CONTROVERSY

  • ଅମୂଲ କ୍ଷୀରକୁ ନେଇ ବିବାଦ ଓ ରାଜନୀତି

    AMUL IN CONTROVERSY..PKG..PRADEEP/BBSR

    () କର୍ଣ୍ଣାଟକରେ ଅମୂଲ କ୍ଷୀରକୁ ନେଇ ବିବାଦ ଓ ରାଜନୀତି ଜୋର୍ ଧରିଛି। ଗୋଟିଏ ପଟେ ଅମୂଲ ବ୍ରାଣ୍ଡ୍ ତ ଅନ୍ୟ ପଟେ ନନ୍ଦିନୀ ବ୍ରାଣ୍ଡ୍। ନନ୍ଦିନୀ ହେଉଛି କର୍ଣ୍ଣାଟକ ମିଲ୍କ ଫେଡେରେସନର ବ୍ରାଣ୍ଡ୍। ସେଥିଲାଗି ରାଜ୍ୟରେ ଅମୂଲ୍ ପ୍ରବେଶକୁ ନେଇ ବିବାଦ ଜୋର ଧରିଛି। ଆଉ ଏହି ବିବାଦକୁ ତାଳ ଦେଇ ରାଜ୍ୟ ରାଜନୀତି ବି ଘମାସାନ ହେଲାଣି।

    ମେ ୧୦ରେ କର୍ଣ୍ଣାଟକ ବିଧାନସଭା ନିର୍ବାଚନ। ଆଉ ବିଧାନସଭା ନିର୍ବାଚନ ଆଗରୁ କର୍ଣ୍ଣାଟକରେ କ୍ଷୀରକୁ ନେଇ ରାଜନୀତି ତେଜ୍ ହେଲାଣି ବଡ଼ ବିବାଦ ମୁଣ୍ଡ ଟେକିଲାଣି। ଦେଶର ବଡ଼ ଡାଏରୀ ପ୍ରଡକ୍ଟସ କମ୍ପାନୀ ଅମୂଲକୁ କେନ୍ଦ୍ର କରି ଏହି ବିବାଦ ଓ ରାଜନୀତି ଘମାସାନ ହେଲାଣି। ମୁଖ୍ୟତଃ ରାଜ୍ୟରେ ଅମୂଲ ବ୍ରାଣ୍ଡ୍‌ର କ୍ଷୀର ପ୍ରବେଶକୁ ନେଇ ବିବାଦ ବଢ଼ିଛି। କାରଣ ଅମୂଲ୍ ପ୍ରବେଶକୁ ବିରୋଧ କରୁଛି କର୍ଣ୍ଣାଟକ ମିଲ୍କ ଫେଡେରେସନର କମ୍ପାନୀ ନନ୍ଦିନୀ ଏହି ଦୁଇ ବ୍ରାଣ୍ଡ୍ ଭିତରେ ଜାରି ଥିବା ବ୍ୟବସାୟିକ ଲଢ଼େଇ ଏବେ କର୍ଣ୍ଣାଟକ ରାଜନୀତିରେ ବଡ଼ ପ୍ରସଙ୍ଗ ଭାବେ ଛିଡ଼ା ହେବାକୁ ଗଲାଣି କାରଣ ବିରୋଧୀ ଦଳ ଅମୂଲ ବ୍ରାଣ୍ଡ୍‌ର ଏଣ୍ଟ୍ରିକୁ ନେଇ ବିରୋଧ ଜାରି ରଖିଛନ୍ତି। ଅମୂଲ ଗୋ ବ୍ୟାକ୍ ନାରାରେ କମ୍ପାଉଛନ୍ତି ବିରୋଧୀ ଦଳ। ଆଉ ସୋସିଆଲ ମିଡ଼ିଆରେ ଗୋ ବ୍ୟାକ୍ ଅମୂଲ ସେଭ୍ ନନ୍ଦିନୀ ନାଁରେ ହାସଟ୍ୟାଗ୍ ଜୋରଦାର ଟ୍ରେଣ୍ଡିଂ କରୁଛି ବିଭିନ୍ନ ଦୋକାନ ଯାଇ ନନ୍ଦିନୀ ବ୍ରାଣ୍ଡ ସବୁଠୁ ଉତ୍କୃଷ୍ଟ କହି ରାଜ୍ୟରେ ଆଉ କୌଣସି ବ୍ରାଣ୍ଡ୍‌ର ଆବଶ୍ୟକତା ନାହିଁ କହି କ୍ୟାମ୍ପେନ୍ ଆରମ୍ଭ କରିଛନ୍ତି ବିରୋଧୀ।

