ଉତ୍ତରାଖଣ୍ଡରେ ପାଗରେ ପୁଣି ପରିବର୍ତ୍ତନ

ଉତ୍ତରାଖଣ୍ଡରେ ପାଗ ପୁଣି ଥରେ ପରିବର୍ତ୍ତନ ଆସିଛି । ପାଗର ପ୍ରଭାବ ପାହାଡରୁ ସମତଳ ଅଞ୍ଚଳ ଯାଏଁ ସ୍ପଷ୍ଟ ଭାବରେ ଦେଖାଯାଉଛି । ସମତଳ ଅଞ୍ଚଳରେ ଘନ କୁହୁଡି ଦୃଷ୍ଟି ଗୋଚରତାକୁ ଯଥେଷ୍ଟ ହ୍ରାସ କରିଛି । ଏହି ସମୟରେ ପାଣିପାଗ ବିଭାଗ ରାଜ୍ୟର ୫ଟି ଜିଲ୍ଲାରେ ବର୍ଷା ଏବଂ ତୁଷାରପାତ ପାଇଁ ସତର୍କ ସୂଚନା ଜାରି କରିଛି ।ପାଣିପାଗ ବିଭାଗ ଅନୁଯାୟୀ, ଉତ୍ତରକାଶୀ, ରୁଦ୍ରପ୍ରୟାଗ, ଚାମୋଲି , ପିଥାରୋଗଡ ଏବଂ ନୈନିତାଲ ଜିଲ୍ଲାରେ ହାଲୁକାରୁ ମଧ୍ୟମ ବର୍ଷା ହେବାର ସମ୍ଭାବନା ଅଛି । ଆଜି ସକାଳେ ସମତଳ ଅଞ୍ଚଳରେ ଘନ କୁହୁଡି ଯୋଗୁଁ ରାସ୍ତାରେ ଯାତାୟତ ଧୀର ହୋଇଯାଇଛି । ବିଶଷକରି ଜାତୀୟ ରାଜପଥ ଏବଂ ଗ୍ରାମାଞ୍ଚଳ ରାସ୍ତାରେ ଦୃଶ୍ୟମାନ୍ୟତା ହ୍ରାସ ପାଇବା ଫଳରେ ଦୁର୍ଘଟଣାର ଆଶଙ୍କା ବୃଦ୍ଧି ପାଇଛି । ଅନେକ ସ୍ଥାନରେ ଡ୍ରାଇଭରମାନେ ହେଡଲାଇଟ ଜାଳି ଗାଡି ଚଳାଇବାକୁ ବାଧ୍ୟ ହେଉଛନ୍ତି । ଏନେଇ ଜିଲ୍ଲାପ୍ରଶାସନ ମଧ୍ୟ ସଜାଗ ଅଛି । ସମ୍ପୃକ୍ତ ଜିଲ୍ଲାର ଅଧିକାରୀମାନଙ୍କୁ ସତର୍କତା ଅବଲମ୍ବନ କରିବା ଏବଂ ଯେକୌଣସି ଜରୁରୀକାଳୀନ ପରିସ୍ଥିତି ପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି। ଆବଶ୍ୟକ ହେଲେ ତୁରନ୍ତ ରିଲିଫ୍ ଏବଂ ଉଦ୍ଧାର କାର୍ଯ୍ୟ ସୁନିଶ୍ଚିତ କରିବା ପାଇଁ ବିପର୍ଯ୍ୟୟ ପରିଚାଳନା ବିଭାଗକୁ ସକ୍ରିୟ ରହିବାକୁ ମଧ୍ୟ କୁହାଯାଇଛି।ପାଣିପାଗ ବିଶେଷଜ୍ଞମାନେ କହିଛନ୍ତି ଯେ ଆଗାମୀ ଦିନରେ ପାହାଡ଼ରେ ଥଣ୍ଡା ବୃଦ୍ଧି ପାଇପାରେ, ଯେତେବେଳେ ସମତଳ ଅଞ୍ଚଳରେ କୁହୁଡ଼ି ଲାଗି ରହିବାର ସମ୍ଭାବନା ରହିଛି। ତେଣୁ, ଲୋକମାନଙ୍କୁ ସତର୍କତା ଅବଲମ୍ବନ କରିବା ଏବଂ ଅନାବଶ୍ୟକ ଯାତ୍ରା ଏଡାଇବାକୁ ଅନୁରୋଧ କରାଯାଇଛି।

Naxatra News is now on Whatsapp

Join and get latest news update delivered to you via whatsapp

Join Now