ଓଡ଼ିଶାରେ ଡିଜିପି ନିଯୁକ୍ତି ନେଇ ୟୁପିଏସସି ୧୮ ତାରିଖ ଯାଏ କୌଣସି ନିଷ୍ପତ୍ତି ନେଇପାରିବନି। ଏ ନେଇ ନିର୍ଦେଶ ଦେଇଛନ୍ତି ସୁପ୍ରିମକୋର୍ଟ। ଅଗଷ୍ଟ ୧୬ରେ ସରୁଛି ଓଡ଼ିଶା ଡିଜିପି ଓ୍ୱାଇ.ବି.ଖୁରାନିଆଙ୍କ କାର୍ଯ୍ୟକାଳ। ତେବେ ତା ପୂର୍ବରୁ ଓଡ଼ିଶା ଡିଜିପି ନିଯୁକ୍ତି ନେଇ ଲାଗିଥିବା ଅନିଶ୍ଚିତତାର ସଂକଟ ବଢ଼ିଲା। ଡିଜିପି ନିଯୁକ୍ତି ନେଇ ଆଜି ୟୁପିଏସସିର ଦ୍ୱିତୀୟ ବୈଠକ ବସିବାର ଥିଲା।
ଅଦାଲତଙ୍କ ଆଶା ରହିଛି ଯେ, ୟୁପିଏସସି ସୁପ୍ରିମକୋର୍ଟଙ୍କ ନିଷ୍ପତ୍ତି ମୁତାବକ କାମ କରିବ। ଜନସ୍ୱାର୍ଥ ମାମଲାରେ ଦର୍ଶାଯାଇଛି ଯେ, ଓଡ଼ିଶାର ପରବର୍ତ୍ତୀ ଡିଜିପି ପାଇଁ ଯେଉଁ ନିଯୁକ୍ତି ପ୍ରକ୍ରିୟା ଚାଲିଛି। ସେ ପାନେଲକୁ କିଛି ଅଯୋଗ୍ୟ ଅଧିକାରୀଙ୍କ ନାଁ ପଠାଇଛନ୍ତି ରାଜ୍ୟ ସରକାର। ନୂଆ ଡିଜିପି ରେସ ପାଇଁ ନିୟମକୁ ପୁରା କରିବାକୁ ଓଡ଼ିଶା ସରକାର ବରିଷ୍ଠତା, କାର୍ଯ୍ୟରେ ଅଭିଜ୍ଞତାକୁ ନ ଦେଖି ରାତାରାତି ଦୁଇ ବରିଷ୍ଠ ଆଇପିଏସ ଯେଉଁମାନେ ଏଡିଜିପି ପାହ୍ୟାର ଥିଲେ, ସେମାନଙ୍କୁ ଡିଜିପି ପାହ୍ୟାକୁ ପଦୋନ୍ନତି ଦେଇଛନ୍ତି।
