keral

  • କେରଳ ପାଇଲା ତାର ପ୍ରଥମ କିନ୍ନର ଓକିଲ

    ତିରୁବନନ୍ତପୁରମ: କେରଳର ପ୍ରଥମ କିନ୍ନର ଓକିଲ ଭାବେ ନିଜ ନାମ ରାଜ୍ୟ ବାର କାଉନସିଲରେ ପଞ୍ଜିକରଣ କରିଛନ୍ତି ପଦ୍ମା ଲକ୍ଷ୍ମୀ। ଏହା ପରେ ରାଜ୍ୟ ଶିଳ୍ପ ମନ୍ତ୍ରୀ ପି ରାଜୀବ ତାଙ୍କ ଅଫିସିଆଲ ଇନଷ୍ଟାଗ୍ରାମ ପେଜରେ ଏହି ଓକିଲଙ୍କ ଏକ ଫଟୋ ସେୟାର କରି ତାଙ୍କୁ ଶୁଭେଚ୍ଛା ଜଣାଇଛନ୍ତି।

    ପଦ୍ମା ଲକ୍ଷ୍ମୀ ହେଉଛନ୍ତି ବାର କାଉସିଲର ୧୫ଶହ ଲ ସ୍ନାତକଙ୍କ ମଧ୍ୟରୁ ଜଣେ, ଯାହାଙ୍କୁ ରବିବାର ବାରକାଉନସିଲ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ସାର୍ଟିଫିକେଟ ପ୍ରଦାନ କରାଯାଇଛି। ପଦ୍ମା ଏର୍ନାକୁଲମ ଲ କଲେଜରୁ ନିଜ ଲ ଶିକ୍ଷା ସାରିଛନ୍ତି। ପୋଷ୍ଟରେ ମନ୍ତ୍ରୀ ଏହି ଯୁବ ଓକିଲ ଅତୀତରେ ସମାଜରେ ଅନେକ ପ୍ରତିବନ୍ଧକର ସମ୍ମୁଖୀନ ହୋଇ ମଧ୍ୟ ନିଜର ଏକ ସ୍ବତନ୍ତ୍ର ପରିଚୟ ପାଇଁ ଯେଉଁ ରାସ୍ତା ବାଛିଥିବା ରାସ୍ତା ସେଥି ପାଇଁ ପ୍ରଶଂସା କରିଛନ୍ତି। ନିଜ ଲକ୍ଷ୍ୟ ହାସଲ କରିବାକୁ ତାଙ୍କ ପାଖରେ କେହି ପଥପ୍ରଦର୍ଶକ ନାହିଁ। ପ୍ରତିବନ୍ଧକ ଅପର୍ଯ୍ୟାପ୍ତ । ଅନେକ ଲୋକଙ୍କ ତାଙ୍କ ସ୍ବର ବନ୍ଦ କରିବାକୁ ଓ ହତୋତ୍ସାହିତ କରିଥିଲେ ମଧ୍ୟ ପଦ୍ମା ଆଇନ ଇତିହାସରେ ନିଜର ନାମ ସାମିଲ କରିଛନ୍ତି।

  • କେରଳରେ ବାର୍ଡ ଫ୍ଲୁ ଆତଙ୍କ

    ତିରୁବନନ୍ତପୁରମ: କେରଳର କୋଝିକୋଡ ଜିଲ୍ଲାରେ ବାର୍ଡ ଫ୍ଲୁ ଆତଙ୍କ। ବୁଧବାର ଏକ ସରକାର ପୋଲ୍ଟ୍ରି ଫାର୍ମରେ ସଂକ୍ରମଣରେ ୧୮୦୦ କୁକୁଡାଙ୍‌କ ମୃତ୍ୟୁ ହୋଇଛି। ପରୀକ୍ଷନିରୀକ୍ଷାରୁ ମୃତ କୁକୁଡାଙ୍କଠାରେ ମିଳିଛି ଏଚ5ଏନ1 ଭୂତାଣୁ। ଏହା ଜଣାପଡିବା ପରେ ରାଜ୍ୟ ପଶୁପାଳ ମନ୍ତ୍ରୀ ଚିଞ୍ଚୁ ରାଣୀ  ସମ୍ପୃକ୍ତ ଅଧିକାରୀଙ୍କୁ କେନ୍ଦ୍ର ସରକାରର ଗାଇଡ ଲାଇନ ଓ ପ୍ରାଟୋକଲ ପାଳନ ପୂର୍ବକ ସଂକ୍ରମଣ ରୋକିବାକୁ ନିର୍ଦ୍ଦେଶ ଦେଇଛନ୍ତି।

