incident

ଇନ୍ଦୋର: ରାମ ନବମୀରେ ପ୍ରଭୁ ଶ୍ରୀରାମଙ୍କ ଦର୍ଶନ ବେଳେ ଭୁଶୁଡିଲା କୁଅର ଛାତ । ଫଳରେ ସେହି ଛାତ ଉପରେ ଥିବା ବହୁ ଶ୍ରଦ୍ଧାଳୁ କୁଅ ଭିତରେ ପଡିବାରୁ ୧୩ ଜଣଙ୍କ ମୃତ୍ୟୁ ହୋଇଛି। ୮ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି। ଏପରି ଦୃଶ୍ୟ ଦେଖିବାକୁ ମିଳିଛି ମଧ୍ୟପ୍ରଦେଶ ଇନ୍ଦୋର ପଟେଲ ନଗରରେ । ଏଠାରେ ଥିବା ବେଲେଶ୍ୱର ମହାଦେବଙ୍କ ଝୁଲେଲାଲ ମନ୍ଦିରର ଛାତ ଭୁଷୁଡି ପଡିବାରୁ ଶ୍ରଦ୍ଧାଳୁ ମାନେ କୁଅରେ ପଡିଯାଇଥିବା ସୂଚନା ରହିଛି।

ସୂଚନା ଅନୁସାରେ ଏଠାରେ ଥିବା ଏକ ବଡ କୁଅ ଉପରେ ନିର୍ମିତ ଛାତ ଉପରେ ଚଢି ଶ୍ରଦ୍ଧାଳୁମାନେ ଶ୍ରୀରାମଙ୍କ ଦର୍ଶନ କରୁଥିଲେ । କିନ୍ତୁ ଶ୍ରଦ୍ଧାଳୁଙ୍କ ଅତ୍ୟଧିକ ଭାର ସମ୍ଭାଳିନପାରି ଛାତଟି ଭୁଶୁଡି ପଡିଥିଲା ଯେଉଁଥିରେ 25 ଜଣ ଭକ୍ତ ଏକାସାଙ୍ଗରେ କୁଅରେ ଗଳିପଡିଥିଲେ । ତେବେ ଅଗ୍ନିଶମ ବିଭାଗର ଉଦ୍ଧାର କାର୍ଯ୍ୟ ଚାଲିଥିବାବେଳେ ସ୍ଥାନୀୟ ଲୋକଙ୍କ ସହାୟତାରେ ୮ ଜଣଙ୍କୁ ଉଦ୍ଧାର କରାଯାଇଥିବା ବେଳେ ୧୩ ଜଣଙ୍କ ମୃତଦେହ ଉଦ୍ଧାର ହୋଇଛି ଏବଂ ଅନ୍ୟ ଭକ୍ତ ମାନଙ୍କ ଉଦ୍ଧାର କାର୍ଯ୍ୟ ଜାରି ରହିଛି । ଉଦ୍ଧାର ବ୍ୟକ୍ତିମାନଙ୍କୁ ଆମ୍ବୁଲାନ୍ସ ଯୋଗେ ହସ୍ପିଟାଲକୁ ଭର୍ତ୍ତି କରାଯାଇଥିବା ଜଣାପଡିଛି ।

ଘଟଣା ସମ୍ପର୍କରେ ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ର ସୂଚନା ଦେଇଛନ୍ତି କି, ୧୯ ଜଣଙ୍କୁ ଜୀବନ୍ତ ଉଦ୍ଧାର କରାଯାଇଥିବା ବେଳେ ସେମାନଙ୍କ ମଧ୍ୟରୁ ଅନେକଙ୍କ ଅବସ୍ଥା ଗୁରୁତର ରହିଛି। ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ୧୧ ଜଣଙ୍କ ମୃତଦେହ ଉଦ୍ଧାର ହୋଇଛି।

