village

  • рмЬрмЩрнНрмЧрм▓ рмЫрм╛рмбрм┐ рмЧрм╛рмБ рморнБрм╣рм╛рмБ рм╣рм╛рмдрнАрмкрм▓

    TAL-ELEPHANT IN VILLEGE_PKG.. WP

    ()рмдрм╛рм│рмЪрнЗрм░ рммрнНрм▓рмХрм░ рмХрмЩрнНрмХрм┐рм│рм┐ , рмзрм░рмормкрнБрм░ рмУ рмЖрмЦрмкрм╛рмЦ рмкрм╛рмЮрнНрмЪрмЦрмгрнНрмб  рмЧрм╛рмБрм░рнЗ рмЙрмдрнНрмкрм╛рмд рмХрм░рнБрмЫрмирнНрмдрм┐ рм╣рм╛рмдрнАрмкрм▓ред рм╕рмирнНрмзрнНрнЯрм╛ рм╣рнЗрм▓рнЗ рмШрм░рнБ рммрм╛рм╣рм╛рм░рм┐рммрм╛ рморнБрм╕рнНрмХрм┐рм▓ рм╣рнЗрмЙрмЫрм┐ ред рммрм┐рмнрм┐рмирнНрми рмлрм╕рм▓ рмирм╖рнНрмЯ рмХрм░рм┐рммрм╛ рм╕рм╣рм┐рмд рмЕрмЮрнНрмЪрм│рм░рнЗ рмЖрмдрмЩрнНрмХ рмЦрнЗрм│рм╛рмЙрмЫрмирнНрмдрм┐ рнлрнж рмЯрм┐рмХрм┐рмЖ рм╣рм╛рмдрнА рмкрм▓рнНрм▓ред рм╕рнЗрмкрмЯрнЗ рм╣рм╛рмдрнА рмШрмЙрмбрм╛рмЗрммрм╛рмХрнБ рм╕рмарм┐рмХ рмкрмжрмХрнНрм╖рнЗрмк рммрмирммрм┐рмнрм╛рмЧ рмирнЗрмЙрмирмерм┐рммрм╛ рмЕрмнрм┐рмпрнЛрмЧ рм╣рнЛрмЗрмЫрм┐ ред

    рмЬрмЩрнНрмЧрм▓ рмЫрм╛рмбрм┐ рмЧрм╛рмБ рморнБрм╣рм╛рмБ рм╣рм╛рмдрнАрмкрм▓ред рм╕рмВрмирнНрмзрнНрнЯрм╛ рм╣рнЗрм▓рнЗ рмШрм░рнБ рммрм╛рм╣рм╛рм░рнБ рмирм╛рм╣рм╛рмБрмирнНрмдрм┐ рм▓рнЛрмХрнЗ ред рмПрмнрм│рм┐ рмжрнГрм╢рнНрнЯ рмжрнЗрмЦрм┐рммрм╛рмХрнБ рморм┐рм│рм┐рмЫрм┐ рмдрм╛рм│рмЪрнЗрм░ рмЕрмЮрнНрмЪрм│рм░рнЗ ред рмХрнЗрмЙрмБрмарм┐ рм╣рм╛рмдрнАрмкрм▓ рмШрм░ рмнрм╛рмЩрнНрмЧрм┐ рмЪрм╛рмЙрм│ рмЦрм╛рмЙрмЫрмирнНрмдрм┐ рмд рмЖрмЙ рмХрнЗрмЙрмБрмарм┐ рмжрнЛрмХрм╛рми рмШрм░ рмнрм╛рмЩрнНрмЧрм┐ рмХрмжрм│рнА рмУ рмЯрморм╛рмЯрнЛ рмЦрм╛рмЙрмЫрмирнНрмдрм┐ ред рмЦрм╛рм▓рм┐ рм╕рнЗрмдрм┐рмХрм┐ рмирнБрм╣рнЗрмБ рмЧрнНрм░рм╛рморм░ рмЕрмирнЗрмХ рм▓рнЛрмХрмЩрнНрмХ рмкрм╛рмЪрнЗрм░рнА рмнрм╛рмЩрнНрмЧрм┐ рмХрмжрм│рнА рмЧрмЫрм░рнБ рмХрмжрм│рнА рмЦрм╛рмЗрммрм╛ рм╕рм╣ рмкрмирм┐рмкрм░рм┐рммрм╛ рмЪрм╛рм╖рмХрнБ рммрм┐ рмирм╖рнНрмЯ рмХрм░рнБрмЫрмирнНрмдрм┐ ред рмзрм╛рми рммрм┐рм▓рм░рнЗ рмлрм╕рм▓ рмирм╖рнНрмЯ рмХрм░рнБрмерм┐рммрм╛рммрнЗрм│рнЗ рм╕рмЮрнНрмЪрм┐рмд рмзрм╛рмирмХрнБ рмШрм░рнЗ рмкрм╢рм┐ рмирм╖рнНрмЯ рмХрм░рнБрмЫрмирнНрмдрм┐ ред 