    କୋଝିକୋଡ ଜିଲ୍ଲାର ଏକ ପଞ୍ଚାୟତ ପରିଚାଳିତ ସରକାରୀ ପୋଲ୍ଟ୍ରି ଫାର୍ମରେ ୧୮ଶହ କୁକୁଡା ମରିଛନ୍ତି। ପ୍ରାରମ୍ଭିକ ଯାଞ୍ଚରେ ଏହାକୁ ବାର୍ଡଫ୍ଲୁ ସଂକ୍ରମଣ କୁହାଯାଇଥିବା ବେଳେ ଅଧିକ ସ୍ପଷ୍ଟତା ପାଇଁ ଭୋପାଳ ନାସନାଲ ଇନ୍‌ଷ୍ଟିଚ୍ୟୁଟ ଅଫ ହାଇ ସିକ୍ୟୁରିଟି ଆନିମଲ ଡିଜିଜ ଲ୍ୟାବକୁ ସାମ୍ପୁଲ ପଠାଯାଇଛି। ଏଥିସହ ସେସବୁକୁ ସୁରକ୍ଷିତ ଫୋତା ଯାଇଛି। ଯେଉଁ ଫାର୍ମରେ କୁକୁଡା ମରିଛନ୍ତି, ସେଠାରେ ୫ହଜାର କୁକୁଡା ଅଛନ୍ତି।

    ଏହା ପୂର୍ବରୁ ତିରବନନ୍ତପୁରମ ଜିଲ୍ଲାରେ ବାର୍ଡ ଫ୍ଲୁ ପାଇଁ  ଦୁଇଟି ଗାଁର ପ୍ରାୟ ୩ହଜାର କୁକୁଡାଙ୍କୁ ମରାଯାଇଥିଲା। ଏକ ଘରୋଇ ପୋଲ୍ଟ୍ରି ଫାର୍ମରେ ଏହି ଭୂତାଣୁ ସଂକ୍ରମଣ ଆଶଙ୍କା ଦେଖାଦେବା ପରେ ପଶୁପାଳନ ବିଭାଗ  ନିରାପଦ ପଦକ୍ଷେପ ନେଇଥିଲା।

    ସୂଚନାଯୋଗ୍ୟ, ବାର୍ଡ ଫ୍ଲୁ ଏକ ଅତ୍ୟନ୍ତ ସଂକ୍ରାମକ ରୋଗ ଯାହା ଘରୋଇ ଓ ବନ୍ୟ ପକ୍ଷୀଙ୍କୁ ସଂକ୍ରମିତ କରିଥାଏ। ଏହି ସଂକ୍ରମିତ ପକ୍ଷୀଙ୍କ ଦ୍ବାରା ମନୁ୍ଷ୍ୟ ମଧ୍ୟ ସଂକ୍ରମିତ ହୋଇଥାଏ। ତେବେ ଏଥିରେ ମଣିଷଙ୍କ ସଂକ୍ରମଣ ଅତ୍ୟନ୍ତ ନ୍ୟୁନ ରହିଛି । ୧୯୯୬ରେ ଏହି ଭୂତାଣୁର ଚିହ୍ନଟ ହୋଇଥିବା ବେଳେ ୨୦୦୫ରେ ସାରା ବିଶ୍ବ ଦେଖିଥିଲା ଏହାର ପ୍ରଭାବ। ସେହିପରି ୨୦୧୪ରେ ମଧ୍ୟ ଏଚ୫ଏନ୧ ସଂକ୍ରମଣ ପାଇଁ ପ୍ରାୟ ୪ କୋଟି ପକ୍ଷୀଙ୍କୁ ମରାଯାଇଥିଲା।