ଅନ୍ୟପଟେ ଏହି ଘଟଣାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଗଭୀର ଶୋକବ୍ୟକ୍ତ କରିଛନ୍ତି ଓ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି। ସେପଟେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଶୋକ ବ୍ୟକ୍ତ କରିବା ସହ ମୃତକଙ୍କ ପିଛା ୫ ଲକ୍ଷ ଟଙ୍କା ଅନୁକମ୍ପା ରାଶି ଓ ଆହତଙ୍କୁ ୫୦ହଜାର ଲେଖା ଘୋଷଣା କରିଛନ୍ତି।  ସଂପୂର୍ଣ୍ଣ ଘଟଣା ଉପରେ ନଜର ରଖିବାକୁ ଇନ୍ଦୋର ଜିଲ୍ଲାପାଳ ଓ କମିଶନରକୁ ପରାମର୍ଶ ଦେବା ସହ ଉଦ୍ଧାର କାର୍ଯ୍ୟ ଜୋର କରିବାକୁ କହିଛନ୍ତି ମୁଖ୍ୟମନ୍ତ୍ରୀ । ଅନେକଙ୍କ ସ୍ଥିତି ଗମ୍ଭୀର ଥିବାରୁ ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି।

ଭଦ୍ରକ: ସାଳନ୍ଦୀ ନଦୀର ଗାଧଉଥିବା ବେଳେ ଅଘଟଣ। ସାହପୁର ସାଳନ୍ଦୀ ନଦୀ ଘାଟରେ ୪ଜଣ ନାବାଳକ ଗାଧଉଥିବା ବେଳେ, ଗୋଡ଼ ଖସି ଯିବାରୁ ପାଣି ଶ୍ରୋତରେ ଭାସୀ ଯାଇଥିଲେ। ଖବର ପାଇ ଅଗ୍ନିଶମ ବାହିନୀ ପହଂଚି ୩ଜଣକୁ ଉଦ୍ଧାର କରିଥିବାବେଳେ, ଜଣେ ନିଖୋଜ ଥିବା ଜଣାପଡିଛି। ନିଖୋଜ ଥିବା ନାବାଳକ ଭଦ୍ରକ ସହର କଣ୍ଟାବନିଆଁ  ଅଞ୍ଚଳର ଏସ କେ ସମୀର ବୋଲି ଜଣାପଡିଛି। ତେବେ ଉଦ୍ଧାର ହୋଇଥିବା ୩ଜଣ ନାବାଳକ ସୁସ୍ଥ ଥିବା ଜଣାପଡିଛି। ନିଖୋଜ ଥିବା ନାବାଳକକୁ ଖୋଜାଖୋଜି  ଜାରୀ ରଖିଛି ଅଗ୍ନିଶମ ବାହିନୀ।                 

ବୌଦ୍ଧ: ରାସ୍ତାକଡ଼ରୁ ଯୁବକଙ୍କ ମୃତଦେହ ଉଦ୍ଧାର। ବୌଦ୍ଧ ଥାନା ବଘିଆପଡା ଫାଣ୍ଡି ଅନ୍ତର୍ଗତ ବ୍ରାହ୍ମଣୀପାଲି ସ୍ଥିତ ରାସ୍ତା କଡ଼ ନିକଟର ଘଟଣା। ତେବେ ମୃତଦେହଟି ପାଖରେ ଏକ ପକେଟ ଦାଏରୀ, ପାଣି ବୋତଲ ଓ ଏକ ଗାମୁଛା ପଡିଥିବା ଦେଖିବାକୁ ମିଳିଛି। ମୃତଦେହଟି ବେକରେ କ୍ଷତବିକ୍ଷତ ଚିହ୍ନ ରହିଥିବା ବେଳେ ଏହା ହତ୍ୟା ନା ଆତ୍ମହତ୍ୟା ତାହାକୁ ନେଇ ସନ୍ଦେହ ଘନୀଭୂତ ହୋଇଛି। ତେବେ ଖବରପାଇ ବଘିଆପଡା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ଛାନଭିନ ଜାରି ରଖିଛି।