    рм╕рнЗрмкрмЯрнЗ рм╣рм╛рмдрнА рмШрмЙрмбрм╛рмЗрммрм╛рмХрнБ рм╕рмарм┐рмХ рмкрмжрмХрнНрм╖рнЗрмк рмирнЗрмЙ рмирмерм┐рммрм╛ рмЕрмнрм┐рмпрнЛрмЧ рмЖрмгрм┐рмЫрмирнНрмдрм┐ рмЧрнНрм░рм╛рморммрм╛рм╕рнА ред рммрмирмЕрмзрм┐рмХрм╛рм░рм┐рмЩрнНрмХрнБ рмлрнЛрми рмХрм▓рнЗ рмХрнЛрмгрм╕рм┐ рм╕рнБрмлрм│ рморм┐рм│рнБрмирм┐ ред рмпрм╛рм╣рм╛рмХрнБ рмирнЗрмЗ рмЧрнНрм░рм╛рморммрм╛рм╕рнАрмЩрнНрмХ рмнрм┐рмдрм░рнЗ рмЕрм╕рмирнНрмдрнЛрм╖ рммрмврм┐рммрм╛ рм╕рм╣ рмЖрмЧрм╛рморнА рмжрм┐рмирм░рнЗ рммрми рммрм┐рмнрм╛рмЧрм░ рмХрм╛рм░рнНрмпрнНрнЯрм╛рм│рнЯрмХрнБ рмШрнЗрм░рм╛рмЙ рмХрм░рм┐рммрм╛рмХрнБ рм╕рмЬрммрм╛рмЬ рм╣рнЗрмЙрмЫрмирнНрмдрм┐ рмЧрнНрм░рм╛рморммрм╛рм╕рнАред рмЕрмирнНрнЯрмкрмЯрнЗ рм╣рм╛рмдрнА рмкрм▓рмЙрмкрм░рнЗ рмирмЬрм░ рм░рмЦрм╛рмпрм┐рммрм╛ рм╕рм╣ рмЦрнБрммрм╢рнАрмШрнНрм░ рм╣рм╛рмдрнА рмЧрнБрмбрм┐рмХрнБ рмШрмЙрмбрм╛рмЗрммрм╛рмХрнБ рмЙрмжрнНрнЯрмо рмЬрм╛рм░рм┐ рм░рм╣рм┐рмерм┐рммрм╛ рммрмирмЕрмзрм┐рмХрм╛рм░рм┐ рмХрм╣рм┐рмЫрмирнНрмдрм┐ ред рм╕рм░рмХрм╛рм░рмЩрнНрмХ рмирм┐рнЯрмо рмЕрмирнБрмпрм╛рнЯрнА рмХрнНрм╖рнЯрмХрнНрм╖рмдрм┐рм░ рмЖрмХрм│рми рмХрм░рм┐ рмХрнНрм╖рмдрм┐рмкрнВрм░рмг рмжрнЗрммрм╛ рм╕рм╣ рм╣рм╛рмдрнА рмЖрм╕рнБрмерм┐рммрм╛ рм╕рнНрмерм╛рми рмЧрнБрмбрм┐рмХрм░рнЗ рм╕рнЛрм▓рм╛рм░ рм╕рм┐рм╖рнНрмЯрморм░ рмкрнНрм░рм╕рнНрмерм╛рмм рмжрм┐рмЖрмпрм╛рмЗрмерм┐рммрм╛ рмХрм╣рм┐рмЫрмирнНрмдрм┐ рммрмирммрм┐рмнрм╛рмЧ ред

    рмдрнЗрммрнЗ рмЬрмЩрнНрмЧрм▓ рммрм┐рмнрм╛рмЧрм░ рм╕рмарм┐рмХ рм╣рм╛рмдрнА рмкрм░рм┐рмЪрм╛рм│рмирм╛рм░рнЗ рммрнБрмЭрм╛рммрмгрм╛рм░ рмЕрмнрм╛рмм рмпрнЛрмЧрнБрмБ рмЧрм╛рмБ рморнБрм╣рм╛рмБ рм╣рнЗрмЙрмЫрмирнНрмдрм┐ рм╣рм╛рмдрнАрмкрм▓ред

    рмкрнНрм░рмнрм╛рмд рмХрнБрморм╛рм░ рмкрм╛рмгрм┐рмЩрнНрмХ рм░рм┐рмкрнЛрм░рнНрмЯ

  • рморнМрм│рм┐рмХ рм╕рммрнБрмзрм╛ рм╕рнБрмпрнЛрмЧрм░рнБ рммрмЮрнНрмЪрм┐рмд рмПрмХ рмЧрм╛рмБ