  • ପିନାରାୟିଙ୍କୁ ରାଜ୍ୟପାଳଙ୍କ ଖୋଲା ଚ୍ୟାଲେଞ୍ଜ

    ନୂଆଦିଲ୍ଲୀ: କେରଳ ମୁଖ୍ୟମନ୍ତ୍ରୀ ପିନାରାୟି ଭିଜୟନଙ୍କୁ ରାଜ୍ୟପାଳ ଆରିଫ ମହମ୍ମଦ ଖାନଙ୍କ ଖୋଲା ଚ୍ୟାଲେଞ୍ଜ। ଭାଇସଚାନ୍ସେଲର ନିଯୁକ୍ତିରେ ତାଙ୍କ ଦ୍ବାରା ରାଜନୈତିକ କ୍ଷମତା ପ୍ରୟୋଗର କୌଣସି ଗୋଟିଏ ଉଦାହରଣ ଦିଆଗଲେ ସେ ନିଜ ପଦରୁ ଇସ୍ତଫା ଦେବେ ବୋଲି ଗୁରୁବାର କହିଛନ୍ତି ଆରିଫ।

    କେରଳ ବିଶ୍ବବିଦ୍ୟାଳୟଗୁଡିକରେ କୁଳପତି ନିଯୁକ୍ତିକୁ ବିରୋଧ କରି ଆସୁଥିବା ଆରିଫ କହିଛନ୍ତି କି,  ସେ ବ୍ୟକ୍ତିଗତ ଲାଭ ପାଇଁ କିମ୍ବା ଆରଏସଏସ ଲୋକଙ୍କୁ ସିଷ୍ଟମ ରେ ଏଣ୍ଟ୍ରି କରିବାକୁ କରୁ ନାହିଁ। ଯଦି ମୁଖ୍ୟମନ୍ତ୍ରୀ ତାଙ୍କ ଅଭିଯୋଗକୁ ସତ୍ୟ ପ୍ରମାଣିତ କରି ଦିଅନ୍ତି ତେବେ ମୁଁ ଇସ୍ତଫା ଦେବି ଓ ଯଦି ସେ ଏପରି କରି ନ ପାରନ୍ତି ତେବେ ସେ ଇସ୍ତଫା ଦେବା ଉଚିତ।

    ମୁଖ୍ୟମନ୍ତ୍ରୀ କହୁଛନ୍ତି, ଆରଏସଏସକୁ ଆଣିବାକୁ ମୁଁ ଏପରି କରୁଛି।  ଯଦି ମୁଁ ଜଣେ ବି  ଆରଏସଏସ ବ୍ୟକ୍ତିଙ୍କୁ ମନୋନୀତ କରିଥାଏ  ମୋ କ୍ଷମତା ପ୍ରୟୋଗରେ ତେବେ ମୁଁ ମୋ ପଦରୁ ଇସ୍ତଫା ଦେବି। ହେଲେ ସେ ତାଙ୍କ ଦାବିକୁ  ପ୍ରମାଣ କରି ନ ପାରିଲେ କଣ ଇସ୍ତଫା ଦେବେ ବୋଲି ପଚାରିଛନ୍ତି କେରଳ ରାଜ୍ୟପାଳ।

    ରାଜ୍ୟର ୯ ବିଶ୍ବବିଦ୍ୟାଳୟରେ କୁଳପତି ଚୟନରେ ନିୟମ ଉଲ୍ଲଙ୍ଘନ ହୋଇଥିବା ଗତ ୨୩ ତାରିଖରେ ଆରିଫ ଅଭିଯୋଗ କରିବା ସହ ସେମାନଙ୍କ ଇସ୍ତଫା ଦାବି କରିଥିଲେ। ଏଥିସହ ସେ କହିଥିଲେ କି, ସୁପ୍ରିମକୋର୍ଟ ପୂର୍ବରୁ କହିଥିଲେ କି, କୁଳପତି ଚୟନ ପାଇଁ ରାଜ୍ୟପାଳ ଦାୟୀ ରହିବେ, ରାଜ୍ୟ ସରକାର ନୁହଁନ୍ତି। ସୁପ୍ରିମକୋର୍ଟଙ୍କ ୨୧ ଅକ୍ଟୋବର ୨୦୨୨ର ରାୟକୁ ଉଦ୍ଧୃତ କରି ସେ ୯ ବିଶ୍ବବିଦ୍ୟାଳୟର କୁଳପତିଙ୍କ ଇସ୍ତଫା ଦାବି କରିଥିଲେ।

