ଦେଶର ବିଭାଜନର ଯନ୍ତ୍ରଣାକୁ ସ୍ମରଣ କରି ଭାରତୀୟ ଜନତା ପାର୍ଟି ଆଜି “ବିଭାଜନ ବିଭୀଷିକା ସ୍ମୃତି ଦିବସ” ପାଳନ କରିଛି । ଏହି ସମୟରେ ବିଜେପି ସାରା ଦେଶରେ ଏକ ନିରବ ପଦଯାତ୍ରା ଆୟୋଜନ କରିଛି । ଦିଲ୍ଲୀରେ ବିଜେପିର ରାଷ୍ଟ୍ରୀୟ ସଭାପତି ଜେପି ନଡ୍ଡା, କେନ୍ଦ୍ର ମନ୍ତ୍ରୀ ଅନୁରାଗ ଠାକୁର, ପୀୟୁଷ ଗୋୟଲ ଏବଂ ଅନ୍ୟ ବିଜେପି ନେତାମାନେ ଏହି ଅବସରରେ ଏକ ନିରବ ପଦଯାତ୍ରାରେ ଭାଗ ନେଇଥିଲେ। ଏହି ପଦଯାତ୍ରାରେ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ, ଜି କିଶନ ରେଡ୍ଡୀ ଏବଂ ଅର୍ଜୁନ ରାମ ମେଘୱାଲ ମଧ୍ୟ ଭାଗ ନେଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତ ବର୍ଷ ସ୍ୱାଧୀନତା ଦିବସ ଅଭିଭାଷଣରେ ଏହା ଘୋଷଣା କରିବା ପରେ ଭାରତ ପ୍ରଥମ ଥର ପାଇଁ ବିଭାଜନ ବିଭୀଷିକା ସ୍ମୃତି ଦିବସ ପାଳନ କରୁଛି ।
![](https://naxatranews.com/wp-content/uploads/2022/08/FaHxTK9acAAEg0K-1-1024x766.jpg)
![](https://naxatranews.com/wp-content/uploads/2022/08/FaHsNZkaMAAYmnQ-1024x576.jpg)
ଦେଶ ବିଭାଜନ ସମୟରେ ସାମ୍ପ୍ରଦାୟିକ ଦଙ୍ଗାରେ ପ୍ରାଣ ହରାଇଥିବା ବ୍ୟକ୍ତିଙ୍କୁ ପ୍ରଧାନମନ୍ତ୍ରୀ ମୋଦୀ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ବିଭାଜନ ପୀଡିତଙ୍କ ଦ୍ୱାରା ଦେଖାଯାଇଥିବା ଧର୍ଯ୍ୟକୁ ମଧ୍ୟ ସେ ପ୍ରଶଂସା କରିଥିଲେ। ପ୍ରଧାନମନ୍ତ୍ରୀ ଟୁଇଟ୍ କରି କହିଛନ୍ତି, “ବିଭାଜନ ବିଭୀଷିକା ସ୍ମୃତି ଦିବସ” ରେ ମୁଁ ବିଭାଜନ ସମୟରେ ପ୍ରାଣ ହରାଇଥିବା ସମସ୍ତଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛି । ଗତ ବର୍ଷ ସ୍ୱାଧୀନତା ଦିବସ ଅଭିଭାଷଣରେ ପ୍ରଧାନମନ୍ତ୍ରୀ ମୋଦୀ 14 ଅଗଷ୍ଟକୁ “ବିଭାଜନ ବିଭୀଷିକା ସ୍ମୃତି ଦିବସ” ଭାବରେ ପାଳନ କରିବାକୁ ଘୋଷଣା କରିଥିଲେ।
- ଅଭିଷେକ ପୁରୋହିତଙ୍କ ରିପୋର୍ଟ