deadbody

  • ଯୁବକଙ୍କ ମୃତଦେହ ଉଦ୍ଧାର

    ପୁରୀ: ପୁରୀ ସମୁଦ୍ରରେ ଗାଧୋଇବା ବେଳେ ଯୁବକ ନିଖୋଜ ହେବା ଘଟଣା। ଗତକାଲି ଠାରୁ ନିଖୋଜ ଥିଲେ ଯୁବକ। ଅଗ୍ନିଶମ ବିଭାଗ ଓ ଲାଇଫ ଗାର୍ଡଙ୍କ ଖୋଜା ଖୋଜା ପରେ ଆଜି ପେଣ୍ଠକଟା ନିକଟ ଗଭୀର ସମୁଦ୍ରରୁ ମୃତଦେହ ଉଦ୍ଧାର କରାଯାଇଛିl ମୃତ ଯୁବକ ହେଲେ ପଶ୍ଚିମବଙ୍ଗର ୩୦ବର୍ଷୀୟ ସମ୍ରାଟ ମଣ୍ଡଳ। ତେବେ ଯୁବକଙ୍କ ମୃତଦେହ ଉଦ୍ଧାର କରି ପୁରୀ ସଦର ମୁଖ୍ୟଚିକିତ୍ସାଳୟକୁ ପଠାଯାଇଛି l

  • ରାସ୍ତା କଡରୁ ଶିଶୁପୁତ୍ର ଉଦ୍ଧାର

    ଯାଜପୁର: ଯାଜପୁର କଳିଙ୍ଗନଗର ଥାନା ଅନ୍ତର୍ଗତ ଦୁର୍ଗାପୁର ନିକଟସ୍ଥ ରାସ୍ତା କଡରୁ ୩ ମାସର ଶିଶୁ ପୁତ୍ର ଉଦ୍ଧାର। ସୂଚନା ମୁତାବକ ଗତକାଲି ରାସ୍ତା କଡ଼ରେ ଶିଶୁପୁତ୍ରକୁ କେହି ଛାଡ଼ିଦେଇ ଚାଲିଯାଇଥିଲେ। ଶିଶୁପୁତ୍ରଟିର କାନ୍ଦିବା ଶୁଣି ସ୍ଥାନୀୟ ଅଞ୍ଚଳର ମହେଶ୍ୱର ତିଉ ନାମକ ଜଣେ ମହିଳା ଶିଶୁଟିକୁ ଦେଖି କଳିଙ୍ଗନଗର ପୋଲିସକୁ ଖବର ଦେଇଥିଲେ। ଘଟଣା ସ୍ଥଳରେ ପୋଲିସ ପହଞ୍ଚି ଶିଶୁପୁତ୍ରଟିକୁ ଉଦ୍ଧାର କରି ଦାନଗଦି ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ତେବେ ଶିଶୁଟିର ସ୍ୱାସ୍ଥ୍ୟବସ୍ଥା ଭଲଥିବା ଜଣାପଡିଛି। ଖବର ପାଇ ଯାଜପୁର ଜିଲ୍ଲା ଚାଇଲଡ଼ ଲାଇନ ଟିମ ହସ୍ପିଟାଲରେ ପହଞ୍ଚିଥିଲେ। ପୋଲିସ ପକ୍ଷରୁ ଶିଶୁଟିକୁ ଚାଇଲଡ଼ ଲାଇନକୁ ହସ୍ତାନ୍ତର କରାଯାଇଛି। ତେବେ ଶିଶୁପୁତ୍ରକୁ କିଏ  ଏବଂ କାହିଁକି ରାସ୍ତା କଡରେ ଛାଡି ଚାଲିଯାଇଛି ଏହାର କାରଣ ଅସ୍ପଷ୍ଟ ରହିଛି। ଏନେଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି।

  • ବୃଦ୍ଧାଙ୍କ ମୃତଦେହ ଉଦ୍ଧାର

    ଭଦ୍ରକ: ମିଳିଲା ନିଖୋଜ ବୃଦ୍ଧାଙ୍କ ମୃତ ଦେହ। ଭଦ୍ରକ ଭଣ୍ଡାରିପୋଖରୀ ଥାନା ମାଳଦା ପଞ୍ଚାୟତ ରଘୁନାଥପୁର ନିକଟ ବୈତରଣୀ ନଦୀରୁ ଵୃଦ୍ଧାଙ୍କ ମୃତ ଦେହ ମିଳିଛି। ଆଜି ସକାଳୁ ଵୃଦ୍ଧାଙ୍କ ମୃତଦେହ କଣ୍ଟି ଏସକେପ ନିକଟରୁ ଉଦ୍ଧାର ହୋଇଛି। ଗତକାଲି ସକାଳୁ ବୃଦ୍ଧା ଜଣଙ୍କ ବୈତରଣୀ ନଦୀକୁ ଯାଇ ଆଉ ଘରକୁ ଫେରିନଥିଲେ। ପରିବାର ଲୋକେ ବହୁ ଖୋଜାଖୋଜି କରିବାରୁ ଵୃଦ୍ଧାଙ୍କ ପିନ୍ଧା ଶାଢୀ ଓ କାଚ ପଡିଥିବା ଦେଖି ନଦୀରେ ଭାସି ଯାଇଥିବା ସନ୍ଦେହ କରିଥିଲେ। ଖବର ପାଇ ଘଟଣା ସ୍ଥଳରେ ଦମକଳ ଵାହିନୀ ପହଞ୍ଚି ଵୈତରଣୀ ନଦୀରେ ଖୋଜାଖୋଜି କରିଥିଲା ବେଳେ ଆଜି ସକାଳୁ ବୃଦ୍ଧାଙ୍କର ମୃତଦେହ ଉଦ୍ଧାର ହୋଇଛି। 