ବଲାଙ୍ଗିର: ନଦୀକୂଳରୁ ଏକ ମୁଣ୍ଡବିହୀନ ମୃତଦେହ ଉଦ୍ଧାର। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ସଇଁନ୍ତଲା ଥାନା କମରଲଗା ଗାଁ ଦେଇ ପ୍ରବାହିତ ହେଉଥିବା ଲାନ୍ଥନଦୀ କୂଳରେ। ତେବେ ଶବଟି ୧୮ରୁ ୨୫ ବର୍ଷ ଭିତରେ ହୋଇଥିବା ଏକ ଯୁବତୀର ବୋଲି ଅନୁମାନ କରାଯାଉଛି। ଘଟଣା ସ୍ଥଳରେ ସଇଁତଳା ପୋଲିସ ସମେତ ବଡ଼ମାଳ ଫାଣ୍ଡି ଅଧିକାରୀ, ଟିଟିଲାଗଡ଼ ଏସ.ଡ଼ି.ପି.ଓ ପହଞ୍ଚି ତଦନ୍ତ ଆରମ୍ଭ କରିଛନ୍ତି। କୂଳରେ ରକ୍ତ ପଡିଥିବାରୁ ଏହା ଏକ ହତ୍ୟା କାଣ୍ଡ ବୋଲି ପୂର୍ବରୁ ସନ୍ଦେହ ଦେଖା ଦେଇଥିବା ବେଳେ ବର୍ତମାନ ଏହା ଏକ ସୁପରକଳ୍ପିତ ହତ୍ୟାକାଣ୍ଡ ବୋଲି ସ୍ପଷ୍ଟ ହୋଇଛି। ସେହି ନଦୀ କୁଳରେ ଯୁବତୀ ର ମୁଣ୍ଡ କୁ ଅତି ନୃଶଂସ ଭାବରେ କଟା ଯାଇ ଶରୀର କୁ ନଦୀ ଭିତରେ ଫିଙ୍ଗି ଦେଇ ହତ୍ୟାକାରୀ ମାନେ ଫେରାର ମାରିଥିବା ସୂଚନା ମିଳିଛି l ଘଟଣାସ୍ଥଳରେ ବଲାଙ୍ଗୀର ସାଇଣ୍ଟିଫିକ ଟିମ, ସନ୍ଧାନୀ କୁକୁର ସହ ବଲାଙ୍ଗୀର ଏସ ପି. ନିତିନ କୁଶଲକର ପହଂଚି ତଦନ୍ତ କୁଆହୁରି ବ୍ୟାପକ କରିଛନ୍ତି l ତେବେ ସମ୍ପୃକ୍ତ ଯୁବତୀ କୁ ପ୍ରଥମେ ଦୁଷ୍କର୍ମ କରି ପରେ ହତ୍ୟା କରିଥିବା ସନ୍ଦେହ ଘନୀଭୂତ ହୋଇଛି l ଉକ୍ତ ମୃତଦେହର ମୁଣ୍ଡ ଖୋଜିବାରେ ଲାଗିଛି ପୋଲିସ।