    рмкрм┐рмкрм┐рм▓рм┐: рмирм╛рм╣рм┐рмБ рмирм╛рм╣рм┐рмБрм░рнЗ рмкрм┐рмкрм┐рм▓рм┐ рммрнНрм▓рмХ рм╕рмВрмкрнБрм░ рмкрмЮрнНрмЪрм╛рнЯрмдрм░ рмЧрнЛрмХрми рморм│рм┐рмХ рм╕рм╛рм╣рм┐ ред рмПрм╣рм┐ рмЧрм╛рмБрм░рнЗ рм░рм╣рнБрмЫрмирнНрмдрм┐ рнйрнж рм░рнБ рмЕрмзрм┐рмХ рмкрм░рм┐рммрм╛рм░ ред рм╕рнНрммрм╛рмзрнАрмирмдрм╛рм░ рннрнл рммрм░рнНрм╖ рмкрм░рнЗ рммрм┐ рм╕рм░рмХрм╛рм░рнА рмпрнЛрмЬрмирм╛ рм╕рмдрнЗ рмпрнЗрморм┐рмдрм┐ рмПрморм╛рмирмЩрнНрмХ рмкрм╛рмЗрмБ рм╕рм╛рмд рм╕рмкрми ред рмирм╛ рмЕрмЫрм┐ рм░рм╛рм╕рнНрмдрм╛ рмирм╛ рморм┐рм│рнБрмЫрнБ рмкрм╛рмирнАрнЯ рмЬрм│, рмПрморм┐рмдрм┐ рмХрм┐ рммрм┐рмжрнНрнЯрнБрмд рмЦрнБрмгрнНрмЯ рмерм┐рм▓рнЗ рммрм┐ рмШрм░ рмЕрмирнНрмзрм╛рм░рм░рнЗ рм╕рм╛рм╣рм┐рммрм╛рм╕рнА ред рммрм╛рм░рморнНрн▒рм╛рм░ рм╕рм░рмХрм╛рм░рмЩрнНрмХрнБ рмЧрнБрм╣рм╛рм░рнА рмХрм░рм┐рм▓рнЗ рмормзрнНрнЯ рмлрм│ рм╢рнВрми ред рмпрнЗрморм┐рмдрм┐ рм╕рм░рмХрм╛рм░рмЩрнНрмХ рмжрнГрм╖рнНрмЯрм┐ рмЕрмврнБрмЖрм│рм░рнЗ рм░рм╣рм┐ рмпрм╛рмЗрмЫрм┐ рмПрм╣рм┐ рмЧрм╛рмБрмЯрм┐ ред

    рмЧрм╛рмБрм░рнЗ рм░рм╣рнБрмЫрмирнНрмдрм┐ рнйрнжрм░рнБ рмЕрмзрм┐рмХ рмкрм░рм┐рммрм╛рм░ ред рм╕рнНрммрм╛рмзрнАрмирмдрм╛рм░ рннрнл рммрм░рнНрм╖ рмкрм░рнЗ рммрм┐ рм╕рм░рмХрм╛рм░рнА рмпрнЛрмЬрмирм╛ рм╕рмдрнЗ рмпрнЗрморм┐рмдрм┐ рмПрморм╛рмирмЩрнНрмХ рмкрм╛рмЗрмБ рм╕рм╛рмд рм╕рмкрми рм╣рнЛрмЗрм░рм╣рм┐рмЫрм┐ ред рмирм╛ рмЕрмЫрм┐ рмЧрм╛рмБрмХрнБ рмпрм┐рммрм╛ рмкрм╛рмЗрмБ рмнрм▓ рм░рм╛рм╕рнНрмдрм╛ рмирм╛ рморм┐рм│рнБрмЫрм┐ рм╢рнБрмжрнНрмз рмкрм╛рмирнАрнЯ рмЬрм│, рммрм┐рмжрнНрнЯрнБрмд рмЦрнБрмгрнНрмЯ рмЕрмЫрм┐ рмХрм┐рмирнНрмдрнБ рмШрм░ рмЕрмирнНрмзрм╛рм░, рмЭрм╛рмЯрм┐рморм╛рмЯрм┐ рмШрм░рнЗ рм░рм╣рнБрмЫрмирнНрмдрм┐, рмХрм┐рмирнНрмдрнБ рм▓рнЛрмХрмЩрнНрмХрнБ рморм┐рм│рнБрмирм┐ рмЖрммрм╛рм╕ рмпрнЛрмЬрмирм╛ ред рмлрмирм┐ рмЧрм▓рм╛рмгрм┐ рмХрм┐рмирнНрмдрнБ рмПрмкрм░рнНрмпрнНрнЯрмирнНрмд рморм┐рм│рм┐рмирм┐ рмХрнНрм╖рмдрм┐рмкрнВрм░рмг ред рмЧрм╛рмБрмХрнБ рмпрм┐рммрм╛ рмкрм╛рмЗрмБ рм░рм╛рм╕рнНрмдрм╛ рмирмерм┐рммрм╛рм░рнБ рмХрнЗрмирм╛рм▓ рм░рм╛рм╕рнНрмдрм╛рм░рнЗ рмпрм┐рммрм╛ рмЖрм╕рм┐рммрм╛ рмХрм░рмирнНрмдрм┐ рмЧрм╛рмБрм▓рнЛрмХрнЗ редрммрм░рнНрм╖рм╛ рм╣рнЗрм▓рнЗ рмкрм┐рм▓рм╛рмЩрнНрмХ рмкрм╛рма рмкрмврм╛ рммрмирнНрмжред рмПрморм┐рмдрм┐ рмХрм┐ рмЖрморнНрн▒рнБрм▓рм╛рмирнНрм╕ рмормзрнНрнЯ рмпрм╛рмЗрмкрм╛рм░рнБрмирм┐ рм╕рм╛рм╣рм┐ рмнрм┐рмдрм░рмХрнБ ред рмлрм│рм░рнЗ рм░рнЛрмЧрнАрморм╛рмирнЗ рмормзрнНрнЯ рм╣рмЗрм░рм╛рмг рм╣рнЛрмЗрмерм╛рмирнНрмдрм┐ ред рммрмЬрм╛рм░ рмШрм╛рмЯ рмХрм┐рморнНрммрм╛ рмУрнМрм╖рмз рмЖрмгрм┐рммрм╛ рмкрм╛рмЗрмБ рмкрм╛рмЮрнНрмЪ рмХрм┐рм▓рнЛрморм┐рмЯрм░ рм░рм╛рм╕рнНрмдрм╛ рммрнБрм▓рм┐ рмХрм┐ рмпрм┐рммрм╛рмХрнБ рмкрмбрнБрмЫрм┐ ред рм╕рморм╕рнНрнЯрм╛рм░ рмЧрмирнНрмдрм╛рмШрм░ рм╕рмВрмкрнБрм░ рмкрмЮрнНрмЪрм╛рнЯрмд, рмЖрмЙ рм╕рм░рм╛рмХрм╛рм░рмЩрнНрмХ рмжрнГрм╖рнНрмЯрм┐ рмЖрмврнБрмЖрм│рм░рнЗ рм░рм╣рм┐рмпрм╛рмЗрмЫрм┐ рмПрм╣рм┐ рмЧрм╛рмБрмЯрм┐ред рммрм╛рм░рморнНрммрм╛рм░ рмЙрмЪрнНрмЪрмкрмжрм╕рнНрме рмЕрмзрм┐рмХрм╛рм░рнАрмЩрнНрмХрнБ рмЧрнБрм╣рм╛рм░рнА рмХрм░рм┐рм▓рнЗ рмормзрнНрнЯ рмлрм│ рм╢рнВрми рмерм┐рммрм╛ рмЧрнНрм░рм╛рморммрм╛рм╕рнА рмЕрмнрм┐рмпрнЛрмЧ рмХрм░рмирнНрмдрм┐ред

