cm

ଭୁବନେଶ୍ବର: ମିଶନ ଶକ୍ତି ମାଧ୍ୟମରେ ମହିଳା ଭୋଟରଙ୍କୁ ଆକୃଷ୍ଟ କରିବାକୁ ବିଜେଡ଼ି କରିଛି ପ୍ଲାନ । ଏମିତ କି ପ୍ରତ୍ୟେକ ଦିନ ବିଭିନ୍ନ ଜିଲ୍ଲାରୁ ମହିଳାଙ୍କୁ ଭେଟୁଛନ୍ତି ମୁଖ୍ୟମନ୍ତ୍ରୀ । ଏହାକୁ ସହଜରେ ହଜମ କରି ପାରିନାହାନ୍ତି ବିରୋଧି । ଦଳୀୟ କର୍ମୀଙ୍କ ଉପରେ ମୁଖ୍ୟମନ୍ତ୍ରୀ ବିଶ୍ୱାସ ହରାଇଥିବାରୁ ନିଜେ ଭେଟି ପ୍ରଚାର କରୁଥିବାର ଅଭିଯୋଗ କରିଛନ୍ତି । 

ବିଜେଡିର ଦଳୀୟ କର୍ମୀଙ୍କୁ ଆଉ ନାହିଁ କି ଭରସା ? ଦଳକୁ ନିର୍ବାଚନୀ ବୈତରଣୀ ପାର କରାଇବେ କି ମିଶନ ଶକ୍ତିର ମହିଳା? କାରଣ ଦଳୀୟ କର୍ମୀଙ୍କୁ ଭେଟୁ ନ ଥିବା ନବୀନ  ପର୍ଯ୍ୟାୟ ଭିତ୍ତିରେ ପ୍ରତି ଦିନ କିଛି କିଛି ଜିଲ୍ଲାର ମିଶନ ଶକ୍ତିର ମହିଳାମାନଙ୍କୁ ଭେଟି ଆଲୋଚନା କରୁଛନ୍ତି । ଏହାକୁ ଭିନ୍ନ ଦୃଷ୍ଟିରେ ଦେଖିଛନ୍ତି ବିରୋଧି । ଏମିତି କି ମିଶନ ଶକ୍ତି ମହିଳାମାନଙ୍କୁ ଗୁଇନ୍ଦାଗିରିରେ ଲଗାଇବା ପାଇଁ ମୁଖ୍ୟମନ୍ତ୍ରୀ ଭେଟୁଛନ୍ତି ବୋଲି ଅଭିଯୋଗ କରିଛି ବିଜେପି । ଏହାସହ କଂଗ୍ରେସ ମଧ୍ୟ ବିଜେଡ଼ିକୁ କଡ଼ା ସମାଲୋଚନା କରି ସରକାରୀ ଅର୍ଥରେ ମିଶନ ଶକ୍ତି ଗଠନ କରି ଦଳୀୟ କାର୍ଯ୍ୟରେ ବ୍ୟବହାର କରାଯାଉଥିବା କହିଛି । ଏପଟ ବିରୋଧିଙ୍କୁ କଡ଼ା ଜବାବ ଦେଇଛି ବିଜେଡ଼ି । ଔଷଧ ବିକଳରେ ବିରୋଧି ତାଟିଆ କାମୁଡୁଛନ୍ତି ବୋଲି କହିଛି ।

ଏପଟେ ମିଶନ ଶକ୍ତି ମାଧ୍ୟମରେ ତୃଣମୂଳ ସ୍ତରରେ ବିଜେଡ଼ି ଭୋଟ ବ୍ୟାଙ୍କ ମଝଭୁତ କରୁଥିବା କହିଛନ୍ତି ରାଜନୈତିକ ସମିକ୍ଷକ । ଏହାସହ ତାଙ୍କୁ ବିଭିନ୍ନ ସରକାରୀ କାର୍ଯ୍ୟକ୍ରମରେ ସାମିଲ କରାଇ ବିଜେଡ଼ି ଆଡ଼କୁ ଆକୃଷ୍ଟ କରିବାରେ ସଫଳ ହୋଇଛି ଦଳ ।

ଏହା ବିଜେଡ଼ିର ୨୪ ପ୍ରସ୍ତୁତିର ବଡ଼ ପର୍ବ ବୋଲି ମଧ୍ୟ କୁହାଯାଇପାରେ।

ତେବେ ୨୪ ନିର୍ବାଚନ ପାଇଁ ୩ ପ୍ରମୁଖ ଦଳ କସରତ ଆରମ୍ଭ କରିଦେଇଥିବା ବେଳେ ବିଜେଡ଼ି ପ୍ରତେକ ବର୍ଗକୁ ଦଳ ସପକ୍ଷରେ ଆଣିବାକୁ ବ୍ଲୁ ପ୍ରିଣ୍ଟ କରିଛି ।

ନବ କିଶୋର ସାହୁଙ୍କ ରିପୋର୍ଟ

ନୂଆଦିଲ୍ଲୀ: ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଉଲ୍ଲେଖନୀୟ ନେତୃତ୍ୱ ପାଇଁ ଜୀବନବ୍ୟାପୀ ସାଧନା ସମ୍ମାନରେ ସମ୍ମାନିତ କରାଯାଇଛି। ନୂଆଦିଲ୍ଲୀ ସ୍ଥିତ କ୍ୟାପିଟାଲ ଫାଉଣ୍ଡେସନ ସୋସାଇଟି ପକ୍ଷରୁ ଏହି ପୁରସ୍କାର ପ୍ରଦାନ କରାଯାଇଛି। ଦିଲ୍ଲୀସ୍ଥିତ ଇଣ୍ଡିଆ ଇଣ୍ଟରନ୍ୟାସନାଲ ସେଣ୍ଟର ଅଡିଟୋରିୟମରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସୁପ୍ରିମକୋର୍ଟର ପୂର୍ବତନ ପ୍ରଧାନ ବିଚାରପତି ଏନ.ଭି ରମଣାଙ୍କ ଠାରୁ ସମ୍ମାନଜନକ ପୁରଷ୍କାର ଗ୍ରହଣ କରିଛନ୍ତି ନବୀନ।