ଆନ୍ଧ୍ରପ୍ରଦେଶରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଗ୍ୟାସ୍ ଲିକ ହେବାରୁ ହେଲା ଅଘଟଣ। ଅସୁସ୍ଥ ହେଲେ ପ୍ଲାଣ୍ଟ କର୍ମଚାରୀ। ବାରମ୍ୱାର ଏହି ସ୍ଥାନରେ ହେଉଛି ଗ୍ୟାସ ଲିକ୍ ଘଟଣା। କଣ ପାଇଁ ଘଟୁଛି ଦୁର୍ଘଟଣା। ଦୁର୍ଘଟଣାର କାରଣ ଓ ନିରାକରଣ ପାଇଁ ଜିଲ୍ଲା ପ୍ରଶାସନ ତତ୍ପର ହେବା ଦରକାର। ଆନ୍ଧ୍ରପ୍ରଦେଶର ଆନାକାପଲ୍ଲୀ ଜିଲ୍ଲାରେ ଥିବା ଏକ କେମିକାଲ ପ୍ଲାଣ୍ଟରେ ଅଚାନକ ଗ୍ୟାସ ଲିକ୍ ହେବାରୁ ୫୦ ରୁ ଅଧିକ ମହିଳା କର୍ମଚାରୀ ଅସୁସ୍ଥ ହୋଇପଡିଛନ୍ତି। ଅସୁସ୍ଥ ମହିଳାଙ୍କୁ ତୁରନ୍ତ ହସପିଟାଲରେ ଭର୍ତ୍ତି କରାଯାଇଛି। ଏହି ପ୍ଲାଣ୍ଟ ଆନକାପଲ୍ଲୀ ଜିଲ୍ଲାର ଅଚ୍ୟୁତପରମ ଠାରେ ଅବସ୍ଥିତ। ଗ୍ୟାସ୍ ଲିକ ହେବା ସମୟରେ ମହିଳା ମାନେ କାରଖାନାରେ କାର୍ଯ୍ୟରତ ଥିଲେ। ପ୍ରାଥମିକ ରିପୋର୍ଟ ଅନୁସାରେ ମହିଳା କର୍ମଚାରୀମାନେ ବାନ୍ତି ପରେ ଅଚେତ ହୋଇପଡିଥିଲେ। ସ୍ଥାନୀୟ ପୋଲିସର କହିବା ଅନୁସାରେ, ବ୍ରାଣ୍ଡିକ୍ସ ସ୍ୱତନ୍ତ୍ର ଅର୍ଥନୈତିକ ଜୋନରେ ଏହି ଘଟଣା ଘଟିଥିଲା । ଗ୍ୟାସ ଲିକ ପରେ ଅଳ୍ପ ମହିଳଆ ଅସୁସ୍ଥ ହୋଇଥିଲେ। ପରେ ଏହି ସଂଖ୍ୟା ବଢିଥିଲା। ଅଚ୍ୟୁତପୁରମରେ ବିଷାକ୍ତ ଗ୍ୟାସ୍ ଲିକ ହେବାର ଏହା ପ୍ରଥମ ଘଟଣା ନୁହେଁ। ପୁର୍ବରୁ ଗ୍ୟାସ୍ ଲିକ ଯୋଗୁଁ ପ୍ରାୟ ୩୦୦ ମହିଳା କର୍ମଚାରୀ ଅସୁସ୍ଥ ହୋଇପଡିଥିଲେ। ଏହା ପରେ ସରକାର ଏକ କମିଟି ଗଠନ କରି ତଦନ୍ତ ଆରମ୍ଭ  କରିଥିଲେ। ଏହା ସହ ଏକ ଘରୋଇ କମ୍ପାନୀକୁ ମଧ୍ୟ୍ୟ ବନ୍ଦ କରିଦିଆଯାଇଥିଲା। ଏବେ ଅଚ୍ୟୁତପୁରମରେ ଦ୍ୱୀତିୟ ଥର ପାଇଁ ବିଷାକ୍ତ ଗ୍ୟାସ୍ ଲିକ୍ ମାମଲା ସାମ୍ନାକୁ ଆସିଛି। ପ୍ରଶ୍ନ ଉଠୁଛି ଅଚ୍ୟୁତପୁରମରେ ଗ୍ୟାସ ଲିକ ଘଟଣା ପୁନରାବୃତ୍ତି ହେବା ପଛରେ କଣ କାରଣ ରହିଛି। ଏହାର ବିଧିବଦ୍ଧ ତଦନ୍ତ ହେଲେ ଦୁର୍ଘଟଣାର ସଠିକ କାରଣ ଜଣାପଡିବ। ଅଚ୍ୟୁତପୁରମରେ ବାରମ୍ୱାର ଗ୍ୟାସ ଲିକ ହେଉଥିବାରୁ ଘଟଣାକୁ ସ୍ଥାନୀୟ ଜିଲ୍ଲା ପ୍ରଶାସନକ ଗୁରୁତ୍ୱ ଦେବା ଦରକାର ବୋଲି ସାଧାରଣରେ ଚର୍ଚ୍ଚା ହେଉଛି।

• ସ୍ମରଜିତ ଆର୍ଯ୍ୟଙ୍କ ରିପୋର୍ଟ