    рмПрм╣рм┐ рм╕рммрнБ рм╕рморм╕рнНрнЯрм╛ рмкрм╛рмЗрмБ рм╕рморм╕рнНрмд рм╕рм░рмХрм╛рм░рнА рмЕрмзрм┐рмХрм╛рм░рнАрмЩрнНрмХрнБ рмирм┐рммрнЗрмжрми рмХрм░рм┐рмЫрмирнНрмдрм┐ рмЧрм╛рмБрм▓рнЛрмХрнЗред рм╣рнЗрм▓рнЗ рмХрнЗрм╣рм┐ рммрм┐ рм╢рнБрмгрнБ рмирм╛рм╣рм╛рмирнНрмдрм┐ рм╕рнЗрморм╛рмирмЩрнНрмХ рмХрмерм╛ ред рмПрм╕рморнНрмкрм░рнНрмХрм░рнЗ рм╕рм░рмкрмЮрнНрмЪрмЩрнНрмХрнБ рмкрмЪрм╛рм░рм┐рммрм╛ рмдрм╛рмЩрнНрмХ  рмкрнНрм░рмдрм┐рмХрнНрм░рм┐рнЯрм╛ рмХрм┐, рммрм┐рмзрм╛рнЯрмХ рмП рм╕рморм╕рнНрнЯрм╛ рм╕рморнНрмкрм░рнНрмХрм░рнЗ  рмкрнВрм░рнНрммрм░рнБ рмЕрммрмЧрмд рмЕрмЫрмирнНрмдрм┐ ред рммрм┐рмнрм╛рмЧрнАрнЯ рмЕрмзрм┐рмХрм╛рм░рнАрморм╛рмирмЩрнНрмХ рм╕рм╣рм┐рмд рмЖрм▓рнЛрмЪрмирм╛ рмХрм░рм┐  рм╕рморм╕рнНрнЯрм╛ рм╕рморм╛рмзрм╛рми рмХрм░рм╛рмпрм┐рммред рмЕрмирнНрнЯрмкрмЯрнЗ рмЦрнБрмм рм╢рнАрмШрнНрм░ рм╕рморм╕рнНрнЯрм╛рм░ рм╕рморм╛рмзрм╛рми рмХрм░рм╛рмпрм┐рмм рммрнЛрм▓рм┐ рмХрм╣рм┐рмЫрмирнНрмдрм┐ рммрм┐рмзрм╛рнЯрмХ ред рмПрммрнЗ рмжрнЗрмЦрм┐рммрм╛рмХрнБ рммрм╛рмХрм┐ рм░рм╣рм┐рм▓рм╛ рмХрнЗрммрнЗ рмПрм╣рм┐ рмЧрнНрм░рм╛рморммрм╛рм╕рнАрмЩрнНрмХ рмжрнБрмГрмЦ рмжрнВрм░ рм╣рнЗрммред