  • ଚିଲିକାରୁ 2 ନିଖୋଜ ମୃତଦେହ ଉଦ୍ଧାର

    ଖୋର୍ଦ୍ଧା: ଚିଲିକାରେ ଡଙ୍ଗା ବୁଡ଼ି  ଘଟଣା। ୨ ନିଖୋଜଙ୍କ ମିଳିଲା ମୃତଦେହ। ସ୍ଥାନୀୟ ଯୁବକଙ୍କ ଦ୍ୱାରା ମୃତ ଦେହ ଉଦ୍ଧାର। ମୃତକଙ୍କ ମଧ୍ୟରୁ ଜଣଙ୍କ ନାମ ଚିଣ୍ଟୁ ବୋଲି ଜଣାପଡିଛି। ଗମ୍ଭାରୀ ନିକଟ କାଳିଯାଇ କୁଦା ନିକଟରେ ଡଙ୍ଗା ବୁଡିଯାଇଥିଲା। ଭୋଜି କରିଫେରୁଥିବା ବେଳେ ଏହି ଅଘଟଣ ଘଟିଥିଲା। ତେବେ ଅଘଟଣ ଘଟିବା ସମୟରେ ଡଙ୍ଗାରେ ୧୩ ଜଣ ଥିଲେ। ମୃତ ବ୍ୟକ୍ତି ଦୁଇଜଣଙ୍କ ଶବ ବ୍ୟବଚ୍ଛେଦ ପାଇଁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଦିଆଯାଇଥିବା ବେଳେ ଅନ୍ୟମାନଙ୍କୁ ବ୍ରହ୍ମଗିରି ଥାନାରେ ଅଟକ ରଖାଯାଇଛି। ଅନ୍ୟପଟେ ମୃତ ଦୁଇଜଣ ହେଲେ ରାକେଶ ସ୍ୱାଇଁ ଓ ସୋମ୍ୟନ୍ଦ୍ର ମହାନ୍ତ । ଜଣଙ୍କ ଘର ପୁରୀ ତଳମାଳିସାହି ହୋଇ ଥିବାବେଳେ ଅନ୍ୟ ଜଣଙ୍କ ଘର ମାର୍କେଣ୍ଡାଶ୍ୱର ସାହି ବୋଲି ଜଣାପଡିଛି। ଘଟଣା ସମ୍ପର୍କରେ ଥାନାରେ କୌଣସି ଅଭିଯୋଗ ହୋଇନଥିବା ବ୍ରହ୍ମଗିରି ଥାନା ଅଧିକାରୀ କହିଛନ୍ତି ।

  • ଯୁବକଙ୍କ ମୃତଦେହ ଉଦ୍ଧାର

    ଢେଙ୍କାନାଳ: ରେଳ ଧାରଣାରୁ ଯୁବକଙ୍କ ମୃତଦେହ ଉଦ୍ଧାର। ଢେଙ୍କାନାଳ ଶ୍ୟାମାଚରଣପୁର ପିଏଚ ସ୍ଥିତ ରେଳ ଧାରଣା ନିକଟର ଘଟଣା। ମୃତକ ଜଣକ ଗଁଦିଆ ଥାନା ଠାକୁରପାଳ ଗାଁର ବୋଲି ଜଣାପଡିଛି। ତେବେ ଗତକାଲି ରାତିରେ ମୃତଦେହଟି ପଡିଥିବାର ଦେଖିବାକୁ ପାଇଥିଲେ ସ୍ଥାନୀୟ ଲୋକେ। ଏନେଇ ରେଳବାଇ ପୋଲିସକୁ ଖବର ଦେଇଥିଲେ। ଘଟଣା ସ୍ଥଳରେ ରେଳବାଇ ପୋଲିସ ପହଞ୍ଚି ସବ ଜବତ କରିଛି। ମୃତ୍ୟୁର କାରଣ ଅସ୍ପଷ୍ଟ ଜଣାପଡିଛି।ଏନେଇ ପୋଲିସ ତଦନ୍ତ ଜାରି ରଖିଛି।

