nayagar

  • ତିନିଥର ଉଦ୍‌ଘାଟନ ପରେ ବି କାମରେ ଆସୁନି ନୟାଗଡ ବସଷ୍ଟାଣ୍ଡ

    (ନୟାଗଡ) ନୟାଗଡ ସହରରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଟ୍ରାଫିକ ସମସ୍ୟା l ପ୍ରତେକ ଦିନ ଛୋଟ ବଡ଼ ଦୁର୍ଘଟଣା ଘଟିବାରରେ ଲାଗିଛି l ଟ୍ରାଫିକ ସମସ୍ୟା ଦୂର କରିବା ପାଇଁ ନୟାଗଡରେ କୋଟି କୋଟି ଟଙ୍କାରେ ନିର୍ମିତ ହେଲା ବସଷ୍ଟାଣ୍ଡ l ହେଲେ ଫଳ ଶୂନ । ବସ ଷ୍ଟାଣ୍ଡକୁ ଆସୁନି ଗାଡି l ନିରବ ସାଜିଛି ଜ଼ିଲ୍ଲା ପ୍ରଶାସନ l

    ନୟାଗଡରେ ଟ୍ରାଫିକ ସମସ୍ୟା l ଦିନକୁ ଦିନ ଗାଡି ସଂଖ୍ୟା ବୃଦ୍ଧି ପାଉଥିବା ବେଳେ ଟ୍ରାଫିକ ସମସ୍ୟା ଯୋଗୁଁ ସହରରେ ଦୁର୍ଘଟଣା ବୃଦ୍ଧି ପାଇବାରେ ଲାଗିଛି । ପ୍ରଶାସନ ପକ୍ଷରୁ ପୁରୁଣା ବସଷ୍ଟାଣ୍ଡ ଭଙ୍ଗାଯାଇ ନୂଆ ବସଷ୍ଟାଣ୍ଡ ନିର୍ମାଣ ହୋଇଥିଲା । ଯାହାକୁ ୨୦୦୩ ମସିହାରେ ମୁଖ୍ୟମନ୍ତ୍ରୀ ଉଦଘାଟନ କରିଥିଲେ । ହେଲେ କାମରେ ଆସୁନି ଏହି ବସଷ୍ଟାଣ୍ଡ । ନୂଆ ବସ ଷ୍ଟାଣ୍ଡକୁ ଗାଡି ଠିକ୍ ଭାବେ ଯାତାୟାତ କରୁନାହିଁ l ଆଜିକୁ ବହୁବର୍ଷ ପୂର୍ଣ୍ଣ ହୋଇଥିଲେ ମଧ୍ୟ ସହରବାସୀ ଏହାର ସୁବିଧା ପାଇ ପାରୁ ନାହାଁନ୍ତି ।

    କୋଟି କୋଟି ଟଙ୍କାରେ ନିର୍ମିତ ନୟାଗଡ ନୂଆ ବସଷ୍ଟାଣ୍ଡର  ୩ ଥର ଉଦଘାଟନ ହେଲାଣି । କିଛି ସରକାରୀ ବସ ଓ ବେସରକାରୀ ବସ ସେଠାକୁ ଯାଉଛି l ଆଉ କିଛି ବସ ପୁରୁଣା ସହରରୁ ଗାଡି ବୁଲାଇ ଚାଲି ଯାଉଛନ୍ତି l ବସ ମାଲିକ କହୁଛନ୍ତି ପରିମିଟିର ସମସ୍ୟା ରହିଛି l ଯେଉଁଥିପାଇଁ ହଇରାଣ ହେଉଛନ୍ତି ସହରବାସୀ। ଏନେଇ ନୟାଗଡ ଜ଼ିଲ୍ଲାପାଳ କହିଛନ୍ତି ବସ ଯାତାୟାତ ପାଇଁ ଶୀଘ୍ର ବ୍ୟବସ୍ଥା କରାଯିବ l

