politics

ଅପରାଜିତା ଷଡ଼ଙ୍ଗୀଙ୍କ ଟୁଇଟକୁ ବିଜେଡିର ଜୋରଦାର କାଉଣ୍ଟର କରିଛନ୍ତି ବିଜେଡି ମୁଖ୍ୟ ସଚେତକ ପ୍ରଶାନ୍ତ ମୁଦୁଲି । ଓଡିଶା ନବୀନ ଓଡିଶା ବିକାଶର ଗୋଟେ ମହାମନ୍ତ୍ର । ଆଗାମୀ ଦିନରେ ଓଡ଼ିଶାର ବିକାଶକୁ ଏହା ଆହୁରି ତ୍ୱରାନ୍ୱିତ କରିବ । ଖବର ପାଇବା ପରେ ଓଡିଶାବାସୀ ଉତ୍ସାହିତ ଅଛନ୍ତି । ଅତୀତର ଆମ ଗାଁ ଆମ ବିକାଶ ପ୍ରତି ପଂଚାୟତ ପ୍ରତି ଗାଁ ର ତୃଣ ମୂଳ ସ୍ତରର ସମସ୍ୟାକୁ ସମାଧାନ କରିବା ଲାଗି ଯୋଜନା କରାଯାଇଥିଲା । ତା ଠୁ ଅଧିକ ଟଙ୍କାର ବ୍ୟୟ ବରାଦ କରାଯାଇଛି ଏହି ଯୋଜନା ରେ । ପ୍ରତ୍ୟେକ ଗାଁ ପ୍ରତ୍ୟେକ ଅଞ୍ଚଳର ସାମାଜିକ ଓ ସଂସ୍କୃତିକୁ ସୁରକ୍ଷା ଦେବା ଲାଗି ବି ବ୍ୟବସ୍ଥା ହୋଇଛି । ଜଗନ୍ନାଥ ସଂସ୍କୃତିକୁ ଏଥିରେ ସ୍ଥାନିତ କରାଯାଇଛି । ନିର୍ବାଚନ ସହିତ ଏହି ଯୋଜନାର କୌଣସି ସମ୍ପର୍କ ନାହିଁ । ଓଡ଼ିଶାର ବିକାଶ ପାଇଁ ଆମ ଓଡ଼ିଶା ନବୀନ ଓଡିଶା ଗୋଟେ ନୂତନ ଫର୍ଦ୍ଧ ।

ଆମ ଗାଁ ଆମ ବିକାଶ କେଉଁଠି ଅଧା ରହିନି । ଯିଏ ଗାଁ କୁ ଯିବ ଗାଁର ଚିତ୍ର କୁ ଦେଖିବ ଜାଣି ପାରିବ । ଯେଉଁମାନେ ଏହା କହୁଛନ୍ତି ସେମାନେ ଗାଁ କୁ ଯାଇ ନାହାନ୍ତି ଭୁବନେଶ୍ୱରରେ ବସି କି ଟିପଣି ଦେଉଛନ୍ତି । ଜଗନ୍ନାଥ ସଂସ୍କୃତିକୁ ନିର୍ବାଚନ ସହ ଯୋଡ଼ିବାର କିଛି ମାନେ ନାହିଁ । ଯୋଜନାକୁ ଯେଉଁମାନେ ନିର୍ବାଚନ ସହ ଯୋଡୁଛନ୍ତି ସେମାନେ ଭୟବିତ ବୋଲି ପ୍ରମାଣିତ କରୁଛନ୍ତି ।
ଏସ ଏଚ ଜି ମାଧମରେ ସମାଜରେ ଅବହେଳିତ ହୋଇ ରହିଥିବା ମା ମାନଙ୍କର ଉଥାନ ହୋଇଛି । ସମାଜିକ, ଅର୍ଥନୈତିକ ଓ ମାନସିକ ସ୍ତରରେ ହୋଇଥିବା ବିକାଶ କୁ ଅନ୍ୟ ମାନେ ସହି ପାରୁ ନାହାଁନ୍ତି । କାହାର ଟିପଣିରେ କିଛି ଯାଏ ଆସେ ନାହିଁ । ଗାଁ ର ମହିଳା ମାନଙ୍କ ଦ୍ୱାରା ଯେଉଁ ସମୀକରଣ ହୋଇଛି ରାଜନୈତିକ ଓ ସାମାଜିକ ଚିତ୍ର ପରିବର୍ତ୍ତନ ହୋଇଛି ତାହା ଦ୍ୱାରା ସମାଜର ବିକାଶ ହୋଇଛି ।

ବିହାର: “ଲୋକ ଜନଶକ୍ତି ପାର୍ଟି” ର ଅଧ୍ୟକ୍ଷ ଚିରାଗ ପାସ୍‌ୱାନ ଏନ୍‌ଡିଏରେ ଯୋଗ ଦେବା ନେଇ ଅନେକ ଚର୍ଚ୍ଚା ଭିତରେ ଆଜି ବିହାରର କେନ୍ଦ୍ରୀୟ ଗୃହରାଜ୍ୟ ମନ୍ତ୍ରୀ ନିତ୍ୟାନନ୍ଦ ରାୟଙ୍କୁ ପାଟନାରେ ସାକ୍ଷାତ କରିଛନ୍ତି ଚିରାଗ । ତେଣୁ ଆଶଙ୍କା କରାଯାଉଛି କି ତାଙ୍କୁ କେନ୍ଦ୍ର କ୍ୟାବିନେଟରେ ଯୋଗ କରାଯାଇପାରେ । ତେବେ ଏହା ଉପରେ ନିତ୍ୟାନନ୍ଦ ରାୟ କହିଛନ୍ତି ଯେ କି “ ଏହା ଆମର ପୁରୁଣା ଘର । ଯେବେ ଆମେ ପରସ୍ପରକୁ ଭେଟୁ ସବୁବେଳେ ଭଲ ଲାଗେ । ରାମ ବିଳାସ ପାସୱାନ ଓ ବିଜେପି ଲୋକଙ୍କ କଲ୍ୟାଣ ପାଇଁ ହିଁ କାମ କରିଥାଏ ।”
ସେପଟେ, ଚିରାଗ ପାସୱାନ୍‌ ବି ଆଜି ପାଟନା କାର୍ଯ୍ୟାଳୟରେ ଜାତୀୟ ଓ ରାଜ୍ୟ କାର୍ଯ୍ୟନିର୍ବାହୀଙ୍କର ଏକ ଗୁରୁତ୍ବପୂର୍ଣ୍ଣ ବୈଠକ ଡକାଇଛନ୍ତି। ଗଣମାଧ୍ୟମକୁ ସେ କହିଛନ୍ତି ଯେ, ଆଗାମୀ ଲୋକସଭା ନିର୍ବାଚନ ନିମନ୍ତେ ମେଣ୍ଟ ସଂକ୍ରାନ୍ତରେ ଆଲୋଚନା ହେବ। ଜୁଲାଇ ୧୮ ତାରିଖ ଦିନ ‘ବିଜେପି’ ନେତୃତ୍ବାଧୀନ ‘ଏନ୍‌ଡିଏ’ ଆୟୋଜନ କରିବାକୁ ଥିବା ବୈଠକରେ ବି ତାଙ୍କ ଦଳ ଯୋଗଦେବ।

