିଲୋ ବଦଳରେ ଅଢେ ଶହ ଗ୍ରାମ ନେଉଛି ତ କିଏ ଅଧ କିଲୋ ନେଇ ଯେମିତି ସେମିତି କାମ ଚଳାଇବାକୁ ଚିନ୍ତ କରୁଛି । ଡାଲି , ଚାଉଲ , ପରିବା ଏପରିକି ଆଳୁ ,ପିଆଜ , ଭଳି ଆବଶ୍ୟକ ଖାଉଟି ସାମଗ୍ରୀ ଦର ବୃଦ୍ଧିକୁ ନେଇ ସାଧାରଣ ଲୋକେ ଚିନ୍ତାରେ ।
ଆଳୁ ୩୫, ପିଆଜ ୪୫ , ଟଙ୍କାରେ ବିକ୍ରି ହୋଇଛି । ବିନ୍ ୧୬୦, ଝୁଡୁଙ୍ଗ ୬୦ , ଭେଣ୍ଡି ୬୦ , ଜହ୍ନି ୬୦, କଖାରୁ ୪୦ , ସାରୁ ୬୦ , କୋବି ୫୦ , କାଙ୍କଡ ୬୦ ଟଙ୍କାରେ ବିକ୍ରି ହେଉଛି । ବ୍ୟବସାୟୀ ମଧ୍ୟ ଦରବୃଦ୍ଧିକୁ ନେଇ ଅସନ୍ତୁଷ୍ଟ । ତୁରନ୍ତ ଏହି ଦରବୃଦ୍ଧିର ସମାଧାନ କରିବାକୁ ସବୁମହଲରେ ଉଠୁଛି ଦାବି ।
![](https://naxatranews.com/wp-content/uploads/2024/08/Whatsapp-Logo.png)
Naxatra News is now on Whatsapp
Join and get latest news update delivered to you via whatsapp
Join Now