ନେପାଳ-ଚୀନ୍ ସୀମାରେ ଅଗଷ୍ଟ ୨୬ରେ ଆଇସ୍-ରକ୍ ଆଭାଲାଞ୍ଚ ପରେ ଆସିଥିବା ଭୟଙ୍କର ବନ୍ୟା ଓ ଭୂସ୍ଖଳନରେ ବିପର୍ଯ୍ୟସ୍ତ ହୋଇଛି ଉତ୍ତର ନେପାଳ। ସରକାରୀ ତଥ୍ୟ ଅନୁସାରେ ମୃତ୍ୟୁସଂଖ୍ୟା ୧,୩୫୫ରେ ପହଞ୍ଚିଥିବାବେଳେ ୪,୯୯୬ ଜଣ ନିଖୋଜ ଅଛନ୍ତି। ନିଖୋଜଙ୍କ ମଧ୍ୟରେ ପ୍ରାୟ ୫୮୯ ଜଣ ବିଦେଶୀ ନାଗରିକ ରହିଛନ୍ତି। ଏପର୍ଯ୍ୟନ୍ତ ୧୩,୩୯୬ ଜଣଙ୍କୁ ଉଦ୍ଧାର କରାଯାଇଛି ଏବଂ ୨୧ ହଜାରରୁ ଅଧିକ ସୁରକ୍ଷାକର୍ମୀ ଉଦ୍ଧାର ଓ ରିଲିଫ୍ କାର୍ଯ୍ୟରେ ନିୟୋଜିତ ଅଛନ୍ତି। ନେପାଳ ସରକାର ଆଜି ଜାତୀୟ ଶୋକ ଦିବସ ପାଳନ କରୁଥିବାବେଳେ, ନିଖୋଜଙ୍କ ସନ୍ଧାନ ଓ ମୃତଦେହ ଚିହ୍ନଟ ପାଇଁ ଅଭିଯାନ ଜାରି ରହିଛି।
ଗଣ୍ଡକ ନଦୀରେ ପ୍ରାୟ ୩ ମିଟର ଉଚ୍ଚର ଫ୍ଲଡ୍ ଓ୍ୱେଭ ଆସିବାର ଆଶଙ୍କା କରିଛି ପ୍ରାକୃତିକ ବିପର୍ଯ୍ୟୟ ପ୍ରଶମନ ବିଭାଗ। ରସୁଓ୍ୱାରେ ଟିମୁରେ ରେ ଫସିଥିବା ଲୋକଙ୍କୁ ରେସକ୍ୟୁ ଲାଗି ପଠାଯାଇଥିବା ହେଲିକପ୍ଚର ଲ୍ୟାଣ୍ଡିଂ କରିପାରିଲାନି। ଲ୍ୟାଣ୍ଡିଂ କରିନପାରି କାଠମାଣ୍ଡୁ ଫେରିଗଲା। ରେସକ୍ୟୁ ଅପରେସନରେ ସେନାକୁ ମୁତୟନ କରିବାକୁ ନିର୍ଦେଶ ଦେଇଛନ୍ତି ପ୍ରଧାନମନ୍ତ୍ରୀ ବାଲେନ୍।