TRILOCHNA KANUNGO DEATH_PKG

 ()ଆଉ ନାହାନ୍ତି ପୂର୍ବତନ ସାଂସଦ, ବିଶିଷ୍ଟ ଶିକ୍ଷାବିତ ତଥା ଅର୍ଥନୀତିଜ୍ଞ ତ୍ରିଲୋଚନ କାନୁନଗୋ। ୮୩ ବର୍ଷ ବସୟରେ ତାଙ୍କର ନିଧନ ହୋଇଯାଇଛି । ଚିକିତ୍ସିତ ଅବସ୍ଥାରେ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ତାଙ୍କର ମୃତ୍ୟୁ ହୋଇଛି । ତାଙ୍କ ମରଶରୀରକୁ ଗାର୍ଡ ଅଫ ଅନର ପ୍ରଦାନ କରାଯାଇଛି । ତେବେ ତାଙ୍କ ମୃତ୍ୟୁକୁ ନେଇ ସବୁଠି ଶୋକର ଛାୟା ଖେଳିଯାଇଛି । ଆସନ୍ତା ରବିବାର ଦିନ କଟକ ଜିଲ୍ଲା ବଡ଼ମୂଳେଇ ଗ୍ରାମ ଶ୍ମଶାନରେ ଶେଷକୃତ୍ୟ ସମ୍ପନ୍ନ କରାଯିବ ।

ଆଉ ନାହାନ୍ତି ପୂର୍ବତନ ସାଂସଦ, ବିଶିଷ୍ଟ ଶିକ୍ଷାବିତ ତଥା ଅର୍ଥନୀତିଜ୍ଞ ତ୍ରିଲୋଚନ କାନୁନଗୋ। ୮୩ ବର୍ଷ ବସୟରେ ତାଙ୍କର ନିଧନ ହୋଇଯାଇଛି । ବ୍ରେନଷ୍ଟୋକରେ ଆକ୍ରାନ୍ତ ହୋଇ ଗତ ମାର୍ଚ୍ଚ ୩୦ତାରିଖରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଥିଲେ । ଚିକିତ୍ସିତ ଅବସ୍ଥାରେ ସେ ଶୁକ୍ରବାର ସକାଳ ୭ଟାରେ ଆଖି ବୁଜିଛନ୍ତି । ତାଙ୍କ ମୃତ୍ୟୁକୁ ନେଇ ସବୁଠି ଶୋକର ଛାୟା ଖେଳିଯାଇଛି । ଅନ୍ୟପଟେ ବିଧାନସଭା ପରିସରରେ ପୂର୍ବତନ ସାଂସଦ ତ୍ରିଲୋଚନ କାନୁନଗୋଙ୍କ ମରଶରୀରକୁ ଦିଆଯାଇଛି ଗାର୍ଡ଼ ଅଫ ଅନର । ବାଚସ୍ପତିଙ୍କ ସହିତ ଅନେକ ବରିଷ୍ଠ ନେତା ତାଙ୍କର ଶେଷ ଦର୍ଶନ କରିଥିଲେ। ଏହାପରେ ତାଙ୍କ ମରଶରୀରକୁ କଟକ ମହାନଗର ନିଗମ ର ବିଜୁ ଭବନ କୁ ନିଆଯାଇଥିଲା । ସେଠାରେ କଟକ ଜିଲ୍ଲାପାଳ,ସିଏମସି କମିଶନର, ମେୟର, ଡେପୁଟି ମେୟର, ପୂର୍ବତନ ବିଧାୟକ ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ପରେ କଟକ ଶେଖ ବଜାର ଘରକୁ ନିଆଯାଇ ଥିବା ବେଳେ ସେଠାରେ ବନ୍ଧୁବାନ୍ଧବ ଙ୍କ ଠାରୁ ଆରମ୍ଭ କରି ଆତ୍ମୀୟସ୍ୱଜନ ସ୍ବର୍ଗତ କାନୁନଗୋ ଙ୍କ ଶେଷ ଦର୍ଶନ କରିଥିଲେ । ଏହାପରେ ଅଡଶପୁରସ୍ଥିତ ୟୁଏନ କଲେଜର ଅଭିମୁଖେ ମୃତଦେହ ନିଆଯାଥିଲା। ସେଠାରେ ଶୁକ୍ରବାର ଓ ଶନିବାର ଦୁଇଦିନ ଧରି ମର ଶରୀରକୁ ଶେଷ ଦର୍ଶନ ପାଇଁ ରଖାଯାଇଛି । ଏବଂ ବିଦେଶରେ ଥିବା ଝିଅ ଜ୍ୱାଇଁ ଆସିବା ପରେ ଆସନ୍ତା ରବିବାର ଦିନ କଟକ ଜିଲ୍ଲା ବଡ଼ମୂଳେଇ ଗ୍ରାମ ଶ୍ମଶାନରେ ଶେଷକୃତ୍ୟ ସଂମ୍ପନ୍ନ କରାଯିବ ବୋଲି ସ୍ବର୍ଗତ କାନୁନଗୋ ଙ୍କ ଭାଇ ପଞ୍ଚାନନ କାନୁନଗୋ ସୂଚନା ଦେଇଛନ୍ତି ।

ତେବେ ଓଡିଶାର ବେଶ ପରିଚିତ ଚେହେରା ଥିଲେ ତ୍ରିଲୋଚନ କାନୁନଗୋ । ସେ 1940 ମସିହା ନଭେମ୍ବର 24 ତାରିଖରେ କଟକ ଜିଲ୍ଲା ବଡ଼ମୂଳେଇ ଗ୍ରାମରେ ଜନ୍ମଗ୍ରହଣ କରିଥିଲେ । ରାଜ୍ୟ ଅର୍ଥ କମିଶନର ଅଧ୍ୟକ୍ଷ ଭାବେ ମଧ୍ୟ ସେ କାର୍ଯ୍ୟ କରିଥିଲେ । ଜଗତସିଂହପୁର ଲୋକସଭା ଆସନରୁ ସେ 1999 ମସିହାରେ ବିଜୁ ଜନତା ଦଳ ଟିକେଟରେ ନିର୍ବାଚିତ ହୋଇଥିଲେ । ସେ 3 ଥର ବିଧାୟକ ଓ ଥରେ ସାଂସଦ ନିର୍ବାଚିତ ହୋଇଥିଲେ । କଟକ ଅଡ଼ଶପୁର ୟୁଏନ କଲେଜର ପରିଚାଳନା ସମିତିର ସେ ଅଧ୍ୟକ୍ଷ ଭାବେ ଭୂମିକା ନିର୍ବାହ କରୁଥିଲେ । ତ୍ରିଲୋଚନ କାନୁନଗୋଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଶୋକବ୍ୟକ୍ତ କରିଛନ୍ତି ।