ନବୀନ ନିଜର ଅନନ୍ୟ ନେତୃତ୍ୱ ଦ୍ୱାରା ଓଡିଶାକୁ ବିଶ୍ୱ ଦରବାରରେ ଏକ ନୂଆ ପରିଚୟ ପ୍ରଦାନ କରିଛନ୍ତି। ଖାଦ୍ୟ ସୁରକ୍ଷାଠାରୁ ଆରମ୍ଭ କରି ବିପର୍ଯ୍ୟୟ ପରିଚାଳନା, କ୍ରୀଡାର ବିକାଶ, ମହିଳା ସଶକ୍ତିକରଣ କ୍ଷେତ୍ରରେ ଓଡିଶା ଅନ୍ୟ ରାଜ୍ୟ ପାଇଁ ଉଦାହରଣ ପାଲଟିଛି। ବିବିନ୍ନ ସମସ୍ୟା ସମୟରେ ନବୀନ ଆଗକୁ ଆସି ରାଜ୍ୟବାସୀଙ୍କୁ ସହାୟତର ହାତ ବଢାଇଛନ୍ତି। ଏଥିପାଇଁ ମୁଖ୍ୟମନ୍ତ୍ରୀ ନବୀନଙ୍କୁ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ବହୁ ପ୍ରତିଷ୍ଠିତ ସଂସ୍ଥା ପକ୍ଷରୁ ସମ୍ମାନିତ କରାଯାଇଛି।  

