() ପୁଣି ଏକାଠି ରହିବେ କଣ୍ଠଶିଳ୍ପୀ ହ୍ୟୁମାନ ସାଗର ଏବଂ ପତ୍ନୀ ଶ୍ରେୟା ମିଶ୍ର। କିଛି ଦିନ ଧରି ଲାଗି ରହିଥିବା ଦାମ୍ପତ୍ୟ ଜୀବନର ଝଡ଼କୁ ଭୁଲି ଏକାଠି ରହିବାକୁ ମନ ସ୍ଥିର କରିଛନ୍ତି ହ୍ୟୁମାନ ଏବଂ ଶ୍ରେୟା । ଆଜି ଦ୍ବିତୀୟ ଥର ୩ ଘଣ୍ଟାର କାଉନସେଲିଂ ପରେ ଉଭୟ ମହିଳା ଥାନାରୁ ବାହାରି ନିଜ ନିଜର ଭୁଲ ସ୍ୱୀକାର କରିବା ସହ ସବୁ ସମସ୍ୟାର ଆପୋସ ସମାଧାନ ହୋଇଛି ବୋଲି କହିଛନ୍ତି । ସେପଟେ ମାସେ ଭିତରେ ଶ୍ରେୟା ନିଜ ଶାଶୁ ଘର କୁ ଫେରିବେ ବୋଲି ସୂଚନା ଦେଇଛନ୍ତି ଏସିପି ।
ଏଣିକି ଏକାଠି ରହିବେ କଣ୍ଠଶିଳ୍ପୀ ହୁମ୍ୟାନ ସାଗର ଏବଂ ପତ୍ନୀ ଶ୍ରେୟା ମିଶ୍ର । ଗଣମାଧ୍ୟମ ସମ୍ମୁଖରେ ଉଭୟ ଉଭୟ ଙ୍କ ବିରୁଦ୍ଧରେ ଆରୋପ ପ୍ରତ୍ୟାରୋପ କରୁଥିବା ପତି ପତ୍ନୀ ଏବେ ସବୁ ସମସ୍ୟାର ସମାଧନ କରି ଏକାଠି ରହିବାକୁ ମନ ସ୍ଥିର କରିଛନ୍ତି। ସୋମବାର ଦ୍ବିତୀୟ ଥର କାଉନସେଲିଂ ପାଇଁ ଉଭୟ ମହିଳା ଥାନାରେ ପହଞ୍ଚିଥିଲେ । ଉଭୟଙ୍କୁ ତିନି ଘଣ୍ଟା ଧରି କାଉଁସିଲିଂ କରାଗଲା ପରେ ନିଜର ଭୁଲ କୁ ସ୍ୱୀକାର କରି ଏକାଠି ରହିବେ ବୋଲି ଥାନା ଅଧିକାରୀଙ୍କ ଆଗରେ ରାଜି ହୋଇଥିଲେ। ଏବଂ ଥାନା ରୁ ବାହାରିବା ପରେ କହିଛନ୍ତି ଏକ ଭୁଲ ବୁଝାମଣା ଥିଲା । ଆପୋସ ବୁଝାମଣା ରେ ସମାଧନ ହୋଇଯାଇଛି ।
କିଛି ଦିନ ପୂର୍ବରୁ ପତ୍ନୀ ଶ୍ରେୟା ପ୍ରଥମେ ପାରିବାରିକ ହିଂସା, ନିର୍ଯାତନା ଓ ଧର୍ମ ପରିବର୍ତ୍ତନର ସଙ୍ଗିନ ଅଭିଯୋଗ ନେଇ ହ୍ୟୁମ୍ୟାନଙ୍କ ବିରୁଦ୍ଧରେ ମହିଳା ଥାନାର ଦ୍ବାରସ୍ଥ ହୋଇଥିଲେ । ତେବେ ମହିଳା ଥାନାରେ କାଉନସେଲିଂ ପରେ ଉଭୟ ଏକତ୍ର ବସବାସ କରିବେ । ଏକ ମାସ ମଧ୍ୟରେ ଉଭୟ ପରିବାର ଆଲୋଚନା କରି ଭଲ ଦିନ ଓ ତିଥି ଦେଖି ଶ୍ରେୟାଙ୍କୁ ଶାଶୁଘରକୁ ଛାଡ଼ନ୍ତୁ ବୋଲି କହିଛନ୍ତି ଏ ସିପି ।
ସିଙ୍ଗର ଷ୍ଟାରଙ୍କ ବିବାଦ ତୁଟିବା ପରେ ଫ୍ୟାନସଙ୍କ ଭିତରେ ଖୁସି ଦେଖିବାକୁ ମିଳିଛି ।
ଦୀପ୍ତିରଞ୍ଜନ ଶତପଥୀଙ୍କ ରିପୋର୍ଟ
Naxatra News is now on Whatsapp
Join and get latest news update delivered to you via whatsapp
Join Now