ତେବେ ତ୍ରିଲୋଚନ କାନୁନଗୋଙ୍କ ମୃତ୍ୟୁରେ ସବୁଠି ଶୋକର ଛାୟା ଖେଳିଯାଇଛି । ତ୍ରିଲୋଚନ କାନୁନଗୋ କଟକ ପୌରପାଳିକାର ଅଧ୍ୟକ୍ଷ ଭାବେ କାର୍ଯ୍ୟ କରି ବେଶ ଲୋକପ୍ରିୟତା ହାସଲ କରିଥିଲେ ।

ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ…

SAMBALPUR ISSUE…PKG…BBSR…NABA

() ସମ୍ୱଲପୁର ହିଂସାକୁ ଅନୁଧ୍ୟାନ ପାଇଁ ବାହାରିଥିଲା ବିଜେପିର ଏକ ଉଚ୍ଚସ୍ତରୀୟ ଟିମ । ଯେଉଁଥିରେ କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁ, ରାଜ୍ୟ ସଭାପତି ମନମୋହନ ସାମଲଙ୍କ ସହ କିଛି ସାଂସଦ ଓ ବିଧାୟକ ରହିଥିଲେ । ଯେଉଁମାନଙ୍କୁ ଝାରସୁଗୁଡା-ସମ୍ୱଲପୁର ସୀମା ଶ୍ରୀପୁରା ଛକରେ ପୋଲିସ ଅଟକାଇ ଥିଲା ପୋଲିସ । ଫଳରେ ପୋଲିସ-ବିଜେପି ନେତାଙ୍କ ମଧ୍ୟରେ ଯୁକ୍ତିତର୍କ ଦେଖିବାକୁ ମିଳିଥିଲା । ଏମିତି କି ବିଜେପି ପ୍ରତିନିଧି ମଣ୍ଡଳକୁ ପୋଲିସ ଗିରଫ ମଧ୍ୟ କରିଥିଲା । ଏପଟେ ଦଙ୍ଗା ସୃଷ୍ଟି କରିବା ବିଜେପିର ଚିନ୍ତାଧାରା ବୋଲି କହିଛି ବିଜେଡି । ଅନ୍ୟପଟେ ଜିଲ୍ଲାପାଳଙ୍କ ଅଧ୍ୟକ୍ଷତାରେ ପରିସ୍ଥିତିକୁ ସ୍ୱାଭାବିକ କରିବା ପାଇଁ ବସିଥିଲା ଗୁରୁତ୍ୱପୁର୍ଣ୍ଣ ବୈଠକ ।

ପଥର ମାଡ । ପୋଡା ଜଳା । ସାମ୍ପ୍ରଦାୟିକ ହିଂସା ।  ଏହାରି ଭିତରେ  ରାଜନୈତିକ ଟଣା ଓଟରା । ଯାହାକୁ ନେଇ ଏବେ ଚର୍ଚ୍ଚାରେ ସମ୍ୱଲପୁର । ମଙ୍ଗଳବାର ବିଜେପିର ଏକ ଉଚ୍ଚସ୍ତରୀୟ ଟିମ ସମ୍ୱଲପୁର ସ୍ଥିତି ଯାଞ୍ଚ ପାଇଁ ଯାଉଥିବା ବେଳେ ଝାରସୁଗୁଡା-ସମ୍ୱଲପୁର ସିମା ଶ୍ରୀପୁରା ଛକରେ ପୋଲିସ ଅଟକାଇ ଥିଲା ।  ଫଳରେ ବିଜେପି ରାଜ୍ୟ ସଭାପତି, ସାଂସଦ ଓ ବିଧାୟକଙ୍କ ସହ ପୋଲିସ କର୍ମୀଙ୍କ ଯୁକ୍ତିତର୍କ ହୋଇଥିଲା । ଯାହାକୁ ନେଇ ସିଧାସଳଖ ଭାବରେ ରାଜ୍ୟ ସରକାରଙ୍କୁ ଟାର୍ଗେଟ କରିଛି ବିଜେପି । ଆମ ଛାଇ ଦେଖିଲେ ନବୀନ ବାବୁ ଡରିବାକୁ ଲାଗିଲେଣି ବୋଲି କହିଛନ୍ତି ବିଜେପି ରାଜ୍ୟ ସଭାପତି ।  ସେହିପରି ଆମ ସାମ୍ୱିଧାନିକ କ୍ଷମତାକୁ ହତ୍ୟା କରାଯାଉଥିବା ଅଭିଯୋଗ ଆଣିଛନ୍ତି ସାଂସଦ ସୁରେଶ ପୁଜାରୀ । ଏପଟେ ବିଜେପିର ଚିନ୍ତାଧାର ରାଜ୍ୟରେ ଦଙ୍ଗା କରିବା । ତେଣୁ ସମ୍ୱଲପୁର ହିଂସାକୁ ବିଜେପି ଉସୁକାଇବାକୁ ଚେଷ୍ଟା କରୁଥିବା ପାଲଟା ଆରୋପ କରିଛି ବିଜେଡି ।

ସେପଟେ ସହରରେ ଶାନ୍ତି ଫେରାଇ ଆଣିବା ପାଇଁ ଜିଲ୍ଲାପାଳ ଅଫିସରେ ବସିଥିଲା ଗୁରୁତ୍ୱପୁର୍ଣ୍ଣ ବୈଠକ । କିପରି ଶିଘ୍ର ସ୍ଥିତି ସ୍ୱାଭାବିକ ହୋଇପାରିବ ସେ ନେଇ ବିଶେଷ ଆଲୋଚନା ହୋଇଥିଲା । ତେବେ କର୍ଫ୍ୟୁ ସମୟରେ ଅଯଥାରେ ଘରୁ ନ ବାହାରିବାକୁ ଅନୁରୋଧ କରିଛନ୍ତି ଜିଲ୍ଲାପାଳ । 

ଗୋଟିଏ ପଟେ ସହରରେ ଶାନ୍ତି ପ୍ରତିଷ୍ଠା କରିବା ପାଇଁ ପ୍ରଶାସନ ପକ୍ଷରୁ ଅପିଲ ସହ ଅହରହ ଚେଷ୍ଟା ଚାଲିଛି । ଏହାରି ଭିତରେ ବିଜେପି ଟିମକୁ ସହର ଭିତରକୁ ନଛାଡିବା ପରିସ୍ଥିତି ଅଧିକ ଗୋଳମାଳିଆ କରିଛି ।