    ଏ ପ୍ରସଙ୍ଗ ସେତେବେଳେ ନିଆଁ ଧରିଥିଲା, ଯେତେବେଳେ ଅମୂଲ ଏକ ଟ୍ୱିଟରରେ ପୋଷ୍ଟ କରି ଲେଖିଥିଲା କି, କ୍ଷୀର ଦହି ସହ ବେଙ୍ଗାଲୁରୁରେ ଏକ ନୂଆ ଲହର ଆସୁଛି ଅଧିକ ବିବରଣୀ ଆସିବା ଅପେକ୍ଷାରେ ଲଞ୍ଚ୍ଆଲର୍ଟ। ଆଉ ଏହି ଟ୍ୱିଟରରେ ସୂଚନା ପରେ ରାଜ୍ୟରେ ଚର୍ଚ୍ଚା ଆରମ୍ଭ ହୋଇଗଲା କି, ଗୁଜୁରାଟ ଭିତ୍ତିକ କୋଅପରେଟିଭ ସୋସାଇଟିର ଅମୂଲ୍ ବ୍ରାଣ୍ଡ୍ ଜରିଆରେ ବିଜେପି କର୍ଣ୍ଣାଟକ ମିଲ୍କ ଫେଡେରେସନ ବା କେଏମଏଫର ବ୍ରାଣ୍ଡ୍ ନନ୍ଦିନୀକୁ ଖତମ କରିବାକୁ ପ୍ରୟାସ କରୁଛି କଂଗ୍ରେସ ସମେତ ଅନ୍ୟାନ୍ୟ ବିରୋଧୀ ଦଳର କହିବା କଥା, ଏହା ଦ୍ୱାରା ଅମୂଲକୁ ଅଧିକ କ୍ଷୀର କିଣିବା ଓ ବିକିବାର ସୁଯୋଗ ମିଳିବ। ଅମୂଲ ଏଣ୍ଟ୍ରିରେ ନନ୍ଦିନୀ ବ୍ରାଣ୍ଡ୍ ପ୍ରଭାବିତ ହେବ। ଗୁଜରାଟର ଅମୂଲ କ୍ଷୀରକୁ ବିକ୍ରି ଲାଗି ବିଜେପି ଚକ୍ରାନ୍ତ କରୁଛି। ପୂର୍ବତନ ମୁଖ୍ୟମନ୍ତ୍ରୀ ଏଚଡି କୁମାରସ୍ୱାମୀ ବି ଅମୂଲକୁ ରାଜ୍ୟରେ ପ୍ରବେଶକୁ ବିରୋଧ କରିଛନ୍ତି। କୁମାରସ୍ୱାମୀ କହିଛନ୍ତି, ଏକ ରାଷ୍ଟ୍ର, ଏକ ଅମୂଲ, ଏକ ଦୁଧ ଏକ ଗୁଜରାଟ ଲାଗୁଛି ଯେମିତି କେନ୍ଦ୍ର ସରକାରଙ୍କ ଅଧିକାରୀକ ନୀତି ହୋଇଯାଇଛି ସେପଟେ ମୁଖ୍ୟମନ୍ତ୍ରୀ ବସବରାଜ ବୋମାଇଙ୍କ କହିବା କଥା, ଅମୂଲ ବ୍ରାଣ୍ଡ୍ ରାଜ୍ୟରେ ପ୍ରବେଶ ହେଲେ ନନ୍ଦିନୀ ବ୍ରାଣ୍ଡ୍ ବିଲକୁଲ ପ୍ରଭାବିତ ହେବନି। କାରଣ ନନ୍ଦିନୀ ବ୍ରାଣ୍ଡ୍ ରାଜ୍ୟର ସ୍ଥିର ବ୍ରାଣ୍ଡ୍ ଅଟେ। ଅମୂଲକୁ କଡ଼ା ବ୍ୟବସାୟିକ ପ୍ରତିଦ୍ୱନ୍ଦିତା କରିବାରେ ନନ୍ଦିନୀ ବେଶ୍ ସକ୍ଷମ। କେଏମଏଫର ଅନେକ ଡାଏରୀ କର୍ଣ୍ଣାଟକରେ ବିଜେପି ଶାସନ କାଳରେ ହିଁ ସ୍ଥାପିତ ହୋଇଥିଲା ବିରୋଧୀ ତୁଛାଟାରେ ଏଥିରେ ରାଜନୀତିର ରଙ୍ଗ ଦେଉଛନ୍ତି ନନ୍ଦିନୀ ଏକ ନାସନାଲ ବ୍ରାଣ୍ଡ୍। ଏହା କେବଳ ରାଜ୍ୟରେ ସୀମିତ ରହିନି। ଅନ୍ୟ ରାଜ୍ୟରେ ବି ନନ୍ଦିନୀ ବ୍ରାଣ୍ଡ୍ ବହୁଳ ପ୍ରଚାରିତ ଓ ପ୍ରସାରିତ।

