୨୦ ଟଙ୍କାରେ ଚନ୍ଦାପଣରୁ ମୁକ୍ତି। ୨୦ ଟଙ୍କାରେ ସବୁଦିନ ଲାଗି ଚନ୍ଦାପଣରୁ ମୁକ୍ତି ଲାଗି ମିରଟ ସହରରେ ରାସ୍ତାକଡ଼ରେ ଲାଗିଥିବା ହୋର୍ଡିଂ ଓ ପ୍ରଚାର ଷ୍ଟଲ୍ ଅସମ୍ଭାଳ ଭିଡ଼ର କାରଣ ସାଜିଲା। ସୋସିଆଲ ମିଡ଼ିଆରେ ବେସ୍ ଭାଇରାଲ ହେଉଛି ଭିଡ଼ିଓ। ୨୦ ଟଙ୍କାରେ ଚୂଳ ଉଠିବାର ମେଡିସିନ୍ ପାଇଁ ଭିଡ଼ ଜମିଥିଲା । ଲୋକଙ୍କୁ ଟୋକନ ନେଇ ଲାଇନରେ ଛିଡ଼ା ହେବାକୁ ପଡ଼ିଥିଲା। ଏହାକୁ ନେଇ ହଙ୍ଗାମା ବି ଦେଖିବାକୁ ମିଳିଥିଲା। ଏଭଳି ୨୦ ଟଙ୍କିଆ ଔଷଧରେ ଚନ୍ଦାପଣରୁ ମୁକ୍ତି ଲାଗି ପ୍ରଚାର ହେବା ପରେ ଭିଡ଼କୁ ନେଇ ନା ପୁଲିସ ନା ପ୍ରଶାସନ ପାଖରେ ଖବର ଥିଲା। ବିଜନୋରର ସଲମାନ ଓ ଅନୀଷ ରବିବାର ଏହି କାର୍ଯ୍ୟକ୍ରମ ଆୟୋଜନ କରିଥିଲେ। ଏହାକୁ ନେଇ ଗଲା ସପ୍ତାହେ ଧରି ବ୍ୟାପକ ପ୍ରଚାର ହୋଇଥିଲା। ରବିବାର ଓ ସୋମବାର ଦୁଇ ଦିନ ଧରି ମିରଟରେ ୨୦ ଟଙ୍କିଆ ଔଷଧ ମିଳିବ ବୋଲି କୁହାଯାଇଥିଲା। ଦିଲ୍ଲୀରେ ଏହି ଔଷଧ ମଙ୍ଗଳବାର, ଗୁରୁବାର ଓ ଶନିବାର ମିଳିବ ବୋଲି ପ୍ରଚାର ହୋଇଥିଲା। ସାଙ୍ଗରେ ୩ଶହ ଟଙ୍କାର ତେଲ ଶିଶି ବି ଦିଆଯାଉଥିଲା। ଲୋକେ ଆଗ ସେଲୁନରେ ପୁରା ଲଣ୍ଡା ହେଉଥିଲେ। ତା ପରେ ଯାଇ ଔଷଧ ଓ ତେଲ ଲଗାଯାଉଥିଲା। କମ୍ ଦରରେ ଚନ୍ଦାପଣରୁ ମୁକ୍ତି ଲାଗି ଔଷଧକୁ ନେଇ ଲୋକଙ୍କ ଭିଡ଼ ଭାଇରାଲ ପରେ ଏହାକୁ ନେଇ ସବୁଠି ଚର୍ଚ୍ଚା।
Naxatra News is now on Whatsapp
Join and get latest news update delivered to you via whatsapp
Join Now