ସରୋଜ ସେଠ ଓ ଭୁବନେଶ୍ୱରରୁ ନବ କିଶୋର ସାହୁଙ୍କ ରିପୋର୍ଟ

GANGSTER ENCOUNTER..PKG..PRADEEP/BBSR

() ଉମେଶ ପାଲ୍ ହତ୍ୟା ମାମଲାର ପ୍ରାୟ ୨ ମାସ ପରେ ଗ୍ୟାଙ୍ଗଷ୍ଟର ଅତିକ ଅହମଦର ପୁଅ ଅସଦକୁ ଏନକାଉଣ୍ଟର କରାଯାଇଛି। ହତ୍ୟା ମାମଲାରେ ଅସଦକୁ ପୁଲିସ ଖୋଜୁଥିଲା ବେଳେ ୬ଟି ସହର ଓ ୧୦ଟି ସିମ୍ କାର୍ଡ ବଦଳାଇଥିଲା ଅସଦ। ତେବେ ପୁଅର ମୃତ୍ୟୁ ପାଇଁ ନିଜକୁ ଦାୟୀ କରିଛି ଅତିକ୍। ସେହିଭଳି ଅସଦର ସହଯୋଗୀ ସାର୍ପସୁଟର ଗୁଲାମ ବି ଏନକାଉଣ୍ଟରର ଶୀକାର ହେବା ପରେ ଗୁଲାମର ମାଆ ବି କହିଛନ୍ତି, କୌଣସି ଅପରାଧୀ ପ୍ରତି ସରକାରଙ୍କ ଏଭଳି ଆକ୍ସନ ବିଲକୁଲ ଯଥାର୍ଥ।

ଫେବୃଆରୀ ୨୪ରେ ଉମେଶ ପାଲଙ୍କୁ ହତ୍ୟା କରାଯାଇଥିଲା। ଆଉ ୨୫ରେ ଏହି ହତ୍ୟା ଘଟଣାକୁ ନେଇ ବିଧାନସଭାର ବଜେଟ୍ ଅଧିବେଶନରେ ଯୋଗୀ ସରକାରଙ୍କୁ ଘେରିଥିଲେ ସପା ମୁଖ୍ୟ ଅଖିଳେଶ ଯାଦବ। ରାଜ୍ୟରେ ଆଇନ ଶୃଙ୍ଖଳା ସ୍ଥିତି ବିପର୍ଯ୍ୟସ୍ତ କହିଥିଲେ। ଆଉ ରାଜ୍ୟର ମାଫିଆଙ୍କୁ ମାଟିରେ ମିଶାଇଦେବୁ ବୋଲି ଏଭଳି ଢଙ୍ଗରେ କହିଥିଲେ ଯୋଗୀ। ଯୋଗୀଙ୍କ ମନ୍ତବ୍ୟର ଏହି ଭିଡ଼ିଓ ଏବେ ସାମାଜିକ ଗଣମାଧ୍ୟମରେ ଘୁରିବୁଲୁଛି। କାରଣ ଅଭିଯୁକ୍ତଙ୍କ ମୁଣ୍ଡ ଉପରେ ୫ ଲକ୍ଷ ଟଙ୍କା ପୁରଷ୍କାର ରଖିଥିଲେ ସରକାର। ଆଉ ଶେଷରେ ଅତିକ ଅହମଦର ପୁଅ ଅସଦ ଓ ତାହାର ସହଯୋଗୀ ସାର୍ପସୁଟର ଗୁଲାମକୁ ଏନକାଉଣ୍ଟର କରିଛି ଏସଟିଏଫ। ଗ୍ୟାଙ୍ଗଷ୍ଟରରୁ ରାଜନେତା ସାଜିଥିବା ଅତିକ ଅହମଦର ମାଫିଆ ସାମ୍ରାଜ୍ୟ ଭୁଷୁଡ଼ିବାରେ ଲାଗିଛି। ପୁଅ ଅସଦକୁ ଏନକାଉଣ୍ଟର ଖବର ଶୁଣି ଅତିକ ପ୍ରୟାଗରାଜ ଚିଫ୍ ଜୁଡିସିଆଲ ମାଜିଷ୍ଟ୍ରେଟ କୋର୍ଟରେ କାନ୍ଦି ପକାଇଥିଲେ। ଆଉ କହିଛନ୍ତି କି, ପୁଅର ମୃତ୍ୟୁ ଲାଗି ସେ ହିଁ ଦାୟୀ। ପୁଅର ଶେଷକୃତ୍ୟରେ ସାମିଲ୍ ହେବାକୁ କୋର୍ଟରୁ ଅନୁମତି ଲୋଡ଼ିଥିଲେ। ମେଡିକାଲରେ ପହଞ୍ଚିବା ଆଗରୁ ପ୍ରାୟ ୨ ଘଣ୍ଟା ଆଗରୁ ସେମାନଙ୍କର ମୃତ୍ୟୁ ହୋଇସାରିଥିଲା। ଶବ ବ୍ୟବଛେଦରୁ ଅସଦ ଦେହରେ ଦୁଇଟି ଗୁଳି ଓ ଗୁଲାମ ଦେହରେ ଗୋଟିଏ ଗୁଳି ଲାଗିଥିବା କହିଛନ୍ତି ମେଡିକାଲ ଅଫିସର।

ଅତିକ ଅହମ୍ମଦର ଭଉଣୀ ଆୟେଶା ନୁରିଙ୍କ ଝିଅ ସହ ଅସଦର ବିବାହ ସ୍ଥିର ହୋଇଥିଲା। ଗଲାବର୍ଷ ଉଭୟଙ୍କ ନିର୍ବନ୍ଧ ବି ସରିଥିଲା। କିନ୍ତୁ ବିବାହ ପୂର୍ବରୁ ଏନକାଉଣ୍ଟରରେ ଅସଦର ଜୀବନ ଯାଇଛି। ସେପଟେ ଉମେଶ ପାଲ ଅପହରଣ ଓ ହତ୍ୟା ମାମଲାରେ ସମାଜବାଦୀ ପାର୍ଟିର ପୂର୍ବତନ ବିଧାୟକ ୬୦ ବର୍ଷୀୟ ଅତିକଙ୍କୁ ଗୁଜରାଟର ସାବରମତି ଜେଲରୁ ମାସକ ଭିତରେ ଦ୍ୱିତୀୟ ଥର ପାଇଁ ପ୍ରୟାଗରାଜକୁ ଅଣାଯାଇଥିଲା। ଗୁରୁବାର ଅତିକ୍ ଓ ତାଙ୍କ ଭାଇ ଅସ୍ରଫଙ୍କୁ ୧୪ ଦିନିଆ ପୁଲିସ ହାଜତକୁ ପଠାଇ ଦିଆଯାଇଥିଲା। ଗଣମାଧ୍ୟମ ପାଇଁ ସେ ସୁରକ୍ଷିତ ଥିବା କହିଥିଲେ ଅତିକ୍। କିନ୍ତୁ ତାଙ୍କ ପରିବାର ପୁରା ଛାରଖାର ହୋଇଗଲା ବୋଲି ଅନୁତପ୍ତ ବି ଥିଲେ।