ଭୁବନେଶ୍ୱର: ସବୁ ପ୍ରକାର ବିପର୍ୟ୍ୟୟରେ ଆମର ନୀତି ହେଉଛି ‘ସବୁ ଜୀବନ ମୂଲ୍ୟବାନ’। ତେଣୁ ଯେପରି କୌଣସି ଗୋଟିଏ ବି ଜୀବନ ହାନୀ ନ ହୁଏ, ଏବଂ ସାଧାରଣ ଜୀବନଯାତ୍ରାରେ କୌଣସି ବ୍ୟାପକ ଅସୁବିଧା ସୃଷ୍ଟି ନ ହୁଏ, ତାକୁ ସୁନିଶ୍ଚିତ କର। ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ରାଜ୍ୟର ବନ୍ୟା ପରିସ୍ଥିତି ସମୀକ୍ଷା କରି ଅଧିକାରୀ ମାନଙ୍କୁ ଏହି ମର୍ମରେ ନିର୍ଦ୍ଦେଶ ଦେଇଛନ୍ତି ।
ପରିସ୍ଥିତି ସଂପର୍କରେ ମୁଖ୍ୟ ଶାସନ ସଚିବ ଓ ସ୍ବତନ୍ତ୍ର ରିଲିଫ କମିଶନର ନିୟମିତ ଭାବେ ସମୀକ୍ଷା କରିବାକୁ ମଧ୍ୟ ସେ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀ କହିଥିଲେ ଯେ କ୍ରମାଗତ ଭାବେ ବର୍ଷା ଲାଗି ରହିଥିବାରୁ ମହାନଦୀ ଅବବାହିକା ଅଞ୍ଚଳର ୧୦ଟି ଜିଲ୍ଲାରେ ବନ୍ୟା ହେବାର ସମ୍ଭାବନା ଦେଖାଦେଇଛି । ତେଣୁ ଏହି ୧୦ଟି ଜିଲ୍ଲାର ଜିଲ୍ଲାପାଳ ମାନେ ସତର୍କ ରହିବା ସହିତ ବନ୍ୟା ପରିସ୍ଥିତିକୁ ରୋକିବା ପାଇଁ ସମସ୍ତ ପ୍ରକାର ପଦକ୍ଷେପ ନେବାକୁ ସେ ପରାମର୍ଶ ଦେଇଥିଲେ ।
ବିପଦସଂକୁଳ ଅଞ୍ଚଳରେ ଥିବା ଲୋକମାନଙ୍କୁ ପ୍ରାଥମିକତା ଭିତ୍ତିରେ ସ୍ଥାନାନ୍ତର କରି ସେମାନଙ୍କୁ ଆବଶ୍ୟକ ରିଲିଫ ଓ ମୌଳିକ ସୁବିଧା ଯୋଗାଇ ଦେବାକୁ ମଧ୍ୟ ସେ ନିର୍ଦ୍ଦେଶ ଦେଇଛନ୍ତି। ରାଜ୍ୟସ୍ତରରେ ସଂପୃକ୍ତ ବିଭାଗମାନେ ଜିଲ୍ଲାଗୁଡିକୁ ସମସ୍ତ ପ୍ରକାର ସାହାଯ୍ୟ ତୁରନ୍ତ ଯୋଗାଇ ଦେବାକୁ ମଧ୍ୟ ସେ ନିର୍ଦ୍ଦେଶ ଦେଇଛନ୍ତି ।
ବିଭିନ୍ନ ବିଭାଗ ଗୁଡିକୁ ନିର୍ଦ୍ଦେଶ ଦେଇ ଘଊଜୠ, ଙଊଜଇୠ ଓ ୠସକ୍ସର ଝରକ୍ସଙ୍ଖସମର ଟଦ୍ଭସଗ୍ଧ ଗୁଡିକୁ ବିଭିନ୍ନ ବିପଦସଂକୁଳ ସ୍ଥାନଗୁଡିକରେ ସଜାଗ ରଖି ଆବଶ୍ୟକସ୍ଥଳେ ଲୋକଙ୍କ ଉଦ୍ଧାର କାର୍ୟ୍ୟରେ ନିୟୋଜିତ କରାଯିବା ଉପରେ ମୁଖ୍ୟମନ୍ତ୍ରୀ ଗୁରୁତ୍ବ ଦେଇଥିଲେ।
ହସ୍‌ପିଟାଲ, ଜଳଯୋଗାଣ ଓ ବିଦ୍ୟୁତ ଯୋଗାଣ ବ୍ୟବସ୍ଥା ପରି ଜୀବନ ରକ୍ଷାକାରୀ ସଂସ୍ଥା ଗୁଡିକ ନିରବଚ୍ଛିନ୍ନ ଭାବରେ ସେବା ଯୋଗାଇ ଦେବା, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଗ୍ରାମାଞ୍ଚଳରେ ସ୍ବଚ୍ଛ ପାନୀୟ ଜଳର ବ୍ୟବସ୍ଥା କରିବା, ସ୍ବାସ୍ଥ୍ୟ ବିଭାଗ ପ୍ରଭାବିତ ଅଞ୍ଚଳରେ ଲୋକଙ୍କୁ ସ୍ବାସ୍ଥ୍ୟସେବା ଯୋଗାଇ ଦେବାପାଇଁ ସ୍ବତନ୍ତ୍ର ବ୍ୟବସ୍ଥା କରିବା ପାଇଁ ସେ ନିର୍ଦ୍ଦେଶ ଦେଇଛନ୍ତି।
ସେପିପରି ପ୍ରାଣୀଧନର ସୁରକ୍ଷା ପାଇଁ ମତ୍ସ୍ୟ ଓ ପଶୁସଂପଦ ବିଭାଗ ଆବଶ୍ୟକ ସେବା ଯୋଗାଇ ଦେବାକୁ ମଧ୍ୟ ସେ ପରାମର୍ଶ ଦେଇଛନ୍ତି ।
ରାସ୍ତାଘାଟର କ୍ଷତି ହୋଇ ଯଦି ଯୋଗାଯୋଗ ବ୍ୟବସ୍ଥା ବ୍ୟାହତ ହୁଏ, ତେବେ ଇଂଜିନିୟରିଂ ବିଭାଗ ଗୁଡିକ ସେଗୁଡିକର ତୁରନ୍ତ ମରାମତି ପାଇଁ ଆଗୁଆ ବ୍ୟବସ୍ଥା କରିବା ଆବଶ୍ୟକ । ସେହିପରି ଶକ୍ତି ବିଭାଗ ମଧ୍ୟ ବିଦ୍ୟାତ ଯୋଗାଯୋଗ ବ୍ୟାହତ କ୍ଷେତ୍ରରେ ତୁରନ୍ତ ପୁନଃ ସଂଯୋଗ ପାଇଁ ଆଗୁଆ ବ୍ୟବସ୍ଥା କରିବାକୁ ସେ ପରାମର୍ଶ ଦେଇଛନ୍ତି ।
ବୈଠକରେ ସ୍ବତନ୍ତ୍ର ରିଲିଫ କମିଶନର ଶ୍ରୀ ପି.କେ ଜେନା ପରିସ୍ଥିତି, ପ୍ରସ୍ତୁତି ଓ ପଦକ୍ଷେପ ସଂପର୍କରେ ଉପସ୍ଥାପନା ରଖି କହିଲେ ଯେ ମହାନଦୀର ଉପର ଓ ତଳମୁଣ୍ଡରେ ବର୍ଷା ହୋଇ ୧୦ଟି ଜିଲ୍ଲାରେ ବନ୍ୟା ପରିସ୍ଥିତିର ସମ୍ଭାବନା ଦେଖାଦେଇଛି। ଗତକାଲି ହୀରାକୁଦର ୮ଟି ଗେଟ୍‌ ବନ୍ଦ କରାଯାଇଛି ଏବଂ ବର୍ତ୍ତମାନ ୨୬ଟି ଗେଟ୍‌ ଖୋଲା ରହିଛି । ଏହାଦ୍ବାରା ହୀରାକୁଦର ତଳ ମୁଣ୍ଡରେ ବନ୍ୟା ପରିସ୍ଥିତିର ପ୍ରଭାବ ସାମାନ୍ୟ କମିଛି । ୭ଟି ଜିଲ୍ଲାରେ ୯ଟି ଓଡ୍ରାଫ, ୬ଟି ଜିଲ୍ଲାରେ ୯ଟି ଘଊଜୠ ଟିମ୍‌, ୪୪ଟି ଅଗ୍ନିଶମ ସେବା ୟୁନିଟ୍‌କୁ ସଜାଗ ରଖାଯାଇଛି । ଆଜି ମହାନଦୀର ମୁଣ୍ଡଳୀ ଠାରେ ୧୧.୭୫ ଲକ୍ଷ କ୍ୟୁସେକ ଜଳ ପ୍ରଭାବିତ ହେବ ବୋଲି ସେ ସୂଚନା ଦେଇଥିଲେ।

ସବୁ ଜିଲ୍ଲା ପ୍ରଶାସନକୁ ହାଇ ଆଲର୍ଟରେ ରଖାଯାଇଛି। ୧୦ଟି ଜିଲ୍ଲାର ଜିଲ୍ଲାପାଳଙ୍କୁ ଆବଶ୍ୟକ ହେଲେ ସ୍ଥାନାନ୍ତର କରିବା ପାଇଁ ନିର୍ଦ୍ଦେଶ ଦେବା ସହିତ ସେଥିପାଇଁ ପଞ୍ଚାୟତରାଜ ଅନୁଷ୍ଠାନ ଗୁଡିକର ସହାୟତା ନେବା ପାଇଁ ମଧ୍ୟ ପରାମର୍ଶ ଦିଆଯାଇଛି । ଏହାସହିତ ନଦୀବନ୍ଧ ଗୁଡିକ ଉପରେ ନଜର ରଖିବା ଏବଂ ପ୍ରଭାବିତ ଅଞ୍ଚଳରେ ଆବଶ୍ୟସ୍ଥଳେ ଶିକ୍ଷାନୁଷ୍ଠାନ ଗୁଡିକୁ ବନ୍ଦ ରଖିବା ପାଇଁ ମଧ୍ୟ ଜିଲ୍ଲାପାଳ ମାନଙ୍କୁ ନିର୍ଦ୍ଦେଶ ଦିଆଯାଇଛି ।