    рм╕рмирнНрмдрнЛрм╖ рмкрнНрм░рмзрм╛рмирмЩрнНрмХ рм░рм┐рмкрнЛрм░рнНрмЯ

  • рмкрнНрм░рмермо рм╕рнЛрм▓рм╛рм░ рмЧрм╛рмБрм░ рмЙрмжрмШрм╛рмЯрми

    рмирнВрмЖрмжрм┐рм▓рнНрм▓рнА: рмнрм╛рм░рмдрм░ рмкрнНрм░рмермо рм╕рнЛрм▓рм╛рм░ рмЧрм╛рмБрм░ рмЙрмжрмШрм╛рмЯрми рмХрм░рм┐рммрнЗ рмкрнНрм░рмзрм╛рмирмормирнНрмдрнНрм░рнА рмирм░рнЗрмирнНрмжрнНрм░ рморнЛрмжрм┐ред рмЖрмЬрм┐ рм╕рмВрмирнНрмзрнНрнЯрм╛ рнл.рнйрнжрм░рнЗ рморнЛрмжрм┐ рмЧрнБрмЬрнБрм░рм╛рмЯрм░ рморнЛрмжрнЗрм░рм╛ рмЧрм╛рмБрмХрнБ рм╕рнЛрм▓рм╛рм░ рмЧрм╛рмБ рмнрм╛рммрнЗ рмШрнЛрм╖рмгрм╛ рмХрм░рм┐рммрм╛рмХрнБ рмпрм╛рмЙрмЫрмирнНрмдрм┐ред рмЧрм╛рмБрм░рнЗ рнзрнйрнжрнжрм░рнБ рмЕрмзрм┐рмХ рм╕рнЛрм▓рм╛рм░ рмкрнЗрмирнЗрм▓ рм▓рм╛рмЧрм┐рмЫрм┐ред рмПрм╣рм╛рмжрнНрммрм╛рм░рм╛ рмЧрм╛рмБрм░ рнирнк рмШрмгрнНрмЯрм╛ рммрм┐рмжрнНрнЯрнБрмд рм╢рмХрнНрмдрм┐ рмЙрмдрнНрмкрм╛рмжрми рм╣рнЗрммред рнорнжрмХрнЛрмЯрм┐ рмЯрмЩрнНрмХрм╛ рммрм┐рмирм┐рморнЯрм░рнЗ рмирм┐рм░рнНрморм┐рмд рмПрм╣рм╛ рмирм┐рм░рнНрморм╛рмг рмХрм░рм╛рмпрм╛рмЗрмЫрм┐ред рмПрм╣рм╛ рмкрм░рнЗ рморнЛрмжрнАрм╢рнНрн▒рм░рнА рмормирнНрмжрнАрм░ рмжрм░рнНрм╢рми рмХрм░рм┐рммрм╛ рмкрм░рнЗ рм╕рнВрм░рнНрмпрнНрнЯ рмормирнНрмжрм┐рм░ рмормгрнНрмбрмк рмкрм░рм┐рмжрм░рнНрм╢рми рмХрм░рм┐рммрм╛рм░ рмХрм╛рм░рнНрмпрнНрнЯрмХрнНрм░рмо рм░рм╣рм┐рмЫрм┐ ред