ସେପଟେ ଏନକାଉଣ୍ଟରର ଶୀକାର ହୋଇଥିବା ଅସଦର ସହଯୋଗୀ ସାର୍ପସୁଟର ଗୁଲାମର ମାଆ କହିଛନ୍ତି, ସରକାର ଯେଉଁ ପଦକ୍ଷେପ ନେଇଛନ୍ତି, ତାହା ବିଲକୁଲ ଯଥାର୍ଥ। ସମସ୍ତ ଗ୍ୟାଙ୍ଗଷ୍ଟର ଓ ଅପରାଧିଙ୍କୁ ଏଭଳି ଶିକ୍ଷା ଦେବା ଦରକାର। ମୋ ପୁଅ ଅତିକ ଅହମଦ ଗ୍ୟାଙ୍ଗ ଲାଗି କାମ କରୁଥିଲା, ସେ ବାବଦରେ ସେ ଜାଣିନଥିଲେ। ସେଥିଲାଗି ସେ ନିଜ ପୁଅର ମୃତଦେହ ଗ୍ରହଣ କରିବେନି। ଗୁଲାମର ପତ୍ନୀ ଶବକୁ ଗ୍ରହଣ କରିପାରେ।

ୟୁପିରେ ଗ୍ୟାଙ୍ଗଷ୍ଟରଙ୍କୁ ନିପାତ କରିବାକୁ ଯୋଗୀ ସରକାର ଗୋଟିଏ ପଟେ ଶକ୍ତ ହେଉଥିଲା ବେଳେ ଆଇନ ଓ ନ୍ୟାୟାଳୟ ଉପରେ ଭରସା ନଥିବାରୁ ଏଭଳି ମିଛ ଏନକାଉଣ୍ଟର ଆୟୁଧ ସାଜିଛି ବୋଲି ବିରୋଧୀ ଆରୋପ ଲଦୁଛନ୍ତି। ୟୁପି ପୁଲିସର ଏକ ରିମାଣ୍ଡ କପିରୁ ଅତିକ୍ ଅହମ୍ମଦର ପାକିସ୍ତାନୀ ଗୁଇନ୍ଦା ସଂସ୍ଥା ଆଇଏସଆଇ ଓ ଆତଙ୍କବାଦୀ ଗୋଷ୍ଠୀ ଲସ୍କର ଇ ତୋଏବା ସହ ସଂପୃକ୍ତି ଥିଲା ବୋଲି ଜଣାପଡ଼ିଛି।

ପ୍ରଦୀପ ନାୟକଙ୍କ ରିପୋର୍ଟ

() ମନି ଲଣ୍ଡିଂରି ମାମଲାରେ ଜେଲରେ ଥିବା ମହାଠକ ସୁକେଶ ଚନ୍ଦ୍ରଶେଖରଙ୍କୁ ନେଇ ଦିଲ୍ଳୀରେ ରାଜନୈତିକ ଭୂମିକମ୍ପ। ସୁକେଶ ଦିଲ୍ଲୀ ଉପ-ରାଜ୍ୟପାଳଙ୍କୁ ଚିଠି ଲେଖି କେଜ୍ରିୱାଲଙ୍କ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ନାଁରେ ଆଣିଛନ୍ତି ସଙ୍ଗୀନ ଅଭିଯୋଗ। ସତ୍ୟେନ୍ଦ୍ରଙ୍କୁ ସେ ୧୦ କୋଟି ଟଙ୍କା ଦେଇଥିବା ଦାବି କରିଛନ୍ତି। ଆଗକୁ ଗୁଜୁରାଟ ନିର୍ବାଚନ ଥିବାବେଳେ ସୁକେଶଙ୍କ ଏଭଳି ଦାବିକୁ ନେଇ ରାଜନୀତି ସରଗରମ ହୋଇଛି। ସେପଟେ ବିହାରରେ ମଧ୍ୟ ନିର୍ବାଚନ ହେବାକୁ ଥିବାବେଳେ ପୁଣି ନୀତିଶଙ୍କ ଚରିତ୍ରକୁ ନେଇ ହଇଚଇ ସୃଷ୍ଟି ହୋଇଛି। ନିର୍ବାଚନରେ ଆରଜେଡିକୁ ନୀତିଶ ସାହାର୍ଯ୍ୟ ନ କରିପାରନ୍ତି ବୋଲି ଚର୍ଚ୍ଚା ହେଉଛି।

ଗୁଜୁରାଟ ନିର୍ବାଚନ ପୂର୍ବରୁ ମହାଠକର ବିସ୍ପୋରଣ। କନମ୍ୟାନ ସୁକେଶ ଚନ୍ଦ୍ରଶେଖରର ମହାଖୁଲାସା। ୨୦୦ କୋଟି ମନି ଲଣ୍ଡରିଂ ମାମଲାରେ ଜେଲରେ ଥିବା ମହାଠକ ସୁକେଶ ଚନ୍ଦ୍ରଶେଖର ଆପ୍ ମନ୍ତ୍ରୀ ସତ୍ୟେନ୍ଦ୍ର ଜୈନ ଏବଂ ଦିଲ୍ଲୀର ଜେଲ ଡିଜି ସନ୍ଦୀପ ଗୋଏଲଙ୍କ ନାଁରେ ଆଣିଛି ଗୁରୁତର ଅଭିଯୋଗ। ସୁରକ୍ଷା ଯୋଗାଇ ଦେବାକୁ ସତ୍ୟେନ୍ଦ୍ରଙ୍କୁ ସେ କୁଆଡେ ୨୦୧୭ରେ ୧୦ କୋଟି ଟଙ୍କା ଦେଇଥିବା ଦାବି କରିଛି। ଏନେଇ ଦିଲ୍ଲୀ ଉପ-ରାଜ୍ୟପାଳଙ୍କୁ ଚିଠି ଲେଖି ଜଣାଇଛି ସୁକେଶ ଚନ୍ଦ୍ରଶେଖର। ଏଥିସହ ଏହି ମାମଲାର ତଦନ୍ତ କରିବା ପାଇଁ ମଧ୍ୟ ସୁକେଶ ଏଲଜିଙ୍କୁ ନିବେଦନ କରିଛି। ସତ୍ୟେନ୍ଦ୍ରଙ୍କୁ ମୁଁ ୨୦୧୫ରୁ ଜାଣିଛି। ସତ୍ୟେନ୍ଦ୍ର ବାରମ୍ୱାର ମୋ ଠାରୁ ଟଙ୍କା ଦାବି କରୁଥିଲେ। ବିଭିନ୍ନ ପ୍ରକାର ଚାପ ପକାଇ ମୋ ଠାରୁ ୧୦ କୋଟି ଟଙ୍କା ଆଦାୟ କରିଛନ୍ତି। ଆପ୍ କୁ ମଧ୍ୟ ୫୦ କୋଟିରୁ ଅଧିକ ଟଙ୍କା ଦେଇଥିବା ଦାବି କରିଛନ୍ତି ସୁକେଶ। ଏପରିକି ଜେଲ ଡିଜି ସନ୍ଦୀପ ଗୋଏଲଙ୍କୁ ୧୨.୫୦ କୋଟି ଦେଇଥିବା ଦାବି କରିଛନ୍ତି।

ଅନ୍ୟପକ୍ଷରେ ଦିଲ୍ଳୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସୁକେଶଙ୍କ ଅଭିଯୋଗକୁ ଖଣ୍ଡନ କରିଛନ୍ତି। ଏଭଳି ଅଭିଯୋଗ ସମ୍ପୂର୍ଣ୍ଣ କାଳ୍ପନିକ। ଗୁଜୁରାଟ ନିର୍ବାଚନ ଏବଂ ମୋର୍ବି ଦୁର୍ଘଟଣାରୁ ନଜର ହଟାଇବା ପାଇଁ ସୁକେଶ ଚନ୍ଦ୍ରଶେଖରକୁ ଭାଜପା ହତିଆର କରୁଛି ବୋଲି କ୍ରେଜିୱାଲ କହିଛନ୍ତି।  ବିଜେପି ମଧ୍ୟ ସୁକେଶ ଚିଠିର ସ୍କ୍ରିନସଟକୁ ସୋସିଆଲ ମିଡିଆରେ ସେୟାର କରିବା ସହ ଆପକୁ ସମାଲୋଚନା କରିଛି। ସୁକେଶକୁ ଠକ ଏବଂ ଆମ ଆଦମୀ ପାର୍ଟିକୁ ମହାଠକ ବୋଲି କହିବା ସହ ସୁକେଶ ଜେଲ ଭିତରୁ ଅପରାଧ ସିଣ୍ଡିକେଟ ଚଳାଉଥିବାବେଳେ ଆପ୍ ଜେଲ୍ ବାହାରେ ଅପରାଧ ସିଣ୍ଡିକେଟ୍ ଚଳାଉଛି କହିଛି ବିଜେପି। 

ଗୋଟେପଟେ ଗୁଜୁରାଟ ନିର୍ବାଚନ ପୂର୍ବରୁ ଦିଲ୍ଲୀରେ ସୁକେଶ ମହାଠକର ବିସ୍ପୋରଣ ହୋଇଥିବାବେଳେ ଅନ୍ୟପଟେ ବିହାରରେ ମଧ୍ୟ ନିର୍ବାଚନ ପୂର୍ବରୁ ହଇଚଇ ସୃଷ୍ଟି ହୋଇଛି। ନଭେମ୍ୱର ୩ ତାରିଖରେ ଦୁଇଟି ଆସନ ପାଇଁ ଉପନିର୍ବାଚନ ହେବାକୁ ଯାଉଛି। ମୋକାମା ଓ ଗୋପାଳଗଞ୍ଜ ଆସନ ପାଇଁ ନିର୍ବାଚନ ହେବ। ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଅଧିନରେ ଶାସକ ମହାମେଣ୍ଟ ପ୍ରତି କେତେ ସମର୍ଥନ ରହିଛି, ତାହା ଏହି ନିର୍ବାଚନରୁ ଜଣାପଡିବ। କିନ୍ତୁ ଆରଜେଡି ପ୍ରାର୍ଥୀଙ୍କୁ ନୀତିଶ ଚାହୁଁନଥିବା ମନେ ହେଉଛି। କାରଣ ଆରଜେଡିର ସଂଖ୍ୟା ବଢିଗଲେ ତାଙ୍କ ଗାଦି ପ୍ରତି ବିପଦ ଥିବା ସେ ଆଶଙ୍କା କରୁଛନ୍ତି। ଯଦି ଆରଜେଡିର ସଂଖ୍ୟା ୮୧ରେ ପହଞ୍ଚିଯାଏ, ତେବେ ସେମାନେ ଆଉ ନୀତିଶଙ୍କ ନିୟନ୍ତ୍ରଣରେ ରହିନପାରନ୍ତି। ଅନ୍ୟ ଦଳଙ୍କ ସମର୍ଥନ ନେଇ ନୀତିଶଙ୍କୁ ଛାଡି ତେଜସ୍ୱୀ ଯାଦବ ମୁଖ୍ୟମନ୍ତ୍ରୀ ହୋଇଯାଇପାରନ୍ତି ବୋଲି ଆଶଙ୍କା କରାଯାଉଛି।

ପ୍ରେମଲତା ବାରିକଙ୍କ ରିପୋର୍ଟ

ଭୁବନେଶ୍ୱର: ଧାମନଗର ନିର୍ବାଚନ ମଣ୍ଡଳୀରେ ଦୁଇ ବିଡ଼ିଓଙ୍କୁ ବଦଳି କରାଯିବା ପ୍ରସଙ୍ଗକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଲା ବିଜେପି । ଯେତେବେଳେ ବି ଓଡିଶାରେ ନିର୍ବାଚନ ଆସେ ସରକାରୀ କଳକୁ କେମିତି ଅପବ୍ୟବହାର ହେବ ସେଥିରେ ବିଜେଡ଼ି ଲାଗିପଡେ ବୋଲି ପ୍ରେସମିଟ ଜରିଆରେ ଅଭିଯୋଗ କରିଛନ୍ତି ରାଜ୍ୟ ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର। ନିର୍ବାଚନ ଆଚରଣ ବିଧି ଲାଗୁ ହେବା ସମୟରେ କୌଣସି ସରକାରୀ ଅଫିସରଙ୍କ ବଦଳି ହୋଇପାରିବ ନାହିଁ। କିନ୍ତୁ ଓଡିଶା ସରକାର 7 ତାରିଖ ଦିନ ଧାମନଗର ନିର୍ବାଚନ ମଣ୍ଡଳୀର 2 ଜଣ ବିଡିଓଙ୍କୁ ବଦଳି କରିଛନ୍ତି। କୋରାପଟ ଏବଂ କଳାହାଣ୍ଡି ଜିଲ୍ଲାରେ ଥିବା ଦୁଇ ଜଣ ବିଡ଼ିଓଙ୍କୁ ଅବସ୍ଥାପିତ କରାଯାଇଛି। ନିର୍ବାଚନ ଆଚରଣ ବିଧିକୁ ଉଲଂଘନ କରିଛନ୍ତି ରାଜ୍ୟ ସରକାର। କାହା ସ୍ୱାର୍ଥରେ ବିଡ଼ିଓ 2 ଜଣଙ୍କୁ ବଦଳି କଲେ ବିଜେପି ପ୍ରଶ୍ନ କରିଛି।

ନୂଆଦିଲ୍ଲୀ : କଂଗ୍ରେସ ଅଧ୍ୟକ୍ଷ ନିର୍ବାଚନ ଲଢବେ ଅଶୋକ ଗେହଲଟ୍। ରାହୁଲ ଗାନ୍ଧିଙ୍କୁ ଭେଟିବା ପରେ ସ୍ପଷ୍ଟ କରିଛନ୍ତି ଅଶୋକ ଗେହଲଟ୍। ମୁଖ୍ୟମନ୍ତ୍ରୀ ପଦ ଛାଡିବାକୁ ରାଜସ୍ଥାନ ମୁଖ୍ୟମନ୍ତ୍ରୀ ରାଜି ହୋଇଛନ୍ତି। ଗାନ୍ଧୀ ପରିବାର ସମର୍ଥନରେ ସଭାପତି ପଦ ପାଇଁ ନାମାଙ୍କନ କରିବ । ପରବର୍ତ୍ତୀ ମୁଖ୍ୟମନ୍ତ୍ରୀ ପାଇଁ ସିପି ଯୋଶୀଙ୍କ ନାଁ ସୁପାରିଶ ହୋଇଛି। ସଚିନ ପାଇଲଟଙ୍କୁ ମୁଖ୍ୟମନ୍ତ୍ରୀ ନ କରିବା ପାଇଁ ଗେହଲଟଙ୍କ ଗୋଟି ଚାଳନା।

ଭାରତକୁ ବିଜେପି ମୁକ୍ତ କରିବା ଲାଗି ରାଜନୀତିକ ରଣନୀତି ଓ ମନ୍ତବ୍ୟକୁ ନେଇ ଚର୍ଚ୍ଚା ଜାରି ଭିତରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଏକ ବୟାନ ଆଲୋଡ଼ନ ସୃଷ୍ଟି କରିଛି। ଆରଏସଏସ ଏତେ ଖରାପ ନୁହେଁ। ସଂଘରେ ଏବେ ବି ଅନେକ ଭଲ ଲୋକ ଅଛନ୍ତି। ଅନ୍ତତଃ ଯେଉଁମାନେ ବିଜେପି ଭଳି ଚିନ୍ତା କରୁନାହାନ୍ତି। ଟିଏମସିର ଛବିକୁ ମଳିନ କରିବାକୁ ବିଜେପି କେଉଁ ସ୍ତରକୁ ଖସିଗଲାଣି କହି କ୍ଷୋଭ ଝାଡ଼ିବା ସହ ଏମିତି ଜାଣିଥିଲେ ରାଜନୀତି କରିନଥାଆନ୍ତି ବୋଲି କହିଛନ୍ତି ଦିଦି।

ବିଜେପିଠୁ ଆରଏସଏସ ବହୁତ ଭଲ। ବିଜେପି ଭଳି ହୀନ ଓ ପ୍ରତିଶୋଧ ରାଜନୀତି କରେନି ସଂଘ। ସଂଘ ପରିବାରରେ ଅନେକ ଭଲ ଲୋକ ଅଛନ୍ତି, ଯେଉଁମାନେ ବିଜେପି ଭଳି ଚିନ୍ତା କରନ୍ତିନି। ଦିନେ ନା ଦିନେ ବିଜେପିର ଏଭଳି ଆଚରଣକୁ ଦେଖି ସଂଘ ପରିବାରର ଧୈର୍ଯ୍ୟଚ୍ୟୁତି ହେବ। ଟିଏମସିର ଛବିକୁ ମଳିନ କରିବାକୁ ନିରନ୍ତର ପ୍ରୟାସ ଜାରି ରଖିଛି ବିଜେପି। ଯଦି ବିଜେପି ଏଥିରୁ ବିରତ ରହିବନି, ତେବେ ସେ କାହାକୁ ବି ଛାଡ଼ିବେନି ବୋଲି ଚେତାବନୀ ଦେଇଛନ୍ତି ଦିଦି।ସମାଜ ସେବା ଲାଗି ସେ ରାଜନୀତିକୁ ଆସିଛନ୍ତି। କିନ୍ତୁ ଏବେ ଲାଗୁଛି, ବହୁ ଆଗରୁ ରାଜନୀତି ଛାଡ଼ି ଦେଇଥିଲେ ଭଲ ହୋଇଥାଆନ୍ତା। ଆଜିକାର ରାଜନୀତି ଏତେ କଳୁଷିତ ଲାଗି ଆଜି ସେ ଓ ତାଙ୍କ ପରିବାରର ସଦସ୍ୟଙ୍କୁ ଅନେକ ମିଛ ବଦନାମୀର ସାମ୍ନା କରିବାକୁ ପଡ଼ୁଛି। ଏହା କେବଳ ପ୍ରତିଶୋଧ ରାଜନୀତି ନୁହଁ। ବରଂ ଖୁଲମଖୁଲା ହିଂସାର ଚିତ୍ର ଓ ଚରିତ୍ର ଅଟେ। ବନ୍ୟଜନ୍ତୁ ଓ କୋଇଲା ତସ୍କରୀ ମାମଲାରେ କେନ୍ଦ୍ର ଗୃହ ମନ୍ତ୍ରଣାଳୟ ଓ କେନ୍ଦ୍ର ସରକାର ହିଁ ଦାୟୀ। କୋଇଲା ଚୋରୀରୁ ସବୁ ପଇସା କାଳିଘାଟ ଯାଉଛି କହି ବିଜେପି ଲଗାଇଥିଲା ଆରୋପ। କାଳିଘାଟ ହେଉଛି ମମତାଙ୍କ ଆବାସ। ଦିଦି ଏହା ଉପରେ କାଉଣ୍ଟର କରିଛନ୍ତି କି, ଏ ଅର୍ଥ କଅଣ ମାଆ କାଳୀଙ୍କ ପାଖକୁ ଯାଉଥିବା କଥା ବିଜେପି କହୁଛି କି।

ବେଆଇନ ସମ୍ପତ୍ତି ଠୁଳ ନେଇ କୌଣସି ସତ୍ୟତା ପ୍ରମାଣିତ ହେଲେ, ତାଙ୍କ ସମ୍ପତ୍ତି ଉପରେ ବୁଲଡୋଜର ଚଳାଇ ଦିଆଯାଉ ବୋଲି କହିଛନ୍ତି ଦିଦି। ଲୋକଙ୍କ ସ୍ୱାଧୀନତା ଛଡ଼ାଇବାକୁ ପେଗାସସ୍, ଲୋକଙ୍କ ଘରୁ ଅର୍ଥ ଅସୁଲି ଲାଗି ଇଡି ଓ ସିବିଆଇକୁ ଲଗାଉଛି ବିଜେପି। ଏବେ ମିଡିଆ ଟ୍ରାଏଲ ଚାଲିଛି। ମିଡିଆ, ନ୍ୟାୟପାଳିକା ଓ ବିରୋଧୀ ରାଜନୀତି ଦଳକୁ ବିଜେପି ଡରାଉଛି।ସେପ୍ଟେମ୍ୱର ୨ରେ ମମତାଙ୍କ ପୁତୁରା ଅଭିଷେକ ବାନାର୍ଜୀଙ୍କୁ କୋଇଲା ଚୋରୀ ମାମଲାରେ ଇଡିରେ ହାଜର ଲାଗି ସମନ କରାଯାଇଛି।

• ପ୍ରେମଲତା ବାରିକ ଓ ପ୍ରଦୀପ ନାୟକଙ୍କ ରିପୋର୍ଟ

୨୪ର ପ୍ରଧାନମନ୍ତ୍ରୀ ପ୍ରାର୍ଥୀ ନୀତିଶ କୁମାର। ମୋଦିଙ୍କୁ ଟକ୍କର ଦେବାକୁ ନୀତିଶ ହିଁ ସମର୍ଥ। କିଛି ଏଭଳି ଆଶାର ସଞ୍ଚାର ଦେଶ ରାଜନୀତିରେ ପୁଣି ଉଜ୍ଜିବୀତ କରିଛନ୍ତି ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆର୍। ଅବଶ୍ୟ ନୀତିଶ ଏହାକୁ କେତେଦୂର ଗ୍ରହଣ କରୁଛନ୍ତି, ତାହା ତ ଭିନ୍ନ କଥା। କାରଣ ପ୍ରଧାନମନ୍ତ୍ରୀ ହେବାକୁ କୌଣସି ମୋହ ନାହିଁ ବୋଲି ଏକଦା କହିଥିଲେ ନୀତିଶ। ଆଉ ଏହାକୁ ନେଇ ଉଠୁଛି ପଡ଼ୁଛି ରାଜନୀତି।

ପ୍ରଧାନମନ୍ତ୍ରୀ ପ୍ରାର୍ଥୀ ହେବେ ନୀତିଶ! କାରଣ କଂଗ୍ରେସ କହିସାରିଛି ସେମାନଙ୍କର ପ୍ରଧାନମନ୍ତ୍ରୀ ପ୍ରାର୍ଥୀ ହେଉଛନ୍ତି ରାହୁଲ। କିନ୍ତୁ ମିଳିତ ବିରୋଧୀ ଦଳର ପ୍ରଧାନମନ୍ତ୍ରୀ ପ୍ରାର୍ଥୀ ରାହୁଲ ନା ଆଉ କିଏ। ନୀତିଶ କୁମାର ଓ କେସିଆରଙ୍କ ମିଳିତ ସାମ୍ୱାଦିକ ସମ୍ମିଳନୀରେ ସାମ୍ୱାଦିକଙ୍କ ଏଭଳି ପ୍ରଶ୍ନ ଶୁଣି ଉତ୍ତର ଦେବାକୁ ପ୍ରସ୍ତୁତ ହେଉଥିବା କେସିଆରଙ୍କୁ  ହାତଯୋଡ଼ି ଚାଲନ୍ତୁ କହି ନୀତିଶ ଡାକିଥିଲେ। କିନ୍ତୁ କେସିଆର ଉଠିନଥିଲେ। ପାଲଟା ନୀତିଶଙ୍କୁ ବସିବାକୁ କହି ଯେଉଁ ନାଁ ପାଟିରେ ଧରିଥିଲେ, ସେ ହେଉଛନ୍ତି ନୀତିଶ। ନୀତିଶ ଦେଶର ଜଣେ ବରିଷ୍ଠ ନେତା ଓ ସଫଳ ନେତା। ବିରୋଧୀ ଦଳ ମିଳିତ ଭାବେ ବସି ନିଷ୍ପତ୍ତି ନେବେ।

ତେବେ ପ୍ରଧାନମନ୍ତ୍ରୀ ପଦ ଲାଗି ନୀତିଶ ପ୍ରସ୍ତୁତ କି। କାରଣ ବିହାରରେ ବିଜେପିର ହାତ ଛାଡ଼ି ମହାଗଠବନ୍ଧନ ସହ ମେଣ୍ଟ କରି ସରକାରର ନେତୃତ୍ୱ ନେଉଥିବା ନୀତିଶଙ୍କୁ ଯେତେବେଳେ ପଚରାଯାଇଥିଲା ସେ ପ୍ରଧାନମନ୍ତ୍ରୀ ପଦ ପାଇଁ ଆଶାୟୀ କି। ସେତେବେଳେ ପ୍ରଧାନମନ୍ତ୍ରୀ ପଦ ଲାଗି କୌଣସି ମୋହ ନାହିଁ ବୋଲି କହିଥିଲେ ନୀତିଶ। ସେ କେବଳ ସମଭାବାପନ୍ନ ଦଳକୁ ଏକାଠି କରିବାକୁ ଉଦ୍ୟମ କରୁଛନ୍ତି।

କେବଳ ଏତିକି ନୁହେଁ, ବିହାର ବିଧାନସଭାରେ ବି ବିହାରର ବିକାଶ ଲାଗି ଆରଜେଡି ଓ ଜେଡିୟୁ ଏକାଠି ହୋଇଛନ୍ତି ବୋଲି କହିଥିଲେ ନୀତିଶ। ବିଜେପିର ହାତ ଛାଡ଼ିଥିବାରୁ ଦେଶ ତମାମ ନେତା ତାଙ୍କୁ କଲ୍ କରି ଅଭିନନ୍ଦନ କରିଥିଲେ ଏଭଳି ନିଷ୍ପତ୍ତି ଲାଗି। ସେଥିଲାଗି ୨୪ରେ ସେ ସମସ୍ତ ଦଳ ଓ ତାଙ୍କର ନେତାଙ୍କୁ ଏକାଠି ଲଢିବାକୁ ହେବ ବୋଲି କହିଥିଲେ ନୀତିଶ। ଆଉ ଏହାଠୁ ପାଦେ ଆଗୁଆ ଯାଇ କ୍ୟାବିନେଟ ମନ୍ତ୍ରୀ ତେଜପ୍ରତାପ ଯାଦବ କହିଥିଲେ କି, ସେ ତାଙ୍କର କକା। ଲାଲକିଲ୍ଲାରେ ନୀତିଶ ପତାକା ଉତ୍ତୋଳନ କରିବେ। ସେଥିଲାଗି ତାଙ୍କୁ ସମର୍ଥନ କରିବୁ।

ତେବେ ବିଜେପି କହିଛି, ଏଭଳି କଥା ବାରମ୍ୱାର କହି ଆସୁଛନ୍ତି ବିରୋଧୀ। ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ଦେଶ ବିକାଶ ପଥରେ ଆଗେଇ ଚାଲିଛି। ଏଭଳି ସ୍ଥିତିରେ ବିରୋଧୀ ସେମାନଙ୍କର ଦାୟିତ୍ୱ ନିର୍ବାହ କରିପାରିଥାଆନ୍ତେ। କିନ୍ତୁ ଦୀର୍ଘ ବର୍ଷ ହେଲା ସେଭଳି ସୁଯୋଗ ମିଳୁନି କି ଆଗକୁ ବି ଆସିବନି। କାରଣ ଜନତାର ଆସ୍ଥା ସେମାନଙ୍କ ଉପରେ ନାହିଁ।

ବିଜେପି ଓ ମୋଦି ମୁକ୍ତ ଭାରତ ଗଠନ ଲାଗି ବିରୋଧୀ କହୁଛନ୍ତି। ହେଲେ ଗଲା ରାଷ୍ଟ୍ରପତି ଓ ଉପ-ରାଷ୍ଟ୍ରପତି ନିର୍ବାଚନରେ ବିରୋଧୀ ଦଳ ଭିତରେ କ୍ରସଭୋଟିଂ ବି ବିରୋଧୀ ଏକତାରେ ଫାଟକୁଦର୍ଶାଇଥିଲା। ଏପରିକି ଜଗଦୀପ ଧନକଡଙ୍କ କଟ୍ଟର ବିରୋଧୀ ମମତା ବାନାର୍ଜୀ ବି ମତଦାନରୁ ଦଳକୁ ଦୂରେଇ ରଖିଲେ।

• ପ୍ରେମଲତା ବାରିକ ଓ ପ୍ରଦୀପ ନାୟକଙ୍କ ରିପୋର୍ଟ