fall into well

  • ଯାତ୍ରା ଦେଖିବା ପଡିଲା କାଳ

    ଢେଙ୍କାନାଳ: ଯାତ୍ରା ଦେଖିବାକୁ ଯାଇଥିବା ବାଳକ କୂଅରେ ପଡି ମୃତ୍ୟୁ । ଏପରି ଅଭାବନୀୟ ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ଅଧୀନ ସରଦେଇପୁର ଗ୍ରାମରେ । ମୃତ ବାଳକ ତାଙ୍କ ମାମୁଁ ଘର ଗ୍ରାମକୁ ଯାତ୍ରା ଦେଖି ଯାଇଥିବାବେଳେ ଘଟିଥିଲା ଏ ଅଘଟଣ । ମୃତ ବାଳକ ଜଣକ ହେଇଛନ୍ତି ଶୁଭମ ।

    ସୂଚନା ଅନୁଯାୟୀ, ଶୁଭମ କାଲି ନିଜ ମାମୁଁଘର ଗ୍ରାମକୁ ଯାତ୍ରା ଦେଖିବାକୁ ଯାଇଥିଲେ । ଯାତ୍ରା ମଝିରେ ଶୁଭମ ପରିସ୍ରା କରିବାକୁ ଆସି ଅସାବଧାନତା ଯୋଗୁ କୂଅରେ ପଡିଯାଇଥିଲେ । ସେ ଫେରିନଥିବାର ଦେଖି ବିଳମ୍ବିତ ରାତିରେ ଲୋକ ବହୁତ ଖୋଜା ଖୋଜି କଲେ ।  ପରେ ସେମାନେ ଶୁଭମକୁ କୂଅ ଭିତରେ ଦେଖିବାକୁ ପାଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ଶୁଭମର ମୃତ ଶରୀରକୁ କୂଅ ଭିତରୁ ବାହାରକୁ ବାହାର କରାଯାଇଥିଲା । ସୂଚନା ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ବ୍ୟବଚ୍ଛେଦ ପାଇଁ କାମାକ୍ଷାନଗର ଡାକ୍ତରଖାନା ପଠାଇଥିଲା ।

    ଶୁଭମ ମୃତ୍ୟୁ ଖବରରେ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଠି ହୋଇଛି ।

  • କୁଅରେ ପଡି ଦୁଇ ସିଂହଙ୍କ ମୃତ୍ୟୁ

    ଆମ୍ରେଲି: ଗୁଜୁରାଟର ଗିର ଜଙ୍ଗଲ ଡିଭିଜନରେ ଏକ ସିଂହ ଓ ଏକ ସିଂହୀର ମୃତ୍ୟୁ ହୋଇଛି। ଅମ୍ରେଲି ଜିଲ୍ଲାରେ ଥିବା ଗିର ଜଙ୍ଗଲର ଥିବା ଏକ କୁଅରେ ଖସିପଡିବାରୁ ଉଭୟଙ୍କ ମୃତ୍ୟୁ ହୋଇଥିବା ଶନିବାର ଦିନ ଜଙ୍ଗଲ ଅଧିକାରୀ ସୂଚନା ଦେଇଛନ୍ତି।

    ମୃତ୍ୟୁବରଣ କରିଥିବା ସିଂହ ଓ ସିଂହୀର ବୟସ ୫ରୁ ୯ ବର୍ଷ ମଧ୍ୟରେ ଥିଲା। ଉଭୟ ଶୁକ୍ରବାର ଜଙ୍ଗଲରେ ବୁଲୁଥିବା ବେଳେ ଖମ୍ବା ତାଲୁକ ଅଧୀନ କୋଟଡା ଗାଁର ଜଣେ ଚାଷୀଙ୍କ ଦ୍ବାରା ହୋଇଥିବା କୁଅରେ ଉଭୟ ଖସିପଡିଥିବା ଗିର ବନ ଉପସଂରକ୍ଷକ ରାଜଦୀପ ସିଂହ ଜାଲା ସୂଚନା ଦେଇଛନ୍ତି।

    ଜାଲା ଆହୁରି କହିଛନ୍ତି, ସିଂହ ଓ ସିଂହୀ କୁଅରେ ଖସିବା ସମ୍ବନ୍ଧରେ ଜାଣିବା ପରେ କୃଷକ ସଙ୍ଗେ ସଙ୍ଗେ ବନ ବିଭାଗକୁ ସୂଚିତ କରିଥିଲେ। ଖବର ପାଇଁ ବନ ବିଭାଗର ଉଦ୍ଧାରକାରୀ ଦଳ ସେଠାରେ ପହଞ୍ଚିବା ବେଳକୁ ଉଭୟଙ୍କର ପାଣିରେ ବୁଡି ମୃତ୍ୟୁ ହୋଇସାରିଥିଲା। ସେମାନଙ୍କ ମୃତଦେହ ଉଦ୍ଧାର କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି।

    ୨୦୦୭-୮ ମଧ୍ୟରେ ଗିର ଜଙ୍ଗଲ ବ୍ୟାପିଥିବା ଆମ୍ରେଲି ଓ ଗିର ସୋମନାଥ ଜିଲ୍ଲାରେ ଥିବା ୧୧,୭୪୮ କୁଅ ଉପରେ ପାରାପେଟ କରାଯାଇଛି  ବାଘ ଓ ସିଂହଙ୍କ ସୁରକ୍ଷା ପାଇଁ। ତେବେ ୨୦୨୧ ଡିସେମ୍ବରରୁ ଗତ ମାର୍ଚ୍ଚ ମାସ ମଧ୍ୟରେ ଗିର ଜଙ୍ଗଲରେ ମୋଟ ୨୮୩ ସିଂହଙ୍କ ମୃତ୍ୟୁ ହୋଇଥିବା ନେଇ ବିଧାନସଭାରେ ସମ୍ପୃକ୍ତ ମନ୍ତ୍ରୀ ସୂଚନା ଦେଇଥିଲେ। ସେମଧ୍ୟରୁ ୨୧ଟି ସିଂହଙ୍କର ଟ୍ରେନରେ ଧକ୍କା ହୋଇ ବା କୁଅରେ ପଡି ମୃତ୍ୟୁ ହୋଇଛି।

Back to top button