    ତେବେବସ ଷ୍ଟାଣ୍ଡର ବିକାଶ ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ବି ଏଠି ଅଭିଯୋଗ ହେଉଛି ଜ଼ିଲ୍ଲା ପ୍ରଶାସନ ଓ ବିଧାୟକଙ୍କ ନିରବତାକୁ ନେଇ ଏହା କାର୍ଯ୍ୟକ୍ଷମ ହେଉନାହିଁ l

     ଦେବବ୍ରତ ନାୟକଙ୍କ ରିପୋର୍ଟ

  • ବିବାଦ ଘେରରେ ସରକାରୀ ଆଶ୍ରମ ବିଦ୍ୟାଳୟ

    ନୟାଗଡ: ଆଦିବାସୀ ଅଧ୍ୟୁଷିତ ଅଞ୍ଚଳରେ ଛାତ୍ରଛାତ୍ରୀଙ୍କ ଶିକ୍ଷାର ବିକାଶ ପାଇଁ ସରକାରୀ ଆଶ୍ରମ ବିଦ୍ୟାଳୟ ପ୍ରସ୍ତୁତ କରିଛନ୍ତି l ହେଲେ ନୟଗାଡ ଜିଲ୍ଲାର ଡ଼ିମିରିପଲ୍ଲୀ ଆଶ୍ରମ ବିଦ୍ୟାଳୟ ଅବବ୍ୟବସ୍ଥା ମଧ୍ୟରେ ଗତିକରୁଛି।  ଶିକ୍ଷକ ଓ ଶିକ୍ଷୟିତ୍ରୀଙ୍କ ନାରେ ମାଳମାଳ ଅଭିଯୋଗ l ଛାତ୍ରାବାସରେ ଛାତ୍ରଙ୍କ ଆକ୍ରମଣରେ ସହପାଠୀର ଗୋଡ଼ ଭାଙ୍ଗିଯିବା ଘଟଣାକୁ ନେଇ ଉଚ୍ଚସ୍ତରୀୟ ତଦନ୍ତ ପାଇଁ ନିର୍ଦେଶ ଦେଇଛନ୍ତି ନୟାଗଡ ଜ଼ିଲ୍ଲାପାଳ l

    ନୟାଗଡ ଜ଼ିଲ୍ଲା ନୂଆଗାଁ ବ୍ଲକ ଏକ ଆଦିବାସୀ ଅଧ୍ୟୁଷିତ ଅଞ୍ଚଳ l ଏହି ଅଞ୍ଚଳର ଛାତ୍ରଛାତ୍ରୀଙ୍କ ଶିକ୍ଷାର ମାନ ବୃଦ୍ଧି ପାଇଁ ଆଶ୍ରମ ବିଦ୍ୟାଳୟ ନିର୍ମାଣ ହୋଇଛି l ଏଠାରେ ଷଷ୍ଠ ଶ୍ରେଣୀରୁ ଦଶମ ଶ୍ରେଣୀ ପର୍ଯ୍ୟନ୍ତ ୯୦ରୁ ଉର୍ଦ୍ଧ୍ୱ ଛାତ୍ରଛାତ୍ରୀ ଅଧ୍ୟୟନ କରୁଥିବା ବେଳେ ଶିକ୍ଷାଦାନ ପାଇଁ ଅଛନ୍ତି ୭ ଜଣ ଶିକ୍ଷକ। ସରକାରଙ୍କ ପକ୍ଷରୁ ଛାତ୍ରୀବାସର ସୁବିଧା ରହିଛି l ହେଲେ ଏଠାକୁ ଶିକ୍ଷକ ମଦ୍ୟପାନ କରି ଆସୁଥିବା ସହ ଛାତ୍ରୀମାନଙ୍କୁ ଅସଦାଚରଣ କରୁଥିବା ଅଭିଯୋଗ ହୋଇଛି l କିଛିମାସ ପୂର୍ବେ ଏଭଳି ୩ ଜଣ ଶିକ୍ଷକଙ୍କୁ ଜ଼ିଲ୍ଲା ପ୍ରଶାସନ ପକ୍ଷରୁ ବହିଷ୍କାର କରାଯାଇଥିଲା l ସେହି ସ୍କୁଲର ଷଷ୍ଠ ଶ୍ରେଣୀର ଛାତ୍ର ମନୋରଞ୍ଜନ ବେହେରାକୁ ତାର ଜଣେ ସହପାଠୀ ଛାତ୍ରବାସରେ ଥିବାବେଳେ କୌଣସି କାରଣକୁ ନେଇ ଏକ ଲୁହାରଡ଼ରେ ଆକ୍ରମଣ କରିଥିଲା l ମନୋରଞ୍ଜନର ଗୋଡ଼ ଭାଙ୍ଗି ଯାଇଥିଲେ ମଧ୍ୟ ଶିକ୍ଷକ ଅଭିଭାବକଙ୍କୁ ସୂଚନା ଦେଇନଥିଲେ l ଅଭିଭାବକ ଖବର ପାଇ ଛାତ୍ରକୁ ଘରକୁ ନେଇଯାଇଛନ୍ତି l