ବିହାର ରାଜନୀତିକୁ ନେଇ ଚାରିଆଡ଼େ ହଇଚଇ। ନୀତିଶଙ୍କ ନେତୃତ୍ୱାଧୀନ ନୂଆ ସରକାର ଓ ଅଷ୍ଟମ ଥର ମୁଖ୍ୟମନ୍ତ୍ରୀ ଭାବେ ଶପଥ ନେଇଥିବା ନୀତିଶଙ୍କ ରେକର୍ଡକୁ ନେଇ ବି ସେତିକି ଚର୍ଚ୍ଚା। ହେଲେ ନୀତିଶ କଅଣ ନବୀନଙ୍କ ସହ ତୁଳନୀୟ କି। ବିହାର ଭଳି ଓଡ଼ିଶାରେ ରାଜନୈତିକ ଅସ୍ଥିରତା ଅଛି କି। ଏହାର ଉତ୍ତର ଗୋଟିଏ ଶବ୍ଦରେ ହେଉଛି ବିଲକୁଲ ନୁହେଁ। କାରଣ ପଟ୍ଟ ପରିବର୍ତ୍ତନ, ସୁବିଧାବାଦୀ ରାଜନୀତିର ବିଶ୍ୱାସରେ ବ୍ରତୀ ନୀତିଶ। କ୍ଷମତା ଚୌକି ତାଙ୍କ ପାଇଁ ସବୁ କିଛି। ସେଠି ଆଦର୍ଶ ଓ ବିଚାରାଧାରାର କିଛି ମାଏନା ରଖୁନି। ସେଥିଲାଗି ତ ସିଏମ ଚୌକି ପାଇଁ ସର୍ବାଧିକ ଅଷ୍ଟମ ଥର ଶପଥ ନେଇଥିଲେ ବି ନୀତିଶଙ୍କ ପତିଆରା ଓ ପ୍ରଭାବକୁ ଭିନ୍ନ ଦୃଷ୍ଟିରେ ଦେଖନ୍ତି ରାଜନୀତିକ ମହଲ।

ପ୍ରଧାନମନ୍ତ୍ରୀ ପଦ ପାଇଁ ଲାଳାୟିତ ନୁହେଁ ବୋଲି କେତେବେଳେ କୁହନ୍ତି ତ ସମାନ୍ତରାଳ ଭାବେ ପୁଣି କୁହନ୍ତି ସବୁ ବିରୋଧୀ ଦଳ ଏକାଠି ହୁଅନ୍ତୁ ବୋଲି ସେ ଚାହାଁନ୍ତି। ହେଲେ ଓଡ଼ିଶାରେ ସ୍ଥିର ଶାସନ ଓ ସ୍ଥିର ନେତୃତ୍ୱ ଦେବାରେ ରେକର୍ଡ କରିଛନ୍ତି ନବୀନ ପଟ୍ଟନାୟକ। ତା ପୁଣି କ୍ରମାଗତ ଆସ୍ଥା ବଢ଼ିଚାଲିଛି ଜନମତର। ୨୦୧୨ ମିଡନାଇଟ ଅପରେସନ ଭଳି ଅତୀତକୁ ଛାଡ଼ିଦେଲେ ଏଭଳି କୌଣସି ରାଜନୈତିକ ବିପଦ ମାଡ଼ିଆସିନି ନବୀନଙ୍କୁ। ସେଥିଲାଗି ତ ସେ ଅବିଚଳିତ। କଂଗ୍ରେସ ଓ ଏନଡିଏରୁ ସମଦୂରତ୍ୱ ବଜାୟ ରଖିବାରେ ସିଦ୍ଧହସ୍ତ। ପ୍ରସଙ୍ଗଭିତ୍ତିକ ସମର୍ଥନ ଦିଅନ୍ତି ସତ। କିନ୍ତୁ ସେଥିରେ ରାଜ୍ୟସ୍ୱାର୍ଥର ଛିଟା ଛାଟିଦେଇଥାଆନ୍ତି। ଇଣ୍ଡିଆ ଟୁଡେ ମୁଡ୍ ଅଫ ନେସନ ପୋଲରେ ତାଙ୍କ ଶାସନକୁ ନେଇ ୭୮ ପ୍ରତିଶତ ସନ୍ତୁଷ୍ଟ ଥିବା ଜଣାପଡ଼ିଛି। ଅର୍ଥାତ୍ ନିଜ ମୁଖ୍ୟମନ୍ତ୍ରୀଙ୍କୁ ନେଇ ସନ୍ତୁଷ୍ଟ ବର୍ଗରେ ନବୀନ ଶୀର୍ଷରେ। ସେଥିଲାଗି ତ ଜାତୀୟ ରାଜନୀତିରେ ତାଙ୍କର ଭୂମିକାକୁ ଗୁରୁତ୍ୱ ଦିଆଯାଏ।

କିନ୍ତୁ ସେ ଓଡ଼ିଶା ରାଜନୀତି ଛାଡ଼ିବେନି ବୋଲି ଏକରକମ ପକ୍କା। ନବୀନ ଷଷ୍ଠ ଥର ମୁଖ୍ୟମନ୍ତ୍ରୀ ହେବା ପକ୍କା ବୋଲି କହିଲେଣି ଦଳୀୟ ନେତା। ପରିବର୍ତ୍ତନର ସୂତ୍ରଧର ବୋଲି ନୀତିଶଙ୍କ ମନ୍ତବ୍ୟକୁ ଉଦ୍ଧୃତ କରି ତୁଳନା କଲେଣି। ଅଷ୍ଟମ ଥର ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ନୀତିଶ। କିନ୍ତୁ କ୍ଷମତା ଲାଗି ସବୁସ୍ତରକୁ ଯାଇପାରିବେ ବୋଲି ଅପବାଦ ବି ତାଙ୍କ ପଛେ ପଛେ ଲାଗିରହିଛି। ଜନାଦେଶକୁ ଅପମାନ ଓ ବିହାରବାସିନ୍ଦାଙ୍କୁ ବିଶ୍ୱାସଘାତ କରିଥିବାର ଆରୋପ ଲଦାଯାଇଛି। ହେଲେ ଏ ସବୁ ଅପବାଦ ଛୁଇଁପାରିନି ନବୀନଙ୍କୁ। ନବୀନଙ୍କ ନିର୍ମଳ ଭାବମୂର୍ତ୍ତି ଆଗରେ ନୀତିଶଙ୍କ ଧଳା ପୋଷାକ ତଳେ କ୍ଷମତା ଆଗରେ ସବୁ ତୁଛ ଭାବମୂର୍ତ୍ତି ଯେମିତି ମଳିନ।