    ଅମୂଲ ବ୍ରାଣ୍ଡ୍‌ର ପ୍ରବେଶକୁ ନେଇ ରାଜନୀତି ପ୍ରଖର ହୋଇଛି କର୍ଣ୍ଣାଟକରେ। ଶାସକ ବିରୋଧୀ ଉଭୟ ଚାଷୀଙ୍କ ହିତରେ ଅଛନ୍ତି ବୋଲି ଦର୍ଶାଉଛନ୍ତି ଆଉ ଚାଷୀ ହିତରେ କିଏ ଆଗରେ, ତାକୁ ଦର୍ଶାଇବାକୁ ଯାଇ ଏବେ ଅମୂଲ ବନାମ ନନ୍ଦିନୀ ବ୍ରାଣ୍ଡ୍ କୁ ନେଇ ରାଜନୀତି ତେଜିଛି। କର୍ଣ୍ଣାଟକ ମିଲ୍କ ଫେଡେରେସନ ଦ୍ୱାରା ବେଙ୍ଗାଲୁରୁରେ ନନ୍ଦିନୀ ବ୍ରାଣ୍ଡ୍ କ୍ଷୀର ଯୋଗାଣ କରୁଥିବା ସବୁଠୁ ବଡ଼ ବ୍ରାଣ୍ଡ୍ ଅଟେ। ଦୈନିକ ୨୩ ଲକ୍ଷ ଲିଟର କ୍ଷୀର, ଯାହାକି ବେଙ୍ଗାଲୁରୁର କ୍ଷୀର ବଜାରର ପ୍ରାୟ ୭୦ ପ୍ରତିଶତ ଅଟେ, ତାକୁ ନନ୍ଦିନୀ ବ୍ରାଣ୍ଡ୍ କିଣିଥାଏ ଏମିତିରେ ଦୈନିକ ନନ୍ଦିନୀ ବ୍ରାଣ୍ଡ୍ ୩୩ ଲକ୍ଷ ଲିଟର କ୍ଷୀର ବିକ୍ରି କରିଥାଏ ସେପଟେ ଏହି ବିବାଦ ଉପରେ ଅମୂଲ କମ୍ପାନୀର କହିବା କଥା, ଏବେ ଆପାତତଃ ଅମୂଲ ବ୍ରାଣ୍ଡ୍ କମର୍ସ ଚ୍ୟାନେଲ ଜରିଆରେ ବିକ୍ରି କରିବ। ଏହା ଏବେ ଜେନେରାଲ ଟ୍ରେଣ୍ଡ ଉପରେ ଧ୍ୟାନ କେନ୍ଦ୍ରୀଭୂତ କରୁନି। କାରଣ ଟ୍ରେଣ୍ଡ ପାଇଁ ଦର ତଳକୁ ଖସାଇବାକୁ ପଡ଼ିବ। ଅମୂଲର ଏଣ୍ଟ୍ରି କର୍ଣ୍ଣାଟକରେ ମାସ ପରେ ହିଁ ଆସିପାରେ