    ସେପଟେ ଛାତ୍ର ମାଡ଼ ଘଟଣାରେ ସ୍କୁଲର ପ୍ରଧାନ ଶିକ୍ଷକ ଅଭିଭାବକଙ୍କୁ ଡାକି  ସମାଧାନ ପାଇ ଚେଷ୍ଟା ଚଳାଇଛନ୍ତି l ସ୍କୁଲ ରେ କୌଣସି ଅସୁବିଧା ନଥିବା ପ୍ରଧାନଶିକ୍ଷକ କହିଛନ୍ତି l ସେପଟେ ବିଦ୍ୟାଳୟ ନାମରେ ଏକାଧିକ ଅଭିଯୋଗ ପରେ ସମସ୍ତ ଘଟଣାର ତଦନ୍ତ ଦାୟିତ୍ୱ ନେଇଛନ୍ତି ନୟାଗଡ ଜ଼ିଲ୍ଲାପାଳ l ତଦନ୍ତ ପରେ ଦୃଢ କାର୍ଯାନୁଷ୍ଠାନ ନେବାକୁ କହିଛନ୍ତି ଜିଲ୍ଲାପାଳ।

    ଶିକ୍ଷକ ହେଉଛନ୍ତି ଛାତ୍ରଛାତ୍ରୀଙ୍କ ମାର୍ଗଦର୍ଶିକା l ଶିକ୍ଷକ ଯଦି ସ୍କୁଲ ରେ ଉପଯୁକ୍ତ କାର୍ଯ୍ୟ କରିବେ ନାହିଁ ତେବେ ଛାତ୍ରଛାତ୍ରୀଙ୍କ ଭବିଷ୍ୟତ ଅନ୍ଧାରକୁ ଚାଲିଯିବ କହିଛନ୍ତି ଅଭିଭାବକ l

    ଦେବବ୍ରତ ନାୟକଙ୍କ ରିପୋର୍ଟ

  • ମୌଳିକ ସୁବିଧାରୁ ବଞ୍ଚିତ ଆଦିବାସୀ ଅଧ୍ୟୁଷିତ ଗାଁ ନେପାଳ

    ନୟାଗଡ: ଗ୍ରାମାଞ୍ଚଳର ବିକାଶ ପାଇଁ ସରକାରର ବିଭିନ୍ନ ଯୋଜନା l କେଉଁଠି ଯୋଜନାର ସଫଳ ରୂପାୟନ ହେଉଛି ତ ଆଉ କେଉଁଠି ଯୋଜନା ସାତ ସପନ ହୋଇଛି l ଏବେବି ମୌଳିକ ସୁବିଧାରୁ ବଞ୍ଚିତ ନୟାଗଡ ଜ଼ିଲ୍ଲା ଓଡଗାଁ ବ୍ଲକ ଆଦିବାସୀ ଅଧ୍ୟୁଷିତ ଗାଁ ନେପାଳ ।

