ଭୋଗରାଇ ତାଳସାରି ସାମୁଦ୍ରିକ ଥାନା ଅଞ୍ଚଳରେ +୨ ଛାତ୍ର ପ୍ରତାପ ପଟ୍ଟାୟତଙ୍କୁ ମାଡ଼ ମାରି ବସ୍ତା ଘୋଡ଼ାଇ ନର୍ଦ୍ଦମା ପାଣିରେ ଫିଙ୍ଗି ଦିଆଯାଇଥିବା ପରିବାର ପକ୍ଷରୁ ଅଭିଯୋଗ। ପ୍ରତାପଙ୍କ ମାଆଙ୍କ ଅଭିଯୋଗରେ ୨୩୫/୨୬ ମାମଲା ରୁଜୁ ହୋଇଥିବା ବେଳେ, ଅନ୍ୟପକ୍ଷର ଅଭିଯୋଗରେ ୨୩୬/୨୬ ମାମଲା ରୁଜୁ ହୋଇଛି। ପୋଲିସ ଉଭୟ ଘଟଣାର ତଦନ୍ତ କରୁଛି।
ସାମାଜିକ ସୁରକ୍ଷା ଯୋଜନାରେ ସରକାରୀ ଅର୍ଥ ହେରଫେର ଅଭିଯୋଗରେ ବଡ଼ କାର୍ଯ୍ୟାନୁଷ୍ଠାନ। ବାଲେଶ୍ୱର ଜିଲ୍ଲା ଭୋଗରାଇ ବ୍ଲକରେ ବୟସ୍କ ହିତାଧିକାରୀଙ୍କ ପାଇଁ ଉଦ୍ଦିଷ୍ଟ ୧୬.୭୬ ଲକ୍ଷ ଟଙ୍କାରୁ ଅଧିକ ସରକାରୀ ପାଣ୍ଠି ଠକେଇ ଓ ଅପବ୍ୟବହାର ମାମଲାରେ ୩ ଜଣ ପଞ୍ଚାୟତ ସ୍ତରୀୟ ଅଧିକାରୀଙ୍କୁ ଓଡ଼ିଶା ଭିଜିଲାନ୍ସ ଗିରଫ କରିଛି। ଗିରଫଙ୍କ ମଧ୍ୟରେ ବର୍ତ୍ତମାନ ଖଇରା ବ୍ଲକ ବର୍ତନା ପଞ୍ଚାୟତର PEO ଭାବେ କାର୍ଯ୍ୟରତ ଚିତ୍ତରଞ୍ଜନ ବାଗସିଂ ଥିବା ସୂଚନା ମିଳିଛି।