    କେରଳର ଯେଉଁ ବିଶ୍ବାଦ୍ୟାଳୟ କୁଳପତିକୁ ନେଇ ମୁଖ୍ୟମନ୍ତ୍ରୀ ଓ ରାଜ୍ୟପାଳ ମୁହାଁମୁହିଁ ହୋଇଛନ୍ତି ସେସବୁ ହେଲା, କେରଳ ବିଶ୍ବବିଦ୍ୟାଳୟ, ମହାତ୍ମାଗାନ୍ଧୀ ବିଶ୍ବବିଦ୍ୟାଳୟ, କୋଚିନ ସାଇନ୍ସ ଆଣ୍ଡ ଟେକ୍ନୋଲୋଜି ୟୁନିଭର୍ସିଟି, କେରଳ ୟୁନିଭର୍ସିଟି ଅଫ ଫିସରିଜ ଆଣ୍ଡ ଓସେନ ଷ୍ଟଡିଜ, କନ୍ନୁର ୟୁନିଭର୍ସିଟି, ଏପିଜେ ଅବଦୁଲ କାଲାମ ଟେକ୍ନୋଲୋଜିକାଲ ୟୁନିଭର୍ସିଟି, ଶ୍ରୀ ଶଙ୍କରାଚାର୍ଜ୍ୟ ୟୁନିଭର୍ସିଟି ଅଫ ସାସ୍କ୍ରିଟ, ୟୁନିଭର୍ସିଟି ଅଫ କାଲିକଟ, ଥୁଞ୍ଚାଥ ଏଝୁଥାଚାନ ମାଲାୟଲମ ୟୁନିଭର୍ସିଟି।

  • ଡାକ୍ତର ଦମ୍ପତିଙ୍କ ଅନ୍ଧବିଶ୍ବାସ, ଧନୀ ହେବାକୁ ଦୁଇ ମହିଳାଙ୍କୁ ବଳି

    ତିରୁବନନ୍ତପୁରମ: ପେସାରେ ଡାକ୍ତର, କିନ୍ତୁ ଅନ୍ଧ ବିଶ୍ବାସରେ ରହିଥିଲେ ବୁଡି। ଅନ୍ଧବିଶ୍ବାସ ପାଇଁ  ଦୁଇ ନିରୀହ ଜୀବନ ନେବାକୁ ପଛାଇ ନାହାନ୍ତି ଡାକ୍ତର ଦମ୍ପତି। ଏମିତି ଘଟଣା କେରଳର ପଥନମଥିଟ୍ଟା ଜିଲ୍ଲାର ଏଲନ୍ଥୁର ଅଞ୍ଚଳରେ ଘଟିଛି। ଡାକ୍ତର ଦୁଇ ମହିଳାଙ୍କୁ ବଳି ଦେଇଥିଲେ। ବଳି ଦେଇଥିବା ଦୁଇ ମହିଳାଙ୍କ ଭିତରୁ ଜଣେ ଜୁନ ମାସରେ ନିଖୋଜ ହୋଇଥିବା ବେଳେ ଜଣେ ସେପ୍ଟେମ୍ବରରେ ନିଖୋଜ ହୋଇ ଯାଇଥିଲେ। ପୁଲିସ ମାମଲାରେ ଅଭିଯୁକ୍ତ ଦମ୍ପତିଙ୍କୁ ଗିରଫ କରିଛି।

    କୋଚ୍ଚି ପୁଲିସ ମୁଖ୍ୟ  ସି ଏଚ ନାଗରାଜୁ କହିଛନ୍ତି, ଆମର ସନ୍ଦେହ ହେଉଛି, ମାନବ ବଳି କର୍ମକାଣ୍ଡ ପାଇଁ ଉଭୟ ମହିଳାଙ୍କୁ ହତ୍ୟା କରାଯାଇଛି। ମୃତଦେହ ଜବତ ହୋଇଛି। ଉଭୟଙ୍କ ମୁଣ୍ଡ କାଟିବା ପରେ ସେମାନଙ୍କ ଶରୀରକୁ ଏଲୁନ୍ଥୁରରେ ପୋତାଯାଇଥିଲା।  ତେବେ ଜଣଙ୍କର ମୃତଦେହ ଉଦ୍ଧାର କରାଯାଇଛି।