    ପ୍ରଦୀପ ନାୟକଙ୍କ ରିପୋର୍ଟ

  • ବିବାଦରେ ପଦ୍ମଶ୍ରୀ କମଳା ପୂଜାରୀ

    କୋରାପୁଟ: ସୁସ୍ଥ ହୋଇ ଘରକୁ ଫେରିଲେ ପଦ୍ମଶ୍ରୀ କମଳା ପୂଜାରୀ। ସେ ପୂର୍ବ ଅପକ୍ଷା ସୁସ୍ଥ ଥିବା କହିଛନ୍ତି। ତାଙ୍କ ଚିକିତ୍ସାରେ ନିୟୋଜିତ ହୋଇଥିବା ଡାକ୍ତରଙ୍କୁ ସେ ଧନ୍ୟବାଦ ଜଣାଇଛନ୍ତି।  ଏହାସହ ଜିଲ୍ଲା ପ୍ରଶାସନ ଠାରୁ ଆରମ୍ଭ କରି ରାଜ୍ୟ ସରକାରଙ୍କୁ ସେ ଧନ୍ୟବାଦ ଦେଇଛନ୍ତି। ସେହିପରି ତାଙ୍କ ଚିକିତ୍ସା ସମୟରେ ତାଙ୍କ ସହ କଟକ SCBରେ ଥିବା ସମାଜସେବୀ ମମତା ବେହେରାଙ୍କୁ ମଧ୍ୟ ସେ ପ୍ରଶଂସା କରିଛନ୍ତି। ମମତା ଡାକ୍ତରଖାନାରେ ତାଙ୍କର ସେବା କରିଥିବା ସେ କହିବା ସହ ମମତାଙ୍କୁ ନିଜର ଜଣେ ଭଲ ସାଙ୍ଗ ବୋଲି କହିଛନ୍ତି। ଅପରପଟେ ଉଭୟଙ୍କର ଏକ ନାଚ ଭିଡିଓ ଭାଇରାଲ ହେଉଛି ଯେଉଁଥିରେ ସେ ମେଡିକାଲ ଭିତରେ ନାଚିଥିବାର ନଜର ଆସିଛନ୍ତି, ଯାହାକୁ ନେଇ ବିବାଦ ଚାଲିଛି। ଏନେଇ ପଦ୍ମଶ୍ରୀ କମଳା କହିଛନ୍ତି ଯେ, ଡାକ୍ତରଖାନାରୁ ଡିସଚାର୍ଜ ହେବା ସମୟରେ ଉଭୟେ ଖୁସିରେ ଅଳ୍ପ ସମୟ ଢେମସା ନାଚି ଥିଲେ।

  • ବିବାଦରେ ସୋର ସବଜେଲର

    ବାଲେଶ୍ୱର: ସୋର ସବଜେଲର ପିଛାଛାଡୁନି ବିବାଦ। ଆଜି ଜଣେ ବିଚାରାଧିନ କୟେଦୀ ଫେରାର। ବାଲେଶ୍ୱର ଜିଲ୍ଲା ସୋର ସବଜେଲର ପିଛା ଛାଡ଼ୁନି ବିବାଦ। ବିଭିନ୍ନ ସମୟରେ ସୋର ସବଜେଲରେ ବିଭିନ୍ନ ଅନିୟମିତତାକୁ ନେଇ ଚର୍ଚ୍ଚା ଲାଗିରହିଛି । ଜେଲ ବାହାରେ କାମ କରୁଥିଲା ବେଳେ ସୁଯୋଗ ଦେଖି ଚମ୍ପଟ ମାରିଛି କୟେଦୀ। ଜେଲର ଭାବେ ପ୍ରିୟମ୍ବତା ପଣ୍ଡା ଆସିବାପରେ କିଛିଦିନ ତଳେ ଜେଲରେ କଏଦୀ ମାଡ଼ ମରା ଘଟଣା, ନିମ୍ନ ମାନର ଖାଦ୍ୟ ଦେଉଥିବା ଅଭିଯୋଗ, ଜଣେ କଏଦୀ ପାଇଖାନାରେ ଆତ୍ମହତ୍ୟା ଘଟଣା, ଜେଲ ଭିତରେ ମୋବାଇଲ ଜବଦ ଘଟଣାରେ ସୋର ଜେଲ ଚର୍ଚ୍ଚାରେ ରହିଆସିଛି। ଉଚ୍ଚ କତ୍ତୃପକ୍ଷ ଏହାକୁ ଦୃଷ୍ଟି ଦେଇ ଆବଶ୍ୟକ ତଦନ୍ତ କରି ,ଦାୟୀ କର୍ମଚାରୀ ମାନଙ୍କୁ ଦଣ୍ଡିତ କରିବାର ଆବଶ୍ୟକତା ରହିଛି।। ଅନ୍ୟପଟେ ଜେଲର ସମେତ ଜେଲ କର୍ମଚାରୀ ମାନେ ଫେରାର କୟେଦୀକୁ ଧରିବାପାଇଁ ଏବେବି ଖୋଜାଖୋଜି ଜାରି ରଖିଛନ୍ତି। ଏ ବିଷୟରେ ଜେଲର ପ୍ରିୟମ୍ବତା ପଣ୍ଡାଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।