    ପାହାଡ଼ ଉପର ଗାଁଟି ର ନାଁ ନେପାଳ l ବାଣ୍ଠପୁର ଗାଁରୁ ଘଞ୍ଚ ଜଙ୍ଗଲ ରାସ୍ତାରେ ୭ କିମି ଗଲେ ନେପାଳ ଗାଁ ପଡେ l ଗାଁରେ ପ୍ରାୟ ୪୦ ପରିବାର ବାସବାସ କରନ୍ତି l ଜୀବନ ଯାପନ ପାଇଁ ଗାଁର ଲୋକମାନେ ଜଙ୍ଗଲ ଉପରେ ନିର୍ଭର କରିଥାନ୍ତି। ଦେହ ଖରାପ ହେଲେ ଚେର ମୂଳି ଉପରେ ନିର୍ଭରଶୀଳ ଗ୍ରାମବାସୀ l ଆଜିର ଆଧୁନିକ ଯୁଗରେ ଏବେବି ଅବହେଳିତ ଆବସ୍ଥାରେ ଅଛି ନୟାଗଡ ଜ଼ିଲ୍ଲା ଓଡଗାଁ ବ୍ଲକର ନେପାଳ ଗାଁ।

    ଶିକ୍ଷା ବ୍ୟବସ୍ଥା କହିଲେ ଜଙ୍ଗଲ ରାସ୍ତାରେ ୭ କିମି ଚାଲିକି ଗଲେ ଗୋଟିଏ ସ୍କୁଲ ପଡେ l ଜଙ୍ଗଲ ଜନ୍ତୁଙ୍କ ଭୟ ଥିବାରୁ ସ୍କୁଲକୁ ପିଲା ମାନେ ସ୍କୁଲ ଯିବାକୁ ଅମଙ୍ଗ ହୋଇଥାନ୍ତି l ପୂର୍ବରୁ ଗାଁକୁ ଖଣ୍ଡିଏ ଭଲ ରାସ୍ତା ନଥିବା ବେଳେ ଏବେ କିଛି ଦିନ ହେବ ମନରେଗା ଯୋଜନାରେ ରାସ୍ତା ଟିଏ ତିଆରି ହୋଇଛି l ଆଉ ବିଦ୍ୟୁତ ବ୍ୟବସ୍ଥା କଥା ନ କହିବା ଭଲ। ରାତି ହେଲେ ଡିବି ଆଲୁଅ ହିଁ ସାହା ଭରସା। ସେହିପରି ରୋଷେଇ ବାସ ପାଇଁ କାଠ ଜାଳେଣି ଉପରେ ନିର୍ଭର କରନ୍ତି ଗ୍ରାମବାସୀ। ତେବେ ଯଦି ନୟାଗଡ ବିଧାୟକ ଏହି ଗାଁକୁ ଦୃଷ୍ଟି ଦିଅନ୍ତେ ତେବେ ଗାଁର ବିକାଶ ହୋଇପାରନ୍ତା ବୋଲି ଗାଁ ଲୋକେ କହିଛନ୍ତି। ସେପଟେ ଜ଼ିଲ୍ଲା ପରିଷଦ ସଦସ୍ୟଙ୍କୁ ପଚାରିବାରୁ ସେ କହିଛନ୍ତି ଅଳ୍ପ ଦିନ ମଧ୍ୟରେ ଆଲୋକୀ କାରଣ କରାଯିବ l ରାସ୍ତା ଓ ଅଙ୍ଗନୱାଡିର ସୁବିଧା ମଧ୍ୟ ହୋଇଛି l କିନ୍ତୁ ଲୋକେ ତାର ସୁଫଳ ପାଇପାରୁ ନାହାନ୍ତି।

    ନୟାଗଡରୁ ଦେବବ୍ରତ ନାୟକଙ୍କ ରିପୋର୍ଟ….

Back to top button