ନୂଆଦିଲ୍ଲୀ: ଦିଲ୍ଲୀରେ ଆଜି ବିଜେପିର ସଂସଦୀୟ ବୋର୍ଡ ବୈଠକରେ ଉପରାଷ୍ଟ୍ରପତି ପ୍ରାର୍ଥୀଭାବେ ଜଗଦୀପ ଧନକରଙ୍କୁ ବଛାଯାଇଛି। ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ମନ୍ତ୍ରୀ ଅମିତ ସାହ, ନିତୀନ ଗଡକରୀ, ରାଜନାଥ ସିଂହ, ବିଜେପି ଜାତୀୟ ମହାସଚିବ ବିଏଲ ସନ୍ତୋଷ ଓ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଉପସ୍ଥିତ ଥିଲେ।
ବୈଠକ ପରେ ଦଳର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡା ଏହା ଘୋଷଣା କରିଛନ୍ତି କି, ବୈଠକରେ ଉପରାଷ୍ଟ୍ରପତି ପଦ ପାଇଁ ପ୍ରାର୍ଥୀ ଭାବେ ଜଗଦୀପ ଧନକରଙ୍କୁ ସର୍ବସମ୍ମତିକ୍ରମେ ବଛାଯାଇଛି।