  • ଅଶୋକ ସ୍ତମ୍ଭକୁ ନେଇ ଆରମ୍ଭ ହୋଇଛି ରାଜନୀତି

    ନୁଆ ସଂସଦ ଭବନର ଛାତ ଉପରେ ଉନ୍ମୋଚିତ ହୋଇଥିବା ଅଶୋକ ସ୍ତମ୍ଭକୁ ନେଇ ଆରମ୍ଭ ହୋଇଛି ରାଜନୀତି । ବିରୋଧୀ ଅଭିଯୋଗ କରିଛନ୍ତି ମୂଳ ଅଶୋକ ସ୍ତମ୍ଭ ଓ ନୁଆ ଅଶୋକ ସ୍ତମ୍ଭ ମଧ୍ୟ୍ୟରେ ଅନେକ ଫରକ ଅଛି । ମୂଳ ଅଶୋକ ସ୍ତମ୍ଭ ରେ ସିଂହ ଗୁଡିକର ମୁହଁ ସେତିକି ଖୋଲିନି ବା ଭୟଙ୍କର ନୁହଁ ଯେତିକି ନୁଆ ଅଶୋକ ସ୍ତମ୍ଭରେ ରହିଛି । ନୁଆ ଅଶୋକ ସ୍ତମ୍ଭରେ ଥିବା ସିଂହ ଗୁଡିକ ହିଂସ୍ର ଦେଖାଯାଉଛନ୍ତି ବୋଲି ବିରୋଧୀ ଦଳ ନେତା ଅଭିଯୋଗ କରିଛନ୍ତି । ଟିଏମସି ସାଂସଦ ଜୱାହାର ସିରକାର କହିଛନ୍ତି ଯେ ନୁଆ ଅଶୋକ ସ୍ତମ୍ଭ ଆମ ଜାତୀୟ ପ୍ରତୀକ ପ୍ରତି ଅପମାନ । ମୂଳ ଅଶୋକ ସ୍ତମ୍ଭରେ ଥିବା ସିଂହ ମାନେ ଅନୁଶାସନ ପ୍ରିୟ ଓ ଆତ୍ମବିଶ୍ବାସ ଭାର ଦେଖାଯାଉଥିବା ବେଳେ ମୋଦୀଙ୍କ ଦ୍ବାରା ସଂସଦ ଭବନ ଉପରେ ନିର୍ମିତ ନୁଆ ଅଶୋକ ସ୍ତମ୍ଭର ସିଂହ ମାନେ ହିଂସ୍ର l

    ଅନାବଶ୍ୟକ ଭାବେ ଆକ୍ରମଣାତ୍ମକ ଓ ଅଂସଗତ ଦେଖାଯାଉଛନ୍ତି । ଏହାକୁ ତୁରନ୍ତ ବଦଲାଇବା ପାଇଁ ଦାବି କରାଯାଉଛି । ସେହିପରି କଂଗ୍ରେସ ନେତା ଜୟରାମ ରମେଶ କହିଛନ୍ତି ଅଶୋକ ସ୍ତମ୍ଭର ଅଭଳି ପରିବର୍ତ୍ତନ ଜାତୀୟ ପ୍ରତୀକ ପ୍ରତି ଅପମାନ l ସେପଟେ ଐତିହାସିକ ମାନେ ଏହାକୁ ଖଣ୍ଡନ କରିଛନ୍ତି । କେନ୍ଦ୍ର ସରକାର ଯାହା କିଛି ନିଷ୍ପତ୍ତି ନେଉଛନ୍ତି ବିରୋଧୀ ଦଳ ଭାବରେ ନିଜର ବିରୋଧ ମନୋଭାବ ପୋଷଣ କରିବା ଏକ ସାଧାରଣ କଥା ହେଲାଣି ।

