ମମତା ବାନାର୍ଜୀଙ୍କ ନେତୃତ୍ୱାଧୀନ ଗୋଷ୍ଠୀକୁ ‘ମମତା ଅଲ୍ ଇଣ୍ଡିଆ ତୃଣମୂଳ କଂଗ୍ରେସ’ ନାମ ସହ ‘ଫୁଟବଲ୍ ଖେଳାଳି’ ଚିହ୍ନ ମିଳିଛି। ଅନ୍ୟପକ୍ଷରେ, ଋତବ୍ରତ ବାନାର୍ଜୀଙ୍କ ନେତୃତ୍ୱାଧୀନ ଗୋଷ୍ଠୀକୁ ‘ଡେମୋକ୍ରାଟିକ୍ ତୃଣମୂଳ କଂଗ୍ରେସ’ ନାମ ଏବଂ ‘ଲିଫାଫା’ ଚିହ୍ନ ଦିଆଯାଇଛି। ଆସନ୍ତା ଅକ୍ଟୋବର ୬ର ଉପନିର୍ବାଚନ ପୂର୍ବରୁ ଏହି ନିଷ୍ପତ୍ତି ଆସିଛି।
ଜୁଲାଇ ୨୧ ଡେଡଲାଇନ ଥିଲା। ଦିଦିଙ୍କ ସହ କିଏ ରହିବେ ଓ କିଏ ଛାଡ଼ିବେ ବୋଲି ଚର୍ଚ୍ଚା ଚାଲିବା ଭିତରେ ଟିଏମସିରେ ଜାରି ଥିବା ବିବାଦ, ବିଦ୍ରୋହ ଓ ବିଭାଜନକୁ କେମିତି ରୋକାଯିବ, ତାହା ଦିଦିଙ୍କ ଲାଗି ବଡ଼ ଚ୍ୟାଲେଞ୍ଜ୍ ସୃଷ୍ଟି କରିଛି। ଶହୀଦ ଦିବସକୁ ସଫଳ କରିବାକୁ ବିଳମ୍ୱିତ ରାତି ଯାଏ ଦିଦିଙ୍କ ସହ ପହରା ଦେଉଥିଲେ ଅଭିଷେକ, କଲ୍ୟାଣ ଓ ମହୁଆ ମୈତ୍ର ପ୍ରମୁଖ।
ଟିଏମସିରେ ବିଭାଜନର ପର୍ବ ଜାରି ରହିଛି। ଗୁରୁବାର ରାଜ୍ୟସଭା ସାଂସଦ କୋୟଲ ମଲ୍ଲିକ ଦଳରୁ ଇସ୍ତଫା ଦେଇଛନ୍ତି। କୋଏଲଙ୍କ ଇସ୍ତଫା ସହ ରାଜ୍ୟସଭାରେ ଟିଏମସିର ୪ଟି ଓ୍ୱିକେଟ ପଡ଼ିଲାଣି।ଦଳରେ ନେତୃତ୍ୱ ଶୈଳୀକୁ ନେଇ ଅସନ୍ତୋଷ ବଢ଼ୁଛି।
