ଭାରତ ସମେତ ସମଗ୍ର ବିଶ୍ୱରେ ବିପର୍ଯ୍ୟୟର ପ୍ରକୋପ ଓ ତୀବ୍ରତା ବୃଦ୍ଧି ପାଉଥିବାରୁ ଉଦବେଗ ପ୍ରକାଶ କରି ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ ପି. କେ. ମିଶ୍ର ବିଭିନ୍ନ କ୍ଷେତ୍ର ଏବଂ ସଂସ୍ଥାରେ ବୀମା ପରିସରକୁ ସମ୍ପ୍ରସାରିତ କରିବା ପାଇଁ ଏକ ରଣନୈତିକ ଦୃଷ୍ଟିକୋଣ ନିମନ୍ତେ ପରାମର୍ଶ ଦେଇଛନ୍ତି । ଡକ୍ଟର ପି. କେ. ମିଶ୍ର କ୍ଷତି ଏବଂ ହାନିର ଆକଳନ ପାଇଁ ବୀମା ଉତ୍ପାଦ ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ଭାରତର ପ୍ରୟାସ ଏବଂ ପ୍ରମୁଖ ଘଟଣାକ୍ରମ ଉପରେ ଆଲୋକପାତ କରିଛନ୍ତି। ୨୦ ସେପ୍ଟେମ୍ବର ନୂଆଦିଲ୍ଲୀରେ ଜାତୀୟ ବିପର୍ଯ୍ୟୟ ପ୍ରଶମନ ପ୍ରାଧିକରଣ (ଏନଡିଏମଏ) ପକ୍ଷରୁ ଆୟୋଜିତ କର୍ମଶାଳା -‘‘ ବିପର୍ଯ୍ୟୟ ବିପତ୍ତି ବୀମା କାହିଁକି ଗୁରୁତ୍ୱପୂର୍ଣ୍ଣ-ପ୍ରମୁଖ ଧାରଣା ଏବଂ ଲାଭ’’ରେ ଅଭିଭାଷଣ ରଖି ସେ ଜୋର୍ ଦେଇ କହିଥିଲେ ଯେ, ଉଦୀୟମାନ ଧାରା ବିପର୍ଯ୍ୟୟ ବିପଦ ବୀମା ପ୍ରୟୋଗରେ ଅଭିନବତ୍ୱ ଆଣିବା ଏବଂ ଅଧିକ ନମନୀୟ, ଦକ୍ଷ ଏବଂ ସମାବେଶୀ ବୀମା ସମାଧାନ ଦିଗରେ ବୈଶ୍ୱିକ ଧାରାରେ ସାମିଲ ହେବା କ୍ଷେତ୍ରରେ ଭାରତର ସମ୍ଭାବନାକୁ ଦର୍ଶାଉଛି । ଭାରତ ସମେତ ବିଶ୍ୱବ୍ୟାପୀ ବିପର୍ଯ୍ୟୟର ବାରମ୍ବାରତା ଏବଂ ତୀବ୍ରତା ବୃଦ୍ଧି ଉପରେ ଚିନ୍ତା ପ୍ରକଟ କରି ଡକ୍ଟର ମିଶ୍ର ବିଭିନ୍ନ କ୍ଷେତ୍ର ଏବଂ ସଂସ୍ଥାରେ ବୀମା କଭରେଜ ସମ୍ପ୍ରସାରଣ ପାଇଁ ଏକ ରଣନୀତିକ ଦୃଷ୍ଟିକୋଣ ପାଇଁ ପରାମର୍ଶ ଦେଇଥିଲେ। ସେ ପରାମର୍ଶ ଦେଇ କହିଥିଲେ ଯେ ବୀମା କେବଳ ଉପଲବ୍ଧ ନୁହେଁ ବରଂ ସବୁଠାରୁ ଦୁର୍ବଳ ଲୋକଙ୍କ ପାଇଁ ମଧ୍ୟ ସୁଲଭ ହେବା ସୁନିଶ୍ଚିତ କରିବା ଏକ ପ୍ରମୁଖ ଆହ୍ୱାନ ଯାହାର ମୁକାବିଲା ଆମକୁ କରିବାକୁ ପଡିବ।
Naxatra News is now on Whatsapp
Join and get latest news update delivered to you via whatsapp
Join Now