  • рммрм┐рм╣рм╛рм░рм░ рмЖрмЗрмЖрмЗрмЯрм┐ рмЧрм╛рмБ

    рм╕рморм╕рнНрмдрмЩрнНрмХрм░ рмЫрнЛрмЯ рммрнЗрм│рнБ рмЗрмЫрм╛ рмкрм╛рма рмкрмврм┐ рммрмб рмормгрм┐рм╖ рм╣рнЗрммрнЗред рмХрм╛рм╣рм╛рм░ рмбрм╛рмХрнНрмдрм░, рмЖрмЙ рмХрм╛рм╣рм╛рм░ рмЗрмЮрнНрмЪрм┐рмирм┐рнЯрм░, рмЖрмЙ рмХрм╛рм╣рм╛рмХрнБ рммрнИрмЬрнНрмЮрм╛рмирм┐рмХ рмПрммрмВ рмХрм╛рм╣рм╛рмХрнБ рм╢рм┐рмХрнНрм╖рмХрмдрм╛ рмХрм░рм┐рммрм╛рмХрнБ рмЗрмЫрм╛ рмерм╛рмПред рмХрмарм┐рми рмкрм░рм┐рм╢рнНрм░рмо рм╣рм┐рмБ рм╕рмлрм│рмдрм╛рм░ рмЪрм╛рммрм┐рмХрм╛рмарм┐ред рмпрнЗрмЙрмБ рмкрм┐рм▓рм╛ рмкрм░рм┐рм╢рнНрм░рмо рмХрм░рм┐ рмирм┐рмЬ рмжрнГрмв рмЗрмЫрм╛ рм╢рмХрнНрмдрм┐ рммрм│рм░рнЗ рмкрм╛рма рмкрмврм┐рм▓рм╛ рм╕рнЗ рмЖрмЧрмХрнБ рмЧрм▓рм╛ рммрнЛрм▓рм┐ рмХрнБрм╣рмирнНрмдрм┐ред рмЖрмЙ рмдрм╛ рм╕рм╣ рмЧрнБрм░рнБ рмЧрнБрм░рнБрмЬрми, рммрм╛рмкрм╛ рморм╛рмЩрнНрмХ рмЖрм░рнНрм╢рнАрммрм╛рмж рмормзрнНрнЯ рмжрм░рмХрм╛рм░ред рмПрмдрм┐рмХрм┐рм░рнЗ рмЫрм╛рмдрнНрм░рмЫрм╛рмдрнНрм░рнА рм╕рмкрм│ рм╣рнЛрмЗ рмирм╛рмБ рмХрм░рм┐ рмЧрнМрм░рмм рмЖрмгрм┐рмерм╛рмПред рм╣рнЗрм▓рнЗ рмнрм╛рм░рмдрм░рнЗ рмПрморм┐рмдрм┐ рмПрмХ рм╕рнНрмерм╛рми рмЕрмЫрм┐ рмпрнЗрмЙрмБрмарм┐ рм╕рммрнБрмШрм░рм░ рмкрм┐рм▓рм╛ рмЖрмЗрмЖрмЗрмЯрм┐рм░рнЗ рм╕рмлрм│рмдрм╛ рмкрм╛рмЗрмЫрмирнНрмдрм┐ред рммрм┐рм╣рм╛рм░рм░ рмЧрнЯрм╛ рмЬрм┐рм▓рнНрм▓рм╛рм░рнЗ рмерм┐рммрм╛ рмкрмЯрммрм╛рмЯрнЛрм▓рм┐ рмЧрм╛рмБрмХрнБ рмЖрмЗрмЖрмЗрмЯрм┐рморм╛рмирмЩрнНрмХ рмЧрм╛рмБ рммрнЛрм▓рм┐ рмХрнБрм╣рм╛рмпрм╛рмПред

    рмкрнНрм░рмдрм┐рммрм░рнНрм╖ рмЕрмзрм┐рмХрм╛рмВрм╢ рмкрм┐рм▓рм╛ рмЖрмЗрмЖрмЗрмЯрм┐ рмкрм░рнАрмХрнНрм╖рм╛ рмкрм╛рм╕ рмХрм░рм┐ рмжрнЗрм╢рм░ рмПрм╣рм┐ рммрнГрм╣рмдрнНрмдрмо рм╢рм┐рмХрнНрм╖рм╛ рмкрнНрм░рмдрм┐рм╖рнНрмарм╛рмирм░рнЗ рмкрм╛рма рмкрмврм┐рммрм╛рм░ рм╕рнБрмпрнЛрмЧ рмкрм╛рмЗрмерм╛рмирнНрмдрм┐ ред рмПрм╣рм╛рм╕рм╣ рмПрм╣рм┐ рмЧрм╛рмБрм░рнЗ рм▓рм╛рмЗрммрнНрм░рнЗрм░рнА рмормзрнНрнЯ рмирм┐рм░рнНрморм╛рмг рм╣рнЛрмЗрмЫрм┐ред рмкрм┐рм▓рм╛рморм╛рмирнЗ рмормзрнНрнЯ рммрм┐рмирм╛ рмХрнМрмгрм╕рм┐ рмХрнЛрмЪрм┐рмВрм░рнЗ рмПрм╣рм┐ рмкрм░рнАрмХрнНрм╖рм╛ рмкрм╛рм╕ рмХрм░рнБрмерм┐рммрм╛ рмЬрмгрм╛рмкрмбрм┐рмЫрм┐ред рмХрм┐рмЫрм┐ рмкрм┐рм▓рм╛ рмЙрмдрнНрмдрнАрм░рнНрмгрнНрмг рм╣рнЗрмЙрмерм┐рммрм╛ рммрнЗрм│рнЗ рмЖрмЙ рмХрм┐рмЫрм┐ рмкрм┐рм▓рм╛ рмкрм╛рм╕ рм╣рнЛрмЗрмкрм╛рм░рмирнНрмдрм┐рмирм╛рм╣рм┐рмБред рм╕рнЗрмкрмЯрнЗ рмЖрмЗрмЖрмЗрмЯрм┐ рмкрм╛рм╕ рмХрм░рм┐рм╕рм╛рм░рм┐рм▓рм╛ рмкрм░рнЗ рмкрм┐рм▓рм╛рморм╛рмирмЩрнНрмХрнБ рмЕрмирм▓рм╛рмЗрми рмХрнНрм▓рм╛рм╕ рмХрм░рм┐ рмкрм╛рмармкрмврм╛рм░рнЗ рм╕рм╣рмпрнЛрмЧ рмХрм░рнБрмЫрмирнНрмдрм┐ред рмпрм╛рм╣рм╛ рмлрм│рм░рнЗ рмкрнНрм░рмдрнНрнЯрмХ рммрм░рнНрм╖ рмПрмарм┐рмХрм╛рм░ рмкрм┐рм▓рм╛ рмЖрмЗрмЖрмЗрмЯрм┐рм░рнЗ рмнрм▓ рм░рнЗрмЬрм▓рнНрмЯ рмХрм░рнБрмерм┐рммрм╛ рмЬрмгрм╛рмкрмбрм┐рмЫрм┐ред