    ପୁଲିସ ମଣିଷ ବଳି ଅଭିଯୋଗରେ ତିରୁବଲ୍ଲାର ନିବାସୀ ଡାକ୍ତର ଭାଗବତ ଓ ତାଙ୍କ ସ୍ତ୍ରୀ ଲିଳା ତଥା ପେରୁମ୍ବବୁର ବାସିନ୍ଦା  ସିହାବକୁ ଗିରଫ କରିଛି। ଅନ୍ଧବିଶ୍ବାସର ବଶବର୍ତ୍ତୀ ହୋଇ ଡାକ୍ତର ଦମ୍ପତି ଦୁଇ ମହିଳାଙ୍କୁ ବଳି ଦେଇଥିବା ସନ୍ଦେହ କରାଯାଉଛି। ଅଧିକ ଅର୍ଥ ଉପାର୍ଜନ କରିବା ଆଶାରେ ଏପରି କରିଥିବା କୁହାଯାଉଛି।  

  • ମଦ ବିଭୀଷିକା

    ବିହାର ଛପ୍ରାରେ ମଦ ମୃତ୍ୟୁ ଘଟଣା। ବିଷାକ୍ତ ମଦ ପିଇ ୯ ଜଣଙ୍କର ମୃତ୍ୟୁ ହୋଇଥିବା ବେଳେ ୩୭ ଜଣ ଗୁରୁତର ଅଛନ୍ତି। ବିହାରର ମାକେର ଥାନା ଅଞ୍ଚଳର ଧନୁକ ଟୋଲି ଗ୍ରାମରେ ଏହି ଘଟଣା ଘଟିଛି। ଗୁରୁତରମାନଙ୍କୁ ଛପ୍ରା ଓ ପାଟଣା ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଘଟଣାରେ ୧୪ ଜଣ ନିଜର ଦୃଷ୍ଟି ଶକ୍ତି ହରାଇଛନ୍ତି। ଆଗକୁ ମୃତ୍ୟୁ ସଂଖ୍ୟା ଆହୁରି ବଢିବା ନେଇ ଆଶଙ୍କା କରାଯାଉଛି। ଏନେଇ ପୋଲିସ ଘଟଣାର ତଦନ୍ତ ଜାରି ରଖିଥିବା ବେଳେ ଏକ ମଦ ମାଫିଆକୁ ଗିରଫ କରିଛି।