• ପ୍ରଦୀପ ନାୟକଙ୍କ ରିପୋର୍ଟ

ଉତ୍ତରପ୍ରଦେଶ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବଡ ନିଷ୍ପତ୍ତି। ଯୋଗୀ ଏକ ନୂଚନ ପରିବାର କଲ୍ୟାଣ କାର୍ଡ ଯୋଜନା କରିଛନ୍ତି। ଏହା ଅଧିନରେ ରାଜ୍ୟର ସମସ୍ତ ପରିବାରକୁ ମ୍ୟାପିଂ କରି ଏକ ଫ୍ୟାମିଲି କାର୍ଡ ପ୍ରସ୍ତୁତ କରାଯିବ। ଏହି ଫ୍ୟାମିଲ କାର୍ଡ ୧୨ ଅଙ୍କ ବିଶିଷ୍ଟର ହେବ। ଏହି କାର୍ଡ ସାହାର୍ଯ୍ୟରେ ସରକାର ପରିବାର ବିଷୟରେ ସମ୍ପୂର୍ଣ୍ଣ ତଥ୍ୟ ସଂଗ୍ରହ କରିବାରେ ସାହାର୍ଯ୍ୟ କରିବ।

କୁହାଯାଉଛି ଯେ, କାର୍ଡ ସାହାର୍ଯ୍ୟରେ ଯୋଗୀ ସରକାର ଲୋକଙ୍କୁ ସରକାରୀ ଯୋଜନାରୁ ରୋଜଗାର ଏବଂ ଚାକିରୀ ଦେବାରେ ସାହାର୍ଯ୍ୟ କରିବ। ନିକଟରେ ସିଏମ୍ ଯୋଗୀ ଆଦିତ୍ୟନାଥ ଏହି ବିଷୟରେ ଏକ ଉପସ୍ଥାପନା ଦେଖିଥିଲେ। ବର୍ତ୍ତମାନ ଏହି ଉପସ୍ଥାନକୁ କାର୍ଯ୍ୟକାରୀ କରିବାକୁ ସାମାଜିକ କଲ୍ୟାଣ ବିଭାଗକୁ ନିର୍ଦ୍ଦେଶ ଦେଇଛନ୍ତି। ପରିବାର ପରିଚୟ ପତ୍ର ପାଇଁ ରାଶନ କାର୍ଡରୁ ତଥ୍ୟ ସଂଗ୍ରହ କରିବାପାଇଁ ପ୍ରସ୍ତୁତି ଚାଲିଛି। ଯଦି ଏପରି ହୁଏ ତେବେ କିଛି ଦିନ ମଧ୍ୟରେ ୬୦ ପ୍ରତିଶତ ପରିବାର ଏହି ଯୋଜନା ସହ ଯୋଡି ହେବ।

 – ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ  

ବେଙ୍ଗାଲୁରୁ: କର୍ଣ୍ଣଟକ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପରେ ରାଜ୍ୟ ସରକାର ରାଜ୍ୟର ସମସ୍ତ ସରକାରୀ ଅଫିସରୁ ଫଟୋଗ୍ରାଫି ଓ ଭିଡିଓଲାଇଜେସନ କରିବା ଉପରେ ଜାରି ନିଷେଦ୍ଧାଦେଶ ଉଠାଇ ନେଇଛି। ଏହି ନିଷେଦ୍ଧାଦେଶ ଉପରେ ସମୀକ୍ଷା କରିବା ପରେ ମୁଖ୍ୟମନ୍ତ୍ରୀ ବାସବରାଜ ବୋମାଇ ଏହାକୁ ଉଠାଇବାକୁ ଏକ ଚିଠି କରିଛନ୍ତି। ଚିଠି ସହ ତ୍ବରିତ ଏହାକୁ ଲାଗୁ କରିବାକୁ ମଧ୍ୟ କୁହାଯାଇଛି। ଶୁକ୍ରବାର ଦିନ ରାଜ୍ୟ ସରକାରଙ୍କ କର୍ମଚାରୀ ଓ ସଂଘ ଦ୍ବାରା ବାନ ପାଇଁ ଯାଚିକା ଦାୟର କରିବା ପରେ ରାଜ୍ୟ ସରକାର ବ୍ୟାନ ଅଡର ଜାରି କରିଥିଲେ। ଯାଚିକାରେ ଦର୍ଶା ଯାଇଥିଲା କି, କିଛି ଲୋକ ଅଫିସ ମଧ୍ୟରେ ପସି ଫଟୋ ଉଠାଇବା ସହ ଭିଡିଓଗ୍ରାଫି କରି କର୍ମଚାରୀଙ୍କୁ ନିର୍ଯାତନା ଦେଉଛନ୍ତି। ଏହା ଅଭିଯୋଗ ହେବାପରେ ମୁଖ୍ୟମନ୍ତ୍ରୀ କାର୍ଯ୍ୟାନୁଷ୍ଠାନ ନେଇ ସମସ୍ତ ସରକାରୀ ଅଫିସରୁ ଫଟୋଗ୍ରାଫି ଓ ଭିଡିଓ ଲାଇଜେସନ କରିବା ଉପରେ ଜାରି ନିଷେଦ୍ଧାଦେଶ ଉଠାଇ ନିଆଯାଇଛି l

• ଶିଳା ରାୟଙ୍କ ରିପୋର୍ଟ

ମଧ୍ୟପ୍ରଦେଶରେ ଘଟିଛି ଏଭଳି ଘଟଣା । ଜାତୀୟ ଗଣମାଧ୍ୟମ ଖବର ଆଧାରରେ ଏଭଳି ଏକ ରିପୋର୍ଟ ପ୍ରକାଶ ପାଇଛି । ରିପୋର୍ଟ ଅନୁସାରେ, ସୋମବାର ନଗର ନିଗମ ନିର୍ବାଚନ ପ୍ରଚାର ସରିବା ପରେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ୱାନ୍ ଖଜୁରାହୋ ବିମାନବନ୍ଦର ଭିଆଇପି ଲାଉଞ୍ଜକୁ ଜଳଖିଆ ପାଇଁ ଯାଇଥିଲେ। ଏହି ସମୟରେ ତାଙ୍କୁ ଥଣ୍ଡା ଚା ପରସାଯାଇଥିଲା। ହେଲେ ଅଳ୍ପ ସମୟ ପାଇଁ ସେଠାରେ ଅଟକିଥିବାରୁ ଚା’ ପିଇ ନଥିଲେ ମୁଖ୍ୟମନ୍ତ୍ରୀ। ମୁଖ୍ୟମନ୍ତ୍ରୀଙ୍କୁ ଥଣ୍ଡା ଚା’ ଦେବା ଅଫିସରଙ୍କୁ ପଡ଼ିଲା ମହଙ୍ଗା। ମୁଖ୍ୟମନ୍ତ୍ରୀ ଚାଲିଯିବା ପରେ ଆସିଲା ଲମ୍ବା ନୋଟିସ୍। କାହିଁକି ଥଣ୍ଡା ଚା’ ଦେଲେ ତାର କାରଣ ଦର୍ଶାଅ।

ନୋଟିସ୍ ପାଇବା ପରେ ଡରିଲେ ଅଫିସର। ଶେଷରେ ଏମିତି ହେଲା ଯେ ନୋଟିସ୍ ଫେରାଇନେଲେ ଜିଲ୍ଲାପାଳ। ଥଣ୍ଡା ଚା’ ପାଇଁ କିନ୍ତୁ ଜୁନିୟର ସପ୍ଲାଏ ଅଫିସର ରାକେଶ କନଉହ୍ୱାଙ୍କୁ କାରଣ ଦର୍ଶାଅ ନୋଟିସ ପଠାଇଥିଲା ଜିଲ୍ଲା ପ୍ରଶାସନ। ସବ ଜିଭିଜୋନାଲ ମାଜିଷ୍ଟ୍ରେଟ୍‌ ଡିପି ଦ୍ୱିବେଦୀ ରାକେଶଙ୍କୁ ନୋଟି୍ସ କରିଥିଲେ। ଯେଉଁଥିରେ ଲେଖାଥିଲା “ଆପଣଙ୍କୁ ଚା’ ଜଳଖିଆର ଦାୟିତ୍ୱ ଦିଆଯାଇଥିଲା। ହେଲେ ଦିଆଯାଇଥିବା ଚା’ର ମାନ ଅତି ନିମ୍ନାମାନର ଥିଲା। ଥଣ୍ଡା ଚା’ ପରସାଯାଇଥିଲା। ଏହାଦ୍ୱାରା ଭିଆଇପି ପ୍ରୋଟକଲ ଭଙ୍ଗ ହୋଇଛି। ”

ପ୍ରଶାସନର ଏଭଳି ନୋଟିସ୍‌ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା। ଏହାକୁ ନେଇ ନାନା ସମାଲୋଚନାର ଶିକାର ହେବା ପରେ ଜିଲ୍ଲା କଲେକ୍ଟର ନୋଟିସ୍ ଫେରାଇ ନେବାକୁ ନିର୍ଦ୍ଦେଶ ଦେଇଛନ୍ତି। ନୋଟିସ୍ ରଦ୍ଦ କରିବାକୁ ଏସ୍‌ଡିଏମ୍‌କୁ କୁହାଯାଇଛି। ଏହାକୁ ନେଇ ବିରୋଧୀ ମଧ୍ୟ ଶିବରାଜ ସରକାରଙ୍କୁ ତୀବ୍ର ସାମାଲୋଚନା କରିଛନ୍ତି। ଏଭଳି ତ୍ରୁଟି ପାଇଁ କାହିଁକି ଆପଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ନାହିଁ ବୋଲି ନୋଟିସ୍‌ରେ ପ୍ରଶ୍ନ କରାଯାଇଥିଲା। ୩ ଦିନ ଭିତରେ ଏହାର ଉତ୍ତର ରଖିବାକୁ କୁହାଯାଇଥିଲା। ଉତ୍ତର ନଦେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଥିଲା।

• ଅଭିଷେକ ପୁରୋହିତଙ୍କ ରିପୋର୍ଟ

ଇଡି କବଜାରେ ଝାରଖଣ୍ଡ ମୁଖ୍ୟମନ୍ତ୍ରୀଙ୍କ ସହଯୋଗୀ ପଙ୍କଜ ମିଶ୍ର। ମନି ଲଣ୍ଡରିଂ ମାମଲାରେ ଇିଡି ପକ୍ଷରୁ ପଙ୍କଜଙ୍କ ଘରେ ଚଢାଉ କରାଯାଇଥିଲା। ଝାରଖଣ୍ଡର ସାହିବଗଞ୍ଜ ଜିଲ୍ଲା ଏବଂ ବରହେଟ, ରାଜମହଲ ସହରର ପାଖାପାଖି ୧୮ଟି ସ୍ଥାନରେ ଏହି ଚଢାଉ ହୋଇଥିଲା। ପଙ୍କଜ ମିଶ୍ରଙ୍କ ବ୍ୟତୀତ ତାଙ୍କର ସମ୍ପର୍କୀୟ ମିର୍ଜାଚୋକି ସ୍ଥିତ ବ୍ୟବସାୟୀ ରାଜୁ, ପାତ୍ରୃ ସିଂ ଏବଂ ଟ୍ୱୁଙ୍କିଲ ଭାଗବତଙ୍କ ଘରେ ମଧ୍ୟ ଉଡି ପକ୍ଷରୁ ଚଢାଉ କରାଯାଇଛି। ବିଜେପି ଦ୍ୱାରା ବାରମ୍ୱାର ଅଭିଯୋଗ ହୋଇଥିଲା ଯେ, ପଙ୍କଜ ମିଶ୍ର ସନ୍ଥାଲରେ ପଥର ଖଣିର ସମସ୍ତ ବ୍ୟବସାୟ ପରିଚାଳନା କରୁଛନ୍ତି। ଏହା ବ୍ୟତୀତ ଇଡି ବାରହାରାଠାରେ କୃଷ୍ଣ ସାହାଙ୍କ ସମେତ ତିନିଜଣ ପଥର ବ୍ୟବସାୟୀଙ୍କ ଘରେ ଚଢାଉ କରିଛି।  ଚଢାଉ ବେଳେ ଅଧିକାରୀମାନେ ନଗଦ 5 କୋଟି ଟଙ୍କା ଜବତ କରିଥିବା ଜଣାପଡିଛି। ଅନ୍ୟପଟେ ଇଡି ପକ୍ଷରୁ ଅଧିକ ତଦନ୍ତ ଜାରି ରହିଛି।

ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

ମହାରାଷ୍ଟ୍ର ରାଜନୀତି ର ହିରୋ । ଅଟୋ ଚାଳକ ଚଲାଇବେ ମହାରାଷ୍ଚ୍ର । ଏକନାଥ ସିନ୍ଧେ ମୁଖ୍ୟମନ୍ତ୍ରୀ ହେବା ପଛର ରହସ୍ୟ । ଏକନାଥ ସିନ୍ଧେ ମୁଖ୍ୟମନ୍ତ୍ରୀ ହେବେ ବିଜେପି ବାହାରୁ ସମର୍ଥନ ଦେବ ବୋଲି ଦେବେନ୍ଦ୍ର ଫଡନାଭିସ୍ ସାମ୍ବାଦିକ ସମ୍ମିଳନୀରେ ଘୋଷଣା କରିଥିଲେ ।କିନ୍ତୁ କିଛି ସମୟ ପରେ ବିଜେପି ସଭାପତି ଜେ.ପି ନଡ୍ଡା ଘୋଷଣା କଲେ ଦେବେନ୍ଦ୍ର ଫଡନାଭିସ୍ ଉପ ମୁଖ୍ୟମନ୍ତ୍ରୀ ହେବେ । ସବୁବେଳେ ଯୋଜନା ଅନୁଶାସନ ଭିତରେ ରହୁଥିବା ଦଳ ରେ ଏହା ସାମାନ୍ୟ କଥା ନୁହେଁ । ସବୁଠାରୁ ଆଶ୍ଚର୍ଯ୍ୟ କଥା ହେଉଛି । ଏକନାଥ ସିନ୍ଧେ ମୁଖ୍ୟମନ୍ତ୍ରୀ ହେବେ ବୋଲି ଜାଣିଥିଲେ କିନ୍ତୁ ଦେବେନ୍ଦ୍ର ଫଡନାଭିସ୍ ଉପମୁଖ୍ୟମନ୍ତ୍ରୀ ହେବେ ବୋଲି ଜାଣିନଥିଲେ । ଏଥିରୁ ଷ୍ପଷ୍ଟ ପ୍ରମାଣିତ ହେଉଛି ଯେ ଫଡନାଭିସ୍ ଙ୍କୁ ମୁଖ୍ୟମନ୍ତ୍ରୀ କରିବାରେ କେଉଁଠି ନା କେଉଁଠି ଅସୁଦିଧା ରହିଥିଲା ।

ମିଡିଆ ସୁତ୍ରରୁ ମିଳିଥିବା ଖବର ଅନୁସାରେ 2024 ନିର୍ବାଚନ ପୁର୍ବରୁ କେନ୍ଦ୍ର ସରକାର ଙ୍କ ନୀତି କୁ ଲାଗୁ କରିବା ପାଇଁ ସରକାର ଜଣେ ବିଜେପି ନେତା ଙ୍କୁ ରଖିବା ପାଇଁ ଚାହୁଁଥିଲେ । ଫଳରେ ଅମଲାତନ୍ତ୍ର ଉପରେ ଅଙ୍କୁଶ ରହିବା ସହତ ସ୍ଥାୟୀ ସରକାର ପ୍ରତିଷ୍ଟା ହେବ । ଯଦି ଫଡନାଭିସ ସରକାର ରେ ରହୁନହାଁନ୍ତି ତେବେ ଅନ୍ୟ ଶକ୍ତିକେନ୍ଦ୍ର ସୃଷ୍ଟି ହେବା ସମ୍ଭାବନା ରହିପାରେ ଯାହା ଆଗକୁ ସମସ୍ୟା ହୋଇପାରେ । ସିନ୍ଧେ ଙ୍କୁ ନେଇ ବିଜେପି ର ଉଦ୍ଦେଶ୍ୟ ଷ୍ପଷ୍ଟ ଥିଲା ଶିବେସେନା ବିଧାୟକଙ୍କ ସମର୍ଥନ ମିଲିଗଲା ତ ସିନ୍ଧେ ମୁଖ୍ୟମନ୍ତ୍ରୀ ହେବେ । ମହାରାଷ୍ଟ୍ର ର ରାଜୈନିତିକ ଅସ୍ଥିରତା ଦେଖାଦେବା ସମୟରେ ଫଡନାଭିସ୍ ଦୁଇ ଥର ଦିଲ୍ଲୀ ଯାଇ ସଭାପତି ଜେ.ପି ନଡ୍ଡା ଓ ଅମିତ ଶାହା କୁ ସକ୍ଷାତ କରିଛନ୍ତି କିନ୍ତୁ ତାଙ୍କୁ କୌଣସି ସୁଚନା ନଥିଲା । ଉଦ୍ଧବ ଠାକରେ ଇସ୍ତପା ଦେବା ସମୟେର ପାର୍ଟୀ ପକ୍ଷରୁ ବଧାଇ ବାର୍ତ୍ତା ଆସିଥିଲା ଯାହାକୁ ନେଇ ସେ ଖୁସି ଥିଲେ ।

