ହାତୀ ଆକ୍ରମଣରେ ବୃଦ୍ଧଙ୍କର ମୃତ୍ୟୁ

Naxatra News07/06/202307/06/2023

ଖୋର୍ଦ୍ଧା : ହାତୀ ଆକ୍ରମଣରେ ଜଣଙ୍କର ମୃତ୍ୟୁ ଘଟିଛି । ମୃତକ ହେଲେ ଦେଉଳି ଗ୍ରାମପଞ୍ଚାୟତ ଅନ୍ତର୍ଗତ ଦଲକ ଗ୍ରାମର ରଘୁନାଥ ହରିଚନ୍ଦନଙ୍କ ପୁଅ ଦେବରାଜ ହରିଚନ୍ଦନ ୬୫ ବର୍ଷ । ସୂଚନା ମୁତାବକ ଗତକାଲି ଭୋର ସମୟରେ ଦେବରାଜ ଶୌଚ ହେବା ପାଇଁ ଯାଉଥିବା ବେଳେ ଦଲକ ଜଙ୍ଗଲରେ ଡେରା ପକାଇଥିବା ଏକ ଦନ୍ତା ହାବୁଡ଼ରେ ପଡ଼ିଥିଲେ । ଫଳରେ ଦନ୍ତାଟି ଦେବରାଜଙ୍କୁ ଶୁଣ୍ଢରେ ଫୋପାଡିବା ସହି ଦଳି ପକେଇଥିଲା । ତେବେ ଘଟଣାସ୍ଥଳରେ ଦେବରାଜଙ୍କ ମୃତ୍ୟୁ ଘଟିଥିଲା । ଖବର ପାଇ ବନ ବିଭାଗ ଘଟଣାସ୍ଥଳରେ ପହଞ୍ଚି ମନୁଷ୍ୟହନ୍ତା ଦନ୍ତା ଉପରେ ନଜର ରଖିବା ସହ ଜଙ୍ଗଲକୁ ଘଉଡ଼ାଇବା ପାଇଁ ଉଦ୍ୟମ ଜାରି ରଖିଛନ୍ତି ।