  • ଛାତିଏ ପାଣିରେ ବୁହା ହେଲା ଶବ

    ନବରଙ୍ଗପୁର: ସାରା ରାଜ୍ୟରେ ଏବେ ବନ୍ୟା ପରିସ୍ଥିତି ଉପୁଜିଛି। ଲଗାଣ ବର୍ଷା ଓ ବନ୍ୟାରେ ଲୋକେ ନାହି ନଥିବା ଅସୁହିଧାର ସମ୍ମୁଖୀନ ହେଉଛନ୍ତି। ଏହାରି ମଧ୍ୟରେ ଶବ ସତ୍କାର କରିବା ପାଇଁ ନାଳ ଭିତରେ ଛାତିଏ ପାଣିରେ ପଶି କୋକେଇ ବୋହିଛନ୍ତି ପରିବାର ଲୋକେ। ଏଭଳି ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ୍ ଅନକାବେଡା ପଞ୍ଚାୟତର ଚକାମାଳ ଗାଁରେ। ନାଳ ଉପରେ ଉଚ୍ଚ ପୋଲ କିମ୍ବା ମଶାଣି ଯିବାକୁ ରାସ୍ତା ନଥିବାରୁ ଏଭଳି ଦୁର୍ଦ୍ଦଶା ଭୋଗୁଛନ୍ତି ଅଞ୍ଚଳର ଲୋକେ। ଚକାମାଳ ଗାଁ ହରିଜନ ସାହିର ମଣିରାମ ସୁନାନୀ  ବହୁ ଦିନରୁ ରୋଗରେ ପୀଡିତ ହୋଇ ଶେଷରେ ଆଖି ବୁଜି ଦେଇଥିଲେ। ଶବ ସତ୍କାର କରିବା ଲାଗି ଚିନ୍ତାରେ ପଡିଥିଲେ ପରିବାର ଏବଂ ପଡୋଶୀ।

  • ଫ୍ରିଜରୁ ୫୦ ବର୍ଷ ବୟସ୍କ ବ୍ୟକ୍ତିଙ୍କ ମୃତଦେହ ଉଦ୍ଧାର

    ଦିଲ୍ଲୀ ଗୌତମପୁରୀ ଅଞ୍ଚଳରେ ଚାଞ୍ଚଲ୍ୟ। ଫ୍ରିଜରୁ ୫୦ ବର୍ଷ ବୟସ୍କ ବ୍ୟକ୍ତିଙ୍କ ମୃତଦେହ ଉଦ୍ଧାର କରିଛି ପୋଲିସ। ତାଙ୍କ ସମ୍ପର୍କୀୟ ଫୋନ ଉଠାଉନାହାନ୍ତି ବୋଲି ଦିଲ୍ଲୀ ସେଲାମପୁର ପୋଲିସକୁ ଖବର ଦେଇଥିଲେ ଜଣେ ବ୍ୟକ୍ତି। ପୋଲିସ ସେହି ବ୍ୟକ୍ତିଙ୍କ ଘରେ ପହଞ୍ଚି ଫ୍ରିଜ ଭିତରେ ମୃତଦେହ ଥିବା ଦେଖିବାକୁ ପାଇଥିଲା। ଏହାସହ ତାଙ୍କ ମୁଣ୍ଡରେ ଗଭୀର ଆଘାତ ଚିହ୍ନ ଥିବା ମଧ୍ୟ ପୋଲିସ ଦେଖିଥିଲା। ଏନେଇ ପୋଲିସ ଘଟଣାର ଖୋଳତାଡ ଆରମ୍ଭ କରିଛି । ଶୁକ୍ରବାର ସନ୍ଧ୍ୟା ସମୟରେ ଜଣେ ଯୁବକ ପୋଲିସକୁ କହିଥିଲେ ଯେ, ତାଙ୍କ ସମ୍ପର୍କୀୟ ଫୋନ ଉଠାଉନାହାନ୍ତି।

    ସଙ୍ଗେ ସଙ୍ଗେ ସେଲାମପୁର ପୋଲିସ ଗୌତମପୁରୀ ଅଞ୍ଚଳରେ ପହଞ୍ଚିଥିଲା। ଘରର କବାଟ ଖୋଲି ଭିତରକୁ ପଶି ତଲାସି କରିଥିଲା। ଶେଷରେ ଫ୍ରିଜରୁ ୫୦ ବୟସ୍କ ବୃଦ୍ଧଙ୍କ ମୃତଦେହ ଜବତ କରିଥିଲା। ତେବେ ମୃତକ ହେଉଛନ୍ତି ଜାକିର। ତେବେ ଏହି ଘରେ ଜାକିର ଏକୁଟିଆ ରହୁଥିବା ବେଳେ ତାଙ୍କ ପତ୍ନୀ ଏବଂ ପିଲାମାନେ କିଛି ଦୂରରେ ଅଲଗା ରହୁଥିବା ପୋଲିସ ପକ୍ଷରୁ ଜଣାପଡିଛି। ସମ୍ପତ୍ତି ବିବାଦକୁ ନେଇ ଜାକିରଙ୍କୁ ହତ୍ୟା କରାଯାଇଥିବା ପୋଲିସ ଅନୁମାନ କରୁଛି। କ୍ରାଇମବ୍ରାଞ୍ଚ ଏବଂ ଏଫଏସଏଲ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି। ତେବେ ଘଟଣାର ତଦନ୍ତ ପରେ ସତ୍ୟାସତ ଜଣାପଡିବ।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
Back to top button