    ଦେଶରେ ମଦ ମୃତ୍ୟୁ ମାମଲା ବଢିବାରେ ଲାଗିଛି। ବିଷକ୍ତ ମଦ ପିଇ ପୁଣି ଲୋକଙ୍କ ମୃତ୍ୟୁ ଘଟିଛି। ବିଷାକ୍ତ ମତ ଜନିତ ମୃତ୍ୟୁ ଉପରେ ଲାଗିପାରୁ ନାହିଁ ରୋକ । ରାଜ୍ୟ ପରେ ରାଜ୍ୟରେ ଦେଖାଦେଇଛି ଏହି ଦୁଃଖଦ ଘଟଣା। ଗୁଜୁରାଟ ପରେ ଏବେ ପୁଣିଥରେ ବିହାରରେ ମଦ ମୃତ୍ୟୁ ଘଟଣା ସାମ୍ନାକୁ ଆସିଛି। ୨୪ ଘଣ୍ଟା ମଧ୍ୟରେ ବିଷାକ୍ତ ମଦ ପିଇ ୯ ଜଣଙ୍କର ମୃତ୍ୟୁ ହୋଇଥିବା ବେଳେ ୩୭ ଜଣ ଗୁରୁତର ଅଛିନ୍ତି। ୧୪ଜଣ ଦୃଷ୍ଟି ଶକ୍ତି ମଧ୍ୟ ହରାଇ ସାରିଲେଣି। ବୁଧବାର ରାତିରେ ମାକେର ଥାନା ଅଞ୍ଚଳର ଧନୁକ ଟୋଲି ଗ୍ରାମରେ ଏହି ଅଘଟଣ ଘଟିଛି। ଗାଁରେ କୌଣସି ଏକ ପୂଜା ସାରି ଲୋକମାନେ ଫେରୁଥିବା ବେଳେ ମଦ୍ୟପାନ କରିଥିଲେ। ବିଳମ୍ୱିତ ରାତିରେ ଲୋକଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବାରୁ ସ୍ୱାସ୍ଥ୍ୟ ବିଭାଗ ଟିମ ଗାଁରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲେ। ସେଠାରେ ଲୋକମାନଙ୍କର ସ୍ୱାସ୍ଥ୍ୟ ଅବସ୍ଥା ପରୀକ୍ଷା କରି ଜାଣିପାରିଥିଲେ ଯେ, ବିଷାକ୍ତ ମଦ ଦ୍ୱାରା ଏହି ପରିସ୍ଥିତି ଉପୁଜିଛି। ଏଥିରେ ଗୁରୁତର ହୋଇଥିବା ବ୍ୟକ୍ତିଙ୍କୁ ଛାପ୍ରାର ସଦର ହସ୍ପିଟାଲରେ ଭର୍ତ୍ତି କରାଯାଇ ଥିବା ବେଳେ ସେଠାରେ ଲୋକମାନଙ୍କର ସ୍ୱାସ୍ଥ୍ୟ ଅବସ୍ଥା ଅତ୍ୟନ୍ତ ଗୁରୁତର ହେବାରୁ ସେମାନଙ୍କୁ ପାଟଣାର ପିଏମସି ହସ୍ପିଟାଲକୁ ସ୍ଥାନନ୍ତର କରାଯାଇଛି। ସେମାନଙ୍କର ଚିକିତ୍ସା ଜାରି ରହିଛି। ତେବେ ମୃତକଙ୍କ ସଂଖ୍ୟା ବଢିବା ନେଇ ଆଶଙ୍କା କରାଯାଉଛି। ଘଟଣା ସ୍ଥଳରେ ପୋଲିସ ପହଞ୍ଚି ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି। ବେଆଇନ ମଦ କାରବାର ସମ୍ପର୍କରେ ଅଧିକ ଖୋଳତାଡ କରୁଛି ପୋଲିସ। ସେପଟେ ନିକଟରେ ଗୁଜୁରାଟ, ମଧ୍ୟପ୍ରଦେଶରେ ମଧ୍ୟ ଦେଖିବାକୁ ମିଳିଥିଲା ସମାନ ଦୃଶ୍ୟ ।  

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

  • ରାହୁଲ ଗାନ୍ଧୀଙ୍କ କାର୍ଯ୍ୟାଳୟ ଉପରେ ଆକ୍ରମଣ

    କଂଗ୍ରେସ କାର୍ଯ୍ୟାଳୟ ଉପରେ ଆକ୍ରମଣ। କେରଳରେ କଂଗ୍ରେସ କାର୍ଯ୍ୟାଳୟକୁ ଜବରଦସ୍ତି ପସିବା ସହ କଂଗ୍ରେସ କର୍ମୀଙ୍କ ଉପରେ ଆକ୍ରମଣ ହୋଇଛି। କଂଗ୍ରେସ ନେତା କେ.ସି ଭେନୁଗୋପାଲି କହିଛନ୍ତି ଯେ, ଶୁକ୍ରବାର ଅପରାହ୍ନ ପ୍ରାୟ ୩ଟା ସମୟରେ SFI ଦଳର କର୍ମୀମାନେ ୱାୟାନାଡ ସାଂସଦ ରାହୁଲ ଗାନ୍ଧୀଙ୍କ କାର୍ଯ୍ୟାଳୟକୁ ଜବରଦଖଲ କରିବାକୁ ଚେଷ୍ଟା କରିଥିଲେ।