    • рм╕рнМрмирнНрмжрм░рнНрмпрнНрнЯрм╛ рморм╣рм╛рмирнНрмдрм┐рмЩрнНрмХ рм░рм┐рмкрнЛрм░рнНрмЯ
  • рмЧрм╛рмБрмХрнБ рмпрм┐рммрм╛рмкрм╛рмЗрмБ рмирм╛рм╣рм┐рмБ рм░рм╛рм╕рнНрмдрм╛,,,рмШрм░рнЗ рмШрм░рнЗ рм░рм╣рм┐рмЫрм┐ рмбрмЩрнНрмЧрм╛

    рмжрнБрмирм┐рмЖрм░рнЗ рмЖрмЬрм┐ рммрм┐ рмПрморм┐рмдрм┐ рм╕рнНрмерм╛рми рмЕрмЫрм┐, рмпрнЗрмЙрмБрмарм┐ рмпрм┐рммрм╛ рмЖрм╕рм┐рммрм╛ рмкрм╛рмЗрмБ рм░рм╛рм╕рнНрмдрм╛рмЯрм┐рмП рмирм╛рм╣рм┐рмБред рмПрм╣рм╛рм░ рмЕрм░рнНрме рмирнБрм╣рнЗрмБ рмХрм┐, рм╕рнЗрмарм╛рм░ рм╕рм░рмХрм╛рм░ рм░рм╛рм╕рнНрмдрм╛ рмирм┐рм░рнНрморм╛рмг рмХрм░рм┐ рмирм╛рм╣рм╛рмирнНрмдрм┐ред рмЬрм│рмкрме рм╕рнЗрмарм╛рм░рнЗ рмпрм╛рмдрм╛рнЯрм╛рмдрм░ рмПрмХрморм╛рмдрнНрм░ рморм╛рмзрнНрнЯрморедрмдрнЗрмгрнБ рм▓рнЛрмХрмЩрнНрмХрнБ рмХрм╛рм░ рмХрм┐рморнНрн▒рм╛ рммрм╛рмЗрмХ рмХрм┐рмгрм┐рммрм╛рм░ рмжрм░рмХрм╛рм░ рмкрмбрм┐рмирмерм╛рмПред рм▓рнЛрмХрнЗ рмирм┐рмЬ рм╕рмЮрнНрмЪрнЯрм░рнБ рмбрмЩрнНрмЧрм╛ рмХрм┐рмгрм┐рмерм╛рмирнНрмдрм┐ред рм╕рнЗрморм┐рмдрм┐ рмПрмХ рм╕рнНрмерм╛рми рммрм┐рм╖рнЯрм░рнЗ рмЖрм╕рмирнНрмдрнБ рмЬрм╛рмгрм┐рммрм╛редрмПрмнрм│рм┐ рмЕрмирнЗрмХ рмЬрм╛рмЧрм╛ рмЕрмЫрм┐ рмпрм╛рм╣рм╛ рм╕рнЗрморм╛рмирмЩрнНрмХ рммрм┐рм╢рнЗрм╖рмдрм╛ рмкрм╛рмЗрмБ рмкрнНрм░рм╕рм┐рмжрнНрмзрм┐ рм▓рм╛рмн рмХрм░рм┐рмЫрм┐ред рмХрнЗрмЙрмБрмарм┐ рмЦрм╛рмжрнНрнЯ рмкрм╛рмЗрмБ рмд рмЖрмЙ рмХрнЗрмЙрмБрмарм┐ рмкрм░рнНрмпрнНрнЯрмЯрмирм╕рнНрмерм│рнА, рмЖрмЙ рмХрнЗрмЙрмБрмарм┐ рмормирнНрмжрм┐рм░ рмкрм╛рмЗрмБред рмЖрмЬрм┐ рмПрморм┐рмдрм┐ рмПрмХ рм╕рнНрмерм╛рми рм╕рморнНрмкрм░рнНрмХрм░рнЗ рмЬрм╛рмгрм┐рммрм╛ рмпрнЗрмЙрмБрмарм┐ рммрм┐рмирм╛ рм░рм╛рм╕рнНрмдрм╛рм░рнЗ рм▓рнЛрмХрморм╛рмирнЗ рммрм╕рммрм╛рм╕ рмХрм░рнБрмЫрмирнНрмдрм┐ред рмХрнМрмгрм╕рм┐ рмпрм╛рмирммрм╛рм╣рм╛рми рмХрм┐рмгрм┐рммрм╛рм░ рмЖрммрм╢рнНрнЯрмХрмдрм╛ рмормзрнНрнЯ рмирм╛рм╣рм┐рмБред рмХрнЗрммрм│ рмбрмЩрнНрмЧрм╛ рмПрморм╛рмирмЩрнНрмХ рмпрм╛рмдрм╛рнЯрм╛рмдрм░ рмПрмХрморм╛рмдрнНрм░ рморм╛рмзрнНрнЯрморедрмирнЗрмжрм░рм▓рнНрнЯрм╛рмгрнНрмбрм░ рмЧрм┐рм░рнНрмерми рмПрмХ рмЫрнЛрмЯ рмЧрм╛рмБ ред

