ସରକାରୀ ଚାକିରୀ ପାଇଁ କୋଟା ବ୍ୟବସ୍ଥାକୁ ନେଇ ଛାତ୍ର ବିରୋଧୀ, ସୁରକ୍ଷା ଅଧିକାରୀ ଏବଂ ସରକାରୀ ସମର୍ଥକ ଛାତ୍ର କାର୍ଯ୍ୟକର୍ତ୍ତାଙ୍କ ମଧ୍ୟରେ ନିରନ୍ତର ସଂଘର୍ଷ ପରେ ବାଂଲାଦେଶରେ ବ୍ୟାପକ ହିଂସା ଦେଖାଦେଇଛି। ଏହି ହିଂସାରେ ଅତି କମରେ ୩୯ ଜଣଙ୍କର ମୃତ୍ୟୁ ଘଟିଥିବା ବେଳେ ଗୁରୁବାର ସବୁଠାରୁ ହିଂସାତ୍ମକ ଦିନ ପାଲଟିଛି।ବାଂଲାଦେଶ ଦେଇ ପରିବହନ ବନ୍ଦ କରିବାକୁ ଚେଷ୍ଟା କରୁଥିବା ବେଳେ ରାଜଧାନୀ ଢ଼ାକା ସମେତ ସାରା ଦେଶରେ ବାଡ଼ି ଓ ପଥର ସାହାଯ୍ୟରେ ବିକ୍ଷୋଭ କରୁଥିବା ବିକ୍ଷୋଭକାରୀମାନଙ୍କୁ ପୁଲିସ ନିୟନ୍ତ୍ରଣ କରିବାକୁ ଚେଷ୍ଟା କରିଛି। ବିକ୍ଷୋଭକାରୀଙ୍କ ଗୋଷ୍ଠୀକୁ ଭାଙ୍ଗିବା ପାଇଁ ପୁଲିସ ଲୁହବୁହା ଗ୍ୟାସ ଏବଂ ରବର ଗୁଳି ଚଳାଇବାରୁ ଶହ ଶହ ଲୋକ ଆହତ ହୋଇଛନ୍ତି।
ବାଂଲାଦେଶରେ ଶେଖ୍ ହାସିନା ସରକାରଙ୍କର ସରକାରୀ ଚାକିରିରେ କୋଟା ନିଷ୍ପତ୍ତିକୁ ବିରୋଧ କରି ଦେଶରେ ଚାଲିଥିବା ହିଂସାତ୍ମକ ଆନ୍ଦୋଳନ ଭୟାନକ ରୂପ ନେଇଛି। ହିଂସାରେ ୧ ହଜାରରୁ ଅଧିକ ଆହତ ହୋଇଛନ୍ତି। ବାଂଲାଦେଶ ରାଜଧାନୀ ଢାକାରେ ହିଂସା ଅଣାୟତ୍ତ ହୋଇଛି।
ହିଂସା ପାଇଁ ବାଂଲାଦେଶରେ ସ୍କୁଲ୍, କଲେଜ ଏବଂ ୟୁନିଭର୍ସିଟି ବନ୍ଦ ରହିଛି। କୋଟା ଆନ୍ଦୋଳନ ପାଇଁ ଟ୍ରେନ୍ ଏବଂ ମେଟ୍ରୋ ସେବା ମଧ୍ୟ ପ୍ରଭାବିତ ହୋଇଛି। ଛାତ୍ରଛାତ୍ରୀମାନେ ୮ଟି ଜିଲ୍ଲାରେ ରାସ୍ତା ଅବରୋଧ କରି ଆନ୍ଦୋଳନରେ ବସିଛନ୍ତି। ମୋବାଇଲ୍ ଇଣ୍ଟରନେଟ୍ ସେବା ବନ୍ଦ ରହିଛି। ଆଜି ଭାରତ ସରକାରଙ୍କ ପକ୍ଷରୁ ବାଂଲାଦେଶରେ ଥିବା ଭାରତୀୟ ଛାତ୍ର ଓ ନାଗରିକଙ୍କ ପାଇଁ ନିର୍ଦ୍ଦେଶାବଳି ଜାରି ହୋଇଛି। ହିଂସା ଥମିବା ପର୍ଯ୍ୟନ୍ତ ସର୍ବାଧିକ ସତର୍କତା ଅବଲମ୍ବନ କରିବା ଓ ଜରୁରୀ କାମ ନଥିଲେ ବାହାରକୁ ନ ବାହାରିବାକୁ ପରାମର୍ଶ ଦିଆଯାଇଛି।
![](https://naxatranews.com/wp-content/uploads/2024/08/Whatsapp-Logo.png)
Naxatra News is now on Whatsapp
Join and get latest news update delivered to you via whatsapp
Join Now