    କେରଳର ୱାୟାନାଡ ରେ ଥିବା କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ କାର୍ଯ୍ୟାଳୟରେ ଭଙ୍ଗା ରୁଜା ହୋଇଛି। ଏନେଇ ଭାରତୀୟ ଯୁବ କଂଗ୍ରେସ ଟୁଇଟ କରି ଅଭିଯୋଗ କରିଛନ୍ତି। କଂଗ୍ରସ ନେତା କେସି ଭେନୁଗୋପାଲି କହିଛନ୍ତି ଯେ, ଶୁକ୍ରବାର ଅପରାହ୍ନ ପ୍ରାୟ ୩ ଟା ସମୟରେ SFI ଦଳର କର୍ମୀ ରାହୁଲ ଗାନ୍ଧୀଙ୍କ କାର୍ଯ୍ୟାଳୟରେ ଜବରଦସ୍ତି ପଶିବାକୁ ଚେଷ୍ଟା କରିଥିଲେ। ଏହାପରେ କଂଗ୍ରେସ କର୍ମଚାରୀଙ୍କ ଉପରେ ନିର୍ଦ୍ଦୟ ଭାବରେ ଆକ୍ରମଣ କରିଥିଲେ। ତେବେ ଏହି ଆକ୍ରମଣ କଣ ପାଇଁ ହୋଇଛି ତାହାର କାରଣ ଜଣା ନ ଥିବା କଂଗ୍ରେସ ପକ୍ଷରୁ କୁହାଯାଇଛି।     

    କଂଗ୍ରେସ ନେତା କେସି ଭେନୁଗୋପାଲି ଆଉ ମଧ୍ୟ କହିଛନ୍ତି ଯେ, ସେମାନେ ବଫର ଜୋନ୍ ପ୍ରସଙ୍ଗକୁ ନେଇ ଆନ୍ଦୋଳନ କରି ଆସୁଛନ୍ତି। ଏହି ପ୍ରସଙ୍ଗରେ ରାହୁଲ ଗାନ୍ଧୀଙ୍କର ଭୂମିକା କିଛି ରହିନାହିଁ। ସୁପ୍ରିମକୋର୍ଟଙ୍କ ରାୟ ଅନୁଯାୟୀ ଯଦି ସେହି ପ୍ରସଙ୍ଗରେ କିଛି କରାଯାଇପାରିବ , ତେବେ ଏହା କେରଳର ମୁଖ୍ୟମନ୍ତ୍ରୀଙ୍କ ଦ୍ୱାରା କରାଯାଇପାରିବ। ସେ କହିଛନ୍ତି ଯେ, ୱାୟାନାଡର ସାଧାରଣ ଲୋକଙ୍କୁ ଦେଖି ରାହୁଲ ଗାନ୍ଧୀ ତାଙ୍କ ହସ୍ତକ୍ଷେପ ପାଇଁ କେରଳର ସିଏମଙ୍କୁ ଚିଠି ଲେଖିଛନ୍ତି ଏବଂ ପ୍ରଧାନମନ୍ତ୍ରୀଙ୍କୁ ମଧ୍ୟ ଚିଠି ଲେଖିଛନ୍ତି। କିନ୍ତୁ ଏହି SFI ର ଯୁବକମାନେ ରାହୁଲ ଗାନ୍ଧୀଙ୍କ କାର୍ଯ୍ୟାଳୟକୁ ଜବରଦସ୍ତି ପଶି କିପରି ଆକ୍ରମଣ କରୁଛନ୍ତି ତାହା ବୁଝାପଡୁ ନାହିଁ।

    ଏହା ସିପିଏମ୍ ନେତୃତ୍ୱର ଏକ ସ୍ପଷ୍ଟ ଷଡଯନ୍ତ୍ର ବୋଲି କୁହାଯାଇଛି।  ଗତ ୫ ଦିନ ହେବ ରାହୁଲ ଗାନ୍ଧୀଙ୍କୁ ଇଡି ଜେରା କରୁଥିବା ବେଳେ କେରଳର ସିପିଏମ୍  କଂଗ୍ରେସ ବା ରାହୁଲଙ୍କୁ ଆକ୍ରମଣ ନରେନ୍ଦ୍ର ମୋଦିଙ୍କ ପଦାଙ୍କ ଅନୁସରଣ ପରି ମନେ ହେଉଛି।

    ବ୍ୟୁରୋ ଇନପୁଟ୍ ସହ ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ ନକ୍ଷତ୍ର ନ୍ୟୁଜ୍

Back to top button