ବାଙ୍କି: ସରକାରଙ୍କ ରହିଛି ମାଳ ମାଳ ଯୋଜନା । କିନ୍ତୁ ଏହି ସବୁ ଯୋଜନା ହିତାଧିକାରୀଙ୍କ ପାଖରେ ନପହଞ୍ଚି ଅଧାବାଟରେ ବାଟମଣା ହେଉଛି । ଯାହାର ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି କଟକ ଜିଲ୍ଲା ୬ ନମ୍ବର ଓ୍ୱାର୍ଡ ଖମାରଙ୍ଗ ଗାଁର ବିଷ୍ଣୁ ଦାସଙ୍କ କ୍ଷେତ୍ରରେ । ସରକାରଙ୍କ ଅନେକ ଯୋଜନା ଥିବା ବେଳେ ବିଷ୍ଣୁଙ୍କ ପାଇଁ ସବୁ ଯୋଜନା ସାତସପନ ହୋଇଛି । ସରକାରୀ ସହାୟତା ପାଇଁ ବାରମ୍ବରା ଗୁହାରି କରିଥିଲେ ମଧ୍ୟ ଫଳ ଶୂନ ।
କଟକ ଜିଲ୍ଲା ୬ ନମ୍ବର ଓ୍ୱାର୍ଡ ଖମାରଙ୍ଗ ଗାଁର ବିଷ୍ଣୁ ଦାସଙ୍କ ଘର । ଗରିବଙ୍କ ପାଇଁ ସରକାରଙ୍କ ପକ୍କା ଯୋଜନା କରି ଥିବାବେଳେ ଭଙ୍ଗା ଦଦରା ଘରେ ଜୀବନ କାଟୁଛନ୍ତି ବିଷ୍ଣୁଙ୍କ ପରିବାର ଲୋକେ । ବିଷ୍ଣୁଙ୍କ ପରିବାର କହିଲେ ତିନି ଝିଅ ସହ ତାଙ୍କ ସ୍ତ୍ରୀ । ବିଷ୍ଣୁ ଗୁପଚୁପ ବିକ୍ରି କରି ବହୁ କଷ୍ଟରେ ପରିବାର ଚଳାନ୍ତି । ସରକାରୀ ହିସାବରେ କିଛି ଚାଉଳ ମିଳୁଛି ଯାହା ସମୁଦ୍ରକୁ ଶଙ୍ଖେ। ଏଭଳି ସ୍ଥିତିରେ ଘର ଖଣ୍ଡେ କରିବା ବିଷ୍ଣୁଙ୍କ ପକ୍ଷେ ଅସମ୍ଭବ । ଘର ଖଣ୍ଡେ ପାଇଁ ବାରମ୍ବାର ପ୍ରଶାସନ ନିକଟରେ ଗୁହାରି କରିଲେ ମଧ୍ୟ କେହି ଶୁଣୁ ନଥିବା ଅଭିଯୋଗ କରିଛନ୍ତି ବିଷ୍ଣୁ ।
ପରିବାର ମୁହଁରେ ମୁଠେ ଆହାର ଯୋଗାଇବା ପାଇଁ ବିଷ୍ଣୁ ସଂଘର୍ଷ କରୁଥିବା ବେଳେ ପିଇବା ପାଣି ବୁନ୍ଦେ ପାଇଁ ବିଷ୍ଣୁଙ୍କ ସ୍ତ୍ରୀ ଜମୁନା ଟଲି ଗାଡି ଧରି ଯାଇଥାନ୍ତି ମାଇଲିଏ ଵାଟ । ତେବେ ଏହି ଖବରକୁ ନେଇ ପୂର୍ବତନ କାଉନ୍ସିଲର ସୂର୍ଯ୍ୟମଣି ତ୍ରିପାଠୀ କହିଛନ୍ତି ଏମାନଙ୍କୁ ସରକାରୀ ସ୍ତରରେ ସମସ୍ତ ସୁବିଧା ପାଇଁ ସେ ସରକାରଙ୍କ ନିକଟରେ ଦାବି କରିବେ । ସେହିଭଳି ଏନଏସି ନିର୍ବାହୀ ଅଧିକାରୀ ସତ୍ୟ ରଞ୍ଜନ ପଣ୍ଡା କହିଛନ୍ତି ମୁଁ ଏବେ ନୂଆ କରି ଦାଇତ୍ୱ ଗ୍ରହଣ କରିଛି ପ୍ରାଥମିକ ସ୍ତରରେ ଏହି ପରିବାରଙ୍କ ପାଇଁ ପଲିଥିନ ର ବ୍ୟବସ୍ଥା କରି ଦେଉଛନ୍ତି। ତୁରନ୍ତ କିଭଳି ଘର ପାଇ ପାରିବେ ସେ ନେଇ ସମସ୍ତ ଉଦ୍ୟମ ମଧ୍ୟ କରାଯିବ.
ମନୋଜ କୁମାର ଦଳେଇଙ୍କ ରିପୋର୍ଟ
Naxatra News is now on Whatsapp
Join and get latest news update delivered to you via whatsapp
Join Now