    рмЧрм╛рмБрмЯрм┐ рмПрмдрнЗ рм╕рнБрмирнНрмжрм░ рмпрнЗ, рмерм░рнЗ рмирнБрм╣рнЗрмБ рммрм╛рм░рморнНрн▒рм╛рм░ рм╕рнЗрмарм╛рмХрнБ рмпрм┐рммрм╛рмХрнБ рмЗрмЫрм╛ рм╣рнЗрммред рмЧрм╛рмБрмЯрм┐рм░ рммрнИрм╢рм┐рм╖рнНрмЯрнНрнЯ рмПрм╣рм╛рмХрнБ рммрм┐рм╢рнНрммрм░рнЗ рмкрнНрм░рм╕рм┐рмжрнНрмзрм┐ рмЖрмгрм┐рмжрнЗрмЗрмЫрм┐ред рмПрм╣рм┐ рмЧрм╛рмБрм░рнЗ рм░рм╛рм╕рнНрмдрм╛ рмирм╛рм╣рм┐рмБред рмдрнЗрмгрнБ рмПрм╣рм╛рмХрнБ рмирнЗрмжрм░рм▓рнНрнЯрм╛рмгрнНрмбрм░ рмнрнЗрмирм╕ рмормзрнНрнЯ рмХрнБрм╣рм╛рмпрм╛рмПред рмХрнЗрммрм│ рмбрмЩрнНрмЧрм╛рм░рнЗ рмпрм┐рммрм╛рмЖрм╕рм┐рммрм╛ рмХрм░рм┐рмерм╛рмирнНрмдрм┐ рм▓рнЛрмХрнЗред рмЧрм╛рмБрм░ рмкрнНрм░рм╛рмХрнГрмдрм┐рмХ рм╕рнМрмирнНрмжрм░рнНрмпрнНрнЯ рммрнЗрм╢ рмЖрмХрм╖рм░рнНрмгрнАрнЯред рмПрм╣рм╛рмХрнБ рмжрнЗрмЦрм┐рммрм╛рмХрнБ рмжрнЗрм╢ рммрм┐рмжрнЗрм╢рм░рнБ рммрм╣рнБ рм▓рнЛрмХрмЩрнНрмХ рм╕рнБрмЕ рмЫрнБрмЯрм┐рмерм╛рмПред рмПрм╣рм┐ рмЧрм╛рмБрм░рнЗ рмЧрм╛рмбрм┐рморнЛрмЯрм░ рмЪрм╛рм▓рнБрмирмерм┐рммрм╛рм░рнБ рмкрм░рм┐рммрнЗрм╢ рмкрнНрм░рмжрнВрм╖рмгрм░ рмЖрм╢рмЩрнНрмХрм╛ рми рмерм╛рмПред рмПрмарм╛рмХрм╛рм░ рмЬрмирм╕рмВрмЦрнНрнЯрм╛ рнйрм╣рмЬрм╛рм░ рм╣рнЛрмЗрмерм┐рммрм╛ рммрнЗрм│рнЗ рмкрнНрм░рмдрнНрнЯрнЗрмХ рмкрм░рм┐рммрм╛рм░рм░ рмирм┐рмЬрм╕рнНрн▒ рмбрмЩрнНрмЧрм╛ рм░рм╣рм┐рмЫрм┐ред рм╢рнАрмдрмжрм┐рмирм░рнЗ рмПрм╣рм┐ рм╕рнНрмерм╛рмирм░рнЗ рммрм░рмл рмЬрморм╛ рм╣рнЛрмЗрмерм╛рмПред рмпрнЗрмЙрмБрмерм┐рмкрм╛рмЗрмБ рм▓рнЛрмХрморм╛рмирнЗ рммрм░рмл рм╕рнНрмХрнЗрмЯрм┐рмВрмХрнБ рмЙрмкрмнрнЛрмЧ рмХрм░рм┐рмерм╛рмирнНрмдрм┐ред рммрм░рнНрм╖рм░ рммрм┐рмнрм┐рмирнНрми рм╕рморнЯрм░рнЗ рмПрмарм╛рмХрнБ рм▓рм╛рмЧрм┐рмерм╛рмП рмкрм░рнНрмпрнНрнЯрмЯрмХрмЩрнНрмХ рмнрм┐рмбред

    • рм╕рнМрмирнНрмжрм░рнНрмпрнНрнЯрм╛ рморм╣рм╛рмирнНрмдрм┐рмЩрнНрмХ рм░рм┐рмкрнЛрм░рнНрмЯ.
Back to top button