    • ସ୍ମରଜିତ୍ ଆର୍ଯ୍ୟଙ୍କ ରିପୋର୍ଟ
  • କାଳୀ ଫିଲ୍ମକୁ ନେଇ ବିବାଦ

    ନୂଆଦିଲ୍ଲୀ: ଫିଲ୍ମ ମେକର ଲିନା ମଣିମେକଲଇଙ୍କ ହକୁମେଣ୍ଟାରୀ ଫିଲ୍ମ ‘କାଳୀ’ର ପୋଷ୍ଟରକୁ ନେଇ ସୃଷ୍ଟି ହୋଇଛି ବିବାଦ। ପୋଷ୍ଟରରେ ହିନ୍ଦୀ ଦେବୀ କାଳୀଙ୍କୁ ନେଇ ମଜା କରାଯାଇଥିବା ଅଭିଯୋଗ କରି ସୋସିଆଲ ମିଡିଆରେ ଏହା ଉପରେ ସୁପ୍ରିମକୋର୍ଟଙ୍କୁ ମଧ୍ୟ ଆକ୍ଷେପ କରିବାକୁ ପଛାଇ ନାହାନ୍ତି ୟୁଜର୍ସ। ଜୁଲାଇ ୨ ତାରିଖରେ କାଳୀର ପୋଷ୍ଟର ରିଲିଜ ହୋଇଥିବା ବେଳେ କାଳୀଙ୍କ ଗୋଟିଏ ହାତରେ ସିଗାରେଟ ଓ ଅନ୍ୟଟିରେ ଏଲଜିବିଟିକ୍ୟୁର ପତାକା ଦେଖିବାକୁ ମିଳିଛି।

    ଏହି ପୋଷ୍ଟରକୁ ନେଇ ସୋସିଆଲ ମିଡିଆରେ ଫିଲ୍ମ ମେକରଙ୍କୁ କ୍ଷମା ପ୍ରାର୍ଥନା କରିବାକୁ ଦାବି ହୋଇଥିଲା। ଏହାର ଉତ୍ତରରେ ଲିନା ଟ୍ୱିଟ କରି ଉଲ୍ଲେଖ କରିଛନ୍ତି କି,  ଫିଲ୍ମ ସେହି ଘଟଣା ଚାରି ପାଖେ ଘୁରୁଛୁ ଓ ଟରୋଣ୍ଟୋର ସଡକରେ କାଳୀ ଭ୍ରମଣ କରୁଛନ୍ତି। ଯଦି ଚିତ୍ରକୁ ଦେଖୁଛନ୍ତି ତ, ହାସଟ୍ୟାଗ ‘ଆରେଷ୍ଟ ଲିନା ମଣିମେକଲଇ’ ବଦଳରେ ହାସଟ୍ୟାଗ  ‘ଲଭ ୟୁ ଲିନା’ ଲେଖନ୍ତୁ। ଲିନାଙ୍କ ଏହି କ୍ଲାରିଫିକେସନ ପରେ ସୋସିଆଲ ମିଡିଆ ୟୁଜର୍ସଙ୍କ ନାରାବାଜୀ କମ ହୋଇ ନାହିଁ।

    ଏହା ପରେ ୟୁଜରଙ୍କ ମଧ୍ୟରେ ଦେଖାଦେଇଛି ଉତ୍ତେଜନା।  ଜଣେ ୟୁଜର ଲେଖିଛନ୍ତି, ସରି କହିବା ବଦଳରେ  କହୁଛନ୍ତି ତାଙ୍କୁ ସମର୍ଥନ କରିବାକୁ। ହିନ୍ଦୁଙ୍କ ମଜାକ ଉଡାଇଛି, ତାଙ୍କ ସାହସ ଦେଖ। ଏହି ଭଳି ଅନ୍ୟ ଜଣେ ମଧ୍ୟ କହିଛନ୍ତି, ଏହା ଉପରେ ସୁପ୍ରିମକୋର୍ଟ କଣ କହିବେ? ତେବେ ପିଲ୍ମକୁ କାନାଡା ଫିଲ୍ମ ଫେଷ୍ଟିଭାଲରେ ପ୍ରିମିୟର କରାଯାଇଛି।

Back to top button