ଜେନ୍ -ଜି ଆଜି ଯାଏଁ ସବୁଠୁ ସ୍ୱଛ ପୀଢ଼ି କହିଲେ ମୋହନ। ସେମାନେ ଆଣ୍ଟି-ନାସନାଲ ବା ରାଷ୍ଟ୍ରବିରୋଧୀ ନୁହଁନ୍ତି। ସେମାନଙ୍କ ଅଭିଯୋଗ ବିଲକୁଲ ଯଥାର୍ଥ। ନୂଆ ପୀଢ଼ିଙ୍କୁ ନେଇ ନକରାତ୍ମକ ଦୃଷ୍ଟିକୋଣ ତିଆରି କରିବା ଠିକ ନୁହେଁ। ବିରୋଧୀ କହିଛନ୍ତି, ଭାଗଓ୍ୱତଙ୍କ ବିଭାଜନ ପଲିଟିକ୍ସର ଆଦର୍ଶ ଓ ଭାବନା ସେମିତି ରହିଛି। କେବଳ ଭାଷା ପରିବର୍ତ୍ତନ ହୋଇଛି। ଖାକି ପୋଷାକ କେବଳ ପତଳା ହୋଇଛି। ସେପଟେ ଜେନ-ଜିଙ୍କୁ ମୋହନ ଭାଗଓ୍ୱତଙ୍କ ସାର୍ଟିଫିକେଟ ଦରକାର ନାହିଁ ବୋଲି କଟାକ୍ଷ କରିଛନ୍ତି ପ୍ରିୟଙ୍କା ଗାନ୍ଧୀ।
ପ୍ରଫେସର କାମକୋଟିଙ୍କୁ ଗୋମୂତ୍ର ଏକ୍ସପର୍ଟ କହିଥିଲେ ପ୍ରିୟଙ୍କା। ଏ ମାମଲା ୨୦୨୫ର। ଚେନ୍ନେର ଏକ ଗୌଶାଳାରେ ପୋଙ୍ଗଲ କାର୍ଯ୍ୟକ୍ରମରେ କାମକୋଟି ଯୋଗ ଦେଇ କହିଥିଲେ, ଗୋମୂତ୍ରରେ ଜୀବାଣୁ ଓ ଫଙ୍ଗସ ସହ ଲଢ଼ିବାର ଗୁଣାବତ୍ତା ରହିଛି। ଏହା ପାଚନ ପାଇଁ ଫାଏଦା ସାବ୍ୟସ୍ତ ହୁଏ।କାମକୋଟିଙ୍କୁ ଟାର୍ଗେଟ କରିଥିଲେ ପ୍ରିୟଙ୍କା। କାରଣ ଏବେ ସେ ଜାତୀୟ ପରୀକ୍ଷା ଏଜେନ୍ସି ବା ଏନଟିଏର ପରୀକ୍ଷା ସଂସ୍କାର କମିଟିର ସଦସ୍ୟ ଭାବେ ନିଯୁକ୍ତ ହୋଇଛନ୍ତି।
