ପଶ୍ଚିମ ସିଂହଭୂମି : ଝାଡ଼ଖଣ୍ଡରେ ନକ୍ସଲଙ୍କ ବିରୋଧରେ ପୋଲିସ ପକ୍ଷରୁ ଆରମ୍ଭ ହୋଇଥିବା ଅପରେସନ କ୍ଲିନ୍ କୁ ମିଳିଛି ବଡ ସଫଳତା । ନକ୍ସଲ ଉପଦୃତ ଚାଇବାସା ଜଙ୍ଗଲରୁ ଆଜି ୫ଟି ଶକ୍ତିଶାଳୀ ଆଇଇଡି ବୋମାକୁ ଜବତ କରିଛି ପୋଲିସ । ଫଳରେ ଏକ ବଡ ଧରଣର ଅଘଟଣ ଟଳିଛି । ଗତ ୭ ଦିନ ମଧ୍ୟରେ ଚାଇବାସାରୁ ୩୫ ଆଇଇଡି ବୋମା ଜବତ ହୋଇଛି ।
ପଶ୍ଚିମ ସିଂହଭୂମି ଜିଲ୍ଲା ପୋଲିସ ବଳ ପକ୍ଷରୁ ୩୪ କେଜିର ଏହିତ ୫ଟି ଆଇଇଡି ବିସ୍ଫୋଟକକୁ ଘଟଣାସ୍ଥଳରେ ନଷ୍ଟ କରିଦିଆଯାଇଛି । ୨୭ ମଇରୁ ଟୋଂଟୋ ଥାନା ଅନ୍ତର୍ଗତ ତୁମ୍ବାହାକା ଏବଂ ଅଞ୍ଜଦବେଡ଼ା ସୀମାବର୍ତି ଅଞ୍ଚଳ ଏବଂ ଗୋଇଲକେରା ଥାନା ସ୍ଥିତ କୁଇଡ଼ା ଏବଂ ମାରାଦିରୀ ସୀମାବର୍ତି ଅଂଚଳରେ ଅପରେସନ କ୍ଲିନ୍ ଆରମ୍ଭ ହୋଇଛି । ଏହି ଅପରେସନ ସମୟରେ ମୁଫସିଲ ଥାନା ଅନ୍ତର୍ଗତ ଅଞ୍ଜଦବେଡ଼ା ପଟାତାରୋବ ନିକଟରେ ଜଙ୍ଗଲ ପାହାଡ଼ ଅଞ୍ଚଳରେ ସୁରକ୍ଷା ବଳକୁ ଟାର୍ଗେଟ୍ କରି ଖଞ୍ଜା ଯାଇଥିବା ଦୁଇଟି ଆଇଇଡି ଜବତ ହୋଇଛି । ସେହିପରି ଗୋଇଲକେରା ଥାନା ଅନ୍ତର୍ଗତ ଇଚାହାତୁ ଗ୍ରାମକୁ ସଂଯୋଗ କରୁଥିବା ରାସ୍ତାରୁ ମଧ୍ୟ ୩ଟି ଆଇଇଡି ବୋମା ଜବତ ହୋଇଛି । ବୋମା ନିଷ୍କ୍ରିୟକାରୀ ଦଳ ସହାୟତାରେ ଏସବୁ ଆଇଇଡି ବୋମାକୁ ନିଷ୍କ୍ରିୟ କରାଯାଇଛି ।
Naxatra News is now on Whatsapp
Join and get latest news update delivered to you via whatsapp
Join Now