ବିଜେପି ବରିଷ୍ଟ ନେତା କହିବା ଅନୁସାରେ ଏ ସମସ୍ତ ନିଷ୍ପତ୍ତି ଦିଲ୍ଲୀ ରୁ ହୋଇଛି । ଖାଲି ସେତିକି ନୁହେଁ ବିଜେପି ଜାତୀୟ ରାଜନୀତି ସମୀକରଣ କୁ ଦୃଷ୍ଟିରେ ରଖିଛନ୍ତି । ତିନି ପ୍ରତିଶତ ବ୍ରାହ୍ମଣ ଥିବା ରାଜ୍ୟରେ ଜଣେ ବ୍ରାହ୍ମଣ ମୁଖ୍ୟମନ୍ତ୍ରୀ ହେଲେ ବିରୋଧୀ ସରକାର ଆକ୍ରମଣ କରିବେ । ଏକନାଥ ସିନ୍ଧେ ମରାଠା ସମ୍ପ୍ରଦାୟ କୁ ପ୍ରତିନିଧିତ୍ବ କରୁଛନ୍ତି । ଯାହାକି ରାଜ୍ୟର ୩୦ ପ୍ରତିଶତ । ଫଡନାଭିସ ଙ୍କ ମୁଖ୍ୟମନ୍ତ୍ରୀ ଥିବା ସମୟରେ ମରାଠା ମାନେ ଜବରଦସ୍ତ ବିରୋଧ କରିଥିଲେ । ଏହା ସହିତ ଦେବେନ୍ଦ୍ର ଫଡନାଭିସ ଆଗକୁ ବଢିବା ନେଇ ଏକ ଲଗାମ ଲଗାଇବା ପାଇଁ ପାର୍ଟୀ ଚାହୁଁଥିଲା । ଫଡନାଭିସ ଙ୍କ ଲୋକପ୍ରିୟତା ଉଭୟ ରାଜ୍ୟ ଓ କେନ୍ଦ୍ର ପାଇଁ ହଜମ ହେଉନଥିଲା । ଭବିଷ୍ୟତରେ ଫଡନାଭିସ୍ ଜାତୀୟ ସ୍ତରରେ ବିଜେପି ରେ ହେବିୱେଟ୍ ହେବେନି ତଃ ସେନେଇ ଚର୍ଚ୍ଚା ହେଉଥିଲା l ରାଜନାତୀରେ କେତେବେଳେ କେଉଁ ସମୀକରଣ ତିଆରି ହେବ ତାହା କହିବା କଷ୍ଟ ।

ସ୍ମରିଜିତ୍ ଆର୍ଯ୍ୟଙ୍କ ରିପୋର୍ଟ

କାନ୍ଧିଲେ ମୁଖ୍ୟମନ୍ତ୍ରୀ। କାହିଁକି କାନ୍ଧିଲେ କର୍ଣାଟକ ମୁଖ୍ୟମନ୍ତ୍ରୀ ବାସବରାଜ ବୋମାଇ । କାରଣ ଜାଣିଲେ ଆପଣ ଚକିତ ହୋଇଯିବେ । ରାଜ୍ୟର କୌଣସି ବିପତ୍ତି ପାଇଁ ନୁହେଁ ସେଭଳି କୌଣସି ଗମ୍ଭୀର ପରିସ୍ଥିତି ନୁହେଁ । ଫିଲ୍ମ ଦେଖି ମୁଖ୍ୟମନ୍ତ୍ରୀ କାନ୍ଧିଲେ ।ଆଶ୍ଚର୍ଯ୍ୟ ଲାଗିଲେ ମଧ୍ୟ୍ୟ ଘଟଣା ଟି ସତ୍ୟ । 777 ଚାର୍ଲି ଫିଲ୍ମ ଦେଖି ମାନ୍ୟବର ମୁଖ୍ୟମନ୍ତ୍ରୀ କାନ୍ଧିଲେ । ଏହି ଫିଲ୍ମରେ କୁକୁର ଓ ମଣିଷ ମଧ୍ୟ୍ୟରେ ସମ୍ପର୍କର ନିବଡତା କଥା ପ୍ରଦର୍ଶିତ ହୋଇଛି । ରକ୍ଷଶିତ ସେଟୀ ଙ୍କ ନୁଆ ଫିଲ୍ମି 777 ଚାର୍ଲି 5 ଟି ଭାଷାରେ 10 ଜୁନ 2022 ଦିନ ରିଲିଜ୍ ହେଲା ।

13 ଜୁନ ଦିନ ମୁଖ୍ୟମନ୍ତ୍ରୀ ଏହି ଫିଲ୍ମ କୁ ଦେଖିଲେ । ଦେଖିଲେ କିନ୍ତୁ ପରିସ୍ଥିତି କୁ ନିୟନ୍ତ୍ରଣ କରିପାରଲେ ନାହିଁ । ଆଖିରେ ଲୁହ ପଳାଇ ଆସିଲା । ଫିଲ୍ମ ଦେଖି ତାଙ୍କ କୁକୁର କଥା ମନେପଡଗିଲା । କୁକର ଗୋଟିଏ ବିଶ୍ବସ୍ତ ପ୍ରାଣୀ । କୁକୁର ର ଭଲପାଇବା ନିସର୍ତ୍ତମୁଳକ । କୁକୁର ଭଲପାଇବା ଦେଖିବା ପରେ ମୁଖ୍ୟମନ୍ତ୍ରୀଙ୍କର ନିଜ କୁକୁର କଥା ମନେପଡିଯାଇଥିଲା । ଶେଷରେ ନିଜର କୁକୁର କଥା ଭାବି ଭାବି କାନ୍ଧିଥିଲେ।

• ସ୍ମରଜିତ୍ ଆର୍ଯ୍ୟ ଙ୍କ ରିପୋର